ରମେଶ ମହାନ୍ତି
ଜଗତସିଂହପୁର: ମହାମାରୀ କରୋନା ସାରା ଦେଶରେ କାୟା ବିସ୍ତାର କରିବାରେ ଲାଗିଛି। ଏନେଇ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ପ୍ରତିରୋଧ କରିବା ପାଇଁ ବିଭିନ୍ନ ପ୍ରକାର ପ୍ରସ୍ତୁତି କରାଯାଉଛି। ଯାହାର ପ୍ରଭାବ ସାଧାରଣ ଲୋକଙ୍କ ଉପରେ ଯେପରି ନପଡ଼ିବ ସେଥିପାଇଁ ସଚେତନତା ସୃଷ୍ଟି କରାଯାଉଛି। ଏପରିକି ଗ୍ରାମାଞ୍ଚଳରେ ଅଧିକ ସଚେତନତା ଆବଶ୍ୟକତାକୁ ଲକ୍ଷ୍ୟ ରଖି ଅସହାୟ ଅନଗ୍ରସର ଅନୁସୂଚିତ ଜାତି ଲୋକମାନଙ୍କ ପାଇଁ ବାଲିକୁଦା ଏରସମା ନିର୍ବାଚନ ମଣ୍ଡଳୀର ବିଧାୟକ ତଥା ଜଳସଂପଦ ଏବଂ ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବାଲିକୁଦା ବ୍ଲକ ଅନ୍ତର୍ଗତ ଅନନ୍ତପୁର ପଞ୍ଚାୟତରେ ସରପଞ୍ଚ ରମେଶ ଚନ୍ଦ୍ର ପାଇଟଳଙ୍କ ଦ୍ଵାରା ସଚେତନତା ସୃଷ୍ଟି କରାଯିବା ସହ ମାସ୍କ ଏବଂ ସାବୁନ୍ ବଣ୍ଟନ କରାଯାଇଛି ।
ଉକ୍ତ କାର୍ଯ୍ୟକ୍ରମରେ ସମିତି ସଭ୍ୟ ରମେଶ ପଲେଇ, ପଞ୍ଚାୟତ ସଭାପତି ବସୁଦେବ ନାୟକଙ୍କ ସମେତ ବୟୋଜ୍ୟେଷ୍ଠ ବ୍ୟକ୍ତି ମାନଙ୍କ ମଧ୍ୟରୁ ଭୁବନାନନ୍ଦ ବେହେରା, ଗୋକୁଳାନନ୍ଦ ସ୍ଵାଇଁ,ନିରଞ୍ଜନ ପଣ୍ଡା,ବାଳକୃଷ୍ଣ ପାତ୍ର, ସୁରେନ୍ଦ୍ର ମହାନ୍ତି, ସୁରେନ୍ଦ୍ର ପରିଡ଼ା, ଲିଙ୍ଗରାଜ ସେଠ, ଯୁବ ସଂଗଠକ ଭାବେ ଭାଗ୍ୟରବି ସ୍ୱାଇଁ( ବୁବୁ), ରମେଶ ବେହେରା,ଅଶୋକ ବେହେରା, ୟୁଧିଷ୍ଠିର ପଣ୍ଡା,ବିଜୁ ଯୁବ ବାହିନୀର ସଭାପତି ବିଶ୍ୱଜିତ (ପପୁ) ସ୍ଵାଇଁ,କାଳନ୍ଦି ସେଠ,ପ୍ରଶାନ୍ତ ମଲ୍ଲିକ, ପ୍ରମୁଖ ସହଯୋଗ କରିଥିଲେ।