ଭୁବନେଶ୍ବର: ଆଜି ଓଡିଶା ପାଳନ କରୁଛି ମାଣ୍ଡିଆ ଦିବସ। ନୂଆ ଭାବେ ଏହି ଦିବସ ପାଳନ ପାଇଁ ନିଷ୍ପତି କରିଛି ରାଜ୍ୟ କୃଷି ବିଭାଗର ମିଲଟ ମିଶନ। ପ୍ରତି ବର୍ଷ ମାର୍ଗଶୀର ମାସ ପ୍ରଥମ ଗୁରୁବାରରେ ଏହି ଦିବସ ପାଳନ ହେବ। ମାଣ୍ଡିଆ ସ୍ବାସ୍ଥ୍ୟ ପକ୍ଷେ କେତେ ଭଲ ତାହାର ପ୍ରସାର ପାଇଁ ଏହି ଦିବସ ପାଳନ କରାଯିବ।
ଏହି ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି ଯେ, ମାର୍ଗଶିର ମାସ ପ୍ରଥମ ଗୁରୁବାର, ମାଣ୍ଡିଆଦିବସ ଉପଲକ୍ଷେ ହାର୍ଦ୍ଦିକ ଶୁଭେଚ୍ଛା। ଆସନ୍ତୁ ସମସ୍ତେ ସଂକଳ୍ପ ନେବା, ଆମ ଖାଦ୍ୟରେ ପୁଷ୍ଟିକର ଓ ଜଳବାୟୁ ଉପଯୋଗୀ ମିଲେଟକୁ ସାମିଲ କରିବା ଏବଂ ଖାଦ୍ୟ ବ୍ୟବସ୍ଥାରେ ସ୍ୱତନ୍ତ୍ର ସ୍ଥାନ ଦେଇ ଏକ ସୁସ୍ଥ ସମାଜ ସହ ଚାଷୀଙ୍କ କଲ୍ୟାଣ ଓ ଚିରସ୍ଥାୟୀ ପୃଥିବୀ ଗଠନ ଦିଗରେ ଆଗକୁ ବଢ଼ିବା।