Tag: jio

Categories
ଆଜିର ଖବର ଜାତୀୟ ଖବର ବ୍ୟବସାୟ

ଶସ୍ତା ହେଲା ପ୍ରିପେଡ୍ ରିଚାର୍ଜ ଯୋଜନା, ଦୈନିକ କେବଳ ୧୦ ଟଙ୍କା ଖର୍ଚ୍ଚ କଲେ ପାଆନ୍ତୁ ମୋଟ ୭୨ ଜିବି ଡାଟା!

ନୂଆଦିଲ୍ଲୀ: ଭୋଡାଫୋନ୍- ଆଇଡିଆ ଏହାର ରିଚାର୍ଜ ଯୋଜନାର ମୂଲ୍ୟ ପୁଣି ଥରେ ହ୍ରାସ କରିଛି। ବାସ୍ତବରେ ଭୋଡାଫୋନ୍-ଆଇଡିଆ ଯଥା ଭିଆଇ କମ୍ପାନୀ ଏହାର ଉପଭୋକ୍ତାଙ୍କୁ ୭୧୯ ଟଙ୍କା ମୂଲ୍ୟର ପ୍ରିପେଡ୍ ରିଚାର୍ଜ ଯୋଜନା ପ୍ରଦାନ କରୁଛି। ଜୁଲାଇରେ ମୂଲ୍ୟ ବୃଦ୍ଧି ପରେ କମ୍ପାନୀ ଏହି ରିଚାର୍ଜ ଯୋଜନାକୁ ମହଙ୍ଗା କରିଦେଇଥିଲା।

ବାସ୍ତବରେ ଜୁଲାଇ ମାସରୁ ଜିଓ ଏବଂ ଏୟାରଟେଲ ସହିତ ଭିଆଇ ମଧ୍ୟ ସେମାନଙ୍କ ପ୍ରିପେଡ୍ ରିଚାର୍ଜ ଯୋଜନାଗୁଡ଼ିକର ମୂଲ୍ୟ ବୃଦ୍ଧି କରିଥିଲେ। ଏଥି ସହିତ, ଏହି କମ୍ପାନୀ ଏହାର ୭୧୯ ଟଙ୍କା ପ୍ରିପେଡ୍ ଯୋଜନାର ମୂଲ୍ୟକୁ ୮୫୯ ଟଙ୍କାକୁ ବୃଦ୍ଧି କରିଥିଲା। ବର୍ତ୍ତମାନ ଭିଆଇ ୭୧୯ ଟଙ୍କା ପୁରୁଣା ମୂଲ୍ୟରେ ପୁନର୍ବାର ଏହି ଯୋଜନା ଆରମ୍ଭ କରିଛି। Vi ର ଏହି ଯୋଜନା ବିଷୟରେ ଆସନ୍ତୁ ଜାଣିବା…..

ଏହି ଯୋଜନା ସହିତ ଭିଆଇ ଉପଭୋକ୍ତାମାନେ ଅସୀମିତ କଲିଂର ସୁବିଧା ପାଇବା ସହିତ ପ୍ରତିଦିନ ୧ ଜିବି ଡାଟା ଏବଂ ୧୦୦ ଏସଏମଏସ ପାଇପାରିବେ। Vi ର ଏହି ପ୍ରିପେଡ୍ ରିଚାର୍ଜ ଯୋଜନା ଏକ ଦୀର୍ଘ ବୈଧତା ସହିତ ଆସିଥାଏ, ତେଣୁ ଏହି ଯୋଜନା ସହିତ ଉପଭୋକ୍ତାମାନେ ୭୨ ଦିନର ବୈଧତା ପାଆନ୍ତି।

ଏହି ଯୋଜନା ସହିତ, ଉପଭୋକ୍ତାମାନେ କୌଣସି OTT ସଦସ୍ୟତା ପରି ଅନ୍ୟ କୌଣସି ସୁବିଧା ପାଆନ୍ତି ନାହିଁ। ତେଣୁ, ଭୋଡାଫୋନ୍-ଆଇଡିଆର ଏହି ଯୋଜନା ସହିତ, ଉପଭୋକ୍ତାମାନେ ସମୁଦାୟ ୭୨ ଜିବି ଡାଟା ପାଆନ୍ତି ଏବଂ ଏହି ଯୋଜନା ପାଇଁ ଉପଭୋକ୍ତାମାନଙ୍କୁ ହାରାହାରି ୯.୯୮ ଟଙ୍କା ଅର୍ଥାତ୍ ପ୍ରତିଦିନ ପ୍ରାୟ ୧୦ ଟଙ୍କା ଖର୍ଚ୍ଚ କରିବାକୁ ପଡିବ।

ଏହି ମୂଲ୍ୟ ସୀମା ମଧ୍ୟରେ ରିଲାଏନ୍ସ ଜିଓ କମ୍ପାନୀର ପ୍ରିପେଡ୍ ରିଚାର୍ଜ ଯୋଜନା ୭୯୯ ଟଙ୍କା ପାଇଁ ଉପଲବ୍ଧ। ଏହି ଯୋଜନା ସହିତ, ଉପଭୋକ୍ତାମାନେ ପ୍ରତିଦିନ ୧.୫ ଜିବି ଡାଟା, ଅସୀମିତ ଭଏସ୍ କଲିଂ ଏବଂ ପ୍ରତିଦିନ ୧୦୦ SMS ସୁବିଧା ପାଇପାରିବେ।

ଏହି ଯୋଜନାର ବୈଧତା ୮୪ ଦିନ ଏବଂ ସେହି ଅନୁଯାୟୀ ଉପଭୋକ୍ତାମାନେ ସମୁଦାୟ ୧୨୬ ଜିବି ଡାଟା ପାଆନ୍ତି। ଏହି ଯୋଜନା ସହିତ, ଉପଭୋକ୍ତାମାନେ Jio Apps, Jio Cinema ଏବଂ Jio Cloud ଭଳି ଅନ୍ୟ କେତେକ ସେବାଗୁଡିକର ଲାଭ ମଧ୍ୟ ପାଇଥାନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଓଡିଶାରେ ଜିଓ ନା ଏୟାରଟେଲ, କିଏ ସର୍ବାଗ୍ରେ?: ରିପୋର୍ଟ ଦେଲା ଓପନ ସିଗ୍ନାଲ

ଭୁବନେଶ୍ୱର: ସର୍ବଶ୍ରେଷ୍ଠ ୫ଜି କଭରେଜ ଉପଲବ୍ଧତା ଏବଂ ଡାଉନଲୋଡ଼ ସ୍ପିଡ଼ ଅନୁଭୁତି ସହିତ ପ୍ରତିଦ୍ୱନ୍ଦୀ କମ୍ପାନୀମାନଙ୍କୁ ପଛରେ ପକାଇ ଓଡ଼ିଶାରେ ସର୍ବାଗ୍ରେ ରହିଛି ରିଲାଏନ୍ସ ଜିଓ। ବିଶ୍ୱର ଅନ୍ୟତମ ପ୍ରମୁଖ ମାନକ ବିଶ୍ଳେଷଣ ସଂସ୍ଥା ଓପନ ସିଗ୍ନାଲ ପକ୍ଷରୁ ପ୍ରକାଶିତ ସଦ୍ୟତମ ମୋବାଇଲ ନେଟୱାର୍କ ଅନୁଭୂତି ରିପୋର୍ଟରୁ ଏହା ଜଣାପଡିଛି। ଏହି ରିପୋର୍ଟରେ ଉଲ୍ଲେଖ ରହିଥିବା ତଥ୍ୟ ଅନୁଯାୟୀ ଓଡ଼ିଶାରେ ୫ଜି ଉପଲବ୍ଧତା ସମୟ ସ୍କୋରରେ ଜିଓ ୫୭.୬% ସ୍କୋର ସହିତ ସର୍ବାଗ୍ରେ ରହିଥିବା ବେଳେ ନିକଟତମ ପ୍ରତିଦ୍ୱନ୍ଦୀ ଏୟାରଟେଲ ମାତ୍ର ୨୨% ସ୍କୋର ସହିତ ଦ୍ୱିତୀୟ ସ୍ଥାନରେ ରହିଛି। ଏହି ସ୍କୋରକୁ ସିଧାସଳଖ ୫ଜି କଭରେଜ୍ ସହିତ ଲିଙ୍କ୍ କରାଯାଇପାରିବ। ୫ଜି ନେଟୱାର୍କର ବ୍ୟାପକ ଉପଲବ୍ଧତା ହେତୁ, ଜିଓ ୫ଜି ଉପଭୋକ୍ତା ୫ଜିରେ ସଂଯୁକ୍ତ ସମୟର ପ୍ରାୟ ଦୁଇ ତୃତୀୟାଂଶ ସମୟ ଅତିବାହିତ କରୁଥିବା ବେଳେ, ଏୟାରଟେଲ ବ୍ୟବହାରକାରୀମାନେ ୫ଜି କଭରେଜ ହେତୁ ୫ଜି ସମୟର କେବଳ ଏକ ଚତୁର୍ଥାଂଶ ସମୟ ଅତିବାହିତ କରୁଥିବା ଏହି ରିପୋର୍ଟରେ ଦର୍ଶାଯାଇଛି।

ସେହିଭଳି ସାମଗ୍ରିକ ଡାଉନଲୋଡ୍ ସ୍ପିଡ୍ ଅଭିଜ୍ଞତା କ୍ଷେତ୍ରରେ ଜିଓର ପ୍ରଦର୍ଶନ ମଧ୍ୟ ଉତ୍କୃଷ୍ଟ ରହିଥିବା ଏହି ରିପୋର୍ଟରେ ଉଲ୍ଲେଖ କରାଯାଇଛି । ଓପନ ସିଗ୍ନାଲ ରିପୋର୍ଟରେ ଦିଆଯାଇଥିବା ତଥ୍ୟ ଅନୁଯାୟୀ ଓଡ଼ିଶାରେ ଜିଓ ଉପଭୋକ୍ତାଙ୍କ ହାରାହାରି ଡାଉନଲୋଡ୍ ସ୍ପିଡ୍ ପ୍ରାୟ ୬୨ ଏମବିପିଏସ ରହିଥିବା ବେଳେ ଏୟାରଟେଲ କ୍ଷେତ୍ରରେ ଏହା ୪୪.୭ ଏମବିପିଏସ, ଭୋଡାଫୋନ ଆଇଡ଼ିଆ କ୍ଷେତ୍ରରେ ୧୫.୨ ଏମବିପିଏସ ଏବଂ ବିଏସଏନଏଲ କ୍ଷେତ୍ରରେ ୩.୫ ଏମବିପିଏସ ରହିଥିଲା। ସୂଚନାଯୋଗ୍ୟ ଯେ ଇଣ୍ଟରନେଟ୍ ସର୍ଫିଂ, ବଡ଼ ଫାଇଲ୍ ଡାଉନଲୋଡ୍ କରିବା, ଭିଡିଓ ଦେଖିବା ଏବଂ ସଙ୍ଗୀତ ଶୁଣିବା ପାଇଁ ଡାଉନଲୋଡ୍ ସ୍ପିଡ୍ ଗୁରୁତ୍ୱପୂର୍ଣ୍ଣ। ସାମଗ୍ରିକ କଭରେଜ୍ ଅଭିଜ୍ଞତା ବର୍ଗରେ ମଧ୍ୟ ରିଲାଏନ୍ସ ଜିଓ ସର୍ବାଧିକ ୯୯.୩% ସହିତ ଆଗରେ ରହିଛି।

ଜାତୀୟ ସ୍ତରରେ ମଧ୍ୟ ଜିଓ ୫ଜି ଉପଲବ୍ଧତା ବର୍ଗରେ ବେଶ ଆଗରେ ରହିଥିବା ଏହି ରିପୋର୍ଟରେ ସୂଚିତ କରାଯାଇଛି। ଜିଓ ବ୍ୟବହାରକାରୀମାନେ ସେମାନଙ୍କର ଦୁଇ ତୃତୀୟାଂଶ ସମୟ ୫ଜି ସହିତ ସଂଯୁକ୍ତ ବୋଲି ଓପନ୍ ସିଗନାଲ୍ ରିପୋର୍ଟରେ କହିଛି। ଜିଓ ନେଟୱାର୍କରେ ୫ଜି ଉପଭୋକ୍ତା ୬୬.୭% ସମୟ ସଂଯୁକ୍ତ ରହିଛନ୍ତି, ଯାହା ଏୟାରଟେଲ ତୁଳନାରେ ତିନି ଗୁଣା ଅଧିକ।

ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଜିଓ ବ୍ୟବହାରକାରୀଙ୍କର ସର୍ବାଧିକ ସ୍ଥିର ଅଭିଜ୍ଞତା ରହିଛି କାରଣ ଜିଓ ସର୍ବାଧିକ ୬୬.୫% ସ୍କୋର ସହିତ ସ୍ଥିର ଗୁଣବତ୍ତା ପୁରସ୍କାର ବଜାୟ ରଖିଛି। ଜିଓ କଭରେଜ୍ ବର୍ଗର ସମସ୍ତ ତିନୋଟି ପୁରସ୍କାରର ବିଜେତା ହୋଇଛି ଯାହା ମଧ୍ୟରେ ରହିଛି ସାମଗ୍ରିକ ଉପଲବ୍ଧତା, ୫ଜି ଉପଲବ୍ଧତା ଏବଂ କଭରେଜ୍ ଅଭିଜ୍ଞତା।

ରିପୋର୍ଟରେ ପ୍ରକାଶିତ ତଥ୍ୟ ଅନୁଯାୟୀ ଜିଓ ୬୬.୭% ସହିତ ୫ଜି ଉପଲବ୍ଧତାରେ ସର୍ବାଗ୍ରେ ରହିଛି, ଯାହା ଏୟାରଟେଲ ଠାରୁ ୪୦ ପ୍ରତିଶତ ପଏଣ୍ଟ ଅଧିକ ଅଟେ। ଅକ୍ଟୋବର ୨୦୨୩ ରିପୋର୍ଟ ତୁଳନାରେ ସଦ୍ୟତମ ରିପୋର୍ଟରେ ଜିଓର ସ୍କୋର ଏୟାରଟେଲ ଅପେକ୍ଷା ଦୁଇଗୁଣ ଉନ୍ନତ ହୋଇଛି। ସେହିଭଳି ୯୯.୪% ସାମଗ୍ରିକ ନେଟୱାର୍କ ଉପଲବ୍ଧତା ସହିତ ଜିଓ ଆଗରେ ରହିଛି। କଭରେଜ୍ ଅଭିଜ୍ଞତା ଦୃଷ୍ଟିରୁ ମଧ୍ୟ ଜିଓ ୧୦ ପଏଣ୍ଟରୁ ନଅ ପଏଣ୍ଟ ସ୍କୋର ସହିତ ଲୋକମାନେ ରହୁଥିବା, କାର‌୍ୟ୍ୟ କରୁଥିବା ଏବଂ ଭ୍ରମଣ କରୁଥିବା ସ୍ଥାନରେ ମୋବାଇଲ୍ ନେଟୱାର୍କର ଉପଲବ୍ଧତାରେ ବେଶ ଆଗରେ ରହିଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜୁଲାଇ ମାସରେ ଓଡ଼ିଶାରେ ୧.୮୫ ଲକ୍ଷ ମୋବାଇଲ ଗ୍ରାହକ ଯୋଡିଲା ଜିଓ: ଟ୍ରାଇ ତଥ୍ୟ

ଭୁବନେଶ୍ୱର: ଓଡ଼ିଶାରେ ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବରେ ସ୍ଥିତି ସୁଦୃଢ କରି ରିଲାଏନ୍ସ ଜିଓ ଜୁଲାଇ ମାସରେ ରାଜ୍ୟରେ ସର୍ବାଧିକ ୧.୮୫ ଲକ୍ଷ ନୂଆ ମୋବାଇଲ ଗ୍ରାହକ ଯୋଡିଥିବା ଟ୍ରାଇ ଦ୍ୱାରା ପ୍ରକାଶିତ ସଦ୍ୟତମ ଟେଲିକମ ଗ୍ରାହକ ତଥ୍ୟରୁ ଜଣାପଡିଛି।

