Tag: ଯୁବକ ଗିରଫ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅନ୍ତର୍ଗତ ଦୁର୍ବନ୍ଧ ଗ୍ରାମର ମୃତ୍ୟୁଞ୍ଜୟ ପାଢ଼ୀ ନାମରେ ଜଣେ ଠକ ଯୁବକକୁ ବୈଦ୍ୟନାଥ ପୁର ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର ଏସ୍ ପି ଡଃ ସର୍ବଣା ବିବେକ ଏମ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଉକ୍ତ ଠକ ଯୁବକ ମୃତ୍ୟୁଞ୍ଜୟ ବିଭିନ୍ନ ବ୍ୟବସାୟ  ଲୋଭ ଦେଖାଇ ଚନ୍ଦ୍ରମଣିପେଟା ସାହିର ସତ୍ୟନାରାୟଣ ସାମଲ ନାମକ ଜଣେ ବ୍ୟକ୍ତି ଙ୍କ ଠାରୁ ୨୭ ଲକ୍ଷ ଟଙ୍କା, ଏସ୍ କେ ଅନୱର ନାମରେ ଜଣେ ଯୁବକ ଠାରୁ ୨୦ ଲକ୍ଷ, ସନ୍ଦୀପ କୁମାର ପାତ୍ର ଠାରୁ ୪ ଲକ୍ଷ ୫୦ ହଜାର, ଅଲେଖ ସାହୁ ଠାରୁ ୮ ଲକ୍ଷ ଓ ସନ୍ଦୀପ କୁମାର ଯେନା ନାମରେ ଜଣେ ଯୁବକଙ୍କ ଠାରୁ ୨୦ ଲକ୍ଷ ଟଙ୍କା ଏହି ଭଳି ସେ ପ୍ରାୟ ଏକ କୋଟି ଟଙ୍କାରୁ ଅଧିକ ଅଭିନବ ଉପାୟରେ ବ୍ୟବସାୟ ରେ ଟଙ୍କା ଲଗାଇ ଦୁଇ ଗୁଣ କରାଇଦେବାର ଲୋଭ ଦେଖାଇ ଠକି ଚାଲିଥିଲା।

ପରବର୍ତ୍ତୀ ସମୟରେ ସେ ଟଙ୍କା ନେଇ ଥିବା ଲୋକଙ୍କୁ ଚେକ୍ ମଧ୍ୟ ଦେଇଥିଲା,ଯେ ବ୍ୟବସାୟ ନହେଲେ ଟଙ୍କା ଫେରାଇବାକୁ ଚୁକ୍ତି କରିଥିଲା। କିନ୍ତୁ ଉକ୍ତ ଚେକ୍ ନେଇ ଟଙ୍କା ଦେଇ ଥିବା ବ୍ୟକ୍ତି ଗଣ ବ୍ୟାଙ୍କ କୁ ଦେଖିଲା ବେଳକୁ ତାର ବ୍ୟାଙ୍କ ଏକାଉଣ୍ଟ୍ ରେ ଜିରୋ ବାଲାନ୍ସ୍ ରହିଛି। ଏହି ଭଳି ପରିସ୍ଥିତିରେ ଟଙ୍କା ଦେଇ ଥିବା ଲୋକଙ୍କ ସନ୍ଦେହ ସ୍ରୁଷ୍ଟି ହୋଇଥିଲା, ଯାହା ଫଳରେ ପୋଲିସ ନିକଟରେ ଅଭିଯୋଗ କରିଥିଲେ। ଅଭିଯୋଗ ଅନୁଯାୟୀ ବୈଦ୍ୟନାଥ ପୁର ଥାନା ପୋଲିସ ୪୫୧/୨୩ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଚଳାଇ ଉକ୍ତ ଠକ ଠକ ଯୁବକ କୁ ନେଇ ଥାନା ରେ ଜେରା କରିବା ପରେ ପୋଲିସ ବହୁ ତଥ୍ୟ ହାସଲ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୈଦ୍ୟନାଥ ପୁର ଥାନା ଅନ୍ତର୍ଗତ ଜନୈକା ମହିଳାଙ୍କୁ ବିବାହ ପ୍ରତିଶ୍ରୁତି ଦେଇ ଦୁଷ୍କର୍ମ ଅଭିଯୋଗରେ ଜନୈକ ଯୁବକକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତ ଯୁବକ ଜଣକ ଗଜପତି ଜିଲ୍ଲା ମୋହନା ଥାନା ଅଞ୍ଚଳର ସିଦ୍ଧାର୍ଥ ପାଣିଗ୍ରାହୀ।

