The Samikhsya Odia
ମାନିଲା, 26/12 : ସାମୁଦ୍ରିକ ଝଡ ଟାଇଫୁନ୍ ଫିଲିପାଇନ୍ସରେ ଏହାର ତାଣ୍ଡବ ରଚିଛି । ଟାଇଫୁନ୍ ଫାନ୍ଫୋନ୍ ତାଣ୍ଡବରେ ଗୁରୁବାର ଫିଲିପାଇନ୍ସରେ 13 ଜଣଙ୍କର ମୃତ୍ୟୁ ଘଟିଛି । ଫିଲିପାଇନ୍ସ ସରକାରଙ୍କ ପକ୍ଷରୁ ଗୁରୁବାର ଏହି ସୂଚନା ଦିଆଯାଇଛି । ଫିଲିପାଇନ୍ସର ପ୍ରାକୃତିକ ବିପର୍ଯ୍ୟୟ ବିଭାଗ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି । 13 ଜଣଙ୍କ ପ୍ରାଣହାନି ଘଟିଥିବା ବେଳେ 6 ଜଣ ନିଖୋଜ ଅଛନ୍ତି । ଏହି ସୂଚନା ସରକାରୀ ହୋଇଥିବା ବେଳେ ମୃତ୍ୟୁ ସଂଖ୍ୟା ବୃଦ୍ଧି ପାଇବାର ସମ୍ଭାବନା ରହିଛି । ଟାଇଫୁନ୍ କାରଣରୁ 100ଟି ଘରୋଇ ଏବଂ ଅନ୍ତର୍ଜାତୀୟ ବିମାନ ଚଳାଚଳ ବନ୍ଦ ରଖାଯାଇଛି । (ଏଜେନ୍ସୀ)
ଫିଲିପାଇନ୍ସରେ ସେନାବାହିନୀ ଉପରେ ଏକ ଆତଙ୍କୀ ଗୋଷ୍ଠୀ ଆକ୍ରମଣ କରିବାରୁ ୮ ଜଣଙ୍କ ପ୍ରାଣହାନି ଘଟିଥିବା ବେଳେ ୧୪ ଜଣ ଆହତ ହୋଇଛନ୍ତି। ସେନାର ଏକ ଦଳ ଉପରକୁ ପ୍ରାୟ ୩୦ରୁ ଅଧିକ ଆତଙ୍କୀ ଆକ୍ରମଣ କରିଥିଲେ।ଦକ୍ଷିଣ ଫିଲିପାଇନ୍ସର ସୁଲୁ ଅଞ୍ଚଳରେ ଆବୁ ସୟଫ ଆତଙ୍କୀ ସଙ୍ଗଠନ(ଏଏସ୍ଜି)ର ସଦସ୍ୟ ମାନେ ଆକ୍ରମଣ କରିଥିଲେ। ଫିଲିପାଇନ୍ସର ୧୧ ତମ ଇନ୍ଫାନ୍ଟ୍ରି ଦଳର ସୈନ୍ୟ ମାନେ ସୁଲା ଗ୍ରାମ ଦେଇ ଯାଉଥିବା ବେଳେ ଏକହି ଆକ୍ରମଣ ଘଟିଥିଲା। ଆକ୍ରମଣ ୩୦ ମିନିଟ୍ ଧରି ଚାଲିଥିବା ବେଳେ ଗ୍ରାମର ଦୁଇ ଜଣ ଏବଂ ୬ ଜଣ ଆତଙ୍କବାଦୀ ପ୍ରାଣ ହରାଇଥିଲେ। ମୃତକଙ୍କ ମଧ୍ୟରେ ଜଣେ ୧ ବର୍ଷର ଶିଶୁ ଏବଂ ଜଣେ ୧୨ ବର୍ଷୀୟ ବାଳକ ରହିଛନ୍ତି। ସୂଚନା ଅନୁଯାୟୀ, ଏହି ଆକ୍ରମଣରେ ୫ ଜଣ ସେନା କର୍ମଚାରୀ, ୨ ଜଣ ସାଧାରଣ ନାଗରିକ ଏବଂ ୭ ଜଣ ଆତଙ୍କବାଦୀ ଆହତ ହୋଇଛନ୍ତି। ବିଗତ କିଛି ମାସ ମଧ୍ୟରେ ସୁଲୁରେ ବିଭିନ୍ନ ଆକ୍ରମଣରେ ୧୦୦ରୁ ଅଧିକ ସାଧାରଣ ଜନତା ପ୍ରାଣ ହରାଇଛନ୍ତି।
ଫିଲିପାଇନ୍ସରେ ୬.୩ ତୀବ୍ରତାର ଭୂକମ୍ପ ଅନୁଷ୍ଠିତ ହୋଇଛି। ମଧ୍ୟ ଫିଲିପାଇନ୍ସରେ ସୋମବାର ଏହି ଭୂକମ୍ପ ଅନୁଷ୍ଠିତ ହୋଇଛି। ଆମେରିକୀୟ ପାଣିପାଗ ବିଭାଗ ପକ୍ଷରୁ ଏହି ସୂଚନା ପ୍ରକାଶ ପାଇଛି। ରାଜଧାନୀ ମାନିଲାର ଉତ୍ତର ଭାଗରୁ ୬୦ କିମି ଦୂରରେ ଘନୀଭୂତ ହୋଇଥିବା ଏହି ଭୂକମ୍ପ ୨୫ କିମି ବ୍ୟାସାର୍ଦ୍ଧ ମଧ୍ୟରେ ଅନୁଭୂତ ହୋଇଥିଲା। ପ୍ରାରମ୍ଭିକ ଭାବରେ ଏହି ଭୂକମ୍ପର ତୀବ୍ରତା ୬.୪ ରହିଥିବା ବେଳେ ଏହା ପରବର୍ତ୍ତୀ ସମୟରେ ୬.୩ କୁ ହ୍ରାସ ପାଇଥିଲା। କୌଣସି କ୍ଷୟକ୍ଷତିର ରିପୋର୍ଟ ନଥିଲା ବେଳେ ମାନିଲାରେ କିଛି ସ୍ଥାନରୁ ଲୋକଙ୍କୁ ସ୍ଥାନାନ୍ତର କରାଯାଇଛି। ପ୍ରଶାନ୍ତ ମହାସାଗରର ରିଙ୍ଗ ଅଫ୍ ଫାୟାରରେ ଏହି ଘଟଣା ଘଟିଥିବାରୁ ଆଗ୍ନେୟ ଉଦ୍ଗୀରଣର ସମ୍ଭାବନା ରହିଥିବା ନେଇ ସତର୍କ ସୂଚନା ଯାରି କରାଯାଇଛି।