ଆର୍ଥିକ ରୂପରେ ସବର୍ଣ୍ଣ ପଛୁଆ ବର୍ଗଙ୍କ ପାଇଁ ୧୦ ପ୍ରତିଶତ ଆରକ୍ଷଣ ଉପରେ ଦିଲ୍ଲୀ ସରକାର ବିଚାର କରିଛନ୍ତି। ଏବେ ଦିଲ୍ଲୀରେ ଏହି ଆରକ୍ଷଣର ଲାଭ ମିଳିବ। ଦିଲ୍ଲୀର ଉପ ସଚିବ ଏକ ସର୍କୁଲାର ଜାରୀ କରିଛନ୍ତି। ଫଳରେ ଦିଲ୍ଲୀରେ ଏବେ ନାଗରିକ ପଦ ଏବଂ ଚାକିରୀରେ ସିଧାସଲଖ ଭାବରେ ଭର୍ତ୍ତି ପାଇଁ ଇଡବ୍ଲ୍ୟୁଏସ୍ ବର୍ଗର ଲୋକଙ୍କୁ ୧୦ ପ୍ରତିଶତ ଆରକ୍ଷଣ ମିଳିବ। ଚଳିତ ବର୍ଷ ଏବଂ ଏହା ପରଠାରୁ ସମସ୍ତ ସରକାରୀ କ୍ଷେତ୍ରରେ ନିଯୁକ୍ତି ଭର୍ତ୍ତିରେ ଏହି ଯୋଜନା ଲାଗୁ ହେବ। ଏହା ଦ୍ୱାରା ଗରିବ ସବର୍ଣ୍ଣମାନେ ସିଧା ସଳଖ ଭାବରେ ଉପକୃତ ହେବେ। ସରକାରୀ ଚାକିରି ଓ ଶୈକ୍ଷଣୀୟ ସଂସ୍ଥାନରେ ଆର୍ଥିକ ପଛୁଆ ସବର୍ଣ୍ଣଙ୍କ କ୍ଷେତ୍ରରେ ୧୦ ପ୍ରତିଶତର ଆରକ୍ଷଣ ପାଇଁ କେନ୍ଦ୍ରୀ ମନ୍ତ୍ରିମଣ୍ଡଳ ଜାନୁଆରୀ ୭ ତାରିଖରେ ମୋହର ଲଗାଇଥିଲେ। ଏହା ପରେ ଏହି ବ୍ୟବସ୍ଥାକୁ ଜାନୁଆରୀ ୮ ତାରିଖରେ ଲୋକସଭାରେ ସମ୍ବିଧାନର ୧୨ ସଂଶୋଧନ ବିଧେୟକ ୨୦୧୯ ପେସ୍ କରାଯାଇଥିଲା। ପରେ ଏହି ବିଧେୟକଟି ଲୋକସଭାରେ ପାରିତ ହୋଇଥିଲା। ଦୁଇ ସଂସଦର ମଂଜୁରୀ ପରେ ଏହା ରାଷ୍ଟ୍ରପତି ରାମନାଥ କୋବିନ୍ଦ ଏହାକୁ ମଞ୍ଜୁରୀପ୍ରଦାନ କରିଥିଲେ।
Tag: delhi
ଦିଲ୍ଳୀର ୭ ବିଧାନସଭା ଆସନ ମଧ୍ୟରୁ ୬ ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି କଂଗ୍ରେସ। କଂଗ୍ରେସ ପକ୍ଷରୁ ଏହି ପ୍ରାର୍ଥୀ ତାଲିକାରେ ବରିଷ୍ଠ କଂଗ୍ରେସ ନେତ୍ରୀ ଶୀଲା ଦୀକ୍ଷିତ ରହିଥିବା ବେଳେ ପୂର୍ବତନ କେନ୍ଦ୍ରମନ୍ତ୍ରୀ ଅଜୟ ମାକେନ୍ ମଧ୍ୟ ରହିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତ ଉତ୍ତର ପୂର୍ବ ଦିଲ୍ଲୀରୁ ନିର୍ବାଚନ ଲଢୁଥିବା ବେଳେ ଅଜୟ ମାକେନ୍ ନୂଆଦିଲ୍ଲୀ ସିଟ୍ରୁ ନିର୍ବାଚନ ଲଢିବେ। ପୂର୍ବତନ ସାଂସଦ ଜେ.ପି ଅଗ୍ରଓ୍ବାଲ ଚାନ୍ଦନୀ ଚୌକ୍ରୁ ନିର୍ବାଚନ ଲଢୁଥିବା ବେଳେ ମହାବଳ ମିଶ୍ରା ପଶ୍ଚିମ ଦିଲ୍ଲୀରୁ ଦଳର ପ୍ରାର୍ଥୀ ରହିଛନ୍ତି।
