ମୁମ୍ବାଇ ଇଣ୍ଡିଆନ୍ସ ଏବଂ ଦିଲ୍ଳୀ କ୍ୟାପିଟାଲ୍ସ ମଧ୍ୟରେ ଅନୁଷ୍ଠିତ ମ୍ୟାଚ୍ରେ ଦିଲ୍ଲୀ ୩୭ ରନ୍ରେ ମୁ୍ମ୍ବାଇକୁ ପରାସ୍ତ କରିଥିଲା। ଏହି ମ୍ୟାଚ୍ରେ ଭାରତୀୟ ଯୁବ ଓ୍ବିକେଟ ରକ୍ଷକ ଋଷଭ ପନ୍ତ ୨୭ ବଲ୍ରୁ ଅପରାଜିତ ୭୮ରନ୍ କସଂଗ୍ରହ କରିଥିଲେ। ପନ୍ତଙ୍କ ଏହି ଇନିଂସକୁ ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ପ୍ରଶଂସା କରିଛନ୍ତି ଭାରତୀୟ ଭେଟେରାନ ଖେଳାଳି ତଥା ୨୦୧୧ ବିଶ୍ବକପ୍ ହିରୋ ଯୁବରାଜ ସିଂ। ଏହି ମ୍ୟାଚ୍ରେ ଯୁବରାଜ ପ୍ରତ୍ୟାବତ୍ତର୍ନ କରିଥିବା ବେଳେ ୩୫ ବଲ୍ରୁ ୫୩ ରନ୍ ସଂଗ୍ରହ କରିଥିଲେ। ବର୍ତ୍ତମାନ ଭାରତୀୟ ଦଳରେ ପନ୍ତଙ୍କ ମନୋନୟନ କଷ୍ଟ ମାତ୍ର ଆଜିର ମ୍ୟାଚ୍ରେ ପନ୍ତ ଚମତ୍କାର ବ୍ୟାଟିଂ କରିଛନ୍ତି ବୋଲି ଯୁବରାଜ କହିଛନ୍ତି। ଦିନିକିଆ ଏବଂ ଟେଷ୍ଟରେ ମଧ୍ୟ ପନ୍ତ ବଢିଆ ପ୍ରଦର୍ଶନ କରିଛନ୍ତି ଯାହା ତାଙ୍କୁ ବର୍ତ୍ତମାନ ଦଳରେ୪ ନମ୍ବର ସ୍ଥାନ ନିମନ୍ତେ ପ୍ରମୁଖ ଦାବିଦାର ଭାବରେ ଛିଡା କରିଛି। ସେହିପରି ନିଜର ଅବସର ସମ୍ପର୍କରେ ଯୁବରାଜ କହିଥିଲେ, ଉପଯୁକ୍ତ ସମୟ ଆସିଲେ ମୁଁ କ୍ରିକେଟ୍ରୁ ଅବସର ଗ୍ରହଣ କରିବି। ବିଗତ ଦୁଇ ବର୍ଷ ଜଣେ କ୍ରିକେଟର ହିସାବରେ ମୋ ପାଇଁ ଅତ୍ୟନ୍ତ କଷ୍ଟସାଧ୍ୟ ରହିଛି ମାତ୍ର ଯେ ପର୍ଯ୍ୟନ୍ତ ମୁଁ କ୍ରିକେଟ୍ ଖେଳିବା ଉପଭୋଗ କରୁଛି ସେ ପର୍ଯ୍ୟନ୍ତ ଅବସର ଗ୍ରହଣ କରିବାର କୌଣସି ଆବଶ୍ୟକତା ନାହିଁ ବୋଲି କହିଛନ୍ତି ଯୁବି। ଏ ସମ୍ପର୍କରେ ସଚିନ୍ ତେନ୍ଦୁଲକରଙ୍କ ସହିତ ଆଲୋଚନା କରିଥିଲି ଏବଂ ନିଜ କ୍ୟାରିୟରର ଅନ୍ତିମ ସୋପାନରେ ସେ ମଧ୍ୟ ସମାନ ଅସୁବିଧାର ସମ୍ମୁଖୀନ ହୋଇଥିଲେ ବୋଲି କହିଥିଲେ। ସଚିନଙ୍କ ଉପଦେଶ ମୋ ପାଇଁ ଉପଯୋଗୀ ସାବ୍ୟସ୍ତ ହୋଇଛି ବାେଲି ଯୁବି କହିଥିଲେ।
Categories
ପନ୍ତ ଭାରତୀୟ କ୍ରିକେଟର ଭବିଷ୍ୟତ : ଯୁବରାଜ