ଟ୍ରାଇ ତଥ୍ୟ ଅନୁସାରେ ଜୁଲାଇ ମାସରେ ଓଡ଼ିଶାରେ କେବଳ ଜିଓ ଓ ବିଏସଏନଏଲ ନୂତନ ଗ୍ରାହକ ଯୋଡିଥିବା ବେଳେ ଅନ୍ୟ ଦୁଇ ଅପରେଟର ଏୟାରଟେଲ ଓ ଭୋଡାଫୋନ ଆଇଡିଆ ହଜାର ହଜାର ଗ୍ରାହକ ହରାଇଛନ୍ତି। ବିଏସଏନଏଲ ଏହି ମାସରେ ପ୍ରାୟ ୬୬୦୦୦ ନୂଆ ଗ୍ରାହକ ଯୋଡିଥିବା ବେଳେ ଏୟାରଟେଲ ୪୩୦୦୦ ଗ୍ରାହକ ହରାଇଥିବା ଏହି ତଥ୍ୟରୁ ସୂଚନା ମିଳିଛି। ଜୁଲାଇ ମାସରେ ଓଡିଶାର ମୋଟ ମୋବାଇଲ ଗ୍ରାହକଙ୍କ ସଂଖ୍ୟା ଦୁଇ ଲକ୍ଷ ପାଞ୍ଚ ହଜାର ବୃଦ୍ଧି ପାଇ ୩.୪୩ କୋଟିରେ ପହଞ୍ଚିଛି।

ମୋବାଇଲ ଭଳି ଓୟାରଲାଇନ କ୍ଷେତ୍ରରେ ମଧ୍ୟ ଜିଓ ନିଜର ଏକ ନମ୍ବର ସ୍ଥିତି ସୁଦୃଢ କରିଛି। ଜୁଲାଇ ମାସରେ ୧୧୦୦୦ ରୁ ଅଧିକ ଜିଓ ଫାଇବର ଓ ଜିଓ ଏୟାରଫାଇବର ଗ୍ରାହକ ଯୋଡିହେବା ସହିତ ରାଜ୍ୟରେ ମୋଟ ଜିଓ ଫାଇବର ଓ ଜିଓ ଏୟାରଫାଇବର ଗ୍ରାହକଙ୍କ ସଂଖ୍ୟା ୩.୨୧ ଲକ୍ଷରେ ପହଞ୍ଚିଥିବା ଟ୍ରାଇ ତଥ୍ୟରୁ ଜଣାପଡିଛି। ଏଥିସହିତ ଜିଓ ରାଜ୍ୟର ପ୍ରଥମ ଅପରେଟର ଭାବରେ ୩ ଲକ୍ଷରୁ ଅଧିକ ଓୟାରଲାଇନ ଗ୍ରାହକ ହାସଲ କରିଛି।

ବିବିଧ ପୃଷ୍ଠଭୂମିର ତଥା ବିଭିନ୍ନ ବୟସବର୍ଗର ଏବଂ ବିବିଧ ଭୌଗଳିକ ଅଂଚଳର ଗ୍ରାହକମାନେ ଡିଜିଟାଲ୍ କ୍ରାନ୍ତିର ପ୍ରକୃତ ଲାଭ ପାଇବାକୁ ସକ୍ଷମ ହୋଇଛନ୍ତି, କାରଣ ସେମାନେ ଏବେ ଜିଓ ଏୟାରଫାଇବର ବଳରେ ନିରବଚ୍ଛିନ୍ନ ହାଇ ସ୍ପିଡ୍ ବ୍ରଡବ୍ୟାଣ୍ଡ ଏବଂ ବିଶ୍ୱସ୍ତରୀୟ ସର୍ବଶ୍ରେଷ୍ଠ ଗୃହ ମନୋରଞ୍ଜନର ଆନନ୍ଦ ନେଇପାରୁଛନ୍ତି।

ଜିଓ ଏୟାରଫାଇବର ୮୦୦ ରୁ ଅଧିକ ଡିଜିଟାଲ ଟିଭି ଚ୍ୟାନେଲ, ୧୩ ରୁ ଅଧିକ ଓଟିଟି ଆପ୍, ସ୍ମାର୍ଟ ହୋମ୍ ସେବା ଏବଂ ହାଇ ସ୍ପିଡ୍ ବ୍ରଡବ୍ୟାଣ୍ଡ ସହିତ ବିଶ୍ୱ ସ୍ତରୀୟ ସର୍ବାଧୁନିକ ଗୃହ ମନୋରଞ୍ଜନ ବା ହୋମ ଏଣ୍ଟରଟେନମେଣ୍ଟ ସେବା ପ୍ରଦାନ କରୁଛି। ଲୋକପ୍ରିୟ ଜିଓ ଏୟାରଫାଇବର ସେବା ବାସ୍ତବରେ ଡିଜିଟାଲ ଅନ୍ତର୍ଭୁକ୍ତିକରଣକୁ ସମ୍ପ୍ରସାରିତ କରିଛି କାରଣ ଏହା ବିଶେଷକରି ଗ୍ରାମାଞ୍ଚଳ ଏବଂ ସହର ଉପକଣ୍ଠ ଅଂଚଳରେ ଶେଷ ମାଇଲ୍ ଅପ୍ଟିକାଲ୍-ଫାଇବର ବିସ୍ତାରରେ ରହିଥିବା କଠିନତା ଯୋଗୁଁ ବ୍ରଡ଼ବ୍ୟାଣ୍ଡ ସଂଯୋଗର ଅଭାବ ଜନିତ ସମସ୍ୟାକୁ ଦୂର କରି ପ୍ରତ୍ୟେକ ଘର ଏବଂ ଛୋଟ ବ୍ୟବସାୟକୁ ହାଇସ୍ପିଡ଼ ବ୍ରଡ଼ବ୍ୟାଣ୍ଡ ଏବଂ ଗୁଣାତ୍ମକ ଗୃହ ମନୋରଞ୍ଜନ ସହିତ ସଂଯୁକ୍ତ କରଛି।

ଜିଓ ଦୀର୍ଘ ବର୍ଷ ଧରି କ୍ରମାଗତ ଭାବେ ରାଜ୍ୟରେ ସର୍ବାଧିକ ପସନ୍ଦର ଡିଜିଟାଲ ସେବା ପ୍ରଦାନକାରୀ ରହିଆସିଛି।

ଓଡିଶା ଟେଲିକମ କ୍ଷେତ୍ରରେ ୪୬ ପ୍ରତିଶତରୁ ଅଧିକ ଗ୍ରାହକ ବଜାର ଅଂଶ ଏବଂ ୫୨ ପ୍ରତିଶତ ରାଜସ୍ବ ବଜାର ଅଂଶ ସହିତ ଏକ ନମ୍ବର ସ୍ଥାନରେ ରହିଥିବା ଜିଓର ରାଜ୍ୟରେ ସର୍ବବୃହତ ୪ଜି ଓ ୫ଜି ନେଟୱାର୍କ ରହିଛି ଏବଂ ଏହା ଦ୍ରୁତ ଗତିରେ ଅପହଞ୍ଚ ଅଞ୍ଚଳଗୁଡିକୁ ଡିଜିଟାଲ ସେବା ସହିତ ଯୋଡ଼ିବାରେ ପ୍ରମୁଖ ଭୂମିକା ଗ୍ରହଣ କରୁଛି।

Categories
ଆଜିର ଖବର ଜାତୀୟ ଖବର

୧୦୦ ଜିବି ମାଗଣା କ୍ଲାଉଡ୍ ଷ୍ଟୋରେଜ୍ ପ୍ରଦାନ କରିବ ଜିଓ

ଜିଓଫୋନ୍ ବ୍ୟବହାରକାରୀଙ୍କୁ ପ୍ରତି ମାସରେ ବିନା ମୂଲ୍ୟରେ ମିଳିବ ୩୦୦ ମିନିଟ୍‌ର ଆଉଟ୍‌ଗୋଇଙ୍ଗ୍ ଭଏସ୍ କଲ୍

ମୁମ୍ବାଇ: ରିଲାଏନ୍ସ ଜିଓ ଗ୍ରାହକଙ୍କ ପାଇଁ ଖୁସି ଖବର ଆଣିଛି। ଖୁବ୍ ଶୀଘ୍ର କମ୍ପାନୀ ଏହାର ଗ୍ରାହକମାନଙ୍କୁ ୧୦୦ ଜିବି ମାଗଣା କ୍ଲାଉଡ୍ ଷ୍ଟୋରେଜ୍ ପ୍ରଦାନ କରିବ। ଫଟୋ, ଭିଡିଓ କିମ୍ବା ଡକ୍ୟୁମେଣ୍ଟ ଭଳି ଯେକୌଣସି ଜିନିଷ ଏହି ଷ୍ଟୋରେଜରେ ରଖାଯାଇପାରିବ। ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ୪୭ ତମ ବାର୍ଷିକ ସାଧାରଣ ବୈଠକରେ ସେୟାରଧାରକ ମାନଙ୍କୁ ସମ୍ବୋଧିତ କରି କମ୍ପାନୀର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ ଏହି ସୂଚନା ଦେଇଛନ୍ତି।

ଏହା ବ୍ୟତୀତ ଜିଓ ବ୍ରେନ୍ ଖୁବ୍ ଶୀଘ୍ର ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଶୁଭାରମ୍ଭ କରିବାକୁ ପ୍ରସ୍ତୁତ ହେଉଛି। କନେକଟେଡ଼ ଇଣ୍ଟେଲିଜେନ୍ସ ବିଶ୍ୱସ୍ତରୀୟ ଭିତ୍ତିଭୂମି ସହିତ ଆସିବ। କମ୍ପାନୀ ଏହାକୁ ‘ସବୁଠାରେ ଏବଂ ସମସ୍ତଙ୍କ ପାଇଁ’ ଥିମ୍ ଭିତ୍ତିରେ ଆରମ୍ଭ କରିବ।

ବାସ୍ତବରେ, ଜିଓ ସାମଗ୍ରିକ ଭାବରେ ଏଆଇକୁ ପରିବେଷ୍ଟିତ କରୁଥିବା ଉପକରଣ ଏବଂ ପ୍ଲାଟଫର୍ମର ଏକ ବ୍ୟାପକ ସୁଟ୍ ବିକଶିତ କରୁଛି ଯାହାକୁ ‘ଜିଓ ବ୍ରେନ୍’ କୁହାଯାଉଛି। ଅମ୍ବାନୀ କହିଛନ୍ତି, “ମୁଁ ଆଶା କରୁଛି ଯେ ରିଲାଏନ୍ସ ମଧ୍ୟରେ ଜିଓ ବ୍ରେନକୁ ଉନ୍ନତ କରାଇ ଆମେ ଏକ ଶକ୍ତିଶାଳୀ ଏଆଇ ସେବା ପ୍ଲାଟଫର୍ମ ସୃଷ୍ଟି କରିବୁ। ଆମେ ଜାମନଗରରେ ଗିଗାୱାଟ ଆକାରର ଏଆଇ ପ୍ରସ୍ତୁତ ଡାଟା ସେଣ୍ଟର ସ୍ଥାପନ କରିବା ଯୋଜନା ପ୍ରସ୍ତୁତ କରୁଛୁ, ଯାହା ସମ୍ପୂର୍ଣ୍ଣ ଭାବରେ ରିଲାଏନ୍ସର ସବୁଜ ଶକ୍ତି ଦ୍ୱାରା ପରିଚାଳିତ ହେବ। ଆମର ଲକ୍ଷ୍ୟ ହେଉଛି ଭାରତରେ ବିଶ୍ୱର ସବୁଠାରୁ ସୁଲଭ ଏଆଇ ଇନଫରେନ୍ସିଂ ସୃଷ୍ଟି କରିବା। ଏହା ଦ୍ୱାରା ଭାରତରେ ଏଆଇ ଆପ୍ଲିକେସନ ଗୁଡିକ ଅଧିକ ସୁଲଭ ହେବ ଏବଂ ସମସ୍ତଙ୍କ ପାଇଁ ସୁଲଭ ହୋଇପାରିବ ବୋଲି ସେ କହିଛନ୍ତି।

ଏହି ଅବସରରେ ଜିଓର ଅଧ୍ୟକ୍ଷ ଆକାଶ ଅମ୍ବାନୀ ଅନେକ ନୂତନ ଏଆଇ ସେବା ଘୋଷଣା କରିଛନ୍ତି। ଏଥିମଧ୍ୟରେ ଅନ୍ତର୍ଭୁକ୍ତ ରହିଛି ଜିଓ ଟିଭି ଓଏସ, ହେଲୋ ଜିଓ, ଜିଓ ହୋମ ଆଇଓଟି ସମାଧାନ, ଜିଓ ହୋମ ଆପ୍ପ ଏବଂ ଜିଓ ଫୋନ କଲ ଏଆଇ।

Categories
ଜାତୀୟ ଖବର ବିଶେଷ ଖବର ବ୍ୟବସାୟ

ବିଶ୍ୱର ସର୍ବବୃହତ ମୋବାଇଲ୍ ଡାଟା କମ୍ପାନୀ ହୋଇଛି ଜିଓ, ୮ ପ୍ରତିଶତ ଜିଓ ନେଟୱାର୍କ: ମୁକେଶ ଅମ୍ବାନୀ

ମୁମ୍ବାଇ: ରିଲାଏନ୍ସ ଜିଓ ବିଶ୍ୱର ସର୍ବବୃହତ ମୋବାଇଲ୍ ଡାଟା କମ୍ପାନୀ ହୋଇପାରିଛି ଏବଂ ବିଶ୍ୱର ମୋଟ ମୋବାଇଲ୍ ଡାଟା ଟ୍ରାଫିକର ୮ ପ୍ରତିଶତ କେବଳ ଜିଓର ନେଟୱାର୍କରେ ଚାଲିଥାଏ। ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ୪୭ ତମ ବାର୍ଷିକ ସାଧାରଣ ସଭାରେ ସେୟାରଧାରକ ମାନଙ୍କୁ ସମ୍ବୋଧିତ କରି କମ୍ପାନୀର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ ଏହି ସୂଚନା ଦେଇଛନ୍ତି।

ସେ କହିଛନ୍ତି ଯେ କମ୍ପାନୀର ଗ୍ରାହକ ଆଧାର ଏବଂ ଡାଟା ବ୍ୟବହାର କ୍ରମାଗତ ଭାବେ ବୃଦ୍ଧି ପାଉଛି। ଜିଓ ନେଟୱାର୍କରେ ମୋବାଇଲ ଉପଭୋକ୍ତାଙ୍କ ସଂଖ୍ୟା ପ୍ରାୟ ୪୯ କୋଟି ରହିଥିବା ବେଳେ ହାରାହାରି ଭାବରେ ପ୍ରତ୍ୟେକ ଜିଓ ଗ୍ରାହକ ପ୍ରତିମାସରେ ୩୦ ଜିବିରୁ ଅଧିକ ଡାଟା ବ୍ୟବହାର କରୁଥିବା ସେ ପ୍ରକାଶ କରିଛନ୍ତି। ଜିଓର ଏହି ସଫଳତା ସହିତ ଭାରତ ବିଶ୍ୱର ସର୍ବବୃହତ ଡାଟା ବଜାରରେ ପରିଣତ ହୋଇଥିବା ସେ କହିଛନ୍ତି।