ଗତ ଦୁଇ ବର୍ଷ ହେଲା ଉକ୍ତ ମହିଳାଙ୍କୁ ଭଲ ପାଉଥିଲା ଓ ବାହା ହେବାର ପ୍ରତିଶ୍ରୁତି ଦେଇ ତା ସହ ଶାରୀରିକ ସମ୍ପର୍କ ରଖିଥିଲା। ଯାହା ଫଳରେ ମହିଳା ଜଣଙ୍କ ଗର୍ଭବତୀ ହେବାରୁ ସିଦ୍ଧାର୍ଥକୁ ବାହା ହେବାପାଇଁ ଜିଦ୍ କରିଥିଲେ। କିନ୍ତୁ ସେ ଉକ୍ତ ମହିଳାଙ୍କ ଠାରୁ ଦୂରେଇ ରହି ତାଙ୍କୁ ହତ୍ୟା ର ଧମକ ଦେଇ ଗର୍ଭପାତ କରିବାକୁ ବାଧ୍ୟ କରିଥିଲା। ଯ’ଦ୍ଵାରା ମହିଳା ଜଣଙ୍କ ପରିଶେଷରେ ବୈଦ୍ୟନାଥ ପୁର ଥାନାରେ ଅଭିଯୋଗ କରିଥିଲେ।

ଏତଲା ନଂ ୧୫୬/୨୩ ଅନୁଯାୟୀ ଅଭିଯୁକ୍ତ ସିଦ୍ଧାର୍ଥକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି।

କୁଜଙ୍ଗ: କୁଜଙ୍ଗ ଥାନା ବଡଙ୍ଗ ଗ୍ରାମକୁ ହଳଦୀ ପାଣି ନଦୀ ଉପରେ ଅସ୍ଥାୟୀ ରାସ୍ତା ନିର୍ମାଣକୁ ବିରୋଧକରି ସେହି ଗ୍ରାମର ଜଣେ ଯୁବକକୁ ଆଜି ଜେଲ ଯିବାକୁ ପଡିଛି। ପ୍ରକାଶ ଯେ, ନଦୀ ଉପରେ ଥିବା ପୋଲ ଅଣ ଓସାରିଆ ହୋଇଥିବାରୁ ଭାରିଯାନ ଯିବା କଷ୍ଟକର ହୋଇପଡୁଥିଲା। ଯାହା ଫଳରେ କି ୨୦୨୨ ମସିହାରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଉକ୍ତ ପୋଲକୁ ଭଙ୍ଗା ଯାଇ ନୂତନ ପୋଲ ନିର୍ମାଣ ପାଇଁ ଅର୍ଥ ମଞ୍ଜୁର କରାଯାଇଥିଲା। ମାତ୍ର ବିଭାଗୀୟ ଅଧିକାରୀଙ୍କ ଅବହେଳା ଯୋଗୁ ଏହି ପୋଲ ନିର୍ମାଣ ହୋଇପାରନଥିଲା।

୨୦୨୨ ମସିହା ବର୍ଷା ଋତୁରେ ଉକ୍ତ ପୋଲ ଉପରେ ନିର୍ଭର କରୁଥିବା ୩ଟି ଗ୍ରାମର ୩ ହଜାରରୁ ଉର୍ଦ୍ଧ୍ୱ ଜନ ସାଧାରଣଙ୍କୁ ଯାତାୟତ କରିବା ପାଇଁ ଅସୁବିଧା ହେଉଥିଲା। ଏ ସମ୍ପର୍କରେ ଗତ ୨୯ ତାରିଖରେ ୫-ଟି ସଚିବ ଭିକେ ପାଣ୍ଡିଆନଙ୍କ କୁଜଙ୍ଗ ଗସ୍ତ ଅବସରରେ ଘଟଣା ସମ୍ପର୍କରେ ସ୍ଥାନିୟ ଜଣେ ଛାତ୍ରୀ ଆଦ୍ୟାଶା ପ୍ରଧାନ ଅବଗତ କରାଇଥିଲେ। ସ୍ଥଳକୁ ନେଇ ଦେଖାଇବା ସହ କାମର ବିଳମ୍ବତା ନେଇ ଅଭିଯୋଗ କରିଥିଲେ।

୫-ଟି ସଚିବଙ୍କ ନିର୍ଦ୍ଦେଶମତେ ଅସ୍ଥାୟୀ ରାସ୍ତାକୁ ମଜଭୁତ କରିବା ସହ ପୋଲ ନିର୍ମାଣ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ପ୍ରଦାନ କରିଥିଲେ। ମାତ୍ର ଠିକାଦାର ପ୍ରହଲ୍ଲାଦ ଚନ୍ଦ୍ର ସ୍ୱାଇଁ ଏହି ରାସ୍ତାଟିକୁ କାର୍ଯ୍ୟକରୁଥିବା ବେଳେ ସେହି ଗ୍ରାମର ପ୍ରଶାନ୍ତ ପ୍ରଧାନଙ୍କ ପୁଅ ବବୁଲ ପ୍ରଧାନ (୩୦) ଓ ବିଚିତ୍ର ପରିଡାଙ୍କ ପୁଅ ପ୍ରକାଶ ପରିଡା (୪୦) ଦାଦା ବଟି ମାଗିବା ସହ ଧମକ ଚମକ ଦେଇଥିଲେ। ଯାହା ଫଳରେକି ଠିକାଦାର ଶ୍ରୀଯୁକ୍ତ ସ୍ୱାଇଁ ଏସଂକ୍ରାନ୍ତରେ କୁଜଙ୍ଗ ଥାନାରେ ଅଭିଯୋଗକରିଥିଲେ।

