Categories
ଆଜିର ଖବର ମନୋରଂଜନ ସିନେମା

‘ସମୁଦ୍ରମ୍‌’ରେ ନଜର ଆସିବେ ଅଦିତି ରାଓ ହାଇଦରୀ

ହାଇଦ୍ରାବାଦ : ବଲିଉଡ ଅଭିନେତ୍ରୀ ଅଦିତି ରାଓ ହାଇଦରୀ ଏକ ଦ୍ୱିଭାଷୀ ଫିଲ୍ମରେ ନଜର ଆସିବାକୁ ଯାଉଛନ୍ତି । ଉଭୟ ତେଲୁଗୁ ଏବଂ ତାମିଲ ଭାଷାରେ ନିର୍ମିତ ହେବାକୁ ଥିବା ଏହି ଫିଲ୍ମରେ ଅଦିତି ଅଭିନୟ କରୁଥିବା ନେଇ ଟ୍ୱିଟ କରି ସୂଚନା ଦେଇଛନ୍ତି । ଏହି ଫିଲ୍ମରେ ଅଦିତିଙ୍କ ବିପକ୍ଷରେ ସର୍ବାନନ୍ଦ ଏବଂ ସିଦ୍ଧାର୍ଥ ନାରାୟଣନ ଅଭିନୟ କରିବେ ବୋଲି ଜଣାପଡିଛି । ଆର ଏକ୍ସ 100 ଫିଲ୍ମର ନିର୍ଦ୍ଦେଶକ ଅଜୟ ଭୂପତି ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ତେବେ ଉଭୟ ଅଭିନେତା ଏକତ୍ର ନଜର ଆସିବେ କି ତେଲୁଗୁ ଭାଷାରେ ସର୍ବାନନ୍ଦ ଏବଂ ତାମିଲ ଭାଷାରେ ସିଦ୍ଧାର୍ଥ ନଜର ଆସିବେ ତାହା ସ୍ପଷ୍ଟ ହୋଇନାହିଁ । ପୂର୍ବରୁ ଅଦିତି ଏକାଧିକ ତାମିଲ ଫିଲ୍ମରେ ନଜର ଆସିଥିବା ବେଳେ ନିକଟରେ ରିଲିଜ ହୋଇଥିବା ତେଲୁଗୁ ଫିଲ୍ମ ଭିରେ ମୁଖ୍ୟ ଭୂମିକାରେ ନଜର ଆସିଥିଲେ ଅଦିତି ।

Categories
ଫଟୋ ଖବର

ଉଲାଲା ଉଲାଲା ଫିଲ୍ମର ଅଡିଓ ରିଲିଜ୍‌

Hyderabad: Ulala Ulala Movie Audio. (Photo: IANS)

Categories
ଫଟୋ ଖବର

ସରେଲୀରୁ ନିକେଏଭରୁ ଫିଲ୍ମରେ ମହେଶ ବାବୁ

Hyderabad: Actor Mahesh Babu in “Sarileru Neekevvaru” Movie

Categories
ଆଜିର ଖବର

ବିଜୟଙ୍କ ଜନ୍ମଦିନରେ ବିଗିଲ୍‌ର ପୋଷ୍ଟର ରିଲିଜ୍‌

ତାମିଲ୍‌ ସୁପରଷ୍ଟାର ବିଜୟଙ୍କ ଜନ୍ମଦିନରେ ରିଲିଜ୍‌ ହୋଇଛି ବିଜୟଙ୍କ ୬୩ ତମ ଚଳଚିତ୍ର ବିଗିଲ୍‌ର ପୋଷ୍ଟର। ବିଜୟଙ୍କ ଜନ୍ମଦିନ ଅବସରରେ ଫିଲ୍ମର ନିର୍ଦ୍ଦେଶକ ଅଟ୍‌ଲୀ ଫିଲ୍ମର ପୋଷ୍ଟର ରିଲିଜ୍‌ କରାଇଛନ୍ତି। ଏହି ଫିଲ୍ମରେ ବିଜୟଙ୍କୁ ତିନୋଟି ଭିନ୍ନ ଭିନ୍ନ ରୂପରେ ଦେଖିବାକୁ ମିଳିଛି। ପ୍ରଥମଟିରେ ଜଣେ ମାଞ୍ଚେଷ୍ଟର ୟୁନାଇଟେଡ ଫୁଟବଲର ଭୂମିକାରେ ନଜର ଆସିଥିବା ବେଳେ ଅନ୍ୟଟିରେ କୋଟ ସୁ୍‌ଟ ପିନ୍ଧିଛନ୍ତି ଏବଂ ଅନ୍ୟ ଏକ ଭୂମିକାରେ ଲୁଙ୍ଗି ପିନ୍ଧିଥିବା ଜଣେ ବୟସ୍କ ଚରିତ୍ରରେ ନଜର ଆସିଛନ୍ତି। ଥେରୀ ଏବଂ ମର୍ଶାଲ୍‌ ପରେ ଏହା ଅଟ୍‌ଲୀଙ୍କ ସହିତ ବିଜୟଙ୍କ ତୃତୀୟ ଫିଲ୍ମ। ଏହି ଫିଲ୍ମର ପୋଷ୍ଟରକୁ ବିଜୟଙ୍କର ଜନ୍ମଦିନ ଭେଟି ବୋଲି କହିଛନ୍ତି ଅଟ୍‌ଲୀ।

Categories
ଆଜିର ଖବର

ସୋନାଙ୍କ ‘ଖାନଦାନୀ ସଫାଖାନ୍‌’ର ଟ୍ରେଲର ରିଲିଜ୍‌

ସୋନାକ୍ଷୀ ସିହ୍ନାଙ୍କ ଅପ୍‌କମିଙ୍ଗ ଫିଲ୍ମ ‘ଖାନ୍‌ଦାନୀ ସଫାଖାନ୍‌’ର ଟ୍ରେଲ୍‌ର ଆଜି ରିଲିଜ ହୋଇଛି। ଏହି ଫିଲ୍ମର ସୋନାକ୍ଷୀଙ୍କ ବ୍ୟତୀତ ବରୁଣ ଶର୍ମା, ଅନୁ କପୁର୍‌, ବାଦଶାହା ପ୍ରମୁଖ ଅଭିନୟ କରିଛନ୍ତି। ଲୋକପ୍ରିୟ ରାପର୍‌ ବାଦଶାହା ଏହି ଫିଲ୍ମ ଜରିଆରେ ବଲିଉଡ୍‌ ଡେବ୍ୟୁ କରୁଛନ୍ତି। ଗୌତମ ମେହେରଙ୍କ ରଚିତ ଏହି କାହାଣୀର ନିର୍ଦ୍ଦେଶନା ଭାର ଗ୍ରହଣ କରିଛନ୍ତି ଶିଳ୍ପୀ ଦାସଗୁପ୍ତା। ଫିଲ୍ମଟି ଜୁଲାଇ ୨୬ ତାରିଖରେ ପରଦାକୁ ଆସିବ। ଏହି ଫିଲ୍ମରେ ସୋନାକ୍ଷୀଙ୍କୁ ସେକ୍ସ କ୍ଲିନିକ୍‌ ଚଲାଉଥିବାର ନଜର ଆସିବେ। ୨ମିନିଟ୍‌ ୪୨ ସେକେଣ୍ଡର ଏହି ଟ୍ରେଲର୍‌ରେ ଅନେକଗୁଡ଼ିଏ ଫନି ସିନ୍‌ ଦେଖିବାକୁ ମିଳିଛି। ତେବେ ଫିଲ୍ମଟି ଦର୍ଶକଙ୍କୁ ‘ଭିକି ଡୋନର୍‌’ର କିଛିଟା ସିନ୍‌ ମନେପକାଇଦେବ। କମେଡ଼ିଭିତ୍ତିକ ଏହି ଫିଲ୍ମଟିକୁ ଦର୍ଶକେ ଗ୍ରହଣ କରିବେ ବୋଲି ଆଶା କରାଯାଇଛି।