ମୁକେଶ ଅମ୍ବାନୀ କହିଛନ୍ତି, “ରିଲାଏନ୍ସ ଜିଓ ଶୁଭାରମ୍ଭ ହେବାର ମାତ୍ର ୮ ବର୍ଷ ହୋଇଛି ଏବଂ ଏହି ଆଠ ବର୍ଷ ମଧ୍ୟରେ ଏହା ବିଶ୍ୱର ସର୍ବବୃହତ ମୋବାଇଲ୍ ଡାଟା କମ୍ପାନୀ ହେବାର ସଫଳତା ହାସଲ କରିଛି। ଡିଜିଟାଲ୍ ହୋମ୍ ସେବା ଦୃଷ୍ଟିରୁ ଜିଓ ମଧ୍ୟ ବିଶ୍ୱର ସବୁଠାରୁ ବଡ କମ୍ପାନୀ ହୋଇଛି । ଜିଓ ୩ କୋଟିରୁ ଅଧିକ ଘରକୁ ଡିଜିଟାଲ ସେବା ପ୍ରଦାନ କରୁଛି । ଜିଓ ଏୟାରଫାଇବର ପ୍ରତି ମାସରେ ୧୦ ଲକ୍ଷ ଘରକୁ ସଂଯୋଗ କରି ରେକର୍ଡ ୧୦ କୋଟି ଘରେ ପହଞ୍ଚିବାକୁ ଲକ୍ଷ୍ୟ ରଖିଛି। ”

୨ଜି ଗ୍ରାହକଙ୍କୁ ୪ଜି ସେବାକୁ ଉନ୍ନୀତ କରିବା ପାଇଁ ପ୍ରସ୍ତୁତ ଯୋଜନା ସମ୍ପର୍କରେ ସୂଚନା ଦେଇ ସେ କହିଛନ୍ତି ଯେ “୫ଜି ଫୋନ୍ ଅଧିକ ସୁଲଭ ହେବା ସହିତ ଜିଓର ନେଟୱାର୍କରେ ୫ଜି ଗ୍ରହଣ ତ୍ୱରାନ୍ୱିତ ହେବ, ଯାହାଦ୍ୱାରା ଡାଟା ବ୍ୟବହାରରେ ଅଧିକ ଅଭିବୃଦ୍ଧି ଘଟିବ। ଅଧିକ ଉପଭୋକ୍ତା ୫ଜି ନେଟୱାର୍କ ବ୍ୟବହାର କରିବା ଆରମ୍ଭ କରିବା ସହିତ ଆମର ୪ଜି ନେଟୱାର୍କର କ୍ଷମତା ମଧ୍ୟ ବୃଦ୍ଧି ପାଇବ। ଏହା ଭାରତରେ ୨୦ କୋଟିରୁ ଅଧିକ ୨ଜି ବ୍ୟବହାରକାରୀଙ୍କୁ ଜିଓ ୪ଜି ପରିବାରରେ ଅନ୍ତର୍ଭୁକ୍ତ କରିବ ବୋଲି ସେ କହିଛନ୍ତି।

ଜିଓ ପକ୍ଷରୁ ଗବେଷଣା ଓ ପ୍ରଯୁକ୍ତି ବିକାଶ ଉପରେ ଗୁରୁତ୍ୱ ପ୍ରଦାନ କରାଯିବା ସହିତ କମ୍ପାନୀ ୫ଜି ଓ ୬ଜି ପ୍ରଯୁକ୍ତି କ୍ଷେତ୍ରରେ ୩୫୦ ପେଟେଣ୍ଟ ଆବେଦନ ଦାଖଲ ଥିବା ସେ ପ୍ରକାଶ କରିଛନ୍ତି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ ପକ୍ଷରୁ ଆକର୍ଷଣୀୟ ଆନ୍ତର୍ଜାତୀୟ ରୋମିଂ ପ୍ୟାକ୍ ସମୂହର ଶୁଭାରମ୍ଭ

ମୁମ୍ବାଇ /ଭୁବନେଶ୍ୱର: ଦେଶର ଅଗ୍ରଣୀ ଟେଲିକମ କମ୍ପାନୀ ରିଲାଏନ୍ସ ଜିଓ ପକ୍ଷରୁ ୟୁଏଇ, ଥାଇଲ୍ୟାଣ୍ଡ, କାନାଡା, ସାଉଦି ଆରବ, ୟୁରୋପ ଏବଂ କାରିବିୟାନ୍ ଦ୍ୱୀପପୁଞ୍ଜ ଭଳି ଦେଶଗୁଡିକୁ ଯାତ୍ରା କରୁଥିବା ଗ୍ରାହକଙ୍କ ପାଇଁ ସର୍ବୋତ୍ତମ ଆନ୍ତର୍ଜାତୀୟ ରୋମିଂ ପ୍ୟାକ ସମୂହ ଆରମ୍ଭ କରାଯାଇଛି। ଅଧିକ ଡାଟା, କମ୍ ଦର ଏବଂ ଅତିରିକ୍ତ ଫିଚର ସହିତ ଯାତ୍ରୀମାନଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଏହି ନୂତନ ପ୍ୟାକ ଗୁଡିକର ପରିକଳ୍ପନା କରାଯାଇଛି।

ୟୁଏଇ, କାନାଡା, ଥାଇଲ୍ୟାଣ୍ଡ, ଏବଂ ସାଉଦି ଆରବ ପାଇଁ ଜିଓର ପ୍ୟାକ୍ ଅସୀମିତ ଇନକମିଙ୍ଗ ଏସଏମଏସ, ସ୍ଥାନୀୟ ଏବଂ ଆନ୍ତର୍ଜାତୀୟ ଆଉଟଗୋଇଙ୍ଗ କଲ୍ ଏବଂ ହାଇ ସ୍ପିଡ୍ ଡାଟା ପ୍ରଦାନ କରୁଛି। ଡାଟା ପ୍ୟାକ୍ ସରିଯିବା ପରେ ମଧ୍ୟ ଉପଭୋକ୍ତାମାନେ ୬୪ କେବିପିଏସ ସ୍ପିଡ଼ରେ ଅସୀମିତ ଇଣ୍ଟରନେଟ୍ ବ୍ୟବହାର କରିପାରିବେ। ଏଥି ସହିତ ଯେକୌଣସି ଦେଶରୁ ଆସୁଥିବା ଇନକମିଙ୍ଗ କଲ୍ ଗ୍ରହଣ କରାଯାଇପାରିବ ଏବଂ ୱାଇ-ଫାଇ କଲିଂ ମାଧ୍ୟମରେ ନିରବଛିନ୍ନ ଯୋଗାଯୋଗ ଉପଲବ୍ଧ ହୋଇପାରିବ।

ଜିଓ କାରିବିୟାନ୍ ଦ୍ୱୀପପୁଞ୍ଜର ୨୪ ଟି ଦେଶ ପାଇଁ ସ୍ୱତନ୍ତ୍ର ପ୍ୟାକ୍ ନେଇଆସିଛି, ଯେଉଁଥିରେ ୩୮୫୧ ଟଙ୍କା ପ୍ଲାନରେ ଇନଫ୍ଲାଇଟ୍ ସୁବିଧା ମଧ୍ୟ ଅନ୍ତର୍ଭୁକ୍ତ ରହିଛି ଏବଂ ଅସୀମିତ ଏସଏମଏସ, ତଥା ସ୍ଥାନୀୟ ଏବଂ ଭାରତକୁ ଆଉଟଗୋଇଙ୍ଗ କଲ୍ ସୁବିଧା ରହିଛି। ୟୁରୋପର ୩୨ ଟି ଦେଶ ପାଇଁ ରହିଥିବା ପ୍ୟାକ୍ ମଧ୍ୟ ସମାନ ସୁବିଧା ସାଙ୍ଗକୁ ମାଗଣା ଇନଫ୍ଲାଇଟ୍ ସେବା ପ୍ରଦାନ କରୁଛି। ଏଥିରେ ଅସୀମିତ ଇନକମିଙ୍ଗ ଏସଏମଏସ, ହାଇ ସ୍ପିଡ୍ ଡାଟା ଏବଂ ଯେକୌଣସି ଦେଶରୁ ଆସୁଥିବା ଇନକମିଙ୍ଗ କଲ୍ ଗ୍ରହଣ ସୁବିଧା ରହିଛି।

ବିଦେଶ ଯାତ୍ରା କରୁଥିବା ଗ୍ରାହକଙ୍କ ସୁବିଧା ପାଇଁ ଜିଓ ୩୨ ଟି ଆନ୍ତର୍ଜାତୀୟ ଗନ୍ତବ୍ୟସ୍ଥଳରେ ଦରକୁ ୫୦ ପ୍ରତିଶତ ପର୍ଯ୍ୟନ୍ତ ହ୍ରାସ କରିଛି, ଯାହା ବିଦେଶ ଭ୍ରମଣ ସମୟରେ ସଂଯୁକ୍ତ ରହିବା ଦିଗରେ ଅଧିକ ସୁଲଭ ହୋଇଛି।

Categories
ଆଜିର ଖବର ଜାତୀୟ ଖବର

ଜିଓ ଗେମସ୍ ପକ୍ଷରୁ ଏହାର ପ୍ଲାଟଫର୍ମରେ ଗୁଗୁଲ୍ ଗେମ୍ ସ୍ନାକ୍ସର ସମନ୍ୱୟ

ନୂଆଦିଲ୍ଲୀ: ଜିଓ ଗେମସ୍, ଭାରତର ଅଗ୍ରଣୀ ଗେମିଙ୍ଗ ପ୍ଲାଟଫର୍ମ, ଗୁଗୁଲର ଗେମ୍ ସ୍ନାକ୍ସକୁ ଏହାର ଜିଓ ଗେମ୍ସ ଆପ୍ ଏବଂ ଜିଓ ସେଟ୍-ଟପ୍ ବକ୍ସରେ ଏକୀକୃତ କରି ଏହାର ଗେମିଙ୍ଗ ପୋର୍ଟଫୋଲିଓକୁ ବିସ୍ତାର କରିଛି। ଜିଓ ଗେମ୍ସ ବ୍ୟବହାରକାରୀମାନେ ବର୍ତ୍ତମାନ ନିତିଦିନ ସୁଡୋକୁ, ଓମ୍ ନୋମ୍ ରନ୍ ଏବଂ ଟ୍ରାଫିକ୍ ଟମ୍ ସହିତ ଆଠଟି ଲୋକପ୍ରିୟ ଗେମ ଖେଳିପାରିବେ।

ସମସ୍ତ ଗେମ୍ ସ୍ନାକ୍ସ ଖେଳଗୁଡିକ ଜିଓ ଗେମସ୍ ବ୍ୟବହାରକାରୀଙ୍କ ପାଇଁ ମାଗଣାରେ ଉପଲବ୍ଧ ହେବ। ଆଣ୍ଡ୍ରଏଡ୍ ଫୋନ୍ ବ୍ୟବହାରକାରୀମାନେ ଏହି ଗେମଗୁଡିକ ଖେଳିବା ପାଇଁ ଜିଓ ଗେମସ୍ଆ ପ୍ ହୋମପେଜରୁ ସହଜରେ ପ୍ରବେଶ କରିପାରିବେ। ଗୁଗୁଲର ଗେମ୍ ସ୍ନାକ୍ସ ଖେଳଗୁଡିକ ମାଇଁ ଜିଓ ଏବଂ ଜିଓ ଟିଭିରେ ଜିଓ ଗେମସ୍ ମିନି ଆପ୍ସରେ ମଧ୍ୟ ଉପଲବ୍ଧ ହେବ।

ଗୁଗୁଲର ଗେମ୍ ସ୍ନାକ୍ସ ଖେଳଗୁଡିକ ବହୁତ ହାଲୁକା ଏବଂ ଶୀଘ୍ର ଲୋଡ୍ ହୁଏ। ଏହି ଏଚଟିଏମଏଲ୫ ଖେଳଗୁଡିକ କମ୍ ମେମୋରୀ ଥିବା ଡିଭାଇସ୍ ଏବଂ ବିଭିନ୍ନ ନେଟୱାର୍କ ଅବସ୍ଥାରେ ମଧ୍ୟ ଖେଳାଯାଇପାରିବ। କମ୍ପାନୀ ପକ୍ଷରୁ ପ୍ରକାଶ କରାଯାଇଛି ଯେ ଏହି ସହଭାଗିତାର ଉଦ୍ଦେଶ୍ୟ ହେଉଛି ଭାରତରେ ଲକ୍ଷ ଲକ୍ଷ ଉପଭୋକ୍ତାଙ୍କ ପାଇଁ ଗେମିଙ୍ଗ ଅନୁଭୂତିକୁ ଉନ୍ନତ କରିବା। ଯାହାଦ୍ୱାରା ଗ୍ରାହକ କାଜୁଆଲ୍ ଗେମ୍କୁ ସହଜରେ ପହଂଚିପାରିବେ।

ଗେମନାକ୍ସରେ ସାରା ବିଶ୍ୱର ବିଭିନ୍ନ ସ୍ଥାନରୁ ଖେଳାଳିଙ୍କ ପାଇଁ ୧୦୦ ରୁ ଅଧିକ ଗେମ ରହିଛି। ଭାରତକୁ ଏକ ଅଗ୍ରଣୀ ଗେମିଙ୍ଗ ହବ୍ ଭାବରେ ସ୍ଥାନିତ କରିବାକୁ ଜିଓ ଗେମ୍ସ ଲକ୍ଷ୍ୟ ରଖିଛି। ଏହି ସହଭାଗିତା ଜିଓ ଗେମ୍ସର ପ୍ରତିବଦ୍ଧତାକୁ ପ୍ରଦର୍ଶିତ କରୁଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ରିଚାର୍ଜ ଯୋଜନା ବ୍ୟୟବହୁଳ: ସିମ୍ ପୋର୍ଟିଂର ଭାଙ୍ଗିଲା ରେକର୍ଡ, ଅତିକ୍ରମ କଲା ୧୦୦ କୋଟି

ନୂଆଦିଲ୍ଲୀ: ବେସରକାରୀ ଟେଲିକମ୍ କମ୍ପାନୀ ଜିଓ, ​​ଏୟାରଟେଲ ଏବଂ ଭୋଡାଫୋନ୍ ଆଇଡିଆ ଏହି ମାସ ଆରମ୍ଭରେ ଅର୍ଥାତ୍ ଜୁଲାଇ ୩ ତାରିଖରେ ରିଚାର୍ଜ ଯୋଜନାର ମୂଲ୍ୟରେ ବୃଦ୍ଧି ଘୋଷଣା କରିଥିଲେ। ଶୁଳ୍କ ଯୋଜନାର ମୂଲ୍ୟ ବୃଦ୍ଧି ପରେ ଲୋକମାନେ BSNL ଉପରେ ଭରସା କରିବାକୁ ଲାଗିଲେ ଏବଂ ପୋର୍ଟିଂ ପାଇଁ ପଦକ୍ଷେପ ଆରମ୍ଭ ହେଲା।

ଏହି ସମୟରେ, BSNL ପରିସଂଖ୍ୟାନ ପ୍ରକାଶ ପାଇଛି, ଯେଉଁଥିରେ ଦାବି କରାଯାଇଛି ଯେ, ନୂତନ ଗ୍ରାହକମାନେ କ୍ରମାଗତ ଭାବରେ BSNL ରେ ଯୋଗ ଦେଉଛନ୍ତି। ଏହା ପରେ ଏକ ନୂତନ ରିପୋର୍ଟ ପ୍ରକାଶ ପାଇଛି, ଯେଉଁଥିରେ ସିମ୍ ପୋର୍ଟିଂ ପ୍ରସଙ୍ଗରେ ଭାରତୀୟମାନେ ଏକ ରେକର୍ଡ କରିଛନ୍ତି ବୋଲି କୁହାଯାଇଛି।

୧୦୦ କୋଟି ସଂଖ୍ୟା ଅତିକ୍ରମ କରିଛି:

ଟେଲି ଯୋଗାଯୋଗ ବିଭାଗ (DoT) ମୋବାଇଲ୍ ବ୍ୟବହାରକାରୀଙ୍କୁ ନମ୍ବର ପରିବର୍ତ୍ତନ ନକରି ନେଟୱାର୍କ ପରିବର୍ତ୍ତନ କରିବାକୁ ସୁବିଧା ଯୋଗାଇଥାଏ। ଉଦାହରଣ ସ୍ୱରୂପ, ଯଦି ଆପଣ ଏୟାରଟେଲ୍ ସିମ୍ ବ୍ୟବହାର କରୁଛନ୍ତି ଏବଂ ଆପଣ ଆପଣଙ୍କର ନେଟୱାର୍କରେ ଖୁସି ନୁହଁନ୍ତି, ତେବେ ଆପଣ ଅନ୍ୟ କୌଣସି ସେବା ପ୍ରଦାନକାରୀଙ୍କୁ ପରିବର୍ତ୍ତନ କରିପାରିବେ ଏବଂ ଏହି ସମଗ୍ର ପ୍ରକ୍ରିୟାକୁ ପୋର୍ଟିଂ କୁହାଯାଏ।

ଟେଲି ଯୋଗାଯୋଗ ବିଭାଗର ରିପୋର୍ଟ ଅନୁଯାୟୀ, ଜୁଲାଇ ୬ ତାରିଖ ସୁଦ୍ଧା ମୋବାଇଲ୍ ନମ୍ବର ପୋର୍ଟେବିଲିଟି ସେବା ୧୦୦ କୋଟି ଟଙ୍କା ଅତିକ୍ରମ କରିଛି। ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ (TRAI) ଅନୁଯାୟୀ, ଭାରତରେ ହାରାହାରି ପ୍ରାୟ ୧.୧ କୋଟି ମୋବାଇଲ୍ ସିମ୍ ପୋର୍ଟ ଅନୁରୋଧ ଗ୍ରହଣ କରାଯାଇଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ ପକ୍ଷରୁ ନୂତନ ଏୟାରଫାଇବର ଗ୍ରାହକଙ୍କ ପାଇଁ ୩୦ ପ୍ରତିଶତ ରିହାତି ଫ୍ରିଡମ୍ ଅଫର୍ ଘୋଷଣା

ଭୁବନେଶ୍ଵର: ଜିଓ ଫାଇବର ଏବଂ ଏୟାରଫାଇବର ହେଉଛି ଦେଶର ସର୍ବବୃହତ ଏବଂ ଦ୍ରୁତ ଗତିରେ ବୃଦ୍ଧି ପାଉଥିବା ଘରୋଇ ବ୍ରଡବ୍ୟାଣ୍ଡ ଏବଂ ମନୋରଞ୍ଜନ ସେବା। ୧.୨ କୋଟିରୁ ଅଧିକ ଘର ପରିସର ସହିତ, ଜିଓ ଫାଇବର ଏବଂ ଏୟାରଫାଇବର ସେବା ୯୯.୯୯% ଉତ୍କର୍ଷ ସହିତ ଦ୍ରୁତ ଗତିରେ ବୃଦ୍ଧିପାଉଛି।

ଭାରତୀୟ ଘରଗୁଡିକୁ ଡିଜିଟାଇଜ କରିବାର ଏହି ଗତିକୁ ତ୍ୱରାନ୍ୱିତ କରିବା ଏବଂ ଭାରତକୁ ଏକ ଡିଜିଟାଲ୍ ସୋସାଇଟିରେ ପରିଣତ କରିବା ପାଇଁ ଜିଓ ଏକ ଆକର୍ଷଣୀୟ ଅଫର ଘୋଷଣା କରିଛି ଯାହାକି ଅଧିକରୁ ଅଧିକ ଘରଗୁଡିକୁ ଯୋଡି ହେବା ପାଇଁ ଉତ୍ସାହିତ କରିବ। ପୂର୍ବରୁ ସୁଲଭ ରହିଥିବା ଜିଓ ଏୟାରଫାଇବର ପ୍ଲାନ ସାଙ୍ଗକୁ ନୂତନ ଜିଓ ଏୟାରଫାଇବର ସଂଯୋଗ ନେଉଥିବା ଗ୍ରାହକମାନେ ଏହି ଫ୍ରିଡମ୍ ଅଫର ମାଧ୍ୟମରେ, ୧୦୦୦ ଟଙ୍କା ଇନଷ୍ଟଲେସନ ଚାର୍ଜ ଛାଡ ଭାବରେ ୩୦ ପ୍ରତିଶତ ରିହାତି ପାଇବେ।

ଏହି ଅଫର ଏକ ସୀମିତ ଅବଧି ଉତ୍ସବ ଅଫର ଏବଂ ୨୬ ଜୁଲାଇରୁ ୧୫ ଅଗଷ୍ଟ ୨୦୨୪ ମଧ୍ୟରେ ଏହାର ଲାଭ ନିଆଯାଇପାରିବ। ନୂତନ ଏୟାରଫାଇବର ସଂଯୋଗ ପାଇଁ ଗ୍ରାହକମାନେ ୬୦୦୦୮-୬୦୦୦୮ ରେ ଏକ ମିସ୍ କଲ୍ ଦେଇପାରିବେ।

ଜିଓ ଏୟାରଫାଇବର ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ୮୦୦ ରୁ ଅଧିକ ଡିଜିଟାଲ୍ ଟିଭି ଚ୍ୟାନେଲ୍‌‌, ୧୩ ରୁ ଅଧିକ ଓଟିଟି ଆପ୍ସ, ହାଇସ୍ପିଡ଼ ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି। ପୂର୍ବରୁ ଅପ୍‌‌‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଗୁଣାତ୍ମକ ହୋମ୍‌‌‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‌‌‍ ସୁବିଧା ଉପଲବ୍ଧ ହୋଇପାରୁନଥିବା ସ୍ଥାନଗୁଡିକରେ ଜିଓ ଏୟାରଫାଇବର ଡିଜିଟାଲ ଲାଇଫଲାଇନ ପାଲଟିବା ସହ ସର୍ବାଧିକ ପସନ୍ଦର ଭରସାଯୋଗ୍ୟ ଗୃହ ମନୋରଞ୍ଜନ ଓ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ହୋଇଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଗୁପ୍ତରେ ନୂଆ ଯୋଜନା ଆରମ୍ଭ କଲା ଜିଓ, ଅସୀମିତ ଡାଟା ଏବଂ ୯୮ ଦିନ ପାଇଁ ମାଗଣା କଥା

ନୂଆଦିଲ୍ଲୀ: ରିଲାଏନ୍ସ ଜିଓ ଜିଓ ଗ୍ରାହକଙ୍କ ପାଇଁ 999 ଟଙ୍କା ମୂଲ୍ୟର ଏକ ନୂତନ ପ୍ରିପେଡ୍ ଯୋଜନା ଆରମ୍ଭ କରିଛି। ଶୁଳ୍କ ବୃଦ୍ଧି ପୂର୍ବରୁ ମଧ୍ୟ କମ୍ପାନୀ 999 ଟଙ୍କା ଯୋଜନା ପ୍ରଦାନ କରୁଥିଲା। କିନ୍ତୁ ବୃଦ୍ଧି ପରେ ଏହି ଯୋଜନା 1199 ଟଙ୍କା ହୋଇଯାଇଥିଲା। କିନ୍ତୁ ଜିଓ ବର୍ତ୍ତମାନ ଗ୍ରାହକଙ୍କ ପାଇଁ 999 ଟଙ୍କା ଯୋଜନା ଆଣିଛି। ଏହି 999 ଟଙ୍କା ଯୋଜନାରେ ଜିଓର ୱେବସାଇଟରେ ‘ହିରୋ 5 ଜି’ ଲେଖାଯାଇଛି। ଏହି ଯୋଜନା ଅଧୀନରେ, ଜିଓ ବ୍ୟବହାରକାରୀମାନେ ପ୍ରିପେଡ୍ ରିଚାର୍ଜ କରିପାରିବେ। ବଡ କଥା ହେଉଛି ପୁରୁଣା 999 ଟଙ୍କା ଯୋଜନାରେ ଜିଓ ବ୍ୟବହାରକାରୀମାନେ ପ୍ରତିଦିନ 3 ଜିବି ଡାଟା ପାଇଥା’ନ୍ତି, କିନ୍ତୁ ନୂଆ ଯୋଜନାରେ ଉପଭୋକ୍ତାମାନେ ପ୍ରତିଦିନ ମାତ୍ର 2 ଜିବି ଡାଟା ପାଇବେ।

ନୂତନ ଯୋଜନାରେ କ’ଣ ବିଶେଷ?:

ଜିଓ ର 999 ଟଙ୍କା ଯୋଜନାରେ 98 ଦିନର ବୈଧତା ଅଛି। ଏହି ଯୋଜନା ଅଧୀନରେ ଗ୍ରାହକମାନେ ଅସୀମିତ ଭଏସ୍ କଲିଂ, ଦୈନିକ 100 SMS ଏବଂ ଦୈନିକ 2 GB ଡାଟା ପାଇବେ। ଏହାର ଅର୍ଥ ହେଉଛି ବୈଧତା ଶେଷ ନହେବା ପର୍ଯ୍ୟନ୍ତ ଗ୍ରାହକମାନେ ସମୁଦାୟ 196 GB ଡାଟା ପାଇବେ। ଯଦି 5G ନେଟୱାର୍କ ଆପଣଙ୍କ ଅଞ୍ଚଳରେ ପହଞ୍ଚିଛି, ତେବେ ଆପଣ ଏହି ଯୋଜନା ଅଧୀନରେ ଅସୀମିତ 5G ର ଲାଭ ପାଇପାରିବେ। ମୂଲ୍ୟ ଏବଂ ବୈଧତା ଅନୁଯାୟୀ ଗ୍ରାହକଙ୍କୁ ପ୍ରତିଦିନ 10.19 ଟଙ୍କା ଖର୍ଚ୍ଚ କରିବାକୁ ପଡିବ। ଏହି ଯୋଜନା ସହିତ ଗ୍ରାହକମାନେ ଜିଓ ଟିଭି, ଜିଓ କ୍ଲାଉଡ୍, ଜିଓ ସିନେମା ପାଇପାରିବେ। ଏଥି ସହିତ, 2 GB ଦୈନିକ ସୀମା ସରିଯିବା ପରେ ଇଣ୍ଟରନେଟ୍ ଗତି 64 କେବିପିଏସ୍ କୁ ହ୍ରାସ ପାଇବ।

Categories
ଆଜିର ଖବର ଜାତୀୟ ଖବର ବ୍ୟବସାୟ

BSNL ପ୍ରତି ବଢୁଛି ଆଗ୍ରହ!: କାଶ୍ମୀରରେ ବହୁଳ ଭାବରେ କରାଯାଉଛି ପୋର୍ଟ

ନୂଆଦିଲ୍ଲୀ: ଯେହେତୁ ବେସରକାରୀ ଟେଲିକମ୍ କମ୍ପାନୀଗୁଡିକ ସେମାନଙ୍କର ରିଚାର୍ଜ ଯୋଜନାର ମୂଲ୍ୟ ବୃଦ୍ଧି କରିଛନ୍ତି, ଲୋକମାନେ ସରକାରୀ ଟେଲିକମ୍ କମ୍ପାନୀ BSNL ଆଡକୁ ଯାଉଛନ୍ତି। ପରିସ୍ଥିତି ହେଉଛି ଏୟାରଟେଲ, ଜିଓ ଏବଂ ଭିଆଇ ବ୍ୟବହାରକାରୀମାନେ ସେମାନଙ୍କ ସଂଖ୍ୟାକୁ BSNL କୁ ପୋର୍ଟ କରୁଛନ୍ତି। ଏକ ରିପୋର୍ଟ ଅନୁଯାୟୀ, କାଶ୍ମୀରର ପ୍ରତିଦିନ ୩୦୦ ରୁ ୪୦୦ ଗ୍ରାହକ ପୋର୍ଟ କରୁଛନ୍ତି।

ରିପୋର୍ଟ ଅନୁଯାୟୀ, ବିଏସଏନଏଲର ଜନସମ୍ପର୍କ ଅଧିକାରୀ ମସୁଦ ବାଲା କହିଛନ୍ତି ଯେ, କମ୍ପାନୀର ଆକର୍ଷଣୀୟ ଯୋଜନା ହେତୁ ସେମାନେ ଗତ ଦୁଇ ସପ୍ତାହ ମଧ୍ୟରେ ପ୍ରତିଦିନ ୩୦୦ ରୁ ୪୦୦ ରୁ ଅଧିକ ବନ୍ଦର ପୋର୍ଟ ଗ୍ରହଣ କରିଛନ୍ତି। ଜନସାଧାରଣଙ୍କ ଠାରୁ ସକରାତ୍ମକ ପ୍ରତିକ୍ରିୟା ଗ୍ରହଣ କରାଯାଉଛି ଯାହା ଉତ୍ସାହଜନକ ଅଟେ।

ବିଏସଏନଏଲ ଅଧିକାରୀ ଆହୁରି କହିଛନ୍ତି ଯେ, ବର୍ତ୍ତମାନ ଜମ୍ମୁ କାଶ୍ମୀରରେ ୪ଜି ସେବା ଲାଗୁ ହୋଇଛି। ଏଠାରେ ୫୦୦ ରୁ ଅଧିକ ୫ଜି ମୋବାଇଲ୍ ଟାୱାର ସ୍ଥାପନ କରିବାକୁ ଯୋଜନା ପ୍ରସ୍ତୁତ ହେଉଛି। କାଶ୍ମୀରର ସବୁ ସ୍ଥାନରେ ବିଏସଏନଏଲର ଉପସ୍ଥିତି ରହିଛି। ମାସୁଦ ଏହା ମଧ୍ୟ କହିଛନ୍ତି ଯେ, ଘରୋଇ ଟେଲିକମ୍ କମ୍ପାନୀଗୁଡିକର ମୁକାବିଲା ପାଇଁ ଆମେ କୌଣସି ଯୋଜନା ଆରମ୍ଭ କରିନାହୁଁ, ବରଂ ଏହି ଯୋଜନାଗୁଡିକ ଜାରି ରହିଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

TATA-BSNL ଚୁକ୍ତି ପରେ ଜିଓ-ଏୟାରଟେଲର ବଢିବ ଚିନ୍ତା! ପ୍ରତ୍ୟେକ କୋଣରେ ପହଞ୍ଚିବ ଦ୍ରୁତ ଇଣ୍ଟରନେଟ୍ 

ନୂଆଦିଲ୍ଲୀ: ବେସରକାରୀ ଟେଲିକମ୍ କମ୍ପାନୀ ଏୟାରଟେଲ ଏବଂ ଜିଓର ରିଚାର୍ଜ ଯୋଜନା ବୃଦ୍ଧି ପରେ ଲୋକମାନେ BSNL ମୁହାଁ ହୋଇଛନ୍ତି। କେବଳ ଏତିକି ନୁହେଁ, ଏୟାରଟେଲ ଏବଂ ଜିଓ ବ୍ୟବହାରକାରୀମାନେ BSNL କୁ ପୋର୍ଟ କରୁଛନ୍ତି।

ଏହା ବ୍ୟତୀତ ସୋସିଆଲ ମିଡିଆରେ ଅନେକ ଟ୍ରେଣ୍ଡ ପ୍ରସ୍ତୁତ କରାଯାଉଛି। ଟାଟା କନସଲଟାନ୍ସି ସର୍ଭିସ ଏବଂ ବିଏସଏନଏଲ ମଧ୍ୟରେ ୧୫ ହଜାର କୋଟି ଟଙ୍କାର ଚୁକ୍ତି ସ୍ୱାକ୍ଷର ହୋଇଛି ବୋଲି ମଧ୍ୟ ଖବର ଅଛି।

TCS ଏବଂ BSNL ମିଳିତ ଭାବେ ଭାରତର ୧୦୦୦ ଗାଁରେ ୪ଜି ଇଣ୍ଟରନେଟ୍ ସେବା ଆରମ୍ଭ କରିବେ, ଯାହା ଦ୍ଵାରା ଲୋକମାନେ ଆଗାମୀ ଦିନରେ ଦ୍ରୁତ ଗତିର ଇଣ୍ଟରନେଟ୍ ସେବା ପାଇପାରିବେ।

ଜିଓ-ଏୟାରଟେଲର ବଢିବ ଟେନସନ

ବର୍ତ୍ତମାନ ସମୟ ବିଷୟରେ କହିବାକୁ ଗଲେ, ଜିଓ ଏବଂ ଏୟାରଟେଲ ୪ଜି ଇଣ୍ଟରନେଟ୍ ସେବା ଉପରେ ପ୍ରାଧାନ୍ୟ ବିସ୍ତାର କରୁଛନ୍ତି, କିନ୍ତୁ ଯଦି BSNL ଅଧିକ ଶକ୍ତିଶାଳୀ ହୁଏ ତେବେ ଏହା ଜିଓ ଏବଂ ଏୟାରଟେଲ ମଧ୍ୟରେ ଚିନ୍ତା ବଢାଇପାରେ।