ଅଭିଯୋଗକୁ ଭିତ୍ତିକରି କୁଜଙ୍ଗ ଥାନା କେସ ନଂ.୩୫୧/୨୩ରେମାମଲା ରୁଜୁକରି ସୋମବାରଦିନ ବବୁଲକୁ ଗିରଫକରି କୋର୍ଟ ଚାଲଣ କରିଥିଲେ। ଜାମିନ ନାମାଞ୍ଜୁର ହେବାରୁ କୁଜଙ୍ଗ ଉପକାରାଗାରକୁ ପଠାଇ ଦିଆଯାଇଛି। ଅନ୍ୟ ପକ୍ଷରେ ପ୍ରକାଶ କେଉଁଆଡେ ଫେରାର ହୋଇଯାଇଥିବା ଥାନା ଅଧିକାରୀ ରଶ୍ମି ରଂଜନ ଦାସ କହିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟ ଗୁଣ୍ଡିଚା ନଗର ନିକଟରେ କୁନା ଡାକୁଆ ନାମକ ଜଣେ ଯୁବକକୁ ଲଙ୍କା ଗୁଣ୍ଡ ଫିଙ୍ଗି ଆକ୍ରମଣ କରି ଲୁଟ କରାଯାଇଥିଲା। ଏହି ଘଟଣାର ତଦନ୍ତ ଚଳାଇ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତଙ୍କ ନେତୃତ୍ଵରେ ଏକ ଟିମ୍ ପୁରୀର ଏକ ହୋଟେଲ ଉପରେ ଚଢାଉ କରି ମୁଖ୍ୟ ଅଭିଯୁକ୍ତଙ୍କ ସହ ୪ ଜଣ ଯୁବକଙ୍କୁ ଗିରଫ କରିଥିଲା ଏବଂ ପରେ କୋର୍ଟ ଚାଲାଣ କରିଥିଲା।

ଅଭିଯୁକ୍ତମାନେ ହେଲେ ପିଣ୍ଟୁ ନାହାକ, ରୁଦ୍ର ଡାକୁଆ, କାଳିଆ ସାହୁ ଓ ଅଜୟ ଲେଙ୍କା ବୋଲି ଜଣାପଡିଛି। ଏମାନଙ୍କ ଠାରୁ ପୋଲିସ ଦୁଇଟି ନମ୍ବର ବୀହିନ ମୋଟରସାଇକେଲ,‌ ଗୋଟିଏ ସ୍କୁଟି, ଦୁଇଟି ଖଣ୍ଡା, ୩ ଟି ବୋମା ଓ କିଛି ନଗଦ ଟଙ୍କା ଜବତ କରିଛି।

ମିଳିଥିବା ସୂଚନା ଅନୁଯାୟୀ ପିଣ୍ଟୁ ନାହାକ ଓ କୁନା ଡାକୁଆ ମିଶି ପୁରୁଣା ଗାଡ଼ି ବ୍ୟବସାୟ କରୁଥିଲେ। ଦୁଇଙ୍କ ମଧ୍ୟରେ ବ୍ୟବସାୟିକ ଶତୃତା ଥିଲା ଓ କିଛି ଦିନ ତଳେ ଉଭୟେ ମୁହାଁମୁହିଁ ହୋଇଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ସଦର ଥାନା ନିକଟସ୍ଥ ଏକ ଗ୍ରାମର ଜନୈକା ନାବାଳିକା ଜଣେ ଯୁବକ ତାକୁ ଦୁଷ୍କର୍ମ କରିଥିବା ଅଭିଯୋଗ ଦାଖଲ ପାଇଁ ସଦର ଥାନାକୁ ଆସିଥିଲା। ସେତେବେଳେ ତା’ର ସ୍ବାସ୍ଥ୍ୟ ଅବସ୍ଥା ବହୁତ ଖରାପ ଥିବାରୁ ସଦର ଥାନା ପୋଲିସ ନାବାଳିକାକୁ ଚିକିତ୍ସା ପାଇଁ ବଡଡାକ୍ତରଖାନାରେ ଭର୍ତ୍ତି କରିଥିଲା। ଏହି ସମୟରେ ନାବାଳିକା ଜଣକ ଏକ ଶିଶୁ କନ୍ୟା ଜନ୍ମ କରିଥିଲେ।

