ବେଙ୍ଗାଲୁରୁ : ଲକ୍ଡାଉନ୍ର ତୃତୀୟ ପର୍ଯ୍ୟାୟ ଶେଷ ହେବା ପରେ ବିଭିନ୍ନ ରାଜ୍ୟ ସରକାରଙ୍କ ପକ୍ଷରୁ ଏହାକୁ କୋହଳ କରାଯାଉଛି । କର୍ଣ୍ଣାଟକ ସରକାର ଏହା ମଧ୍ୟରେ ନିଜ ରାଜ୍ୟରେ ଲକ୍ଡାଉନ୍କୁ କୋହଳ କରିବା ସହିତ ବସ୍ ଏବଂ ଟ୍ରେନ୍ ଚାଳନାକୁ ଅନୁମତି ପ୍ରଦାନ କରିଛନ୍ତି। ତେବେ ଏହି ସମୟରେ 4ଟି ରାଜ୍ୟକୁ ବାଦ ଦେଇ ଅନ୍ୟ ରାଜ୍ୟ ମାନଙ୍କ ସହିତ ଟ୍ରେନ୍ ଏବଂ ବସ୍ ସେବା ଆରମ୍ଭ କରିବାକୁ ଅନୁମତି ପ୍ରଦାନ କରାଯାଇଛି । ମହାରାଷ୍ଟ୍ର, ତାମିଲନାଡୁ, କେରଳ ଏବଂ ତାମିଲନାଡୁକୁ ବାଦ୍ ଦେଇ ଅନ୍ୟ ରାଜ୍ୟ ମାନଙ୍କ ସହିତ ବସ୍ ଏବଂ ଟ୍ରେନ୍ ସେବା ଆରମ୍ଭ କରାଯିବ ।
ଏହା ସହିତ କର୍ଣ୍ଣାଟକର ସମସ୍ତ ଦୋକାନ ବଜାର ଖୋଲିବାର ନିଷ୍ପତ୍ତି ନେଇଛନ୍ତି ୟେଦ୍ୟୁରପ୍ପା ସରକାର। ଆସନ୍ତା ମେ 31 ପର୍ଯ୍ୟନ୍ତ ରାଜ୍ୟରେ ଏହି ନିୟମ ବଳବତ୍ତର ରହିବ ବୋଲି ଜଣାପଡିଛି। ଏହା ସହିତ କେନ୍ଦ୍ର ସରକାରଙ୍କ ରାତ୍ରିକାଳୀନ କର୍ଫ୍ୟୁ ବଳବତ୍ତର ଘୋଷଣା କରାଯାଇଛି। (ଏଜେନ୍ସି)