ଟାଟା ଭାରତର ଚାରୋଟି ଅଞ୍ଚଳରେ ଡାଟା ସେଣ୍ଟର ନିର୍ମାଣ କରୁଛି, ଯାହା ଭାରତର ୪ଜି ଭିତ୍ତିଭୂମି ସୃଷ୍ଟି କରିବାରେ ସହାୟକ ହେବ। BSNL ସମଗ୍ର ଦେଶରେ ୯୦୦୦ ରୁ ଅଧିକ ୪ଜି ନେଟୱାର୍କ ନିୟୋଜିତ କରିଛି, ଏହାକୁ ଏକ ଲକ୍ଷକୁ ବୃଦ୍ଧି କରିବାର ଲକ୍ଷ୍ୟ ରହିଛି।

ଜିଓ-ଏୟାରଟେଲ ରିଚାର୍ଜ ବୃଦ୍ଧି ଘୋଷଣା କରିଛନ୍ତି:

ଜିଓ ଗତ ମାସରେ ଜୁନ୍ ମାସରେ ଏହାର ରିଚାର୍ଜ ଯୋଜନାରେ ବୃଦ୍ଧି ଘୋଷଣା କରିଥିଲା। ତୁରନ୍ତ ଏହା ପରେ ଏୟାରଟେଲ ଏବଂ ଭିଆଇ ମଧ୍ୟ ସେମାନଙ୍କ ଯୋଜନାରେ ବୃଦ୍ଧି ଘୋଷଣା କରିଥିଲେ, ଯେଉଁଠାରେ ଜିଓ ଏବଂ ଏୟାରଟେଲର ବର୍ଦ୍ଧିତ ମୂଲ୍ୟ ଜୁଲାଇ ୩ ତାରିଖରୁ ଲାଗୁ ହୋଇଛି। ତେଣୁ VI ର ବର୍ଦ୍ଧିତ ମୂଲ୍ୟ ଜୁଲାଇ ୪ ତାରିଖରୁ କାର୍ଯ୍ୟକାରୀ ହୋଇଛି।

ଜିଓ ମୂଲ୍ୟ ସର୍ବାଧିକ ବୃଦ୍ଧିହୋଇଛି। କମ୍ପାନୀ ଗୋଟିଏ ଥର ମୂଲ୍ୟରେ ୧୨ ରୁ ୨୫ ପ୍ରତିଶତ ବୃଦ୍ଧି କରିଛି। ଯେଉଁଠାରେ ଏୟାରଟେଲ ମୂଲ୍ୟ ୧୧ ରୁ ୨୧ ପ୍ରତିଶତକୁ ବୃଦ୍ଧି କରିଛି ଏବଂ ଭିଆଇ ମୂଲ୍ୟକୁ ୧୦ ରୁ ୨୧ ପ୍ରତିଶତକୁ ବୃଦ୍ଧି କରିଛି। ଜିଓ ଉପରେ ସୋସିଆଲ ମିଡିଆରେ ଲୋକଙ୍କ କ୍ରୋଧ ବୃଦ୍ଧି ପାଉଛି। ଏହି କାରଣରୁ ଲୋକମାନେ ବର୍ତ୍ତମାନ BSNL ଆଡକୁ ଯାଉଛନ୍ତି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ ପରେ ବର୍ତ୍ତମାନ ଏୟାରଟେଲ୍ ମଧ୍ୟ ବୃଦ୍ଧି କଲା ଯୋଜନାଗୁଡିକର ମୂଲ୍ୟ, ଦେଖନ୍ତୁ ସମ୍ପୂର୍ଣ୍ଣ ତାଲିକା

ନୂଆଦିଲ୍ଲୀ: ଜିଓ ପରେ ବର୍ତ୍ତମାନ ଏୟାରଟେଲ ଏହାର ମୋବାଇଲ୍ ଶୁଳ୍କର ମୂଲ୍ୟ ବୃଦ୍ଧି କରିବାକୁ ଘୋଷଣା କରିଛି। ବର୍ଦ୍ଧିତ ମୂଲ୍ୟ ଆସନ୍ତା ମାସ ଜୁଲାଇ 3 ରୁ ଲାଗୁ ହେବ। ଏୟାରଟେଲର ଏହି ନିଷ୍ପତ୍ତି ପରେ ଉପଭୋକ୍ତାମାନେ ବହୁ ଅସୁବିଧାର ସମ୍ମୁଖୀନ ହେବାକୁ ଯାଉଛନ୍ତି, କାରଣ ଦେଶର ଉଭୟ ଅଗ୍ରଣୀ ଟେଲିକମ୍ କମ୍ପାନୀ ସେମାନଙ୍କ ଯୋଜନାର ମୂଲ୍ୟ ଗୋଟିଏ ପରେ ଗୋଟିଏ ବୃଦ୍ଧି କରିଛନ୍ତି। ଏହା ବ୍ୟତୀତ ଦୈନିକ ଡାଟା ପ୍ଲାନର ମୂଲ୍ୟ ଏବଂ ଯୋଜନାରେ ଡାଟା ଆଡ୍ ମଧ୍ୟ ବୃଦ୍ଧି କରାଯାଇଛି।

ଏୟାରଟେଲ ଏହି ଯୋଜନାଗୁଡ଼ିକର ମୂଲ୍ୟ ବୃଦ୍ଧି କରିଛି:

ଏୟାରଟେଲର ଘୋଷଣା ପରେ ଅସୀମିତ ଭଏସ୍ ପ୍ଲାନରେ 179 ଟଙ୍କାର ପ୍ରିପେଡ୍ ଯୋଜନା ବର୍ତ୍ତମାନ 199 ଟଙ୍କାରେ ଉପଲବ୍ଧ ହେବ। ଯେତେବେଳେ କି 455 ଟଙ୍କା ଯୋଜନା ବ୍ୟବହାରକାରୀଙ୍କ ପାଇଁ 599 ଟଙ୍କାରେ ଉପଲବ୍ଧ ହେବ ଏବଂ 1,799 ଟଙ୍କା ପ୍ରିପେଡ୍ ଯୋଜନା ବର୍ତ୍ତମାନ ଉପଭୋକ୍ତାମାନଙ୍କ ପାଇଁ 1,999 ଟଙ୍କା ଉପଲବ୍ଧ ହେବ। ଆସନ୍ତୁ ଏୟାରଟେଲର କିଛି ଯୋଜନାର ପୁରୁଣା ଏବଂ ନୂତନ ମୂଲ୍ୟର ତାଲିକା ଜାଣିବା:

ପ୍ରଥମେ କେତେ ଥିଲା ବର୍ତ୍ତମାନ କେତେ ହେଲା?:

265 ଟଙ୍କା- 299 ଟଙ୍କା
299 ଟଙ୍କା- 349 ଟଙ୍କା
359 ଟଙ୍କା- 409 ଟଙ୍କା
399 ଟଙ୍କା- 449 ଟଙ୍କା
479 ଟଙ୍କା- 579 ଟଙ୍କା
549 ଟଙ୍କା- 649 ଟଙ୍କା
719 ଟଙ୍କା- 859 ଟଙ୍କା
839 ଟଙ୍କା- 979 ଟଙ୍କା
2,999 ଟଙ୍କା- 3,599 ଟଙ୍କା

ଯୋଜନାରେ ତଥ୍ୟ ଯୋଗର ମୂଲ୍ୟ ମଧ୍ୟ ବୃଦ୍ଧି କରାଯାଇଛି। 19 ଟଙ୍କାରୁ ଆରମ୍ଭ ହୋଇଥିବା ଏହି ଯୋଜନା ବର୍ତ୍ତମାନ ବ୍ୟବହାରକାରୀଙ୍କ ପାଇଁ 22 ଟଙ୍କାରେ ଉପଲବ୍ଧ ହେବ, ଯେଉଁଥିରେ ଗୋଟିଏ ଦିନ ପାଇଁ 1 ଜିବି ଡାଟା ଉପଲବ୍ଧ। 29 ଟଙ୍କା ଯୋଜନା ବର୍ତ୍ତମାନ ଉପଭୋକ୍ତାମାନଙ୍କ ପାଇଁ 33 ଟଙ୍କା ଏବଂ 65 ଟଙ୍କା ଯୋଜନା ବର୍ତ୍ତମାନ 77 ଟଙ୍କାରେ ଉପଲବ୍ଧ ହେବ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଏପ୍ରିଲ ମାସରେ ଓଡ଼ିଶାରେ ସର୍ବାଧିକ ନୂଆ ମୋବାଇଲ ଗ୍ରାହକ ଯୋଡିଲା ରିଲାଏନ୍ସ ଜିଓ: ଟ୍ରାଇ ତଥ୍ୟ

ଭୁବନେଶ୍ୱର: ଓଡ଼ିଶାରେ ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜର ଜୟଯାତ୍ରା ଜାରି ରଖି ରିଲାଏନ୍ସ ଜିଓ ଏପ୍ରିଲ ମାସରେ ଉଭୟ ଓୟାରଲେସ ଏବଂ ଓୟାରଲାଇନ କ୍ଷେତ୍ରରେ ରାଜ୍ୟରେ ସର୍ବାଧିକ ନୂଆ ଗ୍ରାହକ ଯୋଡ଼ିଛି। ଭାରତୀୟ ଦୂରସଂଚାର ନିୟାମକ କର୍ତ୍ତୃପକ୍ଷ (ଟ୍ରାଇ) ପକ୍ଷରୁ ପ୍ରକାଶିତ ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ୨୦୨୪ ଏପ୍ରିଲ ମାସରେ ଜିଓ ଓଡ଼ିଶାରେ ସର୍ବାଧିକ ୧୧୩୧୮୬ ନୂଆ ମୋବାଇଲ୍ ଉପଭୋକ୍ତା ଯୋଡ଼ିଥିବା ବେଳେ ଏହାର ନିକଟତମ ପ୍ରତିଦ୍ୱନ୍ଦୀ ଏୟାରଟେଲ୍‌‌ ଏହି ସମୟରେ ମାତ୍ର ୮୯୫୪ ମୋବାଇଲ ଉପଭୋକ୍ତା ଯୋଡ଼ିଛି।

ଅନ୍ୟପକ୍ଷରେ, ଭୋଡାଫୋନ୍ ଆଇଡିଆ (ୱି) ଓ ବିଏସ୍‌‌ଏନ୍‌‌ଏଲ୍ ଏପ୍ରିଲ ମାସରେ ଓଡ଼ିଶାରେ ହଜାର ହଜାର ଗ୍ରାହକ ହରାଇଥିବା ଟ୍ରାଇ ପକ୍ଷରୁ ପ୍ରକାଶିତ ତଥ୍ୟରୁ ଜଣାପଡ଼ିଛି ।

ଏଥିସହିତ ୨୦୨୪ ଏପ୍ରିଲ ୩୦ ସୁଦ୍ଧା ଓଡ଼ିଶାରେ ଜିଓ ନେଟୱାର୍କରେ ମୋଟ ମୋବାଇଲ ଗ୍ରାହକଙ୍କ ସଂଖ୍ୟା ୧.୫୩ କୋଟିରୁ ଅଧିକ ହୋଇଛି। ଏପ୍ରିଲ ମାସରେ ଓଡ଼ିଶାରେ ମୋବାଇଲ ଉପଭୋକ୍ତା ସଂଖ୍ୟାରେ ୧୪୪୪୦ ବୃଦ୍ଧି ସହିତ ରାଜ୍ୟରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ଏପ୍ରିଲ ଶେଷ ସୁଦ୍ଧା ୩.୩୭ କୋଟିକୁ ବୃଦ୍ଧି ହୋଇଛି । ଓଡ଼ିଶାରେ ସର୍ବାଧିକ ପସନ୍ଦର ଡିଜିଟାଲ ସେବା ପ୍ରଦାନକାରୀ ଭାବେ ଜିଓ କ୍ରମାଗତ ଭାବେ ପ୍ରତି ମାସରେ ସର୍ବାଧିକ ନୂଆ ଗ୍ରାହକ ଯୋଡ଼ିବା ସହ ଓଡ଼ିଶା ଟେଲିକମ୍ ବଜାରରେ ନିଜର ନେତୃତ୍ୱ ସ୍ଥାନକୁ ଆହୁରି ସୁଦୃଢ଼ କରିଛି ।

ଜାତୀୟ ସ୍ତରରେ ମଧ୍ୟ ଜିଓ ଏପ୍ରିଲ ମାସରେ ସର୍ବାଧିକ ୨୬.୮୭ ଲକ୍ଷରୁ ଅଧିକ ମୋବାଇଲ ଗ୍ରାହକ ଯୋଡ଼ିଥିବା ଜଣାପଡ଼ିଛି। ଏଥିସହିତ ଦେଶରେ ଜିଓ ନେଟୱାର୍କରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ୪୭.୨୪ କୋଟିକୁ ବୃଦ୍ଧି ପାଇଛି ଏବଂ କଂପାନି ଦେଶର ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜ ସ୍ଥିତିକୁ ଆହୁରି ସୁଦୃଢ଼ କରିଛି।

ସୂଚନାଯୋଗ୍ୟ ଯେ, ରିଲାଏନ୍ସ ଜିଓ ଓଡ଼ିଶାର ଦୂରସଂଚାର କ୍ଷେତ୍ରରେ ୪୫% ରୁ ଅଧିକ ଉପଭୋକ୍ତା ବଜାର ଅଂଶ ଏବଂ ୫୨% ରୁ ଅଧିକ ରାଜସ୍ୱ ବଜାର ଅଂଶ ସହିତ ରାଜ୍ୟର ଏକ ନମ୍ବର ଏବଂ ସର୍ବାଧିକ ପସନ୍ଦଯୋଗ୍ୟ ଡିଜିଟାଲ ସେବା ପ୍ରଦାନକାରୀ ହୋଇରହିଛି। ସାରା ରାଜ୍ୟରେ ଏହାର ସର୍ବବୃହତ ୪ଜି ଓ ୫ଜି ନେଟୱାର୍କ ଉପସ୍ଥିତି, ଦୁର୍ଗମ ଅଂଚଳରେ ଦ୍ରୁତ ସେବା ସମ୍ପ୍ରସାରଣ ଏବଂ ମାତ୍ର ୯୯୯ ଟଙ୍କାରେ ଉପଲବ୍ଧ ଅତ୍ୟାଧୁନିକ ସୁବିଧା ସମ୍ପନ୍ନ ସୁଲଭ ଜିଓ ଭାରତ ୪ଜି ଫୋନ୍‌ର ବ୍ୟାପକ ଲୋକପ୍ରିୟତା ବଳରେ ରାଜ୍ୟରେ ଜିଓ ଉପଭୋକ୍ତାଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଜିଓସିନେମା, ଜିଓଟିଭି, ଜିଓ ସାଭନ ଭଳି ପ୍ରିମିୟମ ଆପ୍ପ ଏବଂ ୟୁପିଆଇ ପେମେଂଟ ସୁବିଧା ଭଳି ଅନେକ ଆକର୍ଷଣୀୟ ଫିଚର ପାଇଁ ଜିଓ ଭାରତ ୪ଜି ଫୋନ୍ ରାଜ୍ୟର ଗ୍ରାମାଞ୍ଚଳ ଅଧିବାସୀ ତଥା ସୁଲଭ ମୂଲ୍ୟରେ ୪ଜି ଫୋନ ଅନ୍ୱେଷଣ କରୁଥିବା ଲୋକଙ୍କ ମଧ୍ୟରେ ବେଶ ଆଦୃତି ଲାଭ କରିଛି।