ନାବାଳିକାର ଅଭିଯୋଗକୁ ଭିତ୍ତି କରି ପୋଲିସ ରାଜେନ୍ଦ୍ର କୁମାର ପଲେଇ ନାମକ ଜଣେ ଯୁବକକୁ ଗିରଫ କୋର୍ଟ ଚାଲାଣ କରିଛନ୍ତି। ଅନ୍ୟ ପକ୍ଷରେ ଗିରଫ ଯୁବକ ଓ ଜନ୍ମିତ ଶିଶୁର ଡି ଏନ୍ ଏ ପରୀକ୍ଷା କରାଯିବ ବୋଲି ସଦର ପୋଲିସଙ୍କ ନିକଟରୁ ପ୍ରକାଶ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଡ଼ାକ୍ତରୀ ଛାତ୍ରୀଙ୍କୁ ଅସଦାଚରଣ କରି ଜଣେ ଯୁବକ ଗିରଫ ହୋଇଛନ୍ତି। ଗିରଫ ଯୁବକ ଜଣକ ପୁରୀ ଜିଲ୍ଲା ଗୋପ ଥାନା ଅଞ୍ଚଳର ଉମାକାନ୍ତ ପଲେଇ ବୋଲି ଜଣାପଡିଛି। ଛାତ୍ରୀକୁ ଅସଦାଚରଣ ଓ ବ୍ଳାକମେଲିଙ୍ଗ୍ ଅଭିଯୋଗରେ ଉମାକାନ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ବ୍ରହ୍ମପୁର ମେଡ଼ିକାଲ କଲେଜର ଏକ ଛାତ୍ରୀକୁ ଗତ ତିନି ବର୍ଷ ହେଲା ଅଭିଯୁକ୍ତ ଉମାକାନ୍ତ ଭଲ ପାଇବା ସହ ସୁଯୋଗ ନେଇ ଅନ୍ତରଙ୍ଗ ମୌଜ କରୁଥିଲା। ଏହାର ସୁଯୋଗ ନେଇ ଉମାକାନ୍ତ ନିଜ ମୋବାଇଲ ଫୋନରେ କିଛି ଫଟୋ ଉଠାଇ ଗଚ୍ଛିତ ରଖିଥିଲା। ଏହାପରେ କୌଣସି କଥାକୁ ନେଇ ଉଭୟଙ୍କ ମଧ୍ୟରେ ମତଭେଦ ଓ ସମ୍ପର୍କରେ ଫାଟ ସୃଷ୍ଟି ହୋଇଥିଲା। କିନ୍ତୁ ପରବର୍ତ୍ତୀ ସମୟରେ ପୁଣି ଯୁବକ ଜଣକ ଶାରୀରିକ ସମ୍ପର୍କ ପାଇଁ ଛାତ୍ରୀକୁ ବାଧ୍ୟ କରିଥିଲା। ସେ ମନା କରିବାରୁ ନିଜ ମୋବାଇଲ ଫୋନରେ ରଖିଥିବା କିଛି ଫଟୋ ଓ ଭିଡ଼ିଓ ଉକ୍ତ ଛାତ୍ରୀର ମୋବାଇଲ୍ କୁ ପଠାଇ ବ୍ଲାକମେଲିଂ ଆରମ୍ଭ କରିବାରୁ ଛାତ୍ରୀ ଜଣକ ମାନସିକ ଭାରସାମ୍ୟ ହରାଇ ଶେଷରେ ଥାନାରେ ଅଭିଯୋଗ କରିଥିଲେ।  ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା ରୁଜୁ କରି ଉମାକାନ୍ତକୁ ଗିରଫ କରି କୋର୍ଟ ଚାଲାଣ କରିଛି।

କୈଲାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ପୋଲସରା ଥାନା ଅଧିକାରୀ ଜିତେନ୍ଦ୍ର କୁମାର ମଲ୍ଲିକ ସଦଳବଳେ ପାଟ୍ରୋଲିଂ କରୁଥିବା ସମୟରେ ରାଆଣ୍ଡି ସ୍ଥିତ ଧନେଇ ଡ଼୍ୟାମ ନିକଟରେ ଏକ ସ୍କୁଟି ଗାଡ଼ିରେ ଦୁଇ ଯୁବକ ଯାଉଥିବା ଦେଖି ସେମାନଙ୍କୁ ସନ୍ଦେହରେ ଅଟକାଇଥିଲେ। ସେମାନଙ୍କୁ ଯାଞ୍ଚ କରିବା ବେଳେ ସେମାନଙ୍କ ଠାରୁ ଗୋଟିଏ ପିସ୍ତଲ୍ ମିଳିଥିଲା। ପରେ ସେମାନଙ୍କୁ ଥାନା କୁ ଆଣି ପଚରାଉଚରା କରିବା ବେଳେ ସେମାନଙ୍କ ଠାରୁ ସନ୍ତୋଷ ଜନକ ଉତ୍ତର ମିଳିଲା ନାହିଁ। ଯାହା ଫଳରେ ପୋଲିସ୍ ପକ୍ଷରୁ କେଶ୍ ନଂ ୨୪୪/୨୩ ଅନୁଯାୟୀ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛନ୍ତି। ଗିରଫ ଯୁବକ ଦ୍ବୟ ପୋଲସରାରୁ ପାଣ୍ଡିରିପଡା ଯାଉଥିବା ବେଳେ ପୋଲିସ ସେମାନଙ୍କୁ ଧନେଇ ଡ଼୍ୟାମ ନିକଟରେ ଧରିଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବୁଗୁଡ଼ା ଥାନା ପୋଲିସ୍ ଦୁଇ ଆଧୁନିକ ଠକକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଯୁବକ ଦ୍ବୟ ହେଲେ କନ୍ଧମାଳ ଜିଲ୍ଲା ଫୁଲବାଣୀ ସହରର ଅମିତ୍ କୁମାର ମହାପାତ୍ର ଓ ନୟାଗଡ଼ ଜିଲ୍ଲା ଓଡ଼ଗାଁ ଟାଙ୍ଗିସାହିର ଆକାଶ ବେହେରା।

ଖବରରୁ ପ୍ରକାଶ ଯେ, ବୁଗୁଡ଼ା ଥାନା ଅନ୍ତର୍ଗତ କରସିଂ ପଞ୍ଚାୟତ ଉଦୟପୁର ଗ୍ରାମ ଓ ନିକଟବର୍ତ୍ତୀ ଛୋଟ ଛୋଟ ଗାଁ ର ଅଶିକ୍ଷିତ ଲୋକଙ୍କୁ ବିଭିନ୍ନ ଯୋଜନାରେ ଆଧାର ଲିଙ୍କ କରାଇଦେବାକୁ କହି ଉଭୟ ଯୁବକ ନିଜକୁ ବ୍ଳକ କର୍ମଚାରୀ ଭାବେ ପରିଚୟ ଦେଇ ନୀରିହ ଲୋକଙ୍କର ଟିପ ଚିହ୍ନ ନେଇ ଠକି ଚାଲିଥିଲେ। ଏହି ଭଳି ପରିସ୍ଥିତିରେ ଠକାମୀର ଶିକାର ହୋଇଥିବା କିଛି ଲୋକ ବୁଗୁଡ଼ା ଥାନାରେ ଅଭିଯୋଗ କରିଥିଲେ।

ଅଭିଯୋଗ ଅନୁଯାୟୀ କେଶ୍ ନଂ ୧୨୯/୨୩ ପ୍ରକାରେ ପୋଲିସ ଗତ ଫେବୃଆରୀ ମାସ ଠାରୁ ଅଭିଯୋଗକୁ ଭିତ୍ତି କରି ପୋଲିସ ଅନୁସନ୍ଧାନ ଚଳାଇଥିଲେ। ତେବେ ହଠାତ୍ କୌଣସି ସୂତ୍ରରୁ ଖବର ପାଇ ପୋଲିସ ଏସ୍ ଆଇ ସମୀର ସେଠୀଙ୍କ ନେତୃତ୍ଵରେ ଏକ ଟିମ୍ ଉଭୟ ଠକଙ୍କୁ କାବୁ କରି ଥାନାକୁ ଆଣି ପଚରାଉଚରା କରିବା ପରେ କୋର୍ଟ ଚାଲାଣ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ହତ୍ୟା ଉଦ୍ୟମ କରି ଜେଲେ ଯାଇଥିବା ଯୁବକ ଜାମିନରେ ଆସିବା ପରେ ସାକ୍ଷୀଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ଯାହା ପରେ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ନିମଖଣ୍ଡି ଥାନା ଅନ୍ତର୍ଗତ ଜଗଦଲପୁର ଗ୍ରାମରେ ଏଭଳି ଏକ ଘଟଣା ଘଟିଛି।

ସୂଚନା ମୁତାବକ ନିମଖଣ୍ଡି ଥାନା ଅନ୍ତର୍ଗତ ଜଗଦଲପୁର ଗ୍ରାମର ହେମନ୍ତ କୁମାର ଡାକୁଆ ନାମକ ଜଣେ ଯୁବକ ଗତ ବର୍ଷ ମେ ମାସରେ ଜେଲ ଯାଇଥିଲେ। ଘରର କାନ୍ଥ ନିର୍ମାଣକୁ ନେଇ ଦୁର୍ଯୋଧନ ବିଷୋୟୀ ନାମକ ଜଣେ ଲୋକକୁ ହତ୍ୟା ଉଦ୍ୟମ କରିଥିବା ଅଭିଯୋଗରେ ତାଙ୍କୁ ଜେଲ୍ ହୋଇଥିଲା। ହେଲେ କିଛି ଦିନ ପରେ ସେ ଜାମିନରେ ଆସିଥିଲେ। ଇତ୍ୟବସରରେ ଉକ୍ତ ମକଦ୍ଦମାରେ ନିଳାଚଳ ବେହେରା ନାମକ ଜଣେ ଯୁବକ ସାକ୍ଷୀ ଥିଲେ। କିନ୍ତୁ ଜେଲରୁ ଆସିବା ପରେ ହେମନ୍ତ ନିଳାଚଳକୁ ବିଭିନ୍ନ ଧମକ ଚମକ ଦେଉଥିଲା।

