Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଆଞ୍ଚଳିକ»ଜଗତସିଂହପୁର ପୌରାଞ୍ଚଳରେ ବିଭିନ୍ନ ପ୍ରକଳ୍ପର ଉଦଘାଟନ ଓ ପିଏମ ଆବାସ ଯୋଜନାରେ କାର୍ଯ୍ୟାଦେଶ ବଣ୍ଟନ
ଆଞ୍ଚଳିକ

ଜଗତସିଂହପୁର ପୌରାଞ୍ଚଳରେ ବିଭିନ୍ନ ପ୍ରକଳ୍ପର ଉଦଘାଟନ ଓ ପିଏମ ଆବାସ ଯୋଜନାରେ କାର୍ଯ୍ୟାଦେଶ ବଣ୍ଟନ

January 21, 2021No Comments2 Mins Read
Share Facebook Twitter LinkedIn Email WhatsApp Copy Link

ରମେଶ ମହାନ୍ତି

ଜଗତସିଂହପୁର: ଜଗତସିଂହପୁର ପୌରପରିଷଦ ଅଞ୍ଚଳରେ ସିସି ଟିଭି ସ୍ଥାପନର ଶୁଭ ଉଦଘାଟନ ଓ ବସଷ୍ଟାଣ୍ଡ ଠାରେ ସର୍ବସାଧାରଣ ଶୌଚାଳୟର ଉଦଘାଟନ ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲି ଓ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କ ଦ୍ଵାରା ହୋଇଯାଇଛି।

ପରେ ପୌରପରିଷଦ ମଧ୍ୟରେ ଅନୁଷ୍ଠିତ ସଭାରେ ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲି ମୁଖ୍ୟ ଅତିଥି ଭାବେ ଯୋଗଦେଇ କହିଲେ ଦିନରାତି ଅହରହ ଉଦ୍ୟମ କରି ଜଗତସିଂହପୁର ପୌର ପରିଷଦକୁ ଏକ ସରସ ସୁନ୍ଦର ଏବଂ ପୂର୍ଣ୍ଣାଙ୍ଗ ସହରରେ ପରିଣତ କରିବା ପାଇଁ ଉଦ୍ୟମ ଆରମ୍ଭ ହୋଇଛି। ଏଠାରେ ଯେପରି ସବୁ ପ୍ରକାର ସମସ୍ତ ସୁବିଧା ସୁଯୋଗ ମିଳିପାରିବ ସେଥିପ୍ରତି ଉଦ୍ୟମ ଅବ୍ୟାହତ ରହିବ। ପ୍ରତି ମାସରେ ଗୋଟିଏ ଗୋଟିଏ ପ୍ରୋଜେକ୍ଟର ଶୁଭାରମ୍ଭ ହେବ। ଆଗାମୀ ଦିନରେ ସଦର ମହକୁମା ହସପିଟାଲକୁ ୩୦୦ଶଯ୍ୟା ବିଶିଷ୍ଟ କରାଯିବ ଏବଂ ଏହାପରେ ସୁପର ହସପିଟାଲ ପାଇଁ ଉଦ୍ୟମ କରାଯିବ।

ଜଗତସିଂହପୁର ସହରରେ ଟ୍ରାଫିକ୍ ସମସ୍ୟାର ସମାଧାନ ପାଇଁ ପଦକ୍ଷେପ ନିଆଯାଉଛି।ସହରରେ ସିସି ଟିଭି ସ୍ଥାପନର ଯେଉଁ ପରିକଳ୍ପନା ଜିଲ୍ଲାପାଳ କରିଥିଲେ ତାହା ଆଜି ସାକାର ହୋଇଛି। ମାଟିର ଦାୟାଦ ହିସାବରେ ସମସ୍ତଙ୍କର ସହଭାଗିତା ଦରକାର। ଦଳମତ ନିର୍ବିଶେଷରେ ସମସ୍ତେ ଗଠନ ମୂଳକ ପ୍ରସ୍ତାବ ଦେଲେ କାମ କରିବା ପାଇଁ ସାମର୍ଥ୍ୟ ମିଳିବ।

ଏହି ଉତ୍ସବରେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଯୋଗଦେଇ କହିଲେ ଜଗତସିଂହପୁର ପୌରାଞ୍ଚଳକୁ ସରସ ସୁନ୍ଦର ଓ ପୂର୍ଣ୍ଣାଙ୍ଗ ସହରରେ ପରିଣତ କରିବା ପାଇଁ ୬୦କୋଟି ଟଙ୍କାର ପ୍ରସ୍ତାବ ରାଜ୍ୟ ସରକାରଙ୍କ ନିକଟକୁ ପଠାଯାଇଛି। ଆଗାମୀ ୫ବର୍ଷ ଭିତରେ ଜଗତସିଂହପୁର ସହରର ନବକଳେବର ହେବ। ଜଗତସିଂହପୁର ସହରରେ ଏକ ଇଣ୍ଡୋର ସ୍ପୋର୍ଟସ୍ କମ୍ପ୍ଲେକ୍ସ କରିବା ପାଇଁ ୨୫କୋଟିର ପ୍ରସ୍ତାବ, ଜଗତସିଂହପୁର ସଦର ମହକୁମା ଚିକିତ୍ସାଳୟରେ ୧୦୦ ଶଯ୍ୟାରୁ ୩୦୦ଶଯ୍ୟା ବିଶିଷ୍ଟ କରିବା ପାଇଁ ପ୍ରସ୍ତାବ, ଯୋଗଧାରି ଠାରୁ ଜଇପୁର ରାସ୍ତାକୁ ସିଧା ସଂଯୋଗୀକରଣ ପାଇଁ ୨୦କୋଟି ଟଙ୍କାର ପ୍ରସ୍ତାବ, ଜଗତସିଂହପୁର ଠାରେ ୫କୋଟି ଟଙ୍କାର ଏକ ସଂଗ୍ରହାଳୟ ସ୍ଥାପନ ପ୍ରସ୍ତାବ, ୯ନଂ କେନାଲ କଲେଜଛକ ଠାରୁ ହାଟପୋଲ ପର୍ଯ୍ୟନ୍ତ କେନାଲ ଉପରେ ବକ୍ସ ପାଟରନ ସ୍ଥାପନ ପ୍ରସ୍ତାବ ରାଜ୍ୟ ସରକାରଙ୍କ ପାଖକୁ ପଠାଯାଇଛି।

ଏହି ଉତ୍ସବକୁ ପୌରପରିଷଦର ନିର୍ବାହୀ ଅଧିକାରୀ ବିମଳ କୁମାର ଲେଙ୍କା ପରିଚାଳନା କରିଥିଲେ। ଏଥିସହିତ ୪୮ଜଣ ବସ୍ତି ବାସିନ୍ଦାଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟାଦେଶ ବଣ୍ଟନ କରାଯାଇଥିବା ବେଳେ ୭ଜଣ ହିତାଧିକାରୀଙ୍କୁ ହରିଶ୍ଚନ୍ଦ୍ର ଯୋଜନାରେ ଆର୍ଥିକ ସହାୟତା ବିଧାୟକ ଓ ଜିଲ୍ଲାପାଳ ପ୍ରଦାନ କରିଥିଲେ।

ପରେ ଥାନାଛକ ନିକଟରେ ୧୧ଲକ୍ଷ ଟଙ୍କାର ସିସି କ୍ୟାମେରା ସ୍ଥାପନର ଉଦଘାଟନ ଏବଂ ବସଷ୍ଟାଣ୍ଡ ଠାରେ ନିର୍ମିତ ସର୍ବସାଧାରଣ ଶୌଚାଳୟକୁ ବିଧାୟକ ଓ ଜିଲ୍ଲାପାଳ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ସହରର ବରିଷ୍ଠ ନାଗରିକ, ବୁଦ୍ଧିଜୀବୀ ଜନସାଧାରଣ ପ୍ରମୁଖ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ପୌରପରିଷଦର