ଜିଓ ନିକଟରେ ଏହାର ଲୋକପ୍ରିୟ ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ହଜାର ହଜାର ଗ୍ରାମକୁ ସମ୍ପ୍ରସାରିତ କରିଛି । ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା । ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି । ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ଏବଂ ନିକଟବର୍ତ୍ତୀ ହଜାର ହଜାର ଗାଁ ରେ ଡିଜିଟାଲ ଲାଇଫଲାଇନ ପାଲଟିବା ସହ ସର୍ବାଧିକ ପସନ୍ଦର ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ହୋଇଛି।

Categories
ଆଜିର ଖବର ଜାତୀୟ ଖବର

ଉତ୍କୃଷ୍ଟ ହାଇ-ସ୍ପିଡ଼ ବ୍ରଡ଼ବ୍ୟାଣ୍ଡ ପ୍ରଦାନ କରୁଛି ଜିଓ ଏୟାରଫାଇବର: ଓପନ୍ ସିଗନାଲ୍ ରିପୋର୍ଟ

ନୂଆଦିଲ୍ଲୀ: ଜିଓର ଷ୍ଟାଣ୍ଡାଲୋନ୍ ୫ଜି ନେଟୱାର୍କ ବଳରେ ଜିଓ ଏୟାରଫାଇବର ଗ୍ରାହକଙ୍କୁ ଉତ୍କୃଷ୍ଟ ବେଗରେ ହାଇ ସ୍ପିଡ଼ ଡାଟା ଯୋଗାଇବାରେ ସକ୍ଷମ ହୋଇଥିବା ବିଶ୍ୱର ପ୍ରସିଦ୍ଧ ମୋବାଇଲ୍ ନେଟୱାର୍କ ଆନାଲିଟିକ୍ସ କମ୍ପାନୀ ଓପନ୍ ସିଗନାଲ୍ ଏହାର ଏକ ରିପୋର୍ଟରେ ପ୍ରକାଶ କରିଛି । ଓପନ୍ ସିଗନାଲ୍ କହିବା ଅନୁଯାୟୀ ଜିଓର ଫିକ୍ସଡ୍ ୱେରଲେସ ସେବା ଜିଓ ଏୟାରଫାଇବରରେ ଗ୍ରାହକମାନେ ମାସକୁ ହାରାହାରି ୪୦୦ ଜିବି ଡାଟା ବ୍ୟବହାର କରୁଛନ୍ତି । ମୋବାଇଲ୍ ଗ୍ରାହକଙ୍କ ତୁଳନାରେ ଏହି ପରିମାଣର ଡାଟା ବ୍ୟବହାର ବେଶ ଅଧିକ । ଏହା ସତ୍ତ୍ୱେ ଜିଓ ଏୟାରଫାଇବରର ବେଗ ଏବଂ ଗୁଣାତ୍ମକ ସ୍କୋର ୫ଜି ମୋବାଇଲ୍ ନେଟୱାର୍କ ଭଳି ସମାନ ରହିଛି । ଉଲ୍ଲେଖଯୋଗ୍ୟ ଯେ ଜିଓର ୫ଜି ନେଟୱାର୍କର ବେଗ ଦେଶରେ ସର୍ବାଧିକ ।

ଭାରତରେ ଫିକ୍ସଡ୍ ୱେରଲେସ ସେବା ମଧ୍ୟରେ ଏବେ କେବଳ ରିଲାଏନ୍ସ ଜିଓ ଷ୍ଟାଣ୍ଡାଲୋନ୍ ୫ଜି ନେଟୱାର୍କ ବ୍ୟବହାର କରୁଛି । ଓପନ୍ ସିଗନାଲ୍ ଅନୁଯାୟୀ, ଷ୍ଟାଣ୍ଡାଲୋନ୍ ୫ଜି ସହିତ ନେଟୱାର୍କ ସ୍ଲାଇସିଂ ଟେକ୍ନୋଲୋଜି ମଧ୍ୟ ଜିଓ ଏୟାରଫାଇବରକୁ ଡାଟା ବ୍ୟବହାର ପରିଚାଳନା କରିବାରେ ସାହାଯ୍ୟ କରୁଛି । ରିପୋର୍ଟରେ କୁହାଯାଇଛି ଯେ ଏହି ଟେକ୍ନୋଲୋଜିର ଲାଭକୁ ବିଚାର କରି ଏୟାରଟେଲ ମଧ୍ୟ ଷ୍ଟାଣ୍ଡାଲୋନ ୫ଜି ନେଟୱାର୍କରେ ଫିକ୍ସଡ୍ ୱେରଲେସ ସେବା ଆଣିବାକୁ ପ୍ରସ୍ତୁତ ହେଉଛି ।

ଯେଉଁ ଅଞ୍ଚଳଗୁଡିକରେ ବ୍ରଡବ୍ୟାଣ୍ଡ କଭରେଜ୍ କମ୍ ରହିଛି ସେସବୁ ଅଞ୍ଚଳକୁ ହାଇ-ସ୍ପିଡ଼ ନେଟୱାର୍କ କଭରେଜରେ ଆଣିବା ପାଇଁ ରିଲାଏନ୍ସ ଜିଓ ଗତ ବର୍ଷ ଜିଓ ଏୟାରଫାଇବର ସେବା ଶୁଭାରମ୍ଭ କରିଥିଲା​ । ଜିଓ ଏୟାରଫାଇବରର ଅଧିକ ଚାହିଦା ଛୋଟ ସହରଗୁଡିକରୁ ଆସୁଛି । ଗ୍ରାହକଙ୍କୁ ଆକୃଷ୍ଟ କରିବା ପାଇଁ, ଜିଓ ୫୯୯ ଟଙ୍କାରୁ ଆରମ୍ଭ ହେଉଥିବା ଅନେକ ସୁଲଭ ପ୍ଲାନ ମଧ୍ୟ ଆରମ୍ଭ କରିଛି । ଏହି ସେବା ସହିତ ୧୦ କୋଟି ପରିସରକୁ ସଂଯୋଗ କରିବା ପାଇଁ କମ୍ପାନୀ ଲକ୍ଷ୍ୟ ରଖିଛି । କମ୍ପାନୀ ପକ୍ଷରୁ ଷ୍ଟ୍ରିମିଂ ପ୍ଲାନ ମଧ୍ୟ ଆରମ୍ଭ କରାଯାଇଛି, ଯେଉଁଥିରେ ଫିକ୍ସଡ୍ ବ୍ରଡବ୍ୟାଣ୍ଡ ପ୍ୟାକେଜ୍ ସହିତ ୧୫ ଟି ଷ୍ଟ୍ରିମିଂ ଆପ୍ ମଧ୍ୟ ସାମିଲ ରହିଛି ।

ସୂଚନାଯୋଗ୍ୟ ଯେ ଜିଓ ନିକଟରେ ଏହାର ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ଶତାଧିକ ଗ୍ରାମଗୁଡ଼ିକୁ ସମ୍ପ୍ରସାରିତ କରିଛି । ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା । ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି । ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ଏବଂ ନିକଟବର୍ତ୍ତୀ ଗ୍ରାମାଞ୍ଚଳରେ ଡିଜିଟାଲ ଲାଇଫଲାଇନ ପାଲଟିବା ସହ ସର୍ବାଧିକ ପସନ୍ଦର ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ହୋଇଛି ।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଜିଓ ପକ୍ଷରୁ ନୂଆ ‘ଓଟିଟି ଷ୍ଟ୍ରିମିଂ ପ୍ଲାନ’ର ଶୁଭାରମ୍ଭ, ୮୮୮ ଟଙ୍କାରେ ୧୫ ପ୍ରମୁଖ ଓଟିଟି ଆପ୍

ଭୁବନେଶ୍ୱର: ରିଲାଏନ୍ସ ଜିଓ ଷ୍ଟ୍ରିମିଂ ପ୍ରେମୀଙ୍କ ପାଇଁ ଏକ ନୂଆ ପୋଷ୍ଟପେଡ ଓଟିଟି ବଣ୍ଡଲ ପ୍ଲାନ ଆଣିଛି। ଏହି ପ୍ଲାନ୍ ଜରିଆରେ ଗ୍ରାହକଙ୍କୁ ୧୫ଟି ପ୍ରମୁଖ ପ୍ରିମିୟମ୍ ଓଟିଟି ଆପ୍ ସହ ଅସୀମିତ ଡାଟା ମିଳୁଛି ଯାହାଦ୍ୱାରା ସେମାନେ ଯେତେବେଳେ ଚାହିଁବେ ନିଜ ପସନ୍ଦର ଆପ୍‌‌ରେ ଏହି ପ୍ରୋଗ୍ରାମ୍ ଦେଖିପାରିବେ। ମାସିକ ୮୮୮ ଟଙ୍କା ମୂଲ୍ୟର ଏହି ସୁଲଭ ପ୍ଲାନ ଉଭୟ ଜିଓ ଫାଇବର ଏବଂ ଜିଓ ଏୟାରଫାଇବର ଗ୍ରାହକଙ୍କ ପାଇଁ ଉପଲବ୍ଧ।

ନୂଆ ପ୍ଲାନରେ ଗ୍ରାହକଙ୍କୁ ୩୦ ଏମବିପିଏସ ସ୍ପିଡ ମିଳିବ। ଏହାବ୍ୟତୀତ ନେଟଫ୍ଲିକ୍ସର ବେସିକ୍ ପ୍ଲାନ୍‌‌, ଆମାଜନ୍ ପ୍ରାଇମ୍ ଏବଂ ଜିଓସିନେମା ପ୍ରିମିୟମ୍ ଭଳି ୧୫ରୁ ଅଧିକ ପ୍ରମୁଖ ଓଟିଟି ଆପ୍‌‌କୁ ଏହି ପ୍ଲାନ୍‌‌ରେ ଅନ୍ତର୍ଭୁକ୍ତ କରାଯାଇଛି। ଅର୍ଥାତ୍ ଏହି ଲୋକପ୍ରିୟ ଆପ୍‌‌ଗୁଡ଼ିକର ସବସ୍କ୍ରିପସନ ଏହି ପ୍ଲାନରେ ଉପଲବ୍ଧ ହେବ। ଏହି ପ୍ଲାନର ଆଉ ଏକ ବିଶେଷ ବୈଶିଷ୍ଟ୍ୟ ହେଉଛି, ନୂଆ ଗ୍ରାହକ ହୁଅନ୍ତୁ କିମ୍ବା ବର୍ତ୍ତମାନ ୧୦ ଏମବିପିଏସ କିମ୍ବା ୩୦ ଏମବିପିଏସ ପ୍ଲାନ ବ୍ୟବହାର କରୁଥିବା ଉପଭୋକ୍ତା, ୮୮୮ ଟଙ୍କାର ପୋଷ୍ଟପେଡ ପ୍ଲାନ ସମସ୍ତଙ୍କ ପାଇଁ ଉପଲବ୍ଧ। ବର୍ତ୍ତମାନ ପ୍ରିପେଡ୍ ପ୍ଲାନ୍ ରହିଥିବା ସମସ୍ତ ଉପଭୋକ୍ତା ସହଜରେ ଏହି ନୂଆ ପୋଷ୍ଟପେଡ୍ ପ୍ଲାନ୍‌‌କୁ ଅପଗ୍ରେଡ୍ କରିପାରିବେ।

ଏହାବ୍ୟତୀତ ନିକଟରେ ଘୋଷଣା ହୋଇଥିବା ଜିଓ ଆଇପିଏଲ ଧନ ଧନା ଧନ ଅଫର ମଧ୍ୟ ଏହି ପ୍ଲାନରେ ଲାଗୁ ହେବ। ଜିଓ ଫାଇବର କିମ୍ବା ଏୟାରଫାଇବର ପାଇଁ ଯୋଗ୍ୟ ଗ୍ରାହକମାନେ ସେମାନଙ୍କ ଜିଓ ହୋମ୍ ବ୍ରଡବ୍ୟାଣ୍ଡ କନେକ୍ସନରେ ୫୦ ଦିନର ରିହାତି କ୍ରେଡିଟ୍ ଭାଉଚର ପାଇପାରିବେ। ୨୦୨୪ ମେ ୩୧ ପର୍ଯ୍ୟନ୍ତ ଉପଲବ୍ଧ ଜିଓ ଧନ ଧନା ଧନ ଅଫରକୁ ଟି-୨୦ ସିଜନ ପାଇଁ ସ୍ୱତନ୍ତ୍ର ଭାବେ ଡିଜାଇନ୍ କରାଯାଇଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ

ଓଡ଼ିଶାରେ ସର୍ବାଧିକ ନୂଆ ମୋବାଇଲ ଗ୍ରାହକ ଯୋଡି ଏକ ନମ୍ବର ସ୍ଥାନ ସୁଦୃଢ କଲା ରିଲାଏନ୍ସ ଜିଓ: ଟ୍ରାଇ ତଥ୍ୟ

ଭୁବନେଶ୍ୱର: ରିଲାଏନ୍ସ ଜିଓ ଓଡ଼ିଶାରେ ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ଜୟଯାତ୍ରା ଜାରି ରଖି ମାର୍ଚ୍ଚ ମାସରେ ରାଜ୍ୟରେ ସର୍ବାଧିକ ୧.୨୫ ଲକ୍ଷରୁ ଅଧିକ ନୂଆ ମୋବାଇଲ୍ ଗ୍ରାହକ ଯୋଡ଼ିଛି। ଭାରତୀୟ ଦୂରସଂଚାର ନିୟାମକ କର୍ତ୍ତୃପକ୍ଷ (ଟ୍ରାଇ) ପକ୍ଷରୁ ପ୍ରକାଶିତ ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ୨୦୨୪ ମାର୍ଚ୍ଚ ମାସରେ ଜିଓ ଓଡ଼ିଶାରେ ସର୍ବାଧିକ ୧୨୫୨୬୭ ନୂଆ ମୋବାଇଲ୍ ଉପଭୋକ୍ତା ଯୋଡ଼ିଥିବା ବେଳେ ଏହାର ନିକଟତମ ପ୍ରତିଦ୍ୱନ୍ଦୀ ଏୟାରଟେଲ୍‌‌‌ ଏହି ସମୟରେ ମାତ୍ର ୭୪୨୭୦ ମୋବାଇଲ ଉପଭୋକ୍ତା ଯୋଡ଼ିଛି। ଅନ୍ୟପକ୍ଷରେ, ଭୋଡାଫୋନ୍ ଆଇଡିଆ (ୱି) ଓ ବିଏସ୍‌‌‌ଏନ୍‌‌‌ଏଲ୍ ମାର୍ଚ୍ଚ ମାସରେ ହଜାର ହଜାର ଗ୍ରାହକ ହରାଇଥିବା ଟ୍ରାଇ ପକ୍ଷରୁ ପ୍ରକାଶିତ ଏହି ତଥ୍ୟରୁ ଜଣାପଡ଼ିଛି।

ଏଥିସହିତ ୨୦୨୪ ମାର୍ଚ୍ଚ ୩୧ ସୁଦ୍ଧା ଓଡ଼ିଶାରେ ଜିଓ ନେଟୱାର୍କରେ ମୋଟ ମୋବାଇଲ ଗ୍ରାହକଙ୍କ ସଂଖ୍ୟା ପାଖାପାଖି ୧.୫୨ କୋଟି ହୋଇଛି। ମାର୍ଚ୍ଚ ମାସରେ ଓଡ଼ିଶାରେ ଟେଲିକମ୍ ଗ୍ରାହକ ସଂଖ୍ୟାରେ ୧.୭୫ ଲକ୍ଷ ବୃଦ୍ଧି ଫଳରେ ରାଜ୍ୟରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ମାର୍ଚ୍ଚ ଶେଷ ସୁଦ୍ଧା ୩.୩୭ କୋଟିକୁ ବୃଦ୍ଧି ହୋଇଛି। ଓଡ଼ିଶାରେ ସର୍ବାଧିକ ପସନ୍ଦର ଡିଜିଟାଲ ସେବା ପ୍ରଦାନକାରୀ ଭାବେ ଜିଓ କ୍ରମାଗତ ଭାବେ ପ୍ରତି ମାସରେ ସର୍ବାଧିକ ନୂଆ ଗ୍ରାହକ ଯୋଡ଼ିବା ସହ ଓଡ଼ିଶା ଟେଲିକମ୍ ବଜାରରେ ନିଜର ନେତୃତ୍ୱ ସ୍ଥାନକୁ ଆହୁରି ସୁଦୃଢ଼ କରିଛି।