ଏହି ଗତ ବୁଧବାର ଦିନ ନିଳାଚଳ କୌଣସି କାମରେ ବ୍ରହ୍ମପୁର ଆସୁଥିବା ବେଳେ ନିମଖଣ୍ଡି ଫାଣ୍ଡି ନିକଟରେ ହେମନ୍ତ ନିଳାଚଳକୁ ଅଟକାଇ ଅସ୍ରାବ୍ୟ ଭାଷାରେ ଗାଳିଗୁଲଜ କରି ତାକୁ ମାରଣାନ୍ତକ ଆକ୍ରମଣ କରିଥିଲେ। ଏହି ଆକ୍ରମଣରେ ନିଳାଚଳ ଆହତ ହୋଇ ଡାକ୍ତରଖାନାରେ ଚିକିତ୍ସିତ ହୋଇଥିଲେ ଓ ଘଟଣା ସମ୍ପର୍କରେ ନିମଖଣ୍ଡି ଥାନାରେ ଅଭିଯୋଗ କରିଥିଲେ। ପୋଲିସ ଏତଲା ଗ୍ରହଣ କରି ତଦନ୍ତ କରିବା ସହ ଅଭିଯୁକ୍ତ ହେମନ୍ତକୁ ଗିରଫ କରି କୋର୍ଟ ଚାଲାଣ କରିଛି।

କନ୍ଦର୍ପ ବେହେରା
ରେଢ଼ାଖୋଲ: ଚାରମାଳ ନିକଟସ୍ଥ ଲଣ୍ଡାକୋଟ ଜଙ୍ଗଲରେ ବନବିଭାଗ ପେଟ୍ରୋଲିଂ କରୁଥିବା ସମୟରେ ଦେଶୀ ବନ୍ଧୁକ, ଅଫୁଟା ଗୁଳି ସହ ଜଣେ ଯୁବକକୁ ଗିରଫ କରିଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ, ବନବିଭାଗ ଲଣ୍ଡାକୋର୍ଟ ଜଙ୍ଗଲରେ ପେଟ୍ରୋଲିଂ କରୁଥିବା ସମୟରେ ଚାରମାଳ ଥାନା ଖସୁଆ ଗ୍ରାମର ନବିନ୍ ଶବର (୨୨) ଅବାଧରେ ଦେଶୀ ବନ୍ଧୁକ ଧରି ବୁଲୁଥିଲା। ବନବିଭାଗ ତାକୁ ଗିରଫ କରି ଦେଶୀ ବନ୍ଧୁକ ସହ ୧୦ଟି ଅଫୁଟା ଗୁଳି, ଗନ୍ ପାଉଡର ଆଦି ଜବତ କରିଥିଲା।

ଆଜି ଅପରାଧିକୁ କୋର୍ଟ ଚାଲାଣ କରାଯାଇଥିବା ବେଳେ ଜାମିନ୍ ନାମାଞ୍ଜୁର ହେବାରୁ ଜେଲ୍ ହାଜତକୁ ପଠାଇ ଥିବା ବନବିଭାଗ ପ୍ରକାଶ କରିଛି। ଏମିତି ଜନ୍ତୁ ଶୀକାର ପାଇଁ ବହୁ ଲୋକ ଚୋରାରେ ଦେଶୀ ବନ୍ଧୁକ ଧରି ଅବାଧରେ ଜଙ୍ଗଲରେ ବୁଲୁଛନ୍ତି। ବନବିଭାଗର ପେଟ୍ରୋଲିଂ କଡାକଡି କରାଗଲେ ଶୀକାରୀ ମାନେ ବୁଲି ପାରନ୍ତେ ନାହଁ କି ଜନ୍ତୁ ଶୀକାର କରିପାରନ୍ତେ ନାହିଁ।

