ସମୀକ୍ଷା ବ୍ୟୁରୋ
ଭୁବେନଶ୍ବର : ଖରାଛୁଟିରେ ସ୍କୁଲ ପିଲାଙ୍କ ପାଇଁ ହେବ ଏକ୍ସଟ୍ରା କ୍ଲାସ୍। ପାଠପଢାରେ ଦୁବର୍ଳ ଥିବା ପିଲାମାନଙ୍କୁ ଏକ୍ସଟ୍ରା କ୍ଲାସ ଦିଆଯିବ । ଏନେଇ ସୂଚନା ଦେଇ ରାଜ୍ୟ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ। ତେବେ ଶିକ୍ଷକମାନଙ୍କୁ ଖରାଛୁଟି ମିଳିବ କି ନାହିଁ ବୋଲି ପଚାରା ଯାଇଥିବା ଏକ ପ୍ରଶ୍ନର ଉତ୍ତରରେ ମନ୍ତ୍ରୀ କହିଛନ୍ତି ଯେ, ଶିକ୍ଷକମାନଙ୍କର ଛୁଟି ସମୟରେ ରୋଟେସନ୍ ଡ୍ୟୁଟି ଥାଏ। ସେହି ସମୟରେ ଶିକ୍ଷକମାନେ ଏହି କ୍ଲାସ୍ ନେଇପାରିବେ । ରାଜ୍ୟରେ ଏବେ ଆକ୍ସନ ମୋଡରେ ରହିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ । ଅଚାନକ ସ୍କୁଲ ପରିଦର୍ଶନ କରିବା ସହିତ ପିଲାଙ୍କ ଶିକ୍ଷା ପାଇଁ ବିଶେଷ ଧ୍ୟାନ ଦିଆଯାଉଛି । ଦିଲ୍ଲୀର ସ୍କୁଲ ପରିଦର୍ଶନ କରି ସେଠାରେ ଦିଆଯାଉଥିବା ଉନ୍ନତ ଶିକ୍ଷା ପ୍ରଣାଳୀକୁ ଦେଖିବା ସହିତ ରାଜ୍ୟରେ ସ୍କୁଲ ଶିକ୍ଷାର ଉନ୍ନତି ପାଇଁ ବିଶେଷ ପଦକ୍ଷେପ ନିଆଯାଉଛି ।