୧. ଚାନ୍ଦନୀଚୌକ : ଜେପି ଅଗ୍ରଓ୍ବାଲ
୨. ଉତ୍ତର ପୂର୍ବ ଦିଲ୍ଲୀ : ଶୀଲା ଦୀକ୍ଷିତ
୩. ପୂର୍ବ ଦିଲ୍ଲୀ : ଅରବିନ୍ଦର ସିଂ ଲଭ୍ଲୀ
୪. ନୂଆଦିଲ୍ଳୀ : ଅଜୟ ମାକେନ
୫. ଉତ୍ତର ପଶ୍ଚିମ ଦିଲ୍ଲୀ : ରାଜେଶ ଲିଲୋଥିଆ
୬. ପଶ୍ଚିମ ଦିଲ୍ଲୀ : ମହାବଳ ମିଶ୍ରା
ମଧ୍ୟପ୍ରଦେଶ ଏବଂ ଦିଲ୍ଲୀରେ ଆୟକର ବିଭାଗ ପକ୍ଷରୁ ରେଡ୍ କରାଯାଇଥିଲା। ଯାହ ଦ୍ବାରା ୨୮୧ କୋଟି ଟଙ୍କାର ହଓ୍ବଲା ନେଟ୍ଓ୍ବର୍କ ଅର୍ଥ ମିଳିଥିବା ବେଳେ ୧୪ କୋଟି ଟଙ୍କାର ନଗଦ ଅର୍ଥ ମିଳିଥିଲା। ଆଜି ପୁନର୍ବାର ଜାରି ରହିଥିବା ଏହି ରେଡ୍ରୁ ଆଉ ୨୦ କୋଟି ଟଙ୍କା ଜବତ କରାଯାଇଛି। ଏକ ଗାଡିରେ ଦିଲ୍ଲୀର ଏକ ରାଜନୈତିକ ଦଳର ମୁଖ୍ୟାଳୟକୁ ଏହି ଅର୍ଥ ନିଆଯାଉଥିଲା ବୋଲି ଆୟକର ବିଭାଗ ପକ୍ଷରୁ ପ୍ରକାଶ କରାଯାଇଛି। ଏହା ସହିତ ଏହି ଚଢାଉରେ ୨୫୨ ବୋତଲ ମଦ ଜବତ କରାଯାଇଥିବା ନେଇ ଆୟକର ବିଭାଗ ପକ୍ଷରୁ ସୂଚନା ଦିଆଯାଇଛି। ୮୦ ରୁ ଅଧିକ କମ୍ପାନୀର ୨୩୦କୋଟି ଟଙ୍କାର ତଥ୍ୟ ହାସଲ ହୋଇଥିବା ବେଳେ ଦିଲ୍ଲୀର ଗୁରୁତ୍ବପୂର୍ଣ୍ଣ ସ୍ଥାନରେ ଅନେକ ବେନାମୀ ସମ୍ପତ୍ତି ଠାବ କରାଯାଇଛି ବୋଲି ଆୟକର ବିଭାଗ ପକ୍ଷରୁ ଜାରି କରାଯାଇଥିବା ତଥ୍ୟରେ କୁହାଯାଇଛି। ସୂଚନାଯୋଗ୍ୟ ଯେ ଆୟକର ବିଭାଗ ରବିବାର ଦିନ ମଧ୍ୟପ୍ରଦେଶ, ନୂଆଦିଲ୍ଲୀ ଏବଂ ଗୋଆର ପ୍ରାୟ ୫୦ ଟି ସ୍ଥାନର ଏକକାଳୀନ ଚଢାଉ କରିଥିଲେ। ଏହି ରେଡରେ ଏମପି ମୁଖ୍ୟମନ୍ତ୍ରୀ କମଳନାଥଙ୍କ ଅନେକ ନିକଟତରଙ୍କ ଅଫିସ ଏବଂ ଘରେ ରେଡ କରାଯାଇଥିଲା। ଏହା ମଧ୍ୟରେ କମଲନାଥଙ୍କ ପୁତୁରା ରତୁଲ୍ ପୁରୀ, ପ୍ରବୀଣ କକ୍କଡ ଏବଂ ରାଜେନ୍ଦ୍ର କୁମାର ମିଗ୍ଲାନୀ ଅନ୍ତର୍ଭୁକ୍ତ। କମଲନାଥ କେନ୍ଦ୍ର ସରକାରଙ୍କ ଉପରେ ଟାର୍ଗେଟ କରି କହିଥିଲେ ଯେ ସାଧାରଣ ନିର୍ବାଚନ ସମୟରେ ଏହିପରି ପଦକ୍ଷେପ ହେବ ବୋଲି ଆମେ ଜାଣିଥିଲୁ, ଅନ୍ୟପଟେ ବିଜେପି କହିଛି ଯେ କମଳନାଥ ନିଜର ସହଯୋଗୀଙ୍କୁ ସଂରକ୍ଷଣ ଦେଉଥିବା ଗମ୍ଭୀର ଅଭିଯୋଗ ଲଗାଇଛି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )
ଆପ୍ ସହିତ ମେଣ୍ଟ ବିପକ୍ଷରେ ଶୀଲା ଦୀକ୍ଷିତ
ପୂବର୍ତନ ଦିଲ୍ଲୀ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତ୍ରୀ ଶୀଲା ଦୀକ୍ଷିତ ଆସନ୍ତା ଲୋକସଭା ନିର୍ବାଚନରେ ଆପ୍ ସହିତ ମେଣ୍ଟ ନକରିବା ନିମନ୍ତେ କଂଗ୍ରେସ ସୁପ୍ରିମୋ ସୋନିଆ ଗାନ୍ଧୀ ଏବଂ ସଭାପତି ରାହୁଲ ଗାନ୍ଧୀଙ୍କୁ ପତ୍ର ଲେଖିବା ସହିତ ଏହା ଉପରେ ତୁରନ୍ତ ନିଷ୍ପତ୍ତି ନେବା ପାଇଁ ଅନୁରୋଧ କରିଛନ୍ତି। ଦିଲ୍ଲୀ କଂଗ୍ରେସର ମୁ୍ଖ୍ୟ ଭାବରେ କାର୍ଯ୍ୟରତ ଥିବା ଶ୍ରୀମତୀ ଦୀକ୍ଷିତ କହିଛନ୍ତି ଏହି ପଦେକ୍ଷପ ଦଳୀୟ କର୍ମୀଙ୍କ ମଧ୍ୟରେ ଅବିଶ୍ବାସର ବାତାବରଣ ସୃଷ୍ଟି କରିପାରେ ତେଣୁ ଏହା ଉପରେ ଶୀଘ୍ର ନିଷ୍ପତ୍ତି ନେବା ପାଇଁ ସେ ଅନୁରୋଧ କରିଛନ୍ତି। ଏତଦ୍ବ୍ୟତୀତ ଆପ୍ ସହିତ ମେଣ୍ଟ ଦଳର ଭବିଷ୍ୟତ କାର୍ଯ୍ୟପନ୍ଥା ଉପରେ ସନ୍ଦିହାନ ସୃଷ୍ଟି କରିପାରେ। ଅନ୍ୟ ପକ୍ଷରେ ଏହି ମାମଲାରେ ବରିଷ୍ଠ କଂଗ୍ରେସ ନେତା ପିସି ଚାକୋ ମେଣ୍ଟ ସପକ୍ଷରେ ମତବ୍ୟକ୍ତ କରିଛନ୍ତି। ଶ୍ରୀ ଚାକୋ କହିଛନ୍ତି ଯେ, କଂଗ୍ରେସର ବରିଷ୍ଠ ନେତୃବୃନ୍ଦ ନେଇଥିବା ନିଷ୍ପତ୍ତି ଦିଲ୍ଲୀରେ କାର୍ଯ୍ୟକାରୀ ହେବ। ଦଳର ପ୍ରଥମ ଲକ୍ଷ୍ୟ ହେଉଛି ବିଜେପିକୁ ପରାସ୍ତ କରିବା। ଏଥି ନିମନ୍ତେ ଦଳ ଯେକୌଣସି ବିପକ୍ଷ ଦଳ ସହିତ ଗଠବନ୍ଧନ କରିପାେରେ ବାେଲି ଚାକୋ ଏଏନ୍ଆଇକୁ ସାକ୍ଷାତକାର ଅବସରରେ କହିଛନ୍ତି। ଦଳର କାର୍ଯ୍ୟକାରୀ କମିଟି ମେଣ୍ଟ ସମ୍ପକିର୍ତ ନିଷ୍ପତ୍ତି ନେଇଥାଏ ଏବଂ ଏହି ମାମଲାରେ ମଧ୍ୟ ସମାନ ପ୍ରକ୍ରିୟା ଅବଲମ୍ବନ କରାଯିବ ବାେଲି ଶ୍ରୀ ଚାକୋ କହିଛନ୍ତି।
ବିରୋଧାଭାସ ପରେ ଚଳିତ ଲାେକସଭା ନିର୍ବାଚନ ପୂର୍ବରୁ ମେଣ୍ଟ ବିପକ୍ଷେର ମତ ରଖୁଥିବା ରାହୁଲ ଗାନ୍ଧୀ ମଧ୍ୟ ଆପ୍ ସହିତ ମେଣ୍ଟ ସପକ୍ଷରେ ସମ୍ୟକ ସୂଚନା ପ୍ରଦାନ କରିଛନ୍ତି। ପୁଲଓ୍ବାମା ଆକ୍ରମଣ ପରେ ବିଜେପି ଏବଂ କଂଗ୍ରେସ ମଧ୍ୟରେ ଘଟିଥିବା ମତେଭଦକୁ ନେଇ ଦଳୀୟ କର୍ମୀଙ୍କ ମଧ୍ୟେର ନୂତନ ମେଣ୍ଟ ସମୀକରଣର ସମ୍ଭାବନା ସୃଷ୍ଟି କରିଛି ଏବଂ ଏ ନେଇ ବେୈଠକ ବସିଥିବା ନେଇ ସୂଚନା ପ୍ରଦାନ କରିଛନ୍ତି ରାହୁଲ। ଅନ୍ୟପକ୍ଷେର ନିର୍ବାଚନ ପୂର୍ବରୁ ହାେଇଥିବା ଏକ ଅନ୍ତରୀଣ ସର୍ବେକ୍ଷଣ ଅନୁଯାୟୀ ଦିଲ୍ଳୀରେ ବିଜେପି ୩୫ପ୍ରତିଶତ ମତ ଦେଇଥିବା ବେଳେ କଂଗ୍ରେସ ଏବଂ ଆପ୍ ସପକ୍ଷରେ ଯଥାକ୍ରମେ ୨୨ଏବଂ ୨୮ପ୍ରତିଶତ ମତ ପ୍ରକାଶ ପାଇଛି ।
ଏହି ମାମଲାକୁ ନେଇ ଶ୍ରୀମତୀ ଦୀକ୍ଷିତଙ୍କ ସମେତ ଅନ୍ୟ ତିନି କାର୍ଯ୍ୟକାରୀ ସଭାପତି ହାରୁନ୍ ୟୁସୁଫ୍, ଦେବେନ୍ଦ୍ର ୟାଦବ ଏବଂ ରାଜେଶ ଲିଲୋଥିଆ ମଧ୍ୟ ଅନାଗ୍ରହ ପ୍ରକାଶ କରିଛନ୍ତି। ଅପର ପକ୍ଷରେ ବରିଷ୍ଠ ନେତା ଗୁଲାମ ନବୀ ଆଜାଦ ଏବଂ ଅହମଦ ପଟେଲ କେଜ୍ରିଓ୍ବାଲଙ୍କ ସହିତ ଦିଲ୍ଲୀ ଏବଂ ହରି୍ୟାଣାରେ ଆସନ ବୁଝାମଣା ନେଇ ଆଲୋଚନାରତ ଅଛନ୍ତି। ଆସନ୍ତା ମେ ୧୨ ତାରିଖରେ ଦିଲ୍ଲୀ ପାଇଁ ୭ଟି ଲୋକସଭା ଆସନରେ ନିର୍ବାଚନ ଅନୁଷ୍ଠିତ ହେବ।
ଦିଲ୍ଲୀରେ ହେବ କଂଗ୍ରେସ ଓ ଆପ୍ ମେଣ୍ଟ !
