ରମେଶ ମହାନ୍ତି
ଜଗତସିଂହପୁର: ତିର୍ତ୍ତୋଲ ବ୍ଳକ ଅନ୍ତର୍ଗତ ଦାଇଁଲୋ ପଞ୍ଚାୟତର ଦାମୋଦରପୁର ପାଟଣା ଖେଳ ପଡିଆରେ ଏସ୍.ଏସ୍ ବ୍ରଦର୍ସ ଆସୋସିଏସନ ଆନୁକୂଲ୍ୟରେ କ୍ରିକେଟ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଗତ ୨୫ ତାରିଖରୁ ଆରମ୍ଭ ହୋଇଥିବା ଏହି କ୍ରିକେଟ ଟୁର୍ଣ୍ଣାମେଣ୍ଟ ୮ଗୋଟି ଦଳ ମଧ୍ୟରେ ଖେଳାଯାଇଥିଲା। ଫାଇନାଲରେ ତିର୍ତ୍ତୋଲ ମା ଶାରଳା କ୍ରିକେଟ୍ ଟିମ୍ କୁ ନାହାଙ୍ଗୁରି ଏମ୍.ବି.ସି.ସି କ୍ରିକେଟ୍ ଟିମ୍ ୭୭ରନରେ ପରାସ୍ତ କରି ଚାମ୍ପିଅନ୍ ହୋଇଥିଲା। ପ୍ରଥମେ ନାହାଙ୍ଗୁରି ଏମ୍.ବି, ସି.ସି ଟିମ୍ ଟଚ୍ ଜିତି ୧୫ ଓଭର ଖେଳି ୬ଟି ୱିକେଟ୍ ହରାଇ ୧୬୨ ରନ୍ ସଂଗ୍ରହ କରିଥିଲା। ସେହିପରି ତିର୍ତ୍ତୋଲ ମା’ ଶାରଳା କ୍ରିକେଟ୍ ଟିମ୍ ୧୫ ଓଭର୍ ଖେଳ ମଧ୍ୟରେ ୯ୱିକେଟ ହରାଇ ୮୫ ରନ୍ ସଂଗ୍ରହ କରିଥିଲା।
ଉଦଯାପନୀ ଉତ୍ସବରେ ଅତିଥି ମାନଙ୍କ ମଧ୍ୟରେ ତିର୍ତ୍ତୋଲ ୨ନଂ ଜୋନ୍ ର ଜିଲ୍ଲା ପରିଷଦ ସଭ୍ୟ ପ୍ରବୀର କୁମାର ରାୟ, ୧ନଂ ଜୋନ୍ ର ଜିଲ୍ଲା ପରିଷଦ ସଭ୍ୟ ଶନାତନ ଦଳାଇ, ପୂର୍ବତନ ଜିଲ୍ଲା ପରିଷଦ ସଭ୍ୟ କ୍ଷୀରୋଦ ବାରିକ, ମୁଖ୍ୟ ଶିକ୍ଷା ବିଭାଗ ସମାଜ ସନ୍ଦୀପ ଚୌଧୁରୀ, ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ ଅବିନାଶ ମହାନ୍ତି, ତୋଫାନ ମଲ୍ଲିକ ପ୍ରମୁଖ ଯୋଗଦେଇ ରକି ମହାନ୍ତିଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଓ ସୁନିଲ ମଲ୍ଲିକଙ୍କୁ ମ୍ୟାନ ଅଫ୍ ଦି ସିରିଜ୍ ରେ ସମ୍ମାନିତ କରାଯିବା ସହିତ ଚାମ୍ପିଅନ୍ ଓ ରନର୍ସ ଦଳକୁ ଅର୍ଥରାଶି ସହ ଟ୍ରଫି ପ୍ରଦାନ କରିଥିଲେ।
ଏହି ଖେଳକୁ ଶାନ୍ତି ପ୍ରକାଶ ମହାପାତ୍ର, ଦିପ୍ତି ପ୍ରସାଦ ମହାପାତ୍ର, ପ୍ରଶାନ୍ତ ମହାପାତ୍ର, ଆଶୁତୋଷ ଦାସ ଅମ୍ପେୟାର ଭାବେ ପରିଚାଳନା କରିଥିଲେ। ଏଥିସହିତ ଆସୋସିଏସନର ସୁଧୀର ମଲ୍ଲିକ, ଦିପ୍ତି ରଂଜନ ଦଳେଇ, ପ୍ରମିତ ଶୁନ୍ଦର ଦାସ, ଅୟସକାନ୍ତ ମହାପାତ୍ର, ଚିରଞ୍ଜିବୀ ମହାପାତ୍ର, ମାନସ ମଲ୍ଲିକ, ଦିପକ ମହାପାତ୍ର, ରାଜା, ପ୍ରକାଶ ପ୍ରମୁଖ ସଭ୍ୟମାନେ ପରିଚାଳନା କରିଥିଲେ।
