Tag: rohitpujari

କନ୍ଦର୍ପ ବେହେରା
ରେଢାଖୋଲ : ରେଢାଖୋଲ ବ୍ଲକ୍ କାର୍ଯ୍ୟାଳୟର ରାଜୀବ ଭବନ ଠାରେ ରେଢାଖୋଲ ବିଧାନ ସଭା କ୍ଷେତ୍ର ସମୀକ୍ଷା ବୈଠକ ଅନୁଷ୍ଠିତ ହୋଇଛି । ରେଢାଖୋଲ ବିଧାୟକ ରୋହିତ କୁମାର ପୂଜାରୀଙ୍କ ସଭାପତିତ୍ୱରେ ଏହି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଉପଜିଲ୍ଲାପାଳ ଡୋଳାମଣୀ ପଟେଲ, ଡିଏଫ୍‌ଓ ସଂଗ୍ରାମ କେଶରୀ ବେହେରା, ବିଡିଓ ପରୀକ୍ଷିତ ସାହୁ, ଜିଲ୍ଲାପରିଷଦ ସଭ୍ୟ ପ୍ରଦୀପ କୁମାର ପ୍ରଧାନ, ବ୍ଲକ୍ ଅଧ୍ୟକ୍ଷା କବିତା ପ୍ରଧାନ ପ୍ରମୁଖ ଯୋଗ ଦେଇଥିଲେ । ଏହି ସମୀକ୍ଷା ବୈଠକରେ ମାନେଶ୍ୱର, ଜୁଜୁମୁରା, ରେଢାଖୋଲ, ନାକ୍ଟିଦେଉଳ ଆଦି ବ୍ଲକ୍‌ର ବିଭିନ୍ନ ବିଭାଗୀୟ ଅଧିକାରୀ ଯୋଗଦେଇଥିଲେ । ଏହି ବୈଠକରେ ସ୍ୱାସ୍ଥ୍ୟ, ଶିକ୍ଷା, ପାନୀୟ ଜଳ, ଜଙ୍ଗଲ, ଜଳ ବିଭାଜିକା, ଗ୍ରାମ୍ୟଉନ୍ନୟନ, କୃଷି, ବିଦ୍ୟୁତ୍, ଉଦ୍ୟାନ, ଏମ୍ ଆଇ ଆଦି ବିଭାଗର ବିଭିନ୍ନ ସୁବିଧା ଅସୁବିଧା ସଂପର୍କରେ ଆଲୋଚନା କରାଯାଇଥିଲା ।
ରେଢାଖୋଲ ବିଧାୟକ ଚାଷକୁ ଗରୁତ୍ୱ ତଥା ଅଧିକ ଅମଳ କିପରି ହୋଇ ପାରିବ ,ରବି ରୁତୁରେ ମୁଗ ,ବିରି.ହରଡ ଚାଷ ଉପରେ ଗୁରୁତ୍ୱ ଦେବାକୁ ସଂପୃକ୍ତ ବିଭାଗର ପଦାଧିକାରୀଙ୍କୁ ପରାମର୍ଶ ଦେଇଥିଲେ । ରେଢାଖୋଲ ଉପଖଣ୍ଡରେ ଡାକ୍ତରସମସ୍ୟା ସଂପର୍କରେ ମଧ୍ୟ ଆଲୋଚନା କରାଯାଇଥିଲା । ଜିଲ୍ଲା ସ୍ତରୀୟ, ତଥା ସବ୍‌ଡିଭିଜନ୍ ସ୍ତରୀୟ ଅଧିକାରୀ ମାନେ ଲୋକମାନଙ୍କର ସମସ୍ୟା ଦିଗରେ କାମ କରିବାକୁ କହିଥିଲେ । ଯେଉଁ କାମ ଅଫିସରମାନଙ୍କ ଦ୍ୱାରା ହେଇପାରୁନି ମୋ ସହ ଯୋଗାଯୋଗ କଲେ ମୁଁ ତାର ସମାଧାନ କରିବାକୁ ଚେଷ୍ଟା କରିବି ବୋଲି ବିଧାୟକ ପ୍ରକାଶ କରିଥିଲେ ।