କର୍ଣ୍ଣାଟକ : କରୋନା ଭାଇରସ୍ ମୁକାବିଲା ପାଇଁ ନୂତନ ପଦକ୍ଷେପ ସ୍ବରୂପ କର୍ଣ୍ଣାଟକ ସରକାର ମୋବାଇଲ୍ ଫିଭର୍ କ୍ଲିନିକ୍ର ଆରମ୍ଭ କରିଛନ୍ତି । କର୍ଣ୍ଣାଟକ ସରକାର ବସ୍ଗୁଡିକୁରେ ମୋବାଇଲ୍ ଫିଭର୍ କ୍ଲିନିକ୍ ବନାଇଛନ୍ତି। ଏହି ବସ୍ରେ କୋଭିଡ୍ 19 ପାଇଁ ସ୍ବାବ ସଂଗ୍ରହ ହେବା ସହିତ ସିବିସି, ସିଆରପି ଓ ଇଏସଆରର ମଧ୍ୟ ସୁବିଧା ରହିବ।
କର୍ଣ୍ଣାଟକ ମୁଖ୍ୟମନ୍ତ୍ରୀ ୟେଦୁରପ୍ପା ଆଜି ଏହି ବସ୍ର ଉଦ୍ଘାଟନ କରିଥିବାବେଳେ ଆଗାମୀ ସମୟରେ ଆଉ ତିନୋଟି ମୋବାଇଲ ଫିଭର୍ କ୍ଲିନିକର ଆରମ୍ଭ କରାଯିବ । ପୂର୍ବରୁ କର୍ଣ୍ଣାଟକ ସରକାର ଏକ ଅଭିନବ ଉପାୟ ଜରିଆରେ ବେଙ୍ଗାଲୁରୁରେ 96ଟି ଫିଭର କ୍ଲିନିକ୍ ଖୋଲିଥିଲେ ଯାହା ଫର୍ଷ୍ଟ ଲାଇନ୍ ଅଫ୍ ଡିଫେନ୍ସ ରୂପେ କାର୍ଯ୍ୟ କରୁଛି ।
ଥଣ୍ଡା, କାଶ, ନିଃଶ୍ବାସ ନେବାରେ କଷ୍ଟ ଅନୁଭବ କରୁଥିବା ଲୋକଙ୍କୁ ଏହି ମୋବାଇଲ୍ ଫିଭର୍ କ୍ଲିନିକ୍ରେ ଯାଞ୍ଚ କରିବା ପାଇଁ ଅପିଲ୍ କରିଛନ୍ତି । ଏହି ବସ୍ ଗୁଡିକ ରେଡ୍ ଜୋନ୍ରେ ଥିବା ବସଷ୍ଟାଣ୍ଡଗୁଡିକରେ ରହିବ । ଏଠାରେ ଲୋକମାନଙ୍କୁ ପରୀକ୍ଷା କରାଯିବା ପରେ ଆକ୍ରାନ୍ତ ଚିହ୍ନଟ ବ୍ୟକ୍ତିଙ୍କୁ ତୁରନ୍ତ ହସ୍ପିଟାଲ ନିଆଯିବ । ସୂଚନାଯୋଗ୍ୟ, କର୍ଣ୍ଣାଟକରେ କରୋନା ସଂକ୍ରମିତଙ୍କ ସଂଖ୍ୟା 800 ଟପିଥିବାବେଳେ ମୃତ୍ୟୁ ସଂଖ୍ୟା 31 ଟପିଛି। (ଏଜେନ୍ସି)