ଜାତୀୟ ସ୍ତରରେ ମଧ୍ୟ ଜିଓ ମାର୍ଚ୍ଚ ମାସରେ ସର୍ବାଧିକ ୨୧.୪୩ ଲକ୍ଷରୁ ଅଧିକ ଗ୍ରାହକ ଯୋଡ଼ିଛି। ଏଥିସହିତ ଦେଶରେ ଜିଓ ନେଟୱାର୍କରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ୪୬.୯୭ କୋଟିକୁ ବୃଦ୍ଧି ପାଇଛି ଏବଂ କଂପାନି ଦେଶର ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜ ସ୍ଥିତିକୁ ଆହୁରି ସୁଦୃଢ଼ କରିପାରିଛି।

ସୂଚନାଯୋଗ୍ୟ ଯେ, ରିଲାଏନ୍ସ ଜିଓ ଓଡ଼ିଶାର ଦୂରସଂଚାର କ୍ଷେତ୍ରରେ ୪୫% ରୁ ଅଧିକ ଉପଭୋକ୍ତା ବଜାର ଅଂଶ ଏବଂ ୫୨% ରୁ ଅଧିକ ରାଜସ୍ୱ ବଜାର ଅଂଶ ସହିତ ରାଜ୍ୟର ଏକ ନମ୍ବର ଏବଂ ସର୍ବାଧିକ ପସନ୍ଦଯୋଗ୍ୟ ଡିଜିଟାଲ ସେବା ପ୍ରଦାନକାରୀ ହୋଇରହିଛି। ସାରା ରାଜ୍ୟରେ ଏହାର ସର୍ବବୃହତ ୪ଜି ଓ ୫ଜି ନେଟୱାର୍କ ଉପସ୍ଥିତି, ଦୁର୍ଗମ ଅଂଚଳରେ ଦ୍ରୁତ ସେବା ସମ୍ପ୍ରସାରଣ ଏବଂ ମାତ୍ର ୯୯୯ ଟଙ୍କାରେ ଉପଲବ୍ଧ ଅତ୍ୟାଧୁନିକ ସୁବିଧା ସମ୍ପନ୍ନ ସୁଲଭ ଜିଓ ଭାରତ ୪ଜି ଫୋନ୍‌‌ର ବ୍ୟାପକ ଲୋକପ୍ରିୟତା ବଳରେ ରାଜ୍ୟରେ ଜିଓ ଉପଭୋକ୍ତାଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଜିଓସିନେମା, ଜିଓଟିଭି, ଜିଓ ସାଭନ ଭଳି ପ୍ରିମିୟମ ଆପ୍ପ ଏବଂ ୟୁପିଆଇ ପେମେଂଟ ସୁବିଧା ଭଳି ଅନେକ ଆକର୍ଷଣୀୟ ଫିଚର ପାଇଁ ଜିଓ ଭାରତ ୪ଜି ଫୋନ୍‌‌ ରାଜ୍ୟର ଗ୍ରାମାଞ୍ଚଳ ଅଧିବାସୀ ତଥା ସୁଲଭ ମୂଲ୍ୟରେ ୪ଜି ଫୋନ ଅନ୍ୱେଷଣ କରୁଥିବା ଲୋକଙ୍କ ମଧ୍ୟରେ ବେଶ ଆଦୃତି ଲାଭ କରିଛି।

ଜିଓ ନିକଟରେ ଏହାର ଲୋକପ୍ରିୟ ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ଶତାଧିକ ଗ୍ରାମଗୁଡ଼ିକୁ ସମ୍ପ୍ରସାରିତ କରିଛି। ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା। ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି। ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ଡିଜିଟାଲ ଲାଇଫଲାଇନ ପାଲଟିବା ସହ ସର୍ବାଧିକ ପସନ୍ଦର ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ହୋଇଛି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ଜିଓ ଟ୍ରୁ ୫ଜି ବ୍ୟବହାରକାରୀଙ୍କ ପାଇଁ ନୂତନ ହୋମ ବ୍ରଡବ୍ୟାଣ୍ଡ ସଂଯୋଗ ସହିତ ୫୦ ଦିନିଆ ମାଗଣା ସେବା

ଭୁବନେଶ୍ଵର: ଭାରତର ସର୍ବବୃହତ ଟେଲିକମ୍ ସେବା ପ୍ରଦାନକାରୀ ଜିଓ ପକ୍ଷରୁ ଜିଓ ଏୟାରଫାଇବର, ଜିଓ ଏୟାରଫାଇବର ମ୍ୟାକ୍ସ ଏବଂ ଜିଓ ଫାଇବର ଉପଭୋକ୍ତାମାନଙ୍କ ପାଇଁ ସ୍ୱତନ୍ତ୍ର ଜିଓ ଧନ ଧନା ଧନ ଅଫର ପ୍ରଚଳନ କରାଯାଇଛି। ଚଳିତ ଟି-୨୦ ଋତୁରେ କ୍ରିକେଟପ୍ରେମୀଙ୍କୁ ଅସୀମିତ ଓ ଅନନ୍ୟ ଡିଜିଟାଲ ଅନୁଭୂତି ପ୍ରଦାନ ପାଇଁ ଏହା ଡିଜାଇନ୍ ହୋଇଛି।

ଜିଓ ଧନ ଧନା ଧନ ୫୦ ଦିନିଆ ମାଗଣା ଅଫର ଟ୍ରୁ ୫ଜି ଗ୍ରାହକଙ୍କୁ ସେମାନଙ୍କ ଜିଓ ହୋମ ବ୍ରଡବ୍ୟାଣ୍ଡ ସଂଯୋଗରେ ୫୦ ଦିନର ଅତିରିକ୍ତ ସେବା ହାସଲ କରିବାର ସୁଯୋଗ ପ୍ରଦାନ କରାଯାଉଛି।

ବିଦ୍ୟମାନ ଜିଓ ଫାଇବର ପୋଷ୍ଟପେଡ୍ ଗ୍ରାହକମାନେ ସେମାନଙ୍କ ବର୍ତ୍ତମାନର ସଂଯୋଗରେ ୧୨ ମାସର ଓଟିଟି ବଣ୍ଡଲ୍ ପ୍ଲାନ (ମାସିକ ୫୯୯ ଟଙ୍କା ଏବଂ ତଦୁର୍ଦ୍ଧ୍ୱ) କୁ ସ୍ଥାନାନ୍ତର କରି କିମ୍ବା ୫୯୯ ଟଙ୍କା ମୂଲ୍ୟର ଓଟିଟି ବଣ୍ଡଲ୍ ପ୍ଲାନ ପାଇଁ ୧୨ ମାସର ଅଗ୍ରୀମ ଦେୟ ଦେଇ ଏହି ୫୦ ଦିନିଆ ମାଗଣା ଅଫରର ଲାଭ ପାଇପାରିବେ। ସେହିଭଳି ବିଦ୍ୟମାନ ଜିଓ ଫାଇବର ପ୍ରିପେଡ୍ ଗ୍ରାହକମାନେ ମଧ୍ୟ ୯୯୯ ଟଙ୍କିଆ ପ୍ଲାନ ଏବଂ ତା’ଠାରୁ ଅଧିକ ବାର୍ଷିକ ଯୋଜନା ସହିତ ରିଚାର୍ଜ କରି କିମ୍ବା ଓଟିଟି ବଣ୍ଡଲ୍ ପ୍ଲାନରେ ୧୨ ମାସର ଅଗ୍ରୀମ ଦେୟ ଦେଇ ପ୍ରିପେଡ୍ ରୁ ପୋଷ୍ଟପେଡକୁ ପରିବର୍ତ୍ତନ କରି ଏହି ଅଫର ପାଇପାରିବେ।

ନୂତନ ଜିଓ ଫାଇବର ଓ ଜିଓ ଏୟାରଫାଇବର ଉପଭୋକ୍ତାମାନେ ମଧ୍ୟ ଏକ ପ୍ରଯୁଜ୍ୟ ପୋଷ୍ଟପେଡ୍ କିମ୍ବା ପ୍ରିପେଡ୍ ପ୍ଲାନ ଓଟିଟି ବଣ୍ଡଲ୍ ପ୍ଲାନରେ ୬ ମାସ କିମ୍ବା ୧୨ ମାସର ଅଗ୍ରୀମ ପ୍ଲାନ ଦେୟ ଚୟନ କରି ୫୦ ଦିନର ମାଗଣା ଅଫରର ଲାଭ ନେଇପାରିବେ।

ଜିଓ ନିକଟରେ ଏହାର ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ଶତାଧିକ ଗ୍ରାମଗୁଡ଼ିକୁ ସମ୍ପ୍ରସାରିତ କରିଛି। ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା। ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି। ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ଡିଜିଟାଲ ଲାଇଫଲାଇନ ପାଲଟିବା ସହ ସର୍ବାଧିକ ପସନ୍ଦର ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ହୋଇଛି।

Categories
ଆଜିର ଖବର ଜାତୀୟ ଖବର ବ୍ୟବସାୟ ରାଜ୍ୟ ଖବର

ଜାନୁୟାରୀରେ ଜିଓ ଯୋଡ଼ିଛି ସର୍ବାଧିକ ୧.୩ ଲକ୍ଷ ନୂଆ ମୋବାଇଲ ଗ୍ରାହକ: ଟ୍ରାଇ ତଥ୍ୟ

ଭୁବନେଶ୍ୱର: ଟ୍ରାଇ ପକ୍ଷରୁ ପ୍ରକାଶିତ ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ଜିଓ ଓଡ଼ିଶାରେ ସର୍ବାଧିକ ପସନ୍ଦର ତଥା ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜର ଜୟଯାତ୍ରା ଜାରି ରଖି ଜାନୁୟାରୀ ମାସରେ ଓଡ଼ିଶାରେ ସର୍ବାଧିକ ୧.୩ ଲକ୍ଷରୁ ଅଧିକ ନୂଆ ମୋବାଇଲ୍ ଗ୍ରାହକ ଯୋଡ଼ିଛି। ଟ୍ରାଇ ତଥ୍ୟ ଅନୁଯାୟୀ, ୨୦୨୪ ଜାନୁୟାରୀ ମାସରେ ଜିଓ ଓଡ଼ିଶାରେ ୧୩୦୭୩୫ ନୂଆ ମୋବାଇଲ୍ ଗ୍ରାହକ ଯୋଡ଼ିଥିବା ବେଳେ ଏହାର ନିକଟତମ ପ୍ରତିଦ୍ୱନ୍ଦୀ ଏୟାରଟେଲ୍‌‌‌ ଏହି ସମୟରେ ମାତ୍ର ୩୯୧୬୫ ମୋବାଇଲ ଉପଭୋକ୍ତା ଯୋଡ଼ିଛି। ଅନ୍ୟପକ୍ଷରେ, ଭୋଡାଫୋନ୍ ଆଇଡିଆ (ୱି) ଓ ବିଏସ୍‌‌‌ଏନ୍‌‌‌ଏଲ୍ ଜାନୁୟାରୀ ମାସରେ ଗ୍ରାହକ ହରାଇଥିବା ଟ୍ରାଇ ପକ୍ଷରୁ ପ୍ରକାଶିତ ଏହି ତଥ୍ୟରୁ ଜଣାପଡ଼ିଛି।

ଏଥିସହିତ ୨୦୨୪ ଜାନୁୟାରୀ ୩୧ ସୁଦ୍ଧା ଓଡ଼ିଶାରେ ଜିଓ ନେଟୱାର୍କରେ ମୋଟ ମୋବାଇଲ ଗ୍ରାହକଙ୍କ ସଂଖ୍ୟା ପାଖାପାଖି ୧.୫ କୋଟିର ନିକଟତର ହୋଇଛି । ଜାନୁୟାରୀରେ ଓଡ଼ିଶାରେ ଟେଲିକମ୍ ଗ୍ରାହକ ସଂଖ୍ୟାରେ ୧.୪୬ ଲକ୍ଷ ବୃଦ୍ଧି ଫଳରେ ରାଜ୍ୟରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ଜାନୁୟାରୀ ଶେଷ ସୁଦ୍ଧା ୩.୩୪ କୋଟିକୁ ବୃଦ୍ଧି ହୋଇଛି । ଓଡ଼ିଶାରେ ସର୍ବାଧିକ ପସନ୍ଦର ଡିଜିଟାଲ ସେବା ପ୍ରଦାନକାରୀ ଭାବେ ଜିଓ କ୍ରମାଗତ ଭାବେ ପ୍ରତି ମାସରେ ସର୍ବାଧିକ ନୂଆ ଗ୍ରାହକ ଯୋଡ଼ିବା ସହ ଓଡ଼ିଶା ଟେଲିକମ୍ ବଜାରରେ ନିଜର ନେତୃତ୍ୱ ସ୍ଥାନକୁ ଆହୁରି ସୁଦୃଢ଼ କରିଛି ।

ଜିଓ ଜାତୀୟ ସ୍ତରରେ ମଧ୍ୟ ଜାନୁୟାରୀ ମାସରେ ସର୍ବାଧିକ ୪୧.୭୮ ଲକ୍ଷରୁ ଅଧିକ ଗ୍ରାହକ ଯୋଡ଼ିଛି । ଏଥିସହିତ ଦେଶରେ ଜିଓ ନେଟୱାର୍କରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ୪୬.୩୯ କୋଟିକୁ ବୃଦ୍ଧି ପାଇଛି ଏବଂ କଂପାନି ଦେଶର ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜ ସ୍ଥିତିକୁ ଆହୁରି ସୁଦୃଢ଼ କରିପାରିଛି ।

ସୂଚନାଯୋଗ୍ୟ ଯେ, ରିଲାଏନ୍ସ ଜିଓ ଓଡ଼ିଶାରେ ସର୍ବାଧିକ ୪୪.୮ ପ୍ରତିଶତ ଗ୍ରାହକ ବଜାର ଅଂଶ ଏବଂ ଶିଳ୍ପରେ ସର୍ବାଧିକ ୫୨% ରାଜସ୍ୱ ବଜାର ଅଂଶ ସହିତ ଓଡ଼ିଶାର ସର୍ବାଧିକ ପସନ୍ଦଯୋଗ୍ୟ ଡିଜିଟାଲ ସେବା ପ୍ରଦାନକାରୀ ହୋଇରହିଛି ।

ଜିଓ ନିକଟରେ ଏହାର ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ଶତାଧିକ ଗ୍ରାମଗୁଡ଼ିକୁ ସମ୍ପ୍ରସାରିତ କରିଛି । ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‌‍ ବ୍ରଡବ୍ୟାଣ୍ଡ୍‌‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା ।

ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି । ଏଥିସହିତ ଜିଓ ଏୟାରଫାଇବର ବିନା କୌଣସି ଅତିରିକ୍ତ ମୂଲ୍ୟରେ ମାଗଣା ବିକ୍ରି ପରବର୍ତ୍ତୀ ସେବା ପ୍ରଦାନ କରୁଛି, ଯାହା ଦ୍ୱାରା ଗ୍ରାହକମାନେ ଅଧିକ ସଂଚୟ କରିପାରିବେ । ଘରୁ କାର୍ଯ୍ୟ କରୁଥିବା ଆଇଟି ପ୍ରଫେସନାଲଙ୍କ ଠାରୁ ଆରମ୍ଭ କରି ଛୋଟ ବଡ ଉଦ୍ୟୋଗ, ହୋଟେଲ ଓ ରେସ୍ତୋରାଁ, ଡିଜିଟାଲ ଷ୍ଟୁଡିଓ, ଶିକ୍ଷାନୁଷ୍ଠାନ, କ୍ଷୁଦ୍ର ବ୍ୟବସାୟ ଓ ବ୍ୟକ୍ତିଗତ ପରିବାର ପର୍ଯ୍ୟନ୍ତ ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ସର୍ବାଧିକ ପସନ୍ଦ ଓ ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ପାଲଟିଛି ।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ଓଡ଼ିଶାରେ ଜିଓର ଆଧିପତ୍ୟ ଜାରି, ଡିସେମ୍ବରରେ ଯୋଡ଼ିଛି ସର୍ବାଧିକ ୧.୪ ଲକ୍ଷ ନୂଆ ମୋବାଇଲ ଗ୍ରାହକ: ଟ୍ରାଇ ତଥ୍ୟ