କନ୍ଦର୍ପ ବେହେରା
ରେଢାଖୋଲ: ବାଟଗାଁ ଅଂଚଳର ଜନୈକା ବାଳିକାକୁ ଧର୍ଷଣ କରିଥିବା ଅଭିଯୋଗରେ ଜଣେ ଯୁବକକୁ ନାକଟିଦେଉଳ ପୋଲିସ୍ ଗିରଫ କରିଛି। ଅଭିଯୋଗରୁ ପ୍ରକାଶ ଯେ, ବାଟଗାଁ ଅଂଚଳର ଜନୈକା ଯୁବତୀକୁ ନାକଟିଦେଉଳ ଥାନା ଶଙ୍କରପାଲି ଗ୍ରାମର ବିରଂଚି ନାଏକ (୨୫) ନାମକ ଯୁବକ ଦୁଷ୍କର୍ମ କରିଥିଲା।

ଏ ସଂପର୍କରେ ପିଡୀତା ଯୁବତୀର ପରିବାର ତରଫରୁ ଗତକାଲି ନାକଟିଦେଉଳ ଥାନାରେ ଲିଖିତାକାରରେ ଅଭିଯୋଗ କରିଥିଲେ। ନାକଟିଦେଉଳ ଥାନା କେସ୍ ନଂ୧୩୭ ତା.୨୫/୧୦/୨୦୨୧ ୟୁ/ଏସ୍ ୩୭୬/୫୦୬୧.ପିସି ରେ ଅଭିଯୁକ୍ତ ବିରଂଚି ନାଏକକୁ ପୋଲିସ୍ ଗିରଫ କରି ଆଜି କୋର୍ଟ ଚାଲାଣ କରିଥିବା ନାକଟିଦେଉଳ ଥାନାଧିକାରୀ ବିଧୂଭୂଷଣ ମିଶ୍ର ପ୍ରକାଶ କରିଛନ୍ତି।

ଭୁବନେଶ୍ବର: ସମଗ୍ର ବିଶ୍ଵକୁ କରୋନା ମହାମାରୀ କବଳିତ କରିଛି। ଏହି ସମୟରେ ଅନେକ ଲୋକଙ୍କ ଜୀବନ ଚାଲିଯାଉଥିବା ବେଳେ ଅନେକ ଲୋକ ରୋଜଗାର ହରାଇବସିଛନ୍ତି।

କିନ୍ତୁ ଏହି ସମୟରେ କିଛି ଲୋକ ଅସାମାଜିକ କାର୍ଯ୍ୟ କରିବାରେ ଲାଗି ପଡିଛନ୍ତି। ରାଜ୍ୟରେ ଲକଡାଉନ କଟକଣାର ସୁଯୋଗ ନେଇ କିଛି ଲୋକ ଆଇନ ବିରୋଧୀ କାର୍ଯ୍ୟରେ ଲିପ୍ତ ରହୁଛନ୍ତି। କଟକଣା ସମୟରେ ଅତି ଜରିରୀ ନଥିଲେ ଘରୁ ବାହାରିବା ପାଇଁ ଲୋକଙ୍କୁ ବାରଣ କରାଯାଇଛି। ହେଲ ଏହି କଟକଣାକୁ ନମାନି କେତେଜଣ ଅମାନିଆ ନକଲି ପରିଚୟ ପତ୍ର ଧରି ଘୂରିବୁଲୁଛନ୍ତି।

ତେବେ କିଛି ଯୁବକ ଆଇନ ଆଖିରେ ଧୁଳି ଫିଙ୍ଗି ଏହାର ଫାଇଦା ଉଠାଇବାରେ ଲାଗିପଡିଛନ୍ତି। ସେମାନେ ମିଥ୍ୟା ପରିଚୟ ପତ୍ର ତିଆରି କରି ପ୍ରତି ପରିଚୟ ପତ୍ର ପିଛା ୨୦୦ ରୁ ୩୦୦ ଟଙ୍କା ପର୍ଯ୍ୟନ୍ତ ଲୋକଙ୍କ ଠାରୁ ନେଉଛନ୍ତି।

ଏଭଳି ଏକ ଘଟଣା ରାଜଧାନୀ ଭୁବନେଶ୍ବରରେ ଦେଖବାକୁ ମିଳିଛି। ଜଣେ ଯୁବକ ବିଭିନ୍ନ କମ୍ପାନୀର ଲୋଗୋ ସଂଗ୍ରହ କରି ଲୋକଙ୍କୁ ନକଲି ପରିଚୟ ପତ୍ର ବିକ୍ରି କରିବା ପରେ ପୋଲିସ ହାତରେ ଧାରା ପଡିଛି। ଚନ୍ଦ୍ରଶେଖରପୁର ପୋଲିସ ଏହି ଘଟଣାରେ ସମ୍ପୃକ୍ତ ଯୁବକଜଣଙ୍କୁ ଗିରଫ କରିଛି।

