କଳାହାଣ୍ଡି ଜିଲାର ଜୟପାଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ପ୍ରଚାର କରିଛନ୍ତି। ଏହି ଅବସରରେ ନବୀନ କହିଛନ୍ତି ଯେ, ମା’ ମାନେ ହେଉଛନ୍ତି ବିକାଶର ପ୍ରକୃତ ଡବଲ ଇଞ୍ଜିନ। ବିଜେଡି ସରକାର ମହିଳାମାନଙ୍କ ଉପରେ ଅଧିକ ଗୁରୁତ୍ବ ଦେଇଛି। ମହିଳାଙ୍କ ପାଇଁ ‘ବିଜୁ ସ୍ବାସ୍ଥ୍ୟ କଲ୍ୟାଣ’ ଯୋଜନାରେ ସହାୟତା ରାଶି ୭ ଲକ୍ଷ ବଦଳରେ ୧୦ଲକ୍ଷ ଟଙ୍କାକୁ ବୃଦ୍ଧି କରାଯିବ। ଝିଅଙ୍କ ପାଇଁ ମାଗଣା ଶିକ୍ଷା ଦିଆଯିବା ଉପରେ ଗୁରୁତ୍ବ ଦିଆଯାଇଛି। କେଜିରୁ ଇଂଜିନିୟରିଂ ପଢିବା ପର୍ଯ୍ୟନ୍ତ ସମସ୍ତ ସହାୟତା କରାଯିବ ଉପରେ ଗୁରୁତ୍ବ ଦେଇଛନ୍ତି ସେହିପରି ଗରିବ ଝିଅମାନଙ୍କ ବାହାଘରରେ ୨୫ହଜାରଟଙ୍କା ସହାୟତା ଘୋଷଣା, ମିଶନ ଶକ୍ତିର ମା’ ମାନଙ୍କୁ ବର୍ଷକୁ ୫ହଜାର କୋଟିର ସରକାରୀ କାମ ଯୋଗାଇ ଦିଆଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। କେନ୍ଦ୍ରକୁ ଟାର୍ଗେଟ୍ କରି ନବୀନ କେବିକେ ଯୋଜନା କ’ଣ ପାଇଁ ବନ୍ଦ ହେଲା ବୋଲି ପ୍ରଶ୍ନ କରିଛନ୍ତି। ସେହିପରି ଏମଏସ୍ପିର ଦୁଇଗୁଣା ବୃଦ୍ଧି ଓ ସବୁ ଜମିକୁ ପାଣି, ତଥା ଏସ୍ସି ଏସ୍ଟି ପିଲାଙ୍କ ବୃତ୍ତି ବନ୍ଦ ପ୍ରସଙ୍ଗରେ କେନ୍ଦ୍ର ଉପରେ ବର୍ଷିଛନ୍ତି ନବୀନ। ନିର୍ବାଚନ ହେଲେ କେନ୍ଦ୍ରମନ୍ତ୍ରୀଙ୍କ ନୂଆପଡ଼ା, କଳାହାଣ୍ଡି କଥା ମନେପଡେ ବୋଲି କହି କଟାକ୍ଷ କରିଛନ୍ତି ନବୀନ। ଶେଷ ନିଃଶ୍ବାସ ପର୍ଯ୍ୟନ୍ତ ଓଡ଼ିଶାର ସେବା କରିବେ ବୋଲି ନବୀନ ପ୍ରତିଶ୍ରୁତି ଦେଇ ବିଜେଡ଼ି ସପକ୍ଷରେ ଭୋଟ୍ ପାଇଁ ଅପିଲ୍ କରିଛନ୍ତି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta, ଏହାପରେ ମୋବାଇଲ ସ୍କ୍ରିନର ତଳୁ ଉପରକୁ ଆଙ୍ଗୁଠିରେ ଘଷି ଖବର ପରେ ଖବର ପଢି ଚାଲନ୍ତୁ। )