ନୂଆଦିଲ୍ଳୀ,03/01 : କଂଗ୍ରେସ ପୁସ୍ତିକାରେ ବୀର ସଭାରକରଙ୍କୁ ସମଲିଙ୍ଗୀ ଭାବରେ ଅଭିହିତ କରାଯିବା ପରେ ଅଖିଳ ଭାରତୀୟ ହିନ୍ଦୁ ମହାସଭା ସଭାପତି ସ୍ବାମୀ ଚକ୍ରପାଣି ରାହୁଲଙ୍କୁ ଆକ୍ରମଣ କରିଛନ୍ତି । ଚକ୍ରପାଣି ରାହୁଲ ଗାନ୍ଧୀଙ୍କୁ ଜଣେ ସମଲିଙ୍ଗୀ ବୋଲି ଅଭିହିତ କରିଛନ୍ତି । ଉଲ୍ଲେଖଯୋଗ୍ୟ ଯେ, ବୀର୍ ସଭରକର୍ଙ୍କ ଉପରେ ଆଧାରିତ ପୁସ୍ତିକାର ଶୀର୍ଷକ ‘କେତେ ବୀର ସଭର୍କର୍’ ରହିଛି । ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗଡ୍ସ୍ ଓ ବୀର୍ ସଭର୍କରଙ୍କ ମଧ୍ୟରେ ସମଲିଙ୍ଗୀ ସମ୍ପର୍କ ରହିଥିବାର ଏହି ପୁସ୍ତିକାରେ ଲେଖାଯାଇଥିଲା । କଂଗ୍ରେସର ସର୍ବଭାରତୀୟ ସେବାଦଳର ପ୍ରଶିକ୍ଷଣ କ୍ୟାମ୍ପରେ ଏହି ପୁସ୍ତକ ବଣ୍ଟା ଯାଇଥିଲା । କଂଗ୍ରେସର ଏଭଳି କାର୍ଯ୍ୟକୁ ଭୋପାଳର ବିଜେପି ବିଧାୟକ ରାମେଶ୍ଵର ଶର୍ମା ନିନ୍ଦା କରିବା ସହିତ କଂଗ୍ରେସ ଦେଶଭକ୍ତମାନଙ୍କୁ ବଦନାମ କରୁଛି ବୋଲି କହିଛନ୍ତି । କଂଗ୍ରେସ ସାୱରକରଙ୍କୁ ମୁସଲିମ ବିରୋଧୀ ବୋଲି ଦର୍ଶାଇବାକୁ ଚାହୁଁଛି । ଗୋଟିଏ ସମ୍ପ୍ରଦାୟକୁ ଖୁସି କରିବା ପାଇଁ ଜଣେ ଦେଶଭକ୍ତଙ୍କ ଚରିତ୍ର ସଂହାର ସମିଚୀନ ନୁହେଁ ବୋଲି ଶର୍ମା କହିଛନ୍ତି । (ଏଜେନ୍ସୀ)
Tag: rahul gandhi
ନୂଆଦିଲ୍ଲୀ, 28/12: କଂଗ୍ରେସ ଦଳ ଆଜି ୧୩୫ତମ ପ୍ରତିଷ୍ଠା ଦିବସ ପାଳନ କରୁଛନ୍ତି। ଏହି ଦିବସ ଅବସରରେ କଂଗ୍ରେସ ନାଗରିକତା ଆଇନ ବିଷୟକୁ ନେଇ ମୋଦି ସରକାରକୁ ଘେରିଛି। କଂଗ୍ରେସ ଦଳର ପୂର୍ବତନ ଅଧ୍ୟକ୍ଷ ରାହୁଲ୍ ଗାନ୍ଧି ଏହାକୁ ଦ୍ବିତୀୟ ନୋଟବନ୍ଦୀ ବୋଲି କହିଛନ୍ତି। ରାହୁଲ୍ ଗାନ୍ଧି ଦଳର ମୁଖ୍ୟାଳୟରେ ଏନ୍ଆରସି ଓ ଏନ୍ପିଆରକୁ ଦ୍ବିତୀୟ ନୋଟବନ୍ଦୀ ବୋଲି କହିଛନ୍ତି। ଏଥିରେ ଭାରତର ଗରିବ ଲୋକଙ୍କର ବହୁତ କ୍ଷତି ହେବାକୁ ଯାଉଛି। ରାହୁଲ୍ କହିଛନ୍ତି ଯେ, ଏନ୍ଆରସି ଓ ଏନ୍ଆରପି ପ୍ରକ୍ରିୟା ଦ୍ବାରା ସରକାରଙ୍କ କିଛି ପୁଞ୍ଜିପତି ବନ୍ଧୁଙ୍କ ଲାଭ ହେବ। ପୂର୍ବରୁ ରାହୁଲ୍ ଗାନ୍ଧି ନରେନ୍ଦ୍ର ମୋଦିଙ୍କୁ ଟାର୍ଗେଟ୍ କରି ’ଆରଏସଏସ୍’ର ପ୍ରଧାନମନ୍ତ୍ରୀ ଭାରତ ମାତାଙ୍କୁ ମିଛ କହୁଛନ୍ତି ବୋଲି କହିଥିଲେ।
ଆଜି କଂଗ୍ରେସର ପ୍ରତିଷ୍ଠା ଦିବସ ଅବସରରେ ଦଳର ମୁଖ୍ୟ କାର୍ଯ୍ୟାଳୟଠାରେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧି ଦଳର ପତାକା ଉତ୍ତୋଳନ କରିଥିଲେ । ଆଜି କଂଗ୍ରେସ ତରଫରୁ ସାରା ଭାରତବର୍ଷରେ ସମ୍ବିଧାନ ବଚାଓ ଦେଶ ବଚାଓର ରାଲିର ଆୟୋଜନ କରାଯାଇଛି। (ଏଜେନ୍ସି)
ଛତିଶଗଡ଼, 27/12: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ୍ ଗାନ୍ଧି ଆଜି ଛତିଶଗଡ ରାଷ୍ଟ୍ରୀୟ ଆଦିବାସୀ ନୃତ୍ୟ ମହୋତ୍ସବର ଉଦ୍ଘାଟନ କରିଛନ୍ତି। ଏହି କାର୍ଯ୍ୟକ୍ରମକୁ ସମ୍ବୋଧିତ କରିବା ସମୟରେ ରାହୁଲ୍ ଗାନ୍ଧି ମୋଦି ସରକାରଙ୍କୁ ଟାର୍ଗେଟ୍ କରିଛନ୍ତି। ମୋଦି ସରକାର ନୋଟ ବନ୍ଦୀ ଓ ଜିଏସ୍ଟି ଲାଗୁ କରି ଲୋକଙ୍କ ରୋଜଗାର ଛଡାଇ ନେଲେ ଏବେ ଭାଇକୁ ଭାଇ ସହିତ ଲଢାଉଛନ୍ତି। ଏପରି କଲେ ବିକାଶ ହେବ ନାହିଁ।
କାର୍ଯ୍ୟକ୍ରମରେ ରାହୁଲ୍ କହିଛନ୍ତି ଯେ, ବିବିଧତା ମଧ୍ୟରେ ଏକତା ହିଁ ଆମର ଶକ୍ତି ଓ ସମସ୍ତଙ୍କୁ ଯୋଡ଼ି ରଖିବା ଦ୍ବାରା ଦେଶର ଶକ୍ତି ବଢିବ। ଭାଇକୁ ଭାଇ ସହିତ ଲଢାଇ କରିବା ଦ୍ବାରା ଦେଶର ବିକାଶ ହେବ ନାହିଁ। ଯେପର୍ଯ୍ୟନ୍ତ ଦେଶର ସମସ୍ତ ଲୋକ ଏକଜୁଟ୍ ହେବେ ନାହିଁ କି ସମସ୍ତଙ୍କ ସ୍ବର ବିଧାନସଭା, ଲୋକସଭାରେ ଶୁଭିବ ନାହିଁ , ସେ ପର୍ଯ୍ୟନ୍ତ ଦେଶରୁ ବେକାରୀ ସମସ୍ୟା ଓ ଅର୍ଥ ବ୍ୟବସ୍ଥା ଉପରେ କିଛି କରାଯାଇପାରିବ ନାହିଁ। ରାଷ୍ଟ୍ରୀୟ ଆଦିବାସୀ ନୃତ୍ୟ ମହୋତ୍ସବ ଉଦ୍ଘାଟନ ପରେ ଆଦିବାସୀଙ୍କ ସହିତ ରାହୁଲ୍ ନୃତ୍ୟ କରିଥିବାର ଦେଖିବାକୁ ମିଳିଥିଲା। (ଏଜେନ୍ସି)
ରାହୁଲଙ୍କୁ ବୟାନକୁ ନେଇ ଅସନ୍ତୁଷ୍ଟ ଶିବସେନା
ଦିଲ୍ଲୀ, ୧୪/୧୨: ଦିଲ୍ଲୀର ରାମଲୀଳା ମୈଦାନଠାରେ ଆୟୋଜିତ କଂଗ୍ରେସର ଭାରତ ବଞ୍ଚାଅ ରାଲିରେ ରାହୁଲ୍ ଗାନ୍ଧି ବିଜେପିକୁ ଟାର୍ଗେଟ୍ କରିବା ସହିତ ସେ କଦାପି କ୍ଷମା ମାଗିବେ ନାହିଁ ବୋଲି କହିଛନ୍ତି । ‘ରେପ୍ ଇନ୍ ଇଣ୍ଡିଆ’ ଉକ୍ତିକୁ ନେଇ ସେ କେବେବି ଭୁଲ୍ ମାଗିବେ ନାହିଁ ବୋଲି କହିଛନ୍ତି। କାରଣ ଏହା ସତ। ତେଣୁ ସେ ସତ ପାଇଁ କ୍ଷମା ମାଗିବେ ନାହିଁ। ଶୁକ୍ରବାର ରାହୁଲଙ୍କ ଏହି କଥାକୁ ନେଇ ଉଭୟ ଲୋକ ସଭା ଓ ରାଜ୍ୟ ସଭାରେ ହଙ୍ଗାମା ହେବା ସହ ରାହୁଲ କ୍ଷମା ମାଗନ୍ତୁ ବୋଲି ଦାବି ହୋଇଥିଲା। ଆହୁରି ମଧ୍ୟ ସେ ତାଙ୍କ ନାଁ ରାହୁଲ ସାଭରକର ନୁହେଁ ରାହୁଲ ଗାନ୍ଧୀ ବୋଲି ସେ କହିଛନ୍ତି। ସୂଚନାଯୋଗ୍ୟ, ଭାରତୀୟ ଜନତା ପାର୍ଟି(ଭାଜପା) ନାଗରିକତ୍ୱ ସଂଶୋଧନ ବିଲକୁ ନେଇ ଯେଉଁ ବିରୋଧ ହୋଇଛି ସେଥିରୁ ଜନତାଙ୍କ ଧ୍ୟାନ ହଟାଇବାକୁ ବିଜେପି ଏପରି ଦାବି କରୁଛି । ସାରାଦେଶବାସୀଙ୍କ ଆଗରେ ମୋଦି ଓ ଶାହା କ୍ଷମା ମାଗିବା ଉଚିତ୍ ବୋଲି କହିଛନ୍ତି ରାହୁଲ୍ । (ଏଜେନ୍ସି)
‘ରେପ୍ ଇନ୍ ଇଣ୍ଡିଆ’ ବୟାନକୁ ନେଇ ଉଠିଲା ଝଡ
ନୂଆଦିଲ୍ଲୀ, ୧୩/୧୨: ଆଜି ଲୋକସଭାରେ କଂଗ୍ରେସ ସାଂସଦ ରାହୁଲ ଗାନ୍ଧିଙ୍କ ରେପ୍ ଇନ ଇଣ୍ଡିଆ ବୟାନକୁ ନେଇ ଗୃହରେ ହଙ୍ଗାମା ହୋଇଛି। ଲୋକସଭାରେ ମଧ୍ୟ ରାହୁଲ କ୍ଷମା ମାଗନ୍ତୁ ବୋଲି ନାରା ଦିଆଯାଇଥିଲା। କେନ୍ଦ୍ରୀୟ ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ ରାହୁଲ୍ଙ୍କ ଏହି ବୟାନ ପାଇଁ କ୍ଷମା ମାଗନ୍ତୁ ବୋଲି ଦାବି କରିଥିଲେ। ରାହୁଲ୍ ଏପରି କହି ମହିଳାଙ୍କ ଅପମାନ କରିଛନ୍ତି ବୋଲି କହିଛନ୍ତି ସ୍ମୃତି।
