Categories
ଆଜିର ଖବର ରାଜ୍ୟ ଖବର

CycloneAlert: ଗୋପାଳପୁରରୁ ୧୩୦ କିଲୋମିଟର ଦୂରରେ ଜୱାଦ, କାଲିରାତିରୁ ଚାଲିଛି ବର୍ଷା

ଭୁବନେଶ୍ୱର: ସମୁଦ୍ରରେ ଭିତରେ ଦୁର୍ବଳ ହେବାରେ ଲାଗିଛି ‘ଜୱାଦ’ । ଗଭୀର ଅବପାତରେ ପରିଣତ ହୋଇ ସାରିଛି ଜୱାଦ। ଆଉ କିଛି ସମୟ ପରେ ଅବପାତରେ ପରିଣତ ହେବ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି । ବର୍ତ୍ତମାନ ଜୱାଦ ଘଣ୍ଟାପ୍ରତି ୧୫ କିଲୋମିଟର ବେଗରେ ଗତି କରୁଛି ।

ପାଣିପାଗ ବିଭାଗ ଅନୁସାରେ ବର୍ତ୍ତମାନ ଜୱାଦ ଦକ୍ଷିଣ-ଦକ୍ଷିଣପୂର୍ବରେ ଗୋପାଳପୁର ଠାରୁ ୧୩୦ କିଲୋମିଟର ଦୂରରେ ରହିଛି । ସେହିଭଳି ପୁରୀ ଠାରୁ ଦକ୍ଷିଣ-ଦକ୍ଷିଣପଶ୍ଚିମ ଦିଗରେ ୧୮୦ କିଲୋମିଟର ଓ ପାରାଦୀପ ଠାରୁ ୨୭୦ କିଲୋମିଟର ଦୂରରେ ରହିଛି ।

ଏହାର ପ୍ରଭାବରେ ଗତକାଲି ରାତିରୁ ରାଜ୍ୟରେ କ୍ରମାଗତ ବର୍ଷା ଲାଗି ରହିଛି। ବିଭିନ୍ନ ସ୍ଥାନରେ ପ୍ରବଳ ବର୍ଷ ମଧ୍ୟ ହେବାରେ ଲାଗିଛି। ଭୁବନେଶ୍ବରରେ ପାଗ ପୁରା ଅନ୍ଧାରିଆ ରହିଛି। ଗତକାଲି ରାତିରୁ ଅନବରତ ବର୍ଷା ଲାଗି ରହିଛି।