ଦିଲ୍ଲୀରେ କଂଗ୍ରେସ ଓ ଆମ ଆଦମି ପାର୍ଟି (ଆପ୍) ମଧ୍ୟରେ ମେଣ୍ଟ ହେବା ନେଇ ପୁଣି ଥିରେ ସମ୍ଭାବନା ସୃଷ୍ଟି ହୋଇଛି। ଏଥିପାଇଁ ଏକ ନୂଆ ଫର୍ମୁଲା ବାହାରିଥିବା ଚର୍ଚ୍ଚା ହେଉଛି। ମିଳିଥିବା ସୂଚନା ଅନୁସାରେ ଦିଲ୍ଲୀର ୭ଟି ଲୋକସଭା ଆସନ ମଧ୍ୟରୁ ତିନିଟିରେ କଂଗ୍ରେସ ଓ ତିନିଟିରେ ଆମ ଆଦମି ପାର୍ଟି ଓ ଗୋଟିକରେ ଉଭୟ ଦଳ ଦ୍ୱାରା ମନୋନୀତ ଜଣେ ବ୍ୟକ୍ତିଙ୍କୁ ପ୍ରାର୍ଥୀ କରାଯିବ। ତେବେ ପୂର୍ବ ଦିଲ୍ଲୀ, ଉତ୍ତର ଦିଲ୍ଲୀ ଓ ଦକ୍ଷିଣ ଦିଲ୍ଲୀର ଆସନ ଉପରେ ଉଭୟ ଦଳର ନଜର ରହିଛି। ଆପ୍ ମୁଖ୍ୟ ଅରବିନ୍ଦ କେଜ୍ରିଓ୍ଵାଲ୍ କଂଗ୍ରେସ ସହ ମେଣ୍ଟ କରିବାକୁ ବେଶ୍ ଆଗ୍ରହୀ ରହିଛନ୍ତି। ଏଣେ କଂଗ୍ରେସର ଦିଲ୍ଲୀ ପ୍ରଭାରୀ ପି.ସି ଚାକୋ କହିଛନ୍ତି ଭାରତୀୟ ଜନତା ପାର୍ଟିର ମୁକାବିଲା କରିବା ଲାଗି ଆପ୍ ଓ କଂଗ୍ରେସର ମେଣ୍ଟ ଜରୁରୀ ବୋଲି କହିଛନ୍ତି। ତେବେ ଏହାକୁ ନେଇ ଖୁସି ନାହାନ୍ତି ଦିଲ୍ଲୀ କଂଗ୍ରେସ ଅଧ୍ୟକ୍ଷା ଶିଲା ଦୀକ୍ଷିତ୍। ତେବେ ଦିନେ ଦୁଇଦିନ ମଧ୍ୟରେ କଂଗ୍ରେସ ଓ ଆପ୍ ମେଣ୍ଟର ଚିତ୍ର ସ୍ପଷ୍ଟ ହେବାର ସୂଚନା ରହିଛି।