ବ୍ରହ୍ମପୁର (ଟୁକୁନା ପ୍ରଧାନ): ନାବାଳିକା ଅପହରଣ ଅଭିଯୋଗରେ ଦୀର୍ଘ ୧ ମାସରୁ ଉର୍ଦ୍ଧ୍ବ ଦିନ ପରେ ବେଗୁନିଆପଡ଼ା ପୋଲିସ ହାତରେ ଧରା ପଡିଲା ଅଭିଯୁକ୍ତ। ସୂଚନା ଅନୁଯାୟୀ ଗଞ୍ଜାମ ଜିଲ୍ଲା ବେଗୁନିଆପଡ଼ା କୁମୁଟିସାହିରେ ରହୁଥିବା ହୃଷୀକେଶ ଆଚାରୀ ନାମକ ଯୁବକ ଜଣଙ୍କ ସେହି ଗାଁ ରୁ ଜୈନିକ ନାବାଳିକା ଝିଅକୁ ଅପହରଣ କରି ନେଇ ଯାଇଥିବା ବେଳେ ଦୀର୍ଘ ୧ ମାସରୁ ଉର୍ଦ୍ଧ୍ବ ସମୟ ଧରି ଫେରାର ଥିବା ବେଳେ ଭାଇଜାଗ୍ ଅଞ୍ଚଳରୁ ପୋଲିସ ମଙ୍ଗଳବାର ଦିନ ଧରିବାରେ ସକ୍ଷମ ହୋଇଛି।
ଏ ନେଇ ୨୫୪/୨୦୨୩ ରେ ଏକ ମାମଲା ରୁଜୁ ହୋଇଥିବା ବେଳେ ବ୍ରହ୍ମପୁର ପୋସ୍କୋ କୋର୍ଟ କୁ ଚାଲାଣ କରାଯାଇ ଅଧିକ ତଦନ୍ତ ଚାଲିଥିବା ନେଇ ବେଗୁନିଆପଡ଼ା ଥାନା ଭାରପ୍ରାପ୍ତ ଅଧିକାରୀ ସଂଗ୍ରାମ କେଶରୀ ଦେହୁରୀ ସୂଚନା ଦେଇଛନ୍ତି।