Categories
ଆଜିର ଖବର

ମଞ୍ଜରୀ ଫଡନିସ୍‌ଙ୍କ ସହିତ ଅମିତ୍‌ ସାଧ୍‌ଙ୍କ ନୂଆ ଓ୍ବେବ୍‌ ଫିଲ୍ମ

ବର୍ତ୍ତମାନ ସମସ୍ତ ଷ୍ଟାର ଡିଜିଟାଲ ପ୍ଲାଟଫର୍ମ ଆଡକୁ ମୁହାଁଇ ଥିବା ବେଳେ ନିଜର ଦ୍ବିତୀୟ ଓ୍ବେବ୍‌ ଫିଲ୍ମ କରିବା ପାଇଁ ଯାଉଛନ୍ତି ଅମିତ୍‌ ସାଧ୍‌। ଭାରତୀୟ ଡିଜିଟାଲ ପ୍ଲାଟଫର୍ମରେ ନିଜର ଦ୍ବିତୀୟ ଓ୍ବେବ୍‌ ଫିଲ୍ମ ନିମନ୍ତେ ମଞ୍ଜରୀ ଫଡନିସ୍‌ଙ୍କ ସହିତ କାମ ଆରମ୍ଭ କରିବାକୁ ଯାଉଛନ୍ତି ସାଧ୍‌। ପ୍ରଥମେ ଆମାଜନ୍‌ ପ୍ରାଇମ୍‌ର ବ୍ରିଦ୍‌ରେ ଅଭିନୟ କରିଥିବା ବେଳେ ଏହି ଓ୍ବେବ୍‌ ଫିଲ୍ମଟି ଜୀ 5ର ରହିଛି। ଆସନ୍ତା ମାସରୁ ଏହି ଫିଲ୍ମର ସୁଟିଂ ଆରମ୍ଭ ହେବାକୁ ଥିବା ବେଳେ ୨୦୨୦ରେ ଏହା ପ୍ରସାରିତ ହେବ। ଅମିତ୍‌ ସାଧ୍‌ ଅକ୍ଷୟ କୁମାର ଅଭିନୀତ ଗୋଲ୍ଡରେ ନଜର ଆସିଥିବା ବେଳେ ୨୦୧୮ ଫିଲ୍ମ ବା ବା ବ୍ଲାକ୍‌ ସିପ୍‌ରେ ନଜର ଆସିଥିଲେ ମଞ୍ଜରୀ।

Categories
ଆଜିର ଖବର

ବକ୍ସ ଅଫିସ୍‌ରେ କମାଲ୍‌ କରୁଛି ସଲ୍ଲୁଙ୍କ ‘ଭାରତ’

ଇଦ୍‌ ଅବସରରେ ମୁକ୍ତିଲାଭ କରିଛି ସଲମାନ୍‌- କ୍ୟାଟ୍ରିନା ଷ୍ଟାରର୍‌ ‘ଭାରତ’। ଭାଇଜାନ୍‌ଙ୍କ ଫିଲ୍ମକୁ ନେଇ ବଲିଉଡ୍‌ରେ ଗୋଟେ ଅଲଗା ପ୍ରକାରର କ୍ରେଜ୍‌ ରହିଥାଏ। ଏହି ଫିଲ୍ମରେ ସଲମାନ୍‌ଙ୍କୁ ଭିନ୍ନ ଭିନ୍ନ ଲୁକ୍‌ରେ ଦେଖିବାକୁ ମିଳିଥିବାବେଳେ କ୍ୟାଟ୍ରିନାଙ୍କ ଦେଶୀ ଅନ୍ଦାଜ୍‌ ଦର୍ଶକଙ୍କୁ ବେଶ୍‌ ଆକୃଷ୍ଟ କରିଛି। ସଲ୍ଲୁ-କ୍ୟାଟ୍‌ଙ୍କ ବ୍ୟତୀତ ଦିଶା ପଟ୍ଟାନୀ, ସୁନୀଲ ଗ୍ରୋଭର୍‌, ତବୁ, ଜ୍ୟାକିଶ୍ରଫ୍ ପ୍ରମୁଖଙ୍କ ଅଭିନୟ ମଧ୍ୟ ବେଶ୍‌ ଭଲ ରହିଛି। ଫିଲ୍ମଟି ପ୍ରଥମ ଦିନରେ ୪୦ କୋଟିରୁ ଉର୍ଦ୍ଧ୍ବ ଆୟ କରିଥିବାବେଳେ ଫିଲ୍ମକୁ ନେଇ ଫିଲ୍ମ ସମୀକ୍ଷକଙ୍କ ରିଭ୍ୟୁ ମଧ୍ୟ ବେଶ୍‌ ଭଲ ରହିଛି। ଏହି ଫିଲ୍ମର ନିର୍ଦ୍ଦେଶନା ଭାର ଗ୍ରହଣ କରିଛନ୍ତି ଅଲ୍ଲୀ ଆବାସ ଜାଫର୍‌। ଅଲ୍ଲୀ ଓ ସଲ୍ଲମାନ୍‌ଙ୍କ ଏହା ତୃତୀୟ ଫିଲ୍ମ ହୋଇଥିବାବେଳେ ଅନ୍ୟ ଦୁଇଗୋଟି ଫିଲ୍ମ ‘ସୁଲତାନ୍‌’ ଓ ‘ଟାଇଗର୍‌ ଜିନ୍ଦା ହୈ’କୁ ବକ୍ସ ଅଫିସର ଅପୂର୍ବ ସଫଳତା ମିଳିଥିବାବେଳେ ‘ଭାରତ’ର ଦୁଇଦିନର ପ୍ରଦର୍ଶନ ବେଶ୍‌ ଭଲ ରହିଛି। ତେବେ ପ୍ରଥମ ଦିନର ଓପନିଂକୁ ନେଇ ସଲମାନ୍‌ ତାଙ୍କ ନିଜ ଫ୍ୟାନ୍‌ମାନଙ୍କୁ ଧନ୍ୟବାଦ ଜଣାଇ ଏକ ଟୁଇଟ୍‌ କରିଛନ୍ତି। ତେବେ ଦେଖାଯାଉ ଆଗାମୀ ଦିନରେ ‘ଭାରତ’ ବକ୍ସ ଅଫିସ୍‌ରେ କେତେ ବ୍ୟବସାୟ କରୁଛି।

Categories
ଆଜିର ଖବର

ପରଦାକୁ ଆସିଲା ଭାଇଜାନ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଭାରତ’

ବଲିଉଡ୍‌ ଭାଇଜାନ୍‌ ସଲମନ୍‌ ଖାନ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଭାରତ’ ଆଜି ଇଦ୍‌ ଅବସରରେ ମୁକ୍ତିଲାଭ କରିଛି। ସାଉଥ୍‌ କୋରିଆନ୍‌ର ବ୍ଲକ୍‌ବ୍ଲଷ୍ଟର ଫିଲ୍ମ ‘ଅଡ୍‌ ଟୁ ମାଇ ଫାଦର୍‌’ର ରିମେକ୍‌ ହେଉଛି ‘ଭାରତ’। ଅଲ୍ଲୀ ଆବାସ ଜାଫର୍‌ଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଲମାନ୍‌ ଖାନ୍‌, କ୍ୟାଟ୍ରିନା କୈଫ୍‌, ଦିଶା ପଟ୍ଟାନି, ସୁନୀଲ ଗ୍ରୋଭର୍‌, ନୋରା ଫତେହୀ ପ୍ରମୁଖ ଅଭିନୟ କରିଛନ୍ତି।  ପାଖାପାଖି ୪୦୦୦ ସିନେମା ଘରେ ଏହି ଫିଲ୍ମଟି ପ୍ରଦର୍ଶିତ ହୋଇଛି। ଫିଲ୍ମରେ ସଲମାନଙ୍କୁ ସମ୍ପୂର୍ଣ୍ଣ ନୁଆ ଲୁକରେ ଦେଖିବା ସହିତ ଏହି ଫିଲ୍ମରେ ସଲ୍ଲୁଙ୍କର ଭିନ୍ନ ଭିନ୍ନ ଲୁକ୍‌ ମଧ୍ୟ ରହିଛି। ଇଦ୍‌ ଅବସରରେ ସଲମାନଙ୍କ ଏହି ନୂଆ ଭେଟିକୁ ନେଇ ଦର୍ଶକଙ୍କ ମନରେ ବେଶ୍‌ ଉତ୍ସାହ ରହିଛି ।

Categories
ଆଜିର ଖବର

‘ବାଲା’କୁ ନେଇ ନୂଆ ବିବାଦ : ନିର୍ମାତାଙ୍କ ବିରୋଧରେ କୋର୍ଟଙ୍କ ଦ୍ବାରସ୍ଥ ହେଲେ ସହକାରୀ ନିର୍ଦ୍ଦେଶକ

ଆର୍ଟିକିଲ୍‌ ୧୫ର ଟ୍ରେଲର ରିଲିଜ୍‌କୁ ନେଇ ଚର୍ଚ୍ଚାରେ ରହିଥିବା ଆୟୁଷ୍ମାନ ଖୁରାନାଙ୍କ ଅପକମିଙ୍ଗ ଫିଲ୍ମ ବାଲାକୁ ନେଇ ଏକ ନୂତନ ବିବାଦ ଦେଖା ଦେଇଛି। କାହାଣୀ ଚୋରି ଅଭିଯୋଗରେ ଜନୈକ ସହକାରୀ ନିର୍ଦ୍ଦେଶକ ଫିଲ୍ମର ନିର୍ମାତା, ନିର୍ଦ୍ଦେଶକ ଏବଂ ଅଭିନେତାଙ୍କ ବିରୋଧରେ କୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ସହକାରୀ ନିର୍ଦ୍ଦେଶକ କମଲ କାନ୍ତ ଚନ୍ଦ୍ରା ଆୟୁଷ୍ମାନ ଖୁରାନା, ନିର୍ଦ୍ଦେଶକ ଅମର କୌଶିକ୍‌ ଏବଂ ପ୍ରଯୋଜକ ଦୀନେଶ ଭିଜନଙ୍କ ବିରୋଧରେ ମାମଲା ଦାୟର କରିଛନ୍ତି। ସମାନ କାହାଣୀକୁ ନେଇ କମଲ କାନ୍ତ ରେଜିଷ୍ଟର କରିଥିବାରୁ ବାଲାର ନିର୍ମାତାଙ୍କ ବିରୋଧରେ କୋର୍ଟର ଦ୍ବାରସ୍ଥ ହୋଇଛନ୍ତି। କମଲ କାନ୍ତ ଧାରା ୪୨୦(ଠକେଇ) ଏବଂ ଧାରା ୪୦୬ (ବିଶ୍ବାସ ଭଙ୍ଗ)ରେ ଅଭିଯୋଗ ଆଣି ଏହି ମାମଲା ରୁଜୁ କରିଛନ୍ତି।

Categories
ଆଜିର ଖବର

ବାହୁବଲୀଙ୍କ ସହ ନଜର ଆସିବେ ଭାଇଜାନ୍‌, ‘ସାହୋ’ରେ ସଲମାନ୍‌ !

ବାହୁବଲୀ ଫେମ୍‌ ପ୍ରଭାସ ତାଙ୍କର ଆଗାମୀ ଫିଲ୍ମ ‘ସାହୋ’କୁ ନେଇ ବେଶ୍‌ ଚର୍ଚ୍ଚାରେ ରହିଛନ୍ତି। ସୁଜିଥ୍‌ଙ୍କ ନିର୍ଦ୍ଦେଶିତ ଏହି ଫିଲ୍ମଟି ଅଗଷ୍ଟ୧୫ରେ ରିଲିଜ୍‌ ହେବ ବୋଲି ଜଣାପଡିଛି। ଏହି ସ୍ପାଇ ଥ୍ରିଲର୍‌ ଫିଲ୍ମରେ ବଲିଉଡ୍‌ ଭାଇଜାନ୍‌ ସଲମନ୍‌ ଖାନ୍‌ ଏକ କୋମିଓରେ ନଜର ଆସିବେ ବୋଲି ଖବର ରହିଛି। ତେବେ ଏହି ଫିଲ୍ମର ନିର୍ମାତା ସଲମାନ୍‌ଙ୍କୁ ଅତିଥି ଭୂମିକା ପାଇଁ  ଆପ୍ରୋଚ କରିଥିବାର ଜଣାପଡିଛି। ଏହି ଫିଲ୍ମରେ ପ୍ରଭାସଙ୍କ ବ୍ୟତୀତ ଶ୍ରଦ୍ଧା କପୁର୍‌, ନିଲ୍‌ ନିତନ୍‌ ମୁକେଶ, ଅରୁଣ ବିଜୟ, ଜ୍ୟାକି ଶ୍ରଫ୍‌, ମନ୍ଦିରା ବେଦୀ ଆଦି ପ୍ରମୁଖ ଭୂମିକାରେ ଅଭିନୟ କରୁଛନ୍ତି। ଫିଲ୍ମର ବଜେଟ୍‌ ପାଖାପାଖି ୨୫୦ କୋଟି ରହିଛି।

