ଭୁବନେଶ୍ବର, ଦେଶରେ ଦରଦାମ ବୃଦ୍ଧି ପ୍ରତିବାଦରେ ଆଜି ଓଡିଶା ପ୍ରଦେଶ କଂଗ୍ରେସ 6 ଘଣ୍ଟିଆ ବନ୍ଦ ପାଳନ କରିଛି। ଆଜି ସକାଳୁ କର୍ମିମାନେ ବିଭିନ୍ନ ସ୍ଥାନରେ ରାସ୍ତାରୋକ କରି ଏହି ବନ୍ଦକୁ ସଫଳ କରାଇବା ପାଇଁ ଚେଷ୍ଠା କରିଛନ୍ତି। ରାଜଧାନୀ କଂଗ୍ରେସ ତରଫରୁ ଆଜି ସକାଳୁ ଭୁବନେଶ୍ବର ରେଳ ଷ୍ଟେସନରେ ଧାରଣ ଦିଆଯାଇଥିଲା। ଫଳରେ କିଛି ସମୟ ପାଇଁ ଟ୍ରେନ ଚଳାଚଳରେ ବାଧା ସୃଷ୍ଟି ହୋଇଥିଲା।
ସେହିପରି କଂଗ୍ରେସ ଭଭନରୁ ଏକ ରାଲି ବାହାରି ସଚିବାଳୟ ଆଡକୁ ଯାଇଥିଲା। କଂଗ୍ରେସ କର୍ମିମାନେ ସଚିବାଳୟ ଗେଟ ଭିତରେ ପଶିବାକୁ ଉଦ୍ୟମ କରିଥିଲେ। ସେହିପରି କଂଗ୍ରେସ କର୍ମିମାନେ ବିଭିନ୍ନ ସରକାରୀ ଅଫିସ ବନ୍ଦ କରିବା ପାଇଁ ଉଦ୍ୟମ କରିଥିଲେ। ଖୋର୍ଦ୍ଧା କଂଗ୍ରେସ ତରଫରୁ ମଧ୍ୟ ଏହି ବନ୍ଦ ଜୋରଦାର କରାଯାଇଛି। ଖୋର୍ଦ୍ଧା ଟାଉନରେ କର୍ମିମାନେ ଟାୟାର ଜାଳି ରାସ୍ତା ରୋକ କରିଛନ୍ତି।