ଭୁବନେଶ୍ୱର: ଟ୍ରାଇ ପକ୍ଷରୁ ପ୍ରକାଶିତ ସଦ୍ୟତମ ଟେଲିକମ୍ ଗ୍ରାହକ ତଥ୍ୟ ଅନୁଯାୟୀ, ଜିଓ ରାଜ୍ୟରେ ସର୍ବାଧିକ ପସନ୍ଦର ଏବଂ ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜର ଆଧିପତ୍ୟ ବଜାୟ ରଖିବା ସହ ଡିସେମ୍ବର ମାସରେ ଓଡ଼ିଶାରେ ସର୍ବାଧିକ ସଂଖ୍ୟକ ମୋବାଇଲ୍ ଗ୍ରାହକ ଯୋଡ଼ିଛି । ଟ୍ରାଇ ତଥ୍ୟ ଅନୁଯାୟୀ, ୨୦୨୩ ଡିସେମ୍ବର ମାସରେ ଜିଓ ଓଡ଼ିଶାରେ ୧.୪ ଲକ୍ଷରୁ ଅଧିକ ନୂଆ ମୋବାଇଲ୍ ଗ୍ରାହକ ଯୋଡ଼ିଥିବା ବେଳେ ଏହାର ନିକଟତମ ପ୍ରତିଦ୍ୱନ୍ଦୀ ଏୟାରଟେଲ୍‌‌ ଏହି ସମୟରେ ମାତ୍ର ୨୫୨୨ ମୋବାଇଲ ଉପଭୋକ୍ତା ଯୋଡ଼ିଛି । ଅନ୍ୟପକ୍ଷରେ, ଭୋଡାଫୋନ୍ ଆଇଡିଆ (ୱି) ଓ ବିଏସ୍‌‌ଏନ୍‌‌ଏଲ୍ ଡିସେମ୍ବର ମାସରେ ହଜାର ହଜାର ଗ୍ରାହକ ହରାଇଥିବା ଟ୍ରାଇ ପକ୍ଷରୁ ପ୍ରକାଶିତ ଏହି ତଥ୍ୟରୁ ଜଣାପଡ଼ିଛି ।

ଏଥିସହିତ ୨୦୨୩ ଡିସେମ୍ବର ୩୧ ସୁଦ୍ଧା ଓଡ଼ିଶାରେ ଜିଓ ନେଟୱାର୍କରେ ମୋଟ ମୋବାଇଲ ଗ୍ରାହକଙ୍କ ସଂଖ୍ୟା ୧.୪୮ କୋଟିରୁ ଉର୍ଦ୍ଧ୍ୱରେ ପହଞ୍ଚିଛି । ଡିସେମ୍ବରରେ ଓଡ଼ିଶାରେ ଟେଲିକମ୍ ଗ୍ରାହକ ସଂଖ୍ୟାରେ ୧.୧୫ ଲକ୍ଷ ବୃଦ୍ଧି ଫଳରେ ରାଜ୍ୟରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ଡିସେମ୍ବର ଶେଷ ସୁଦ୍ଧା ୩.୩୨ କୋଟିକୁ ବୃଦ୍ଧି ହୋଇଛି । ଜିଓ କ୍ରମାଗତ ଭାବେ ପ୍ରତି ମାସରେ ସର୍ବାଧିକ ନୂଆ ଗ୍ରାହକ ଯୋଡ଼ିବା ସହ ୨୦୨୩ ବର୍ଷରେ ନଅ ଲକ୍ଷରୁ ଅଧିକ ନୂଆ ମୋବାଇଲ୍ ଗ୍ରାହକ ଯୋଡ଼ି ଓଡ଼ିଶା ଟେଲିକମ୍ ବଜାରରେ ନିଜର ନେତୃତ୍ୱ ସ୍ଥାନକୁ ଆହୁରି ସୁଦୃଢ଼ କରିଛି ।

ଜିଓ ଜାତୀୟ ସ୍ତରରେ ମଧ୍ୟ ଡିସେମ୍ବର ମାସରେ ସର୍ବାଧିକ ୩୯.୯୪ ଲକ୍ଷରୁ ଅଧିକ ଗ୍ରାହକ ଯୋଡ଼ିଛି । ଏଥିସହିତ ଦେଶରେ ଜିଓ ନେଟୱାର୍କରେ ମୋଟ ମୋବାଇଲ୍ ଗ୍ରାହକ ସଂଖ୍ୟା ୪୫.୯୮ କୋଟିକୁ ବୃଦ୍ଧି ପାଇଛି ଏବଂ କଂପାନି ଦେଶର ଏକ ନମ୍ବର ଡିଜିଟାଲ ସେବା ପ୍ରଦାନକାରୀ ଭାବେ ନିଜ ସ୍ଥିତିକୁ ଆହୁରି ସୁଦୃଢ଼ କରିପାରିଛି ।

ସୂଚନାଯୋଗ୍ୟ ଯେ, ରିଲାଏନ୍ସ ଜିଓ ଓଡ଼ିଶାରେ ସର୍ବାଧିକ ୪୪.୬ ପ୍ରତିଶତ ଗ୍ରାହକ ବଜାର ଅଂଶ ଏବଂ ଶିଳ୍ପରେ ସର୍ବାଧିକ ୫୨% ରାଜସ୍ୱ ବଜାର ଅଂଶ ସହିତ ଓଡ଼ିଶାର ସର୍ବାଧିକ ପସନ୍ଦଯୋଗ୍ୟ ଡିଜିଟାଲ ସେବା ପ୍ରଦାନକାରୀ ହୋଇରହିଛି ।

ଜିଓ ନିକଟରେ ଏହାର ଜିଓ ଏୟାରଫାଇବର ସେବାକୁ ଓଡ଼ିଶାର ୨୫୦ରୁ ଅଧିକ ସହର ଏବଂ ନିକଟବର୍ତ୍ତୀ ଶତାଧିକ ଗ୍ରାମଗୁଡ଼ିକୁ ସମ୍ପ୍ରସାରିତ କରିଛି । ଶେଷ ମାଇଲ ସଂଯୋଗୀକରଣରେ ରହିଥିବା ସମସ୍ୟାକୁ ଦୂର କରିବା ସହ ଜିଓଏୟାରଫାଇବ‍ର ପ୍ରତ୍ୟେକ ଘର ଓ କ୍ଷୁଦ୍ର ବ୍ୟବସାୟିକ ପ୍ରତିଷ୍ଠାନକୁ ବ୍ରଡବ୍ୟାଣ୍ଡ୍‌‌‌‌‍ ସୁବିଧା ସହିତ ସଂଯୁକ୍ତ କରୁଛି ଯେଉଁଠାରେ ପୂର୍ବରୁ ଗୁଣାତ୍ମକ ହୋମ୍‌‌‌‌‍ ବ୍ରଡବ୍ୟାଣ୍ଡ୍‌‌‌‌‍ ସୁବିଧା ସେମାନଙ୍କ ପରିସରକୁ ଅପ୍‌‌‌‌‍ଟିକାଲ-ଫାଇବର ସମ୍ପ୍ରସାରଣରେ ରହିଥିବା ବିଭିନ୍ନ ଜଟିଳତା କାରଣରୁ ଉପଲବ୍ଧ ହୋଇପାରୁନଥିଲା ।

ଜିଓ ଏୟାରଫାଇବର ଟିଭି ଏବଂ ବ୍ରଡବ୍ୟାଣ୍ଡ ବ୍ୟବହାରକାରୀଙ୍କୁ ବିଶ୍ୱସ୍ତରୀୟ ଅତ୍ୟାଧୁନିକ ଗୃହ ମନୋରଞ୍ଜନ, ବ୍ରଡବ୍ୟାଣ୍ଡ ଏବଂ ଡିଜିଟାଲ ଅନୁଭୂତିକୁ ଉନ୍ନୀତ ହେବାର ସୁଯୋଗ ପ୍ରଦାନ କରୁଛି । ଏଥିସହିତ ଜିଓ ଏୟାରଫାଇବର ବିନା କୌଣସି ଅତିରିକ୍ତ ମୂଲ୍ୟରେ ମାଗଣା ବିକ୍ରି ପରବର୍ତ୍ତୀ ସେବା ପ୍ରଦାନ କରୁଛି, ଯାହା ଦ୍ୱାରା ଗ୍ରାହକମାନେ ଅଧିକ ସଂଚୟ କରିପାରିବେ। ଘରୁ କାର୍ଯ୍ୟ କରୁଥିବା ଆଇଟି ପ୍ରଫେସନାଲଙ୍କ ଠାରୁ ଆରମ୍ଭ କରି ଛୋଟ ବଡ ଉଦ୍ୟୋଗ, ହୋଟେଲ ଓ ରେସ୍ତୋରାଁ, ଡିଜିଟାଲ ଷ୍ଟୁଡିଓ, ଶିକ୍ଷାନୁଷ୍ଠାନ, କ୍ଷୁଦ୍ର ବ୍ୟବସାୟ ଓ ବ୍ୟକ୍ତିଗତ ପରିବାର ପର୍ଯ୍ୟନ୍ତ ଜିଓ ଏୟାରଫାଇବର ଓଡ଼ିଶାର ୨୫୦ ରୁ ଅଧିକ ଛୋଟ ବଡ଼ ସହରରେ ସର୍ବାଧିକ ପସନ୍ଦ ଓ ଭରସାଯୋଗ୍ୟ ହାଇସ୍ପିଡ୍ ବ୍ରଡବ୍ୟାଣ୍ଡ ସେବା ପ୍ରଦାନକାରୀ ପାଲଟିଛି ।

Categories
ଆଜିର ଖବର ଜାତୀୟ ଖବର

ଜିଓ ପ୍ଲାଟଫର୍ମସ୍ ର ନୂଆ ମେସିନ୍ ଲର୍ଣ୍ଣିଙ୍ଗ ପ୍ଲାଟଫର୍ମ ‘ଜିଓ-ବ୍ରେନ୍‌’

ଭୁବନେଶ୍ୱର: ଜିଓ ପ୍ଲାଟଫର୍ମସ୍ ଏକ ନୂତନ ୫ଜି ସମନ୍ୱିତ ମେସିନ୍ ଲର୍ଣ୍ଣିଙ୍ଗ ଏବଂ କୃତ୍ରିମ ଇଣ୍ଟେଲିଜେନ୍ସ (ଏଆଇ) ପ୍ଲାଟଫର୍ମ ‘ଜିଓ-ବ୍ରେନ୍‌’ ଶୁଭାରମ୍ଭ କରିଛି। ଜିଓ-ବ୍ରେନ୍ ସମସ୍ତ ପ୍ରକାର ଶିଳ୍ପ ଏବଂ ବ୍ୟବସାୟ ପାଇଁ ଏକ ସମନ୍ୱିତ ମେସିନ୍ ଲର୍ଣ୍ଣିଙ୍ଗ ପ୍ଲାଟଫର୍ମ ପ୍ରଦାନ କରିଥାଏ। ଜିଓ-ବ୍ରେନ୍ ପ୍ଲାଟଫର୍ମ କମ୍ପାନୀର ବର୍ତ୍ତମାନର ନେଟୱାର୍କ ସହିତ ସହଜରେ ଏକାଠି କାର୍ଯ୍ୟ କରିବାର କରିବାର କ୍ଷମତା ରଖିଛି। ଏହାକୁ ବ୍ୟବହାର କରିବାକୁ, କମ୍ପାନୀଗୁଡିକ ସେମାନଙ୍କର ବର୍ତ୍ତମାନର ନେଟୱାର୍କକୁ ପରିବର୍ତ୍ତନ କରିବା ଆବଶ୍ୟକ ପଡିବ ନାହିଁ। ଟେଲିକମ୍ ନେଟୱର୍କ ହେଉ ବା ଏଣ୍ଟରପ୍ରାଇଜ୍ ନେଟୱାର୍କ କିମ୍ବା ଯେକୌଣସି ପ୍ରକାରର ଆଇଟି ନେଟୱାର୍କ, ଜିଓ-ବ୍ରେନ୍ ସମସ୍ତ ପ୍ରକାର ନେଟୱାର୍କ ସହିତ ସଂଯୁକ୍ତ ଭାବରେ କାର୍ଯ୍ୟ କରିପାରିବ।

ଆର୍ଟିଫିସିଆଲ୍ ଇଣ୍ଟେଲିଜେନ୍ସ ସହ ସଜ୍ଜିତ ଏହି ଅଭିନବ ପ୍ଲାଟଫର୍ମ ଶହ ଶହ ଇଞ୍ଜିନିୟରଙ୍କ ଉଦ୍ୟମ ଏବଂ ଦୁଇ ବର୍ଷର ଗବେଷଣା ପରେ ବିକଶିତ ହୋଇଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି। ମେସିନ୍ ଲର୍ଣ୍ଣିଙ୍ଗକୁ ସହଜ କରିବାକୁ ଜିଓ-ବ୍ରେନ୍ ପ୍ଲାଟଫର୍ମ ୫୦୦ ରୁ ଅଧିକ ପ୍ରୟୋଗ ବା ଆପ୍ଲିକେସନ ସହିତ ସହିତ ସଜ୍ଜିତ ରହିଛି। ଚିତ୍ର, ଭିଡିଓ, ଲେଖା, ଡକ୍ୟୁମେଣ୍ଟ ପାଇଁ ଉନ୍ନତ ଏଆଇ ଫିଚର ଉପଲବ୍ଧ ରହିଛି। ସେହିପରି ଅନ୍ତର୍ନିହିତ (ଇନ୍‌-ବିଲ୍ଟ) ଏଆଇ ଆଲଗୋରିଦମ ସୁବିଧା ଜିଓ-ବ୍ରେନ୍ ପ୍ଲାଟଫର୍ମରେ ମଧ୍ୟ ଉପଲବ୍ଧ ରହିଛି।

ଜିଓ ପ୍ଲାଟଫର୍ମସ୍ ଏହାକୁ ୫ଜି ଏବଂ ଭବିଷ୍ୟତର ଟେକ୍ନୋଲୋଜି ୬ଜି ପାଇଁ ଉତ୍ପାଦ ଶୃଙ୍ଖଳ ବିକାଶ ଦିଗରେ ଏକ ମାଇଲଖୁଣ୍ଟ ଭାବରେ ବିଚାର କରୁଛି। ଜିଓ-ବ୍ରେନ୍ ଉଦ୍ୟୋଗଗୁଡ଼ିକୁ ପରିବର୍ତ୍ତନ ଏବଂ ନେଟୱାର୍କ ଅପ୍ଟିମାଇଜେସନ୍ କରିବା ଦିଗରେ ସହାୟତା କରିବା ସହିତ ୬ଜି ବିକାଶ ପାଇଁ ମଧ୍ୟ ମଞ୍ଚ ପ୍ରସ୍ତୁତ କରିବ, ଯେଉଁଥିରେ ମେସିନ୍ ଲର୍ଣ୍ଣିଙ୍ଗକୁ ଏକ ପ୍ରମୁଖ ସାମର୍ଥ୍ୟ ଭାବରେ ବିବେଚନା କରାଯାଉଛି। ଜିଓ-ବ୍ରେନ୍ ଇନୋଭେସନ୍ ଇକୋସିଷ୍ଟମ ପରିସର ବିସ୍ତାର କରିବାକୁ ସମାନ ଚିନ୍ତାଧାରା ସମ୍ପନ୍ନ ଏଆଇ ଏବଂ ମେସିନ୍ ଲର୍ଣ୍ଣିଙ୍ଗ ଗବେଷକମାନଙ୍କ ସହିତ ଏକାଠି କାର୍ଯ୍ୟ କରିବାକୁ ପ୍ରସ୍ତୁତ ରହିଥିବା ପ୍ରକାଶ କରାଯାଇଛି।