Categories
ଆଜିର ଖବର

ସୈଫ୍‌ଙ୍କ ନାଗାସାଧୁ ଲୁକ୍‌ :  ‘ଲାଲ କପ୍ତାନ୍‌’ର ଫାଷ୍ଟ ଲୁକ୍‌ ଜାରି

ଅଭିନେତା ସୈଫ୍‌ଅଲ୍ଲୀ ଖାନ୍‌ଙ୍କ ଆଗାମୀ ଫିଲ୍ମ ‘ଲାଲ୍‌ କପ୍ତାନ’ର ଫାଷ୍ଟ ଲୁକ୍‌ ଜାରି ହୋଇଛି। ଏହି ଫିଲ୍ମରେ ସୈଫ୍‌ ନାଗା ସାଧୁ ଭୂମିକାରେ ନଜର ଆସିବେ। ରିଭେଞ୍ଜ ଡ୍ରାମା ଉପରେ ଆଧାରିତ ଏହି ଫିଲ୍ମର ଫାଷ୍ଟଲୁକ୍‌ର ଏରୋସ୍‌ ଦ୍ବାରା ଜାରି କରାଯାଇଛି। ଏହି ଫାଷ୍ଟଲୁକ୍‌ ସହିତ ଏକ ଟ୍ୟାଗ୍‌ଲାଇନ୍‌ ମଧ୍ୟ ରହିଛି – ‘ରାଖ୍‌ ସେ ଜନ୍ମା… ରାଖ୍‌ ହୋ ଜାନେ କୋ’। ଫିଲ୍ମର ନିର୍ଦ୍ଦେଶନା ନବଦୀପ ସିଂହ କରିଛନ୍ତି। ପୋଷ୍ଟରରୁ ସୈଫ୍‌ ଅଲ୍ଲୀ ଖାନ୍‌ଙ୍କୁ ଚିହ୍ନିବା ବହୁତ କଷ୍ଟକର। ତାଙ୍କର ଏହି ଲୁକ୍‌ ହଲିଉଡ୍‌  ଜ୍ୟାକ୍‌ ସ୍ପୋରିଙ୍କ ସହ ଅନେକାଂଶରେ ମିଳୁଛି ବୋଲି ଜଣାପଡିଛି। ଫିଲ୍ମଟି ଡିସେମ୍ବର ୬ ତାରିଖରେ ପରଦାକୁ ଆସିବ ବୋଲି ଜଣାପଡିଛି।

Categories
ଆଜିର ଖବର

ପରଦାକୁ ଆସିଲା ଅଜୟ, ତବୁ ଓ ରକୁଲ୍‌ଙ୍କ ଅଭିନୀତ ’ଦେ ଦେ ପ୍ୟାର୍‌ ଦେ’

ଫିଲ୍ମ ଫ୍ରାଇଡେ’ରେ ପରଦାକୁ ଆସିଛି ବଲିଉଡ୍‌ର ସିଂହମ୍ ଅଜୟ ଦେବ୍‌ଗନ୍‌, ତବୁ ଏବଂ ରକୁଲ୍‌ ପ୍ରୀତ୍‌ ସିଂଙ୍କ ଅଭିନୀତ ଫିଲ୍ମ ‘ଦେ ଦେ ପ୍ୟାର୍‌ ଦେ’। ଏହା ଏକ ପାରିବାରିକ ରୋମାଣ୍ଟିକ୍‌ କମେଡ଼ି ଫିଲ୍ମ। ଅକିବ୍‌ ଅଲ୍ଲୀ ନିର୍ଦ୍ଦେଶିତ ଏହି ଫିଲ୍ମରେ ଜଣେ ବ୍ୟକ୍ତି ନିଜଠୁ ଅଧା ବୟସର ଝିଅକୁ ଭଲ ପାଉଛନ୍ତି। ଏହି ଫିଲ୍ମର ଟ୍ରେଲର୍‌କୁ ଭଲ ରେସ୍‌ପଣ୍ଡ ମିଳିଛି। ଅଜୟ ଏଥିରେ ୫୦ ବର୍ଷୀୟ ଜଣେ ଚରିତ୍ର ଭାବେ ଅଭିନୟ କରୁଛନ୍ତି। ସେହିପରି ରକୁଲ୍‌୨୬ ବର୍ଷିୟ ଜଣେ ଝିଅ ଭୂମିକାରେ ଅଭିନୟ କରୁଛନ୍ତି। କମେଡ଼ି ମସଲାରେ ଭରପୂର ଏହି ଫିଲ୍ମଟି ଦର୍ଶକଙ୍କୁ ପସନ୍ଦ ଆସିବ ବୋଲି ଆଶା କରାଯାଉଛି।

Categories
ଆଜିର ଖବର

ଏନ୍‌ଜିକେର ଟ୍ରେଲର ରିଲିଜ୍‌

ତାମିଲ ସୁପରଷ୍ଟାର ସୂର୍ଯ୍ୟାଙ୍କ ଅପ୍‌କମିଙ୍ଗ ଫିଲ୍ମ ନନ୍ଦ ଗୋପାଳ କୁମାରନ୍‌ (ଏନ୍‌ଜିକେ)ର ଟ୍ରେଲର ରିଲିଜ୍‌ ହୋଇଛି। ମଙ୍ଗଳବାର ରିଲିଜ୍‌ ହୋଇଥିବା ଏହି ଟ୍ରେଲରକୁ ରିଲିଜ୍‌ ପରଠାରୁ ୟୁଟ୍ୟୁବ୍‌ରେ ୫୦ ଲକ୍ଷ ଲୋକ ଦେଖି ସାରିଲେଣି। ସେଲ୍‌ଭା ରାଘବନଙ୍କ ନିର୍ଦ୍ଦେଶିତ ଏହି ଫିଲ୍ମରେ ସୂର୍ଯ୍ୟାଙ୍କ ବ୍ୟତିତ ସାଇ ପଲ୍ଲବୀ ଏବଂ ରକୁଲ୍‌ ପ୍ରୀତ ମଧ୍ୟ ନଜର ଆସିବେ। ମେ ୩୧, ୨୦୧୯ରେ ଏହି ଫିଲ୍ମଟି ରିଲିଜ୍‌ ହେବ। ରାଜନୈତିକ ଡ୍ରାମା ଉପରେ ଆଧାରିତ ଏହି ଫିଲ୍ମରେ ସୂର୍ଯ୍ୟା ଜଣେ ଯୁବ ରାଜନେତାର ଚରିତ୍ରରେ ନଜର ଆସିବେ। ଟ୍ରେଲରର ଏକ ଦୃଶ୍ୟରେ ତାଙ୍କ ମା ତାଙ୍କୁ କହୁଥିବା ଦୃଶ୍ୟ ‘ରାଜନୀତି ଏକ ସ୍ମଶାନ, କେହିବି ଏଥିରୁ ଜୀବନ୍ତ ଫେରିନଥାନ୍ତି’ ଅତ୍ୟନ୍ତ ଚମତ୍କାର ରହିଛି। ସାଇ ପଲ୍ଲବୀ ସୂର୍ଯ୍ୟାଙ୍କ ପତ୍ନୀ ଭୂମିକାରେ ରହିଥିବା ବେଳେ ରକୁଲଙ୍କ ଜଣେ ସିାମ୍ବାଦିକା ଭୂମିକାରେ ନଜର ଆସିଛନ୍ତି। ଦୀର୍ଘ ୬ ବର୍ଷର ବ୍ୟବଧାନ ପରେ ସେଲ୍‌ଭା ରାଘବନଙ୍କ ଫିଲ୍ମ ରିଲିଜ୍‌ ହେବାକୁ ଯାଉଛି। ଡ୍ରିମ୍‌ ଓ୍ବାରିୟର୍‌ ପ୍ରଯୋଜନା ସଂସ୍ଥା ଅଧୀନରେ ନିର୍ମିତ ଏହି ଫିଲ୍ମରେ ୟୁଭାନ ଶଙ୍କର ରାଜା ମ୍ୟୁଜିକ୍‌ ଦେଇଥିବା ବେଳେ ଶିବା କୁମାର ବିଜୟନ୍‌ ସିନେମାଟୋଗ୍ରାଫି ଏବଂ ପ୍ରବୀଣ କେଏଲ୍‌ ଏଡିଟିଙ୍ଗ ଦାୟିତ୍ବରେ ଅଛନ୍ତି।

