ମୁମ୍ବାଇ : ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆକସ୍ମିକ ମୃତ୍ୟୁ ପରେ ଏବେ ସାରା ଦେଶର ଜନତା ନ୍ୟାୟ ମାଗୁଛି । ସୁଶାନ୍ତଙ୍କ ଫ୍ୟାନ୍ସ ଓ ଅନ୍ୟ ଲୋକମାନେ ବଲିଉଡ୍ର ବଡ ଷ୍ଟାର୍ ଓ ପ୍ରଡକ୍ସନ ହାଉସ୍ ଓ ଡାଇରେକ୍ଟରଙ୍କ ସମେତ ଷ୍ଟାର୍ କିଡ୍ମାନଙ୍କୁ ସମାଲୋଚନା କରିବା ସହିତ ଟ୍ରୋଲ୍ ବି କରୁଛନ୍ତି ।
ଏବେ ଟୁଇଟ୍ରରେ ସର୍ବଦା ସୁଶାନ୍ତ ରାଜପୁତ୍ଙ୍କ ନାମରେ ହ୍ୟାଜ୍ଟ୍ୟାଗ୍ ଚାଲୁଛି । ପ୍ରାୟ ୟୁଜର୍ସମାନେ ସୁଶାନ୍ତଙ୍କ ମୃତ୍ୟୁର ନ୍ୟାୟ ଦାବି କରୁଛନ୍ତି । ଏଥିପାଇଁ ଅନ୍ୟ ବଡ ଷ୍ଟାର୍ ଓ ଷ୍ଟର୍ କିଡ୍ମାନଙ୍କୁ ବେଶ୍ ଟ୍ରୋଲ୍ ହେବାକୁ ପଡୁଛି । ସଲମାନ ଖାନ୍, କରଣ ଜୋହର୍, ଆଲିଆ ଭଟ୍ଟ ଓ ସୋନମ କପୁର୍ ସମେତ ବହୁ ଷ୍ଟାର୍ଙ୍କୁ ଟ୍ରୋଲ୍ କରାଯାଉଛି । ଏପରି ସମୟରେ ଟୁଇଟ୍ରେ ଜରିଆରେ ବ୍ୟାପୁଥିବା ନକାରାତ୍ମକ ବା ବିଲୋମତାର ଦୂରେଇ ରହିବା ପାଇଁ କିଛି ସେଲିବ୍ରିଟ୍ମାନେ ଚେଷ୍ଟା କରୁଛନ୍ତି । ଶନିବାର ଦିନ ସୋନାକ୍ଷୀ ସିହ୍ନା ଟୁଇଟ୍ର କୁ ଇନ୍କ୍ଟାଭିଭ୍ କରିବା ନେଇ ଘୋଷଣା କରିଥିଲେ । ସେହିପରି ସଲମାନଙ୍କ ଖାନ୍ଙ୍କ ଭିଣୋଇ ତଥା ଅଭିନେତା ଆୟୁଷ୍ ଶର୍ମା ଓ ଅଭିନେତା ସାକିବ ସଲିମ୍ ମଧ୍ୟ ଟୁଇଟ୍ରକୁ ଅଲ୍ବିଦା କରିଛନ୍ତି ।
ଆୟୁଷ ଶର୍ମା ନିଜ ଇନ୍ଷ୍ଟାଗ୍ରାମରେ ଟୁଇଟ୍ରରୁ ଅଲ୍ବିଦା କରିବା ସହ ଲେଖିଛନ୍ତି ଯେ, ମନୁଷ୍ୟ ଜାତିର ସଂଜ୍ଞା ନିରୂପଣ ପାଇଁ 280 ଶବ୍ଦ ବହୁତ କମ୍ ହୋଇ ପାରେ, କିନ୍ତୁ ଏହି 280 ଶବ୍ଦ ଭୁଲ୍ ଖବର, ହିଂସା, ଦ୍ବେଷ ତଥା ନକାରାତ୍ମକ ବ୍ୟାପିବାରେ ବେଶ୍ ସାହାଯ୍ୟ କରିଥାଏ । ଏପରି ନକାରତ୍ମକତାକୁ ପ୍ରଶ୍ରୟ ଦେଉଥିବା ଲୋକଙ୍କୁ ଦେଖିବା ପାଇଁ ମୁଁ ଟୁଇଟ୍କୁ ଆସିନଥିଲି ବୋଲି କହିଛନ୍ତି ଆୟୁଷ୍ । ସେହିପରି ଅଭିନେତା ସାକିବ୍ ସଲିମ୍ ଟୁଇଟ୍ର ନାମରେ ଏକ ଚିଠି ଲେଖିଛନ୍ତି । ଏହି ଚିଠିରେ ସାକିବ ଲେଖିଛନ୍ତି ଯେ- ହାୟ ଟୁଇଟର୍, ଯେବେ ଆମେ ପ୍ରଥମ ଥର ସାକ୍ଷାତ କରିଥିବୁ, ସେତେବେଳେ ତୁମେ ବହୁତ୍ ସୁନ୍ଦର ଥିଲ । ତୁମ ପାଖରେ ଅନୁଭବକୁ ସେୟାର କରିବା ସହ ଭିନ୍ନ ଭିନ୍ନ କଥା ଜାଣିବା ସହ ଭିନ୍ନ ଭିନ୍ନ ଲୋକଙ୍କ ଭିନ୍ନ ଚିନ୍ତାଧାରା ଜାଣିବାର ଏକ ସୁନ୍ଦର ପ୍ଲାଟଫର୍ମ ତୁମେ ଥିଲ । କିନ୍ତୁ କିଛି ସମୟ ହେବ ତୁମେ କିଛି ଲୋକ ଅନ୍ୟକୁ ଘୃଣା କରିବାର ଜରିଆ ହୋଇଛ । ଏହି ପ୍ଲାଟଫର୍ମରେ ଆମେ ଅନ୍ୟ ଜଣକ ସହ ଯୋଡି ହୋଇଥାଏ । କିନ୍ତୁ ଏବେ ମୋର ଟୁଇଟର ସହ ସମ୍ପର୍କେ ଶେଷ । ଏହି ଦୁନିଆରେ ଆପଣ କିଛି ବି ହୋଇପାରିବେ ।
ସେହିପରି ସୁଶାନ୍ତଙ୍କ ମୃତ୍ୟୁ ପରେ ଅଧିକ ଟ୍ରୋଲ୍ ହୋଇଥିବା ସଲମାନ୍ ଖାନ୍ ମଧ୍ୟ ଅନ୍ୟକୁ କଡା ଜବାବ ଦେଇଛନ୍ତି । ଶନିବାର ରାତିରେ ସଲମାନ୍ ଖାନ୍ ଟୁଇଟ୍ ଜରିଆରେ ଏପରି ଦୁଃଖଦ ସମୟରେ ସୁଶାନ୍ତଙ୍କ ପରିବାର ସହ ପ୍ରଶଂସକମାନେ ରହିବାକୁ ନିବେଦନ କରିଛନ୍ତି । ଖରାପ ଭାଷା ବ୍ୟବହାର ନ କରିବାକୁ ପରାମର୍ଶ ଦେଇଛନ୍ତି ସଲମାନ୍ ।