ସମୀକ୍ଷା ବ୍ୟୁରୋ
ଭୁବନେଶ୍ବର : ରାଜ୍ୟରେ ବର୍ତ୍ତମାନ କେତେ ସଂଖ୍ୟାରେ ଡଲଫିନ ରହିଛନ୍ତି ସେ ନେଇ ଆରମ୍ଭ କରାଯାଇଛି ଡଲଫିନ ଗଣନା ପ୍ରକ୍ରିୟା । ରାଜନଗର – ଭିତରକନିକା ବା ରାଜନଗର ବନଖଣ୍ଡରେ ସକାଳ 6ରୁ ଡଲଫିନ୍ ଗଣନା ଆରମ୍ଭ ହୋଇଥିବାବେଳେ ଏହା ଦିନ 12ଟା ପର୍ଯ୍ୟନ୍ତ କରାଯିବ । 5ଟି ରେଞ୍ଜରେ 9ଟି ଟିମ୍ ଡଲଫିନ୍ ଗଣନା କାର୍ଯ୍ୟରେ ସାମିଲ୍ ହୋଇଥିବାର ସୂଚନା ମିଳିଛି । ସେହିପରି ଚିଲିକା ବନ୍ୟପ୍ରାଣୀ ବିଭାଗ ପକ୍ଷରୁ ଆଜି ସକାଳ 6ଟାରୁ ଡଲଫିନ୍ ଗଣନା ଆରମ୍ଭ ହୋଇଛି । ଏହି ପ୍ରକ୍ରିୟା ଦିନ 1ଟା ପର୍ଯ୍ୟନ୍ତ ଚାଲିବ ବୋଲି ଜଣାପଡିଛି। ମୋଟ୍ 18ଟି ଟିମ୍ରେ 133ଜଣ ସଦସ୍ୟଙ୍କ ଦ୍ବାରା ଚିଲିକାର ବିଭିନ୍ନ ପ୍ରାନ୍ତରୁ ଡଲଫିନ୍ ଗଣନା କରାଯାଉଛି ବୋଲି ସୂଚନା ରହିଛି । ସେହିପରି କୋଣାର୍କରେ ଡଲଫିନ୍ ଗଣନା କାର୍ଯ୍ୟ ପାଇଁ 3ଟି ଟିମ୍ ନିୟୋଜିତ ହୋଇଛନ୍ତି । ପାରାଦ୍ବୀପ କୁଜଙ୍ଗ ରେଞ୍ଜରେ ମଧ୍ୟରେ ଡଲଫିନ୍ ଗଣନା କାର୍ଯ୍ୟ ହେଉଛି ।