Categories
ଆଜିର ଖବର

ପ୍ରିୟା ପ୍ରକାଶ ଓ୍ବାରିୟରଙ୍କ ଦ୍ବିତୀୟ ବଲିଉଡ୍‌ ଫିଲ୍ମ

ଇଣ୍ଟରନେଟ୍‌ ସେନ୍‌ସେସନ୍‌ ପ୍ରିୟା ପ୍ରକାଶ ଓ୍ବାରିୟର୍‌ ନିଜର ଦ୍ବିତୀୟ ବଳିଉଡ୍‌ ଫିଲ୍ମ ସାଇନ୍‌ କରିଛନ୍ତି। ମାଲାୟଲମ୍‌ ଫିଲ୍ମ ଓରୁ ଆଡାର ଲଭ୍‌ର ଏକ ଗୀତ ପାଇଁ ରାତାରାତି ଭାରତରେ ପ୍ରସିଦ୍ଧ ହୋଇଥିବା ଓ୍ବାରିୟର ନିକଟରେ ଲଭ୍‌ ହ୍ୟାକର୍‌ ନାମକ ଏକ ଫିଲ୍ମ ସାଇନ୍‌ କରିଛନ୍ତି। ପୂର୍ବରୁ ଶ୍ରୀଦେବୀ ବଙ୍ଗଲା ନାମକ ଏକ ବଲିଉଡ୍‌ ଫିଲ୍ମ ସାଇନ୍‌ କରିଥିଲେ ପ୍ରିୟା। ଫିଲ୍ମଟି ସାଇବର ହ୍ୟାକିଂ ଏବଂ ଏହାଦ୍ବାରା ପ୍ରେମରେ ପଡିଥିବା ଏକ ଯୁବତୀର କାହାଣୀ ବୋଲି ଜଣାପଡିଛି। ମୟଙ୍କ ପ୍ରକାଶ ଶ୍ରୀବାସ୍ତବ ଫିଲ୍ମଟିର ନିର୍ଦ୍ଦେଶନା ଦେଉଛନ୍ତି। ଶ୍ରୀଦେବୀ ବଙ୍ଗଲାର ନିର୍ଦ୍ଦେଶନା ପ୍ରଶାନ୍ତ ମାମ୍ପିଲି ଦେଉଥିବା ବେଳେ ଏହାର ରିଲିଜ୍‌ ତାରିଖ ସ୍ଥିର ହୋଇ ନାହିଁ। ଏହି ଦୁଇଟି ଚଳଚିତ୍ର ସହିତ ଅଲ୍ଲୁ ଅର୍ଜୁନଙ୍କ ସହିତ ଏକ ତେଲୁଗୁ ଚଳଚିତ୍ରରେ ମଧ୍ୟ ନଜର ଆସିବେ ପ୍ରିୟା ପ୍ରକାଶ ଓ୍ବାରିୟର।

Categories
ଆଜିର ଖବର

ଭଂସାଲୀଙ୍କ ଫିଲ୍ମରେ ରଣଦୀପ ହୁଡା

ବଲିଉଡ୍‌ରେ ନିଜର ଅଲଗା ଅଭିନୟ ପାଇଁ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ରଣଦୀପ ହୁଡା ସଞ୍ଜୟ ଲୀଲା ଭଂସାଲୀଙ୍କ ଆଗାମୀ ଚଳଚିତ୍ରରେ ନଜର ଆସିବାକୁ ଯାଉଛନ୍ତି। ଏହି ଚଳଚିତ୍ରରେ ରଣଦୀପ ଜଣେ ପୋଲିସ୍ ଭୂମିକାରେ ଅଭିନୟ କରିଥିବା ବେଳେ ଭଂସାଲୀ ଚଳଚିତ୍ରର ପ୍ରଯୋଜନା କରୁଛନ୍ତି। ଭଂସାଲୀ ସଲ୍‌ମାନ-ଆଲିଆଙ୍କ ସହିତ ଇନ୍‌ସାଆଲ୍ଲାର ଘୋଷଣା କରିଥିବା ବେଳେ ଏକ ସମୟରେ ଏହି ଦୁଇ ଚଳଚ୍ଚିତ୍ରର ସୁଟିଂ ହେବ। ଏହି ଚଳଚ୍ଚିତ୍ରର ନାମ ସ୍ଥିର ହୋଇନଥିବା ବେଳେ ନିର୍ଦ୍ଦେଶକ ଭାବରେ ପଦାର୍ପଣ କରିବେ ବଲଓ୍ବିନ୍ଦର ସିଂ ଜନୁଜା। ପୂର୍ବରୁ ଜନୁଜା ମୁବାରକାନ୍‌, ଫିରଙ୍ଗୀ ଏବଂ ଷାଣ୍ଡ କି ଆଙ୍ଖ ଭଳି ଫିଲ୍ମର କାହାଣୀ ଲେଖିଛନ୍ତି। ଥ୍ରୀଲର କାହାଣୀ ଉପରେ ଆଧାରିତ ଏହି ଫିଲ୍ମର ସୁଟିଂ ଅଗଷ୍ଟରୁ ଆରମ୍ଭ ହେବ ବୋଲି ଜଣାପଡିଛି। ଲଭ୍‌ ଆଜ୍‌ କଲ୍‌-୨ରେ ସୁଟିଂରେ ବ୍ୟସ୍ତ ଥିବା ରଣଦୀପ ଏହା ପୂର୍ବରୁ ଜନ୍ନତ-୨, ବାଗି-୨ ଏବଂ କିକ୍‌ରେ ପୋଲିସ୍‌ ଚରିତ୍ରରେ ନଜର ଆସିଛନ୍ତି।