ରମେଶ ମହାନ୍ତି
ଜଗତସିଂହପୁର: ବିଭିନ୍ନ ଜିଲ୍ଲାରୁ ବସ୍ ରେ ଚୋରା ଗଞ୍ଜେଇ ଆସି ଜଗତସିଂହପୁର ବସଷ୍ଟାଣ୍ଡରେ ପହଞ୍ଚିବା ପରେ ସେଠାରୁ ଜିଲ୍ଲାର ବିଭିନ୍ନ ସ୍ଥାନକୁ ପଠାଯାଉଥିବା ନେଇ ଦିର୍ଘ ଦିନରୁ ଚର୍ଚ୍ଚା ହେଉଥିଲା। ଏନେଇ ବସଷ୍ଟାଣ୍ଡ ଉପରେ ନଜର ରଖିଥିଲା ପୋଲିସ୍।

ବିଶେଷ ସୂତ୍ରରୁ ଖବର ପାଇ ପୂର୍ବରୁ ଛପି ରହିଥିବା ଜଗତସିଂହପୁର ପୋଲିସ୍ ପକ୍ଷରୁ ଶନିବାର ଦିନ(ଗତକାଲି) ଅଚାନକ ଚଢାଉ କରାଯାଇ ବାଲିକୁଦା ପଟୁ ବାଇକରେ ଆସୁଥିବା ଜଣେ ଯୁବକକୁ ଜଗତସିଂହପୁର ବସଷ୍ଟାଣ୍ଡ ନିକଟରୁ କାବୁ କରି ଗିରଫ କରାଯିବା ସହିତ ଯୁବକଙ୍କ ନିକଟରେ ଥିବା ଏକ ବ୍ୟାଗରୁ ୫କେଜି ୧୬୫ଗ୍ରାମ୍ ଚୋରା ଗଞ୍ଜେଇ ସହ ଏକ ହିରୋ ଗ୍ଲାମର୍ ବାଇକ (ଓଡି୨୧ବି୮୭୧୧)କୁ ଜବତ କରାଯାଇଥିବା ଜଣାପଡିଛି।

ଅଭିଯୁକ୍ତ ଯୁବକ ଜଣକ ବାଲିକୁଦା ଥାନା ଅନ୍ତର୍ଗତ କୋଳଦା ଗ୍ରାମର ସତ୍ୟବ୍ରତ ମଲ୍ଲିକ ଓରଫ୍ କାଲୁ (୨୧)ବୋଲି ସୂଚନା ମିଳିଛି। ଉକ୍ତ ଚୋରା ଗଞ୍ଜେଇ କେଉଁଠୁ ଆସୁଥିଲା ଓ କେଉଁଠିକି ଯାଉଥିଲା, ଏହି ଚୋରା କାରବାରରେ ଆଉ କେଉଁ ମାନଙ୍କର ସମ୍ପୃକ୍ତି ରହିଛି ତାହା ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଥିବା ବେଳେ ଏନେଇ ଜଗତସିଂହପୁର ପୋଲିସ୍ ତଦନ୍ତ ଚଳାଇଥିବା ସୂଚନା ମିଳିଛି।

ପୁରୀ: ଟାଉନଥାନା ଅନ୍ତର୍ଗତ ବାଲିସାହି ଶ୍ୱେତଗଙ୍ଗା ଲେନର ଜଣେ ନାବାଳିକା ଅପହରଣ ହୋଇଥିବା ଅଭିଯୋଗ ହୋଇଥିଲା। ଏ ସଂପର୍କରେ ଏସପି କେ. ଭିଶାଲ ସିଂଙ୍କ ନିର୍ଦ୍ଦେଶକ୍ରମେ ଏକ ସ୍ୱତନ୍ତ୍ର ପୁଲିସ ଟିମ୍ ପୁରୀଜିଲ୍ଲାର ଚନ୍ଦନପୁର, ସତ୍ୟବାଦୀ, ବାଲିପୁଟ, ଗୋପ, ବାସେଳୀସାହି ଅ ଳରେ ଛାନଭିନ୍ କରିଥିଲେ। ଏହାସହ ନୟାଗଡ ଜିଲ୍ଲାର ଶରଣକୂଳ, ଇଟାମାଟି ଆଦି ଅଞ୍ଚଳ ଖୋଜିବା ପରେ କନ୍ଧମାଳ ଜିଲ୍ଲା ବାଲିଗୁଡାରୁ ଅଭିଯୁକ୍ତ ଯୁବକ ଶିବପ୍ରସାଦ ଦାସ ୩୦କୁ ଗିରଫ କରିଥିଲେ। ଶିବଙ୍କ ଘର ଚନ୍ଦନପୁର ଉଷାସାହିରେ ବୋଲି ଜଣାଯାଇଛି।

ନାବାଳିକା ଅପହରଣ ସଂପର୍କରେ ମନୋରମା ଦାସ ଟାଉନଥାନରେ ଗତ ୨୩ ତାରିଖରେ ଅଭିଯୋଗ କରିଥିଲେ। ଏ ସଂପର୍କରେ ଟାଉନଥାନରେ ୫୩/୨୧ର ମାମଲା ରୁଜୁ ହୋଇଥିଲା।