ଟେକ୍ସାସ : ଆମେରିକାର ଟେକ୍ସାସର ଜଣେ ବୃଦ୍ଧା ଲକ୍ଷ ଲକ୍ଷ ଟଙ୍କାର ସାମଗ୍ରୀ ଚୋରି କରି ଅନଲାଇନ୍ ଇ- କର୍ମସ କମ୍ପାନୀ ଇ-ବେ’ରେ ବିକ୍ରି କରୁଥିବାର ଜଣାପଡିଛି । ବୃଦ୍ଧା ଜଣକ ଏହି ଧରାପଡିଥିବାବେଳେ ତାଙ୍କୁ 54 ମାସ ପାଇଁ ଜେଲ୍ ଦଣ୍ଡ ହେବା ସହିତ 3.8 ମିଲିୟନ୍ ଡଲାରର ଜରିମାନା ମଧ୍ୟ କରାଯାଇଛି । 63 ବର୍ଷୀୟ କିମ୍ ରିଚାର୍ଡସନ୍ ନାମକ ଏହି ମହିଳା ଜଣକ ଡେଲାସରେ ବସବାସ କରୁଥିଲେ ।
ଆମେରିକାର ସପିଂ ମଲ୍ ଓ ସପିଂ ସେଣ୍ଟର୍ସଗୁଡିକରେ ବୁଲାବୁଲି କରିବାକୁ ଯାଇ ସାମଗ୍ରୀ ଚୋରି କରିବା ସହିତ ଏହି ସମସ୍ତ ସାମଗ୍ରୀଗୁଡିକୁ ଇ-ବେ’ ଅନଲାଇନ୍ କମ୍ପାନୀ ଜରିଆରେ ବିକ୍ରି କରୁଥିଲେ । ବଡ ବଡ ସପିଂ ମଲ୍ରୁ ଜିନିଷକୁ ଚୋରି କରି ଅନଲାଇନ୍ରେ ବିକ୍ରି କରୁଥିବା ସାମଗ୍ରୀଗୁଡଇକୁ ପ୍ୟାକିଂ ମଧ୍ୟ କରୁଥିଲେ ମହିଳା ଜଣକ । 2019 ମସିହାରୁ ରିଚାର୍ଡସନ୍ ଅଭିଯୁକ୍ତ ସାବ୍ୟସ୍ତ ହୋଇଥିଲେ ।ରିଚାର୍ଡସନ୍ ନିଜେ ଆମେରିକାର ପ୍ରିଜନ୍ ଫାସିଲିଟି ବ୍ୟୁରୋର ଆତ୍ମସମର୍ପଣ କରିଥିଲେ । ରିଚାର୍ଡସନ୍କୁ 54 ମାସ ପାଇଁ ଜେଲ୍ ଦଣ୍ଡାଦେଶ ସହିତ 3.8 ମିଲିୟନ୍ ଡଲାର ଜରିମାନା ହୋଇଛି । ଯାହାକୁ ମହିଳା ଜଣକ ସ୍ବୀକାର କରିଥିବାର ଜଣାପଡିଛି । (ଏଜେନ୍ସି)