Categories
ଆଜିର ଖବର

ସୂର୍ଯ୍ୟବଂଶୀରେ ଅକ୍ଷୟଙ୍କ ସହ ନଜର ଆସିବେ କ୍ୟାଟ୍ରିନା କୈଫ୍‌

ଦୀର୍ଘଦିନ ପରେ ପରଦାରେ ଅକ୍ଷୟ କୁମାର ଓ କ୍ୟାଟ୍ରିନା କୈଫ୍‍ଙ୍କ ଯୋଡ଼ିଙ୍କୁ ଦେଖିବାକୁ ମିଳିବ। ରୋହିତ୍‍ ଶେଟ୍ଟୀଙ୍କ ନିର୍ଦ୍ଦେଶିତ ଆଗାମୀ ଚଳଚ୍ଚିତ୍ର ‘ସୂର୍ଯ୍ୟବଂଶୀ’ରେ କ୍ୟାଟ୍ରିନାଙ୍କୁ ଅକ୍ଷୟଙ୍କ ବିପକ୍ଷରେ ନାୟିକା ଭାବେ ଦେଖିବାକୁ ମିଳିବ। ଅକ୍ଷୟ ଏହି ସୂଚନା ଦେଇଛନ୍ତି। ଏହି ଚଳଚ୍ଚିତ୍ରର ନାୟିକା କିଏ ହେବେ ନେଇ ଅନେକ ଦିନ ଧରି ଚର୍ଚ୍ଚାରେ ରହିଥିଲା। କିନ୍ତୁ ଏବେ କ୍ୟାଟ୍ରିନା ଏହି ଚଳଚ୍ଚିତ୍ରର ନାୟିକା ଭୂମିକାରେ ନଜର ଆସିବେ ବୋଲି ଅକ୍ଷୟ ସାମାଜିକ ଗଣମାଧ୍ୟମରେ ଏକ ଫଟୋ ଶେୟାର କରି ସ୍ପଷ୍ଟ କରିଛନ୍ତି। ଫଟୋରେ ଅକ୍ଷୟଙ୍କୁ କ୍ୟାଟ୍ରିନା କୈଫ୍‍, ରୋହିତ୍‍ ଶେଟ୍ଟୀ ଓ କରଣ ଜୋହରଙ୍କ ସହ ଦେଖିବାକୁ ମିଳିଛି। କ୍ୟାପ୍ସନରେ ଅକ୍ଷୟ ‘ସୂର୍ଯ୍ୟବଂଶୀ ଗର୍ଲଙ୍କୁ ସ୍ୱାଗତ’ ବୋଲି ଲେଖିଛନ୍ତି। ପୂର୍ବରୁ ମଧ୍ୟ ଅକ୍ଷୟ ଓ କ୍ୟାଟ୍ରିନା ‘ହମ୍‌କୋ ଦିଓ୍ବାନା କର୍‌ଗୟେ’, ‘ସିଂ ଇଜ୍‌ କିଙ୍ଗ୍‌’, ‘ଓ୍ବେଲକମ୍‌’, ‘ନମେସ୍ତ ଲଣ୍ଡନ୍‌’ ‘ତିସ୍‌ମାର ଖାନ୍‌’, ‘ଦେ ଦନା ଦନ୍‌’,  ଆଦି ଫିଲ୍ମରେ ଏକାଠି ଅଭିନୟ କରିଛନ୍ତି। ଦୁହିଁଙ୍କ ଯୋଡ଼ିକୁ ପରଦାରେ ଲୋକେ ଖୁବ୍‍ ପସନ୍ଦ କରିଥିଲେ। ଏବେ ଦୀର୍ଘଦିନ ପରେ ଦୁହେଁ ପୁଣି ପରଦାକୁ ଏକାଠି ପ୍ରତ୍ୟାବର୍ତ୍ତନ କରୁଛନ୍ତି। ‘ସୂର୍ଯ୍ୟବଂଶୀ’ ଆସନ୍ତା ବର୍ଷ ଇଦ୍‍ ଅବସରରେ ମୁକ୍ତିଲାଭ କରିବ। ଇଦ୍‌ ଅବସରରେ ସଲମନ୍‌ ଖାନ୍‌ ଓ ଭନ୍‌ସାଲୀଙ୍କ ଫିଲ୍ମ ‘ଇନ୍‌ସାହ୍ଲା’ ମଧ୍ୟ ମୁକ୍ତିଲାଭ କରିବାର ରହିଛି। ତେବେ ଇଦ୍‌ ଅବସରରେ ଭାଇଜାନ୍‌ଙ୍କ ଫିଲ୍ମ ମୁକ୍ତିଲାଭ ହୋଇଥାଏ। ଏକା ଦିନରେ ଦୁଇ ବିଗ୍‌ଷ୍ଟାର୍‌କୁ ଲଢେଇକୁ ନେଇ ଦର୍ଶକେ ବେଶ୍‌ ଉତ୍ସାହିତ ରହିବେ ନିଶ୍ଚୟ।

Categories
ଆଜିର ଖବର

ସଲମାନ୍‌ ଖାନ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ’ଭାରତ’ର ଟ୍ରେଲର ରିଲିଜ୍‌

ବଲିଉଡ୍‌ ସୁଲତାନ ସଲମାନ୍‌ ଖାନ୍‌ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଭାରତ’ର ଟ୍ରେଲର ଆଜି ରିଲିଜ୍‌ ହୋଇଛି। ୩.୧୧ସେକେଣ୍ଡର ଏହି ଟ୍ରେଲର୍‌ଟି ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହେରୁଙ୍କ ଡାଏଲଗରୁ ଆରମ୍ଭ ହୋଇଛି।। ଏହି ଟ୍ରେଲରରେ ବ୍ୟାକ୍‌ଗ୍ରାଉଣ୍ଡରେ ଭାଇଜାନ୍‌ଙ୍କ ଭଏସ୍‌ରେ ଫିଲ୍ମର ଷ୍ଟୋରୀ ବିଷୟରେ ସଂକ୍ଷିପ୍ତ ବିବରଣୀ ଦିଆଯାଇଛି। ଏହି ଟ୍ରେଲ୍‌ରରେ ସଲମାନ୍‌ଙ୍କୁ ପ୍ରଥମେ ମିଡିଲ୍‌ କ୍ଲାସ୍‌ର ଜଣେ ମଧ୍ୟବୟସ୍କ ଭାବେ ଦେଖିବାକୁ ମିଳୁଥିବାବେଳେ ପରବର୍ତ୍ତୀ ସମୟରେ ତାଙ୍କ ଜୀବନୀକୁ ଦେଖାଯାଇଛି। ଏହି ଫିଲ୍ମରେ ସଲମାନ୍‌ ଓ କ୍ୟାଟ୍ରିନାଙ୍କ ସଂଳାପ ଦେଖାଯାଇଛି। ପ୍ରଥମରୁ ସଲମାନ୍‌ଙ୍କୁ ଷ୍ଟଣ୍ଟମ୍ୟାନ୍‌ ରୂପେ ଉଭା ହୋଇଥିବାବେଳେ ତାଙ୍କୁ ନୌସେନା ଅଧିକାରୀ ରୂପେ ଦେଖିବାକୁ ମିଳିଛି। ଫିଲ୍ମରେ ଭାରତ ନାମକୁ ନେଇ ସଲମନ୍‌ଙ୍କ ଜବଦରସ୍ତ ସଂଳାପ ରହିଛି ଭାରତ ନାମକୁ ନେଇ। ଭାରତ ଦେଶକୁ ଭଲ ପାଉଥିବାରୁ ତାଙ୍କ ପିତା ତାଙ୍କ ନାମ ଭାରତ ରଖିଥିଲେ। ଏତେ ବଡ଼ ନାମ ଆଗରେ ପଛରେ ସରନେମ୍‌ ଲଗାଇ ତାକୁ ଛୋଟ କରିବାକୁ ଚାହିଁନଥିବାର କହିଛନ୍ତି ସଲ୍ଲୁ। ଫିଲ୍ମର ସଲ୍ଲୁଙ୍କ ଭିନ୍ନ ଭିନ୍ନ ରୂପ ଦେଖିବାକୁ ମିଳିଛି। ତେବେ ଫିଲ୍ମର ଟ୍ରେଲର୍‌ରେ ଜ୍ୟାକିଶ୍ରଫ୍‌, କ୍ୟାଟ୍ରିନା କୈଫ୍‌, ଦିଶା ପଟ୍ଟାନୀ, ସୁନୀଲ୍‌ ଗ୍ରୋଭର୍‌ ପ୍ରମୁଖ ଦେଖିବାକୁ ମିଳିଛନ୍ତି। ଅଲ୍ଲୀ ଆବାସ୍‌ ଜାଫର୍‌ଙ୍କ ନିର୍ଦ୍ଦେଶିତ ଏହି ଫିଲ୍ମକୁ ନିର୍ମାଣ କରିଛନ୍ତି ସଲମାନ୍‌ ଫିଲ୍ମସ୍‌ ଓ ଅତୁଲ୍‌ ଅଗ୍ନିହୋତ୍ରୀ। ଫିଲ୍ମଟି ଇଦ୍‌ ଅବସରରେ ଜୁନ୍‌ ୫ ତାରିଖରେ ମୁକ୍ତିଲାଭ କରିବ। ପ୍ରତ୍ୟେକ ବର୍ଷ ଇଦ୍‌ ଅବସରରେ ଭାଇଜାନ୍‌ ତାଙ୍କ ଫ୍ୟାନ୍‌ମାନଙ୍କୁ ଫିଲ୍ମ ଜରିଆରେ ସ୍ବତନ୍ତ୍ର ଭେଟି ଦେଇଥା’ନ୍ତି। ତେବେ ୨୦୧୮ର ଇଦ୍‌ ଅବସରରେ ମୁକ୍ତିଲାଭ କରିଥିବା ‘ରେସ୍‌୩‘ ଦର୍ଶକଙ୍କ ଦ୍ବାରା ଏତେ ଆଦୃତ ହୋଇପାରିନଥିବାବେଳେ ଏହି ଫିଲ୍ମକୁ ନେଇ ଦର୍ଶକେ ବେଶ୍‌ ଆଶାବାଦୀ ରହିଛନ୍ତି। ତେବେ ଲଗାତାର୍‌ ହିଟ୍‌ ଦେଇଥିବା ଆକ୍ଟର – ଡିରେକ୍ଟର ଯୋଡ଼ି ସଲମାନ୍‌ – ଅଲ୍ଲୀ ଆବାସ୍‌ ଏହି ଫିଲ୍ମକୁ ନେଇ ବେଶ୍‌ ଉତ୍ସାହିତ ରହିଛନ୍ତି।

Categories
ଆଜିର ଖବର

ଦରବାର୍‌ରେ ଖଳନାୟକ ଭୂମିକାରେ ପ୍ରତୀକ

ଏ ଆର ମୁରୁଗାଦୋସ ନିର୍ଦ୍ଦେଶିତ ତଥା ରଜନୀକାନ୍ତ ଅଭିନୀତ ଦରବାରରେ ଖଳନାୟକ ଭୂମିକାରେ ଆସିବେ ପ୍ରତୀକ ବବ୍ବର। ପ୍ରଥମ ଥର ପାଇଁ ମୁରୁଗାଦୋସ ରଜନୀକାନ୍ତଙ୍କୁ ନିର୍ଦ୍ଦେଶନା ଦେଉଥିବା ବେଳେ ଏହି ପ୍ରକଳ୍ପ ପାଇଁ ବହୁତ ଖୁସି ଅଛି ବୋଲି କହିଛନ୍ତି ପ୍ରତୀକ ବବ୍ବର। ଚଳିତ ସପ୍ତାହରୁ ଏହି ଚଳଚିତ୍ର ପାଇଁ ସୁଟିଂ ଆରମ୍ଭ କରୁଥିବା ସୂଚନା ଦେଇଛନ୍ତି ପ୍ରତୀକ। ଏହି ଫିଲ୍ମରେ ନାୟିକା ଭୂମିକାରେ ନୟନତାରା ନଜର ଆସୁଥିବା ବେଳେ ରଜନୀଙ୍କ ସହିତ ଏହା ତାଙ୍କର ଚତୁର୍ଥ ଫିଲ୍ମ। ଅନିରୁଦ୍ଧ ରବିଚନ୍ଦର ଏହି ଫିଲ୍ମର ମ୍ୟୁଜିକ୍‌ ଦେଇଛନ୍ତି। ଫିଲ୍ମଟିର ସୁଟିଂ ଆସନ୍ତା ସପ୍ତାହରୁ ଆରମ୍ଭ ହେବାକୁ ଥିବା ବେଳେ ୨୦୨୦ ପୋଙ୍ଗଲରେ ଫିଲ୍ମଟି ରିଲିଜ୍‌ ହେବ। ଏହି ଚଳଚିତ୍ର ବ୍ୟତିତ ପ୍ରତୀକ ନୀତାଶ ତିଓ୍ବାରୀଙ୍କ ‘ଛିଛୋରେ’, ମହେଶ ମଞ୍ଜ୍ରେକରଙ୍କ ‘ପାଓ୍ବାର’ ଏବଂ ଅନୁଭବ ସିହ୍ନାଙ୍କ ‘ଅଭି ତୋ ପାର୍ଟି ସୁରୁ ହୁଇ ହେଁ’ ରେ ନଜର ଆସିବେ। ଏହା ବ୍ୟତିତ ଚଳିତ ବର୍ଷ ଏକ ଓ୍ବେବ୍‌ ସିରିଜ୍‌ରେ ମଧ୍ୟ ନଜର ଆସିବେ ପ୍ରତୀକ।

Categories
ଆଜିର ଖବର

‘ଭାରତ’ର ପୋଷ୍ଟରକୁ ସେୟାର୍‌ କଲେ ଭାଇଜାନ୍‌

ବଲିଉଡ୍‌ ସୁଲ୍‌ତାନ୍‌ ସଲମନ୍‌ ଖାନ୍‌ଙ୍କ ରିଲିଜ୍‌ ହେବାକୁ ଥିବା ବହୁ ପ୍ରତୀକ୍ଷିତ ଫିଲ୍ମ ‘ଭାରତ’ ଏବେ ବେଶ୍‌ ଚର୍ଚ୍ଚାରେ। ସଲମାନ୍‌ ଖାନ୍‌ ‘ଭାରତ’ ଫିଲ୍ମର ପୋଷ୍ଟର୍‌କୁ ଇନ୍‌ଷ୍ଟାଗ୍ରାମ୍‌ରେ ସେୟାର୍‌ କରିଛନ୍ତି। ରିଲିଜ୍‌ ହୋଇଥିବା ଏହି ପୋଷ୍ଟର୍‌ରେ ସଲମାନ୍‌ଙ୍କ ଲୁକ୍‌ ବେଶ୍‌ ଶାନ୍‌ଦାର ରହିଛି। ଏହି ପୋଷ୍ଟରରେ ସଲମାନ୍‌ ଧଳା ଚୁଟି ସହ ଦାଢିରେ ନଜର ଆସିଛନ୍ତି। ଏହି ପୋଷ୍ଟରରେ ଏହି ଫିଲ୍ମର ଏକ ଡାଇଲଗ୍‌ ମଧ୍ୟ ରହିଛି – ‘ମୋ’ ମୁଣ୍ଡ ଓ ଦାଢିରେ ଯେତିକି ଧଳା ବାଳ ଅଛି, ତା’ଠାରୁ ଅଧିକ ମୋ ଜୀବନ ରଙ୍ଗୀନ୍‌ ରହିଛି।’ ଏହି ଫିଲ୍ମକୁ ନେଇ ଦର୍ଶକେ ବେଶ୍‌ ଉତ୍ସାହିତ ରହିଛନ୍ତି। ଏହି ଫିଲ୍ମରେ ସଲମାନ୍‌ଙ୍କୁ ଭିନ୍ନ ଭିନ୍ନ ଲୁକ୍‌ରେ ଦେଖିବାକୁ ମିଳିବ। ସଲ୍‌ମନ୍‌ ଖାନ୍‌ ଫିଲ୍ମସ୍‌ ଓ ଅତୁଲ୍‌ ଅଗ୍ନିହୋତ୍ରୀଙ୍କ ପ୍ରଯୋଜିତ ଏହି ଫିଲ୍ମରେ କ୍ୟାଟ୍ରିନା କୈଫ୍‌, ତବୁ, ଦିଶା ପଟ୍ଟାନୀ ଓ ସୁନୀଲ୍‌ ଗ୍ରୋଭର୍‌ ପ୍ରମୁଖ ଅଭିନୟ କରିଛନ୍ତି। କୋରିଆନ୍‌ ମୁଭି ‘ଦ ଅଡ୍‌ ଟୁ ମାଇ ଫାଦର୍‌’ର ଆଧାରରେ ନିର୍ମିତ ଏହି ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଅଲ୍ଲୀ ଆବାସ ଜାଫର୍‌। ଫିଲ୍ମଟି ଜୁନ୍‌ ୫ ତାରିଖ ଇଦ୍‌ ଅବସରରେ ମୁକ୍ତିଲାଭ କରିବ।