ସୂଚନାଯୋଗ୍ୟ, ରାହୁଲ ଗାନ୍ଧି ଡିସେମ୍ଵର ୧୨ରେ ଝାରଖଣ୍ଡରେ ଗୋଡ୍ଡାରେ ଏକ ରାଲିରେ ସମ୍ଵୋଧିତ କରି କହିଥିଲେ ଯେ, ନରେନ୍ଦ୍ର ମୋଦି କହିଥିଲେ ଯେ, ଏବେ ଦୁନିଆ ଭାରତକୁ ‘ମେକ ଇନ୍ ଇଣ୍ଡିଆ ନୁହେଁ, ବରଂ ରେପ୍ ଇନ୍ ଇଣ୍ଡିଆ ନାମରେ ଜାଣୁଛି। ରାହୁଲଙ୍କ ଏହି ବୟାନକୁ ନେଇ ପ୍ରବଳ ବିରୋଧ ହୋଇଛି। ଅପରପକ୍ଷେର ରାହୁଲ୍ ଏଇ ବୟାନ ନେଇ କ୍ଷମା ପ୍ରାର୍ଥନା କରିବେ ନାହିଁ ବୋଲି ସ୍ପଷ୍ଟ କରିଛନ୍ତି। ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀକୁ ରେପ୍ କ୍ୟାପିଟାଲ୍ ବୋଲି କହିଥିଲେ। ଆର୍ଥିକ ମାନ୍ଦାବସ୍ଥା, ବେରୋଜଗାର, ସିଏବି ବିଲ୍କୁ ନେଇ ଆସାମ–ତ୍ରିପୁରାରେ ଚାଲିଥିବା ହିଂସକ ଘଟଣା ଉପରୁ ଧ୍ୟାନ ହଟାଇବା ପାଇଁ ବିଜେପି ଏପରି କରୁଛି ବୋଲି କହିଛନ୍ତି ରାହୁଲ୍। (ଏଜେନ୍ସି)
କେଦାର ମିଶ୍ର
ଦେଶର ଗୃହମନ୍ତ୍ରୀ ୨, ଜୁଲାଇ, ୨୦୧୯ରେ କାଶ୍ମୀର ପ୍ରସଙ୍ଗରେ ଜବାବ ଦେବାକୁ ଯାଇ କହୁଛନ୍ତି, ୧,ଜାନୁଆରୀ,୧୯୪୯ରେ କରିଥିବା ଭୁଲ ପାଇଁ ନେହେରୁ ସରକାରକୁ ଜବାବ ଦେବାକୁ ପଡିବ। ପାଞ୍ଚବର୍ଷ କ୍ଷମତାରେ ରହିସାରିବା ପରେ ଆଜି ମଧ୍ୟ ମୋଦୀ ସରକାର କୌଣସି ପ୍ରଶ୍ନର ଉତ୍ତର ଦେବାକୁ ପ୍ରସ୍ତୁତ ନୁହେଁ! ଦେଶର ସବୁ ସମସ୍ୟା ଲାଗି ଦେଶର ପ୍ରଥମ ପ୍ରଧାନମନ୍ତ୍ରୀ ଜୱାହରଲାଲ ନେହେରୁଙ୍କୁ ଦାୟୀ କରିବା ବିଜେପିର ଅଭ୍ୟାସ ପାଲଟି ଯାଇଛି। ସତୁରୀ ବର୍ଷର କଂଗ୍ରେସ ଶାସନ ବୋଲି କହି କହି ନିଜେ ମୋଦୀ-ଶାହ ଯୋଡି ପାଞ୍ଚ ବର୍ଷ ଶାସନ କରିସାରି ଏବେ ଆଉ ପାଞ୍ଚ ବର୍ଷ ଲାଗି ନିର୍ବାଚନ ଜିଣି ସାରିଛନ୍ତି। ଗତ ପାଞ୍ଚ ବର୍ଷ ଭିତରେ କାଶ୍ମୀର ସମସ୍ୟା ଅଧିକରୁ ଅଧିକ ଖରାପ ହୋଇ ଚାଲିଛି। ଗତ ପାଞ୍ଚ ବର୍ଷର ହିସାବ ମାଗିଲେ ୭୦ ବର୍ଷ ତଳର ଗପ କୁହା ଯାଉଛି। ୧, ଜାନୁଆରୀ ୧୯୪୯ ରେ କଣ ଘଟିଥିଲା, ତାର ପୃଷ୍ଟଭୂମି କଣ ଥିଲା ଓ ସେତେବେଳେ ପ୍ରଧାନମନ୍ତ୍ରୀ ନେହେରୁ ଓ ଗୃହ ମନ୍ତ୍ରୀ ପଟେଲ କେଉଁ ପରିସ୍ଥିତିରେ କି ନିର୍ଣ୍ଣୟ ନେଇଥିଲେ, ତାହା ସେ ସମୟର ରାଜନୀତିରେ ଲୋକ ସମର୍ଥନ ପାଇଥିଲା। ୧୯୪୯ ପରେ ପଣ୍ଡିତ ନେହେରୁ ୧୯୫୨, ୧୯୫୭ ଓ ୧୯୬୨ ନିର୍ବାଚନରେ ବିପୁଳ ଜନମତ ପାଇ ସରକାର ଗଢିଛନ୍ତି। ୧୯୪୭ ରୁ ପ୍ରାୟ ପଚାଶ ବର୍ଷ ଧରି କଂଗ୍ରେସ ଲୋକଙ୍କ ଦ୍ଵାରା ନିର୍ବାଚିତ ହୋଇ ୧୦ ଥର ସରକାର ଗଢି ସାରିଛି। ଇତିମଧ୍ୟରେ ବିଜେପି ମଧ୍ୟ ୫ ଥର ସରକାର ଗଢି ସାରିଲାଣି। ବାଜପାୟୀ (୧୩ ଦିନ+୧୩ମାସ+୪.୬ ବର୍ଷ) ଓ ନରେନ୍ଦ୍ର ମୋଦୀ (୫+) ବର୍ଷ ଶାସନରେ କାଶ୍ମୀର ସମସ୍ୟାର କେତେଦୂର ସମାଧାନ ହୋଇଛି, ତାର ଉତ୍ତର ବିଜେପି ଦେବା ଉଚିତ ହେବନାହିଁ କି?
ପଣ୍ଡିତ ନେହେରୁ ସ୍ଵର୍ଗରୁ ଆସି ସଂସଦରେ ନିଜର ଉତ୍ତର ରଖି ପାରିବେ ନାହିଁ। ତେଣୁ ତାଙ୍କୁ ପ୍ରଶ୍ନ ପଚାରିବା ସହଜ। ୧ ଜାନୁଆରୀ ୧୯୪୯ ବେଳକୁ ନରେନ୍ଦ୍ର ମୋଦୀ ବା ଅମିତ ଶାହ ଜନ୍ମ ମଧ୍ୟ ହୋଇନଥିଲେ। (ମୋଦୀ ୧୭, ସେପ୍ଟେମ୍ବର,୧୯୫୦ ଓ ଶାହ ୨୨, ଅକ୍ଟୋବର,୧୯୬୪ ରେ ଜନ୍ମ। ଅମିତ ଶାହ ନେହେରୁ ମରିବାର ୫ ମାସ ପରେ ଜନ୍ମ) ଇତିହାସ ସହିତ ଛାୟାଯୁଦ୍ଧ କରି ବର୍ତ୍ତମାନର ସଙ୍କଟକୁ ଭୁଲେଇଦେବାର ଭୟଙ୍କର ରଣକୌଶଳ ବିଜେପି ପ୍ରୟୋଗ କରିଚାଲିଛି। ଆଜି କାଶ୍ମୀରରେ ସାଧାରଣ ଜୀବନ ଠପ ହୋଇଯାଇଛି। ତାର କାରଣ ନେହେରୁ ନୁହନ୍ତି। ନେହେରୁ ଯଦି କିଛି ଭୁଲ କରିଥିଲେ ତାକୁ ସଂଶୋଧନ କରିବାର ଶହ ଶହ ସୁଯୋଗ ତମର ଥିଲା। ତାକୁ ନ କରି ନେହେରୁଙ୍କୁ ଗାଳି କରିବା ଅପଦାର୍ଥ ରାଜନୀତିର ସବୁଠୁ ବଡ ଉଦାହରଣ ବୋଲି କୁହାଯାଇପାରେ। ୨୦୧୫ ରେ ଜାମ୍ମୁ କାଶ୍ମୀରରେ ଶାନ୍ତିପୂର୍ଣ୍ଣ ଭୋଟ ଗ୍ରହଣ ହୋଇଥିଲା। ୨୦୧୪ ବେଳକୁ କାଶ୍ମୀର ଆପାତତଃ ଶାନ୍ତ ଥିଲା। ୨୦୧୫ ରେ ପିଡିପି –ବିଜେପି ମିଳିତ ସରକାର ଆସିବା ପରଠୁ କାଶ୍ମୀର ପରିସ୍ଥିତି ଅଧିକ ଅଶାନ୍ତ ହୋଇଛି। ପ୍ରତିଦିନ କାଶ୍ମୀର ଉପତ୍ୟକାରେ ଆମର ଯବାନ ମାରୁଛନ୍ତି। ସାଧାରଣ କାଶ୍ମିରୀ ମଧ୍ୟ ମରୁଛନ୍ତି। ପାଞ୍ଚବର୍ଷ ଧରି ପ୍ରତିଦିନ ସନ୍ତ୍ରାସବାଦ ନିର୍ମୂଳନର କଥା କୁହାଯାଉଛି, ହେଲେ ପ୍ରତିଦିନ ନୂଆ ସନ୍ତ୍ରାସବାଦୀ ଗୋଷ୍ଠୀ କାଶ୍ମୀରରେ ମୁଣ୍ଡ ଟେକୁଛନ୍ତି।
ଏଥିପାଇଁ ବି କଣ ନେହେରୁ ଦାୟୀ? ଜାତିସଂଘ ଆଜି ଆଉ କାଶ୍ମୀରରେ ଗଣଭୋଟ କଥା ଉଠାଉଛି କି? ନୂଆ କରି ବିଭାଜିତ ଓ ସ୍ଵାଧୀନ ହୋଇଥିବା ଗୋଟେ ଦେଶର ବାସ୍ତବ ସମସ୍ୟା କଣ ଥିଲା ତାହା ଆଜି ଆମେ ବିଚାର କରିପାରିବା କି? ଏକଥା ସତ୍ୟ ଯେ, ପଣ୍ଡିତ ନେହେରୁଙ୍କ ଉପରେ ଭାରତର ଜଣ ସାଧାରଣ ପୂର୍ଣ୍ଣ ଆସ୍ଥା ପ୍ରକଟ କରିଥିଲେ ଓ ତାଙ୍କର ନେତୃତ୍ବକୁ ତାଙ୍କର କଟ୍ଟର ବିରୋଧୀମାନେ ମଧ୍ୟ ସେତେବେଳେ ପ୍ରଶଂସା କରିଛନ୍ତି। ଇତିହାସରେ ପଣ୍ଡିତ ନେହେରୁଙ୍କ ସପକ୍ଷରେ ଏତେ ଯୁକ୍ତି ରହିଛି ଯେ, ଅମିତ ଶାହ ନେହେରୁଙ୍କୁ ଦୋଷୀ ବୋଲି କହିଲେ, ସେ ନିଜେ ହିଁ ହାସ୍ୟାସ୍ପଦ ହେବେ। ଏ ଦେଶ ନିରନ୍ତର ଗଣତାନ୍ତ୍ରିକ ବ୍ୟବସ୍ଥା ଓ ସାମ୍ବିଧାନିକ ଅନୁଷ୍ଠାନ ସୃଷ୍ଟି କରିଥିବା ହେତୁ ପଣ୍ଡିତ ନେହେରୁଙ୍କ ପାଖରେ ସବୁବେଳେ କୃତଜ୍ଞ ରହିବ। ଯେତେବେଳେ ସମକାଳରେ ସ୍ଵାଧୀନ ହୋଇଥିବା ଅଧିକାଂଶ ରାଷ୍ଟ୍ର ସାମରିକ ଶାସନ ଓ ଏକଛତ୍ରବାଦକୁ ଆପଣାର କରୁଛନ୍ତି ସେତେବେଳେ ପଣ୍ଡିତ ନେହେରୁ ଆମକୁ ସମ୍ବିଧାନ ଓ ଗଣତନ୍ତ୍ର ଦେଇ ଯାଇଛନ୍ତି। ତାଙ୍କରି ଉତ୍ତରାଧିକାର ହେଉଛି ଏ ଦେଶର ସଂସଦୀୟ ବ୍ୟବସ୍ଥା। ସେହି ପବିତ୍ର ସଂସଦରେ ଆମ ଗଣତନ୍ତ୍ରର ଭିତ୍ତି ପକାଇଥିବା ନେହେରୁଙ୍କୁ ନିନ୍ଦିତ କରିବା ଇତିହାସର ସବୁଠୁ ବିଡମ୍ବନା।
ତେବେ ଅନ୍ତିମ ପ୍ରଶ୍ନ ହେଉଛି, ଧରି ନିଆଯାଉ ୧୯୪୯ ରେ ନେହେରୁ ଭୁଲ କରିଥିଲେ। ହେଲେ ଗତ ପାଞ୍ଚ ବର୍ଷ ଧରି ମୋଦୀ ସରକାର ସେ ଭୁଲ ସୁଧାରିବାରେ ସଫଳ ହେଲେ ନାହିଁ କାହିଁକି? ୭୦ ବର୍ଷ ତଳର ଭୁଲ କଥା କହି ନିଜ ଭୁଲକୁ ଚାପିଦେବାର ମନ୍ଦ ଉଦ୍ଦେଶ୍ୟକୁ ଲୋକ ବେଶ ବୁଝୁଛନ୍ତି।
ସରକାରକୁ ଆସିଲେ ନିତି ଆୟୋଗକୁ ଉଚ୍ଛେଦ କରିବେ ବୋଲି ରାହୁଲ୍ ଗାନ୍ଧି କହିଛନ୍ତି । ସେ କହିଛନ୍ତି ଯେ, ନିତି ଆୟୋଗ କୌଣସି ଉଦ୍ଦେଶ୍ୟ ସାଧନ କରୁନାହିଁ। ଏହା କେବଳ ପ୍ରଧାନମନ୍ତ୍ରୀଙ୍କ ପାଇଁ ପ୍ରଚାର କାର୍ଯ୍ୟ କରୁଛି ଏବଂ ଭୁଲ ତଥ୍ୟ ପ୍ରଦାନ କରୁଛି। କଂଗ୍ରେସ କ୍ଷମତାକୁ ଆସିଲେ ଏହାକୁ ହଟାଇ ଯୋଜନା ଆୟୋଗରେ ବଦଳାଇବ । ଏଥିରେ ବିଶିଷ୍ଟ ଅର୍ଥନୀତିଜ୍ଞ ଏବଂ ବିଶେଷଜ୍ଞମାନଙ୍କୁ ସଦସ୍ୟ ଭାବେ ରଖାଯିବ। ସଦସ୍ୟ ସଂଖ୍ୟା ୧୦୦ରୁ କମ୍ ରହିବ। ସୂଚନାଯୋଗ୍ୟ, ନିତି ଆୟୋଗ ଉପାଧ୍ୟକ୍ଷ ରାଜୀବ କୁମାର ରାହୁଲଙ୍କ ସର୍ବନିମ୍ନ ନିଶ୍ଚିତ ରୋଜଗାର ଯୋଜନା ‘ନ୍ୟାୟ’ ଉପରେ ମନ୍ତବ୍ୟ ଦେଇ କହିଥିଲେ ଯେ, ଏହା କାର୍ଯ୍ୟକାରୀ ହେଲେ ରାଜକୋଷ ୩.୫ ପ୍ରତିଶତରୁ ବଢି ୬ ପ୍ରତିଶତ ହୋଇଯିବ । ଏହି ଯୋଜନା ଆକାଶ କଇଁଆ ଭଳି, ଯାହାକୁ ପୂରା କରିବା ଅସମ୍ଭବ । ତେବେ ରାଜୀବ କୁମାରଙ୍କ ଏପରି ବୟାନକୁ ନିର୍ବାଚନ ଆୟୋଗ ନୋଟିସ୍ କରି ତାଙ୍କୁ ଜବାବ ତଲବ କରିଛନ୍ତି ।