ରଞ୍ଜିତ ପଣ୍ଡା
କୁଜଙ୍ଗ: କୁଜଙ୍ଗ ବ୍ଲକ୍ ଗଣ୍ଡିକୀପୁର ତରପଡାରେ ଦୁଇ କୁନି କୁନି ନାବାଳିକାଙ୍କୁ ସେହି ଗ୍ରାମର ଜଣେ ୧୫ ବର୍ଷର ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏ ହି ଗ୍ରାମର ଦୁଇ ପରିବାରର ୪ ବର୍ଷର ଓ ୩ ବର୍ଷର ଦୁଇ ଝିଅ ନିଜ ମା’ ମାନଙ୍କ ସହିତ ଗଣ୍ଡିକୀପୁର ତରପଡା ରାମଚଣ୍ଡି ମନ୍ଦିରକୁ ୨୨ ତାରିଖରେ ଭାଗବତ ରାମାୟଣ ଶୁଣିବାକୁ ଯାଇଥିଲେ । ଏହି ସମୟରେ ଦୁଇ କୁନି ଝିଅ ଖେଳୁଥିବା ବେଳେ କୁରୁକୁରି ଦେଖାଇ ତାଙ୍କୁ ଜଣେ ୧୫ ବର୍ଷର ନାବାଳକ ନିକଟସ୍ଥ ଏକ ନିଛାଟିଆ ଅଂଚଳକୁ ଡାକି ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ସମ୍ପୃକ୍ତା ଦୁଇ ନାବାଳିକାଙ୍କ ମା’ ଖୋଜାଖୋଜି କରିବାରୁ ଅଧଘଂଟା ପରେ ପିଲା ମାନଙ୍କୁ ପାଇଥିଲେ। ଏହି ମର୍ମରେ ଦୁଇ ପରିବାର ପକ୍ଷରୁ ଏକ ଅଭିଯୋଗ ହେବା ପରେ କୁଜଙ୍ଗ ଥାନାରେ କେସ୍ ନଂ-୧୧୫/୨୦ରେ ୩୭୬(ଏବି) ୪ ପୋସ୍କୋ ଆକ୍ଟ ମାମଲା ରୁଜ୍ଜୁ କରାଯାଇ ତଦନ୍ତ ଚାଲିଛି। ଏହି ଘଟଣାକୁ ନେଇ କୁଜଙ୍ଗ ଅଂଚଳରେ ତୀବ୍ର ପ୍ରତ୍ରିକିୟା ପ୍ରକାଶ ପାଇଛି।