Categories
ଆଜିର ଖବର

ଅଜୟଙ୍କ ସହ ବଲିଉଡ୍‌ ଡେବ୍ୟୁ କରିବେ ପ୍ରଣିଥା

ବଲିଉଡ୍‌ ଡେବ୍ୟୁ କରିବେ ପ୍ରଣିଥା ସୁବାସ। ମିଳିଥିବା ସୂଚନା ଅନୁସାରେ ଅଜୟ ଦେବଗନ୍‌ଙ୍କ ଅପ୍‌କମିଙ୍ଗ ଫିଲ୍ମ ‘ଭୁଜ୍‌ : ଦ ପ୍ରାଇଡ୍‌ ଅଫ୍‌ ଇଣ୍ଡିଆ’ରେ ପ୍ରଣିଥା ଅଭିନୟ କରିବାକୁ ଯାଉଛନ୍ତି। ସତ୍ୟ ଘଟଣା ଉପରେ ଆଧାରିତ ଏହି ଫିଲ୍ମଟିରେ ୧୯୭୧ରେ ଭାରତ –ପାକିସ୍ତାନ ମଧ୍ୟରେ ହୋଇଥିବା ଯୁଦ୍ଧକୁ ନେଇ ଫିଲ୍ମଟି ପ୍ରସ୍ତୁତ କରାଯାଉଛି। ଏଥିରେ ବାୟୁସେନାର ଉଇଙ୍ଗ କମାଣ୍ଡର ବିଜୟ କାର୍ନିକ୍‌ଙ୍କ ଚରିତ୍ରରେ ଅଜୟ ଦେବଗନ୍‌ ନଜର ଆସିବେ। ଅଭିଷକେ ଦୁଧୈୟାଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅଜୟଙ୍କ ବ୍ୟତୀତ ସୋନାକ୍ଷୀ ସିହ୍ନା, ପରିଣିତି ଚୋପ୍ରା ପ୍ରମୁଖ ନଜର ଆସିବେ। ଫିଲ୍ମଟି ଅଗଷ୍ଟ ୧୪ରେ ରିଲିଜ୍‌ ହେବ ବୋଲି ସୂଚନା ରହିଛି। ପ୍ରଣିଥା ତେଲୁଗୁ ଓ ତାମିଲ୍‌ ସିନେମାର ଜଣେ ଲୋକପ୍ରିୟ ଅଭିନେତ୍ରୀ। ତାଙ୍କ ଅଭିନୀତ ପ୍ରମୁଖ ଫିଲ୍ମଗୁଡିକ ମଧ୍ୟରେ ରହିଛି ‘ବାବା’, ‘ଆଟାର୍ନିକି ଡାରେଡି’ ଏବଂ ‘ମାସୁ ଇନଗିରା ମାସିଲାମାନି’, ’ବ୍ରହ୍ମୋତ୍ସବ’ ପ୍ରମୁଖ। ତେବେ ଅଜୟଙ୍କ ସହ ଅଭିନୟ କରିବାକୁ ନେଇ ପ୍ରଣିଥା ବେଶ୍‌ ଉତ୍ସାହିତ ରହିଛନ୍ତି। ଅଜୟ ତାଙ୍କର ଜଣେ ପ୍ରିୟ କଳାକାର ବୋଲି କହିବା ସହିତ ତାଙ୍କ ସହ ଫିଲ୍ମକୁ ନେଇ ବେଶ୍‌ ଆଗ୍ରହୀ ବୋଲି ପ୍ରକାଶ କରିଛନ୍ତି ପ୍ରଣିଥା।

Categories
ଆଜିର ଖବର

ଫିଲ୍ମ ଫ୍ରାଇଡେ’ରେ ଜନ ଆବ୍ରାହମ୍‌ଙ୍କ ଫିଲ୍ମ ‘ର’

୨୦୧୮ରେ ରିଲିଜ୍‌ ହୋଇଥିବା ଫିଲ୍ମ ‘ପରମାଣୁ’ ଏବଂ ’ସତ୍ୟମେବ ଜୟତେ”ର ବହୁଳ ସଫଳତା ପରେ ଅଭିନେତା ଜନ୍‌ ଆବ୍ରାହମ୍‌ ପୁଣି ଥରେ ପରଦାରେ ସ୍ପାଏ ଥ୍ରୀଲର୍‌କୁ ନେଇ କମ୍‌ବ୍ୟାକ୍‌ କରିଛନ୍ତି। ଜନ୍‌ଙ୍କ ଫିଲ୍ମ “ରୋମିଓ ଆକ୍‌ବର୍‌ ୱଲଟର୍‌” ର’(RAW) ରିଲିଜ୍‌ ହୋଇଯାଇଛି। ରବି ଗ୍ରେୱାଲ୍‌ଙ୍କ ନିର୍ଦ୍ଦେଶିତ ଏହି ଫିଲ୍ମରେ ମୌନି ରଏ, ଜ୍ୟାକି ସ୍ରଫ୍‌ ଏବଂ ସିକନ୍ଦର ଖେର୍‌ ମୁଖ୍ୟ ଭୂମିକାରେ ଅଛନ୍ତି। ଦେଶଭକ୍ତି ଉପରେ ଆଧାରିତ ଏହି ଫିଲ୍ମକୁ ଦର୍ଶକଙ୍କ ବହୁତ ଭଲପାଇବା ମିଳିଛି। ଜଣେ ଭାରତୀୟ ଜାସୁସ୍‌ଙ୍କ କାହାଣୀ ଉପରେ ଆଧାରିତ। ୧୯୭୧ ମସିହାରେ ହୋଇଥିବା ପାକିସ୍ଥାନ ଯୁଦ୍ଧ ପୂର୍ବର କାହାଣୀ ଉପରେ ଫିଲ୍ମର କାହାଣୀ ଗତିଶୀଳ। ଏହି ଫିଲ୍ମ ଲାଗି ଅଭିନେତା ସୁଶାନ୍ତ ସିଂ ରାଜପୁତଙ୍କୁ ସାଇନ୍ କରାଯାଇଥିଲା। କିନ୍ତୁ ପରେ ସୁଶାନ୍ତଙ୍କ ଡେଟ୍‌ ପ୍ରୋବ୍ଲେମ୍‌ ଯୋଗୁଁ ସେ ଏହି ଫିଲ୍ମରୁ ଓହରି ଯାଇଥିଲେ। ତେବେ ଏହି ସ୍ପାଏ ଥ୍ରିଲର୍‌ ଫିଲ୍ମକୁ ନେଇ ଦର୍ଶକେ ବେଶ୍‌ ଉତ୍ସାହିତ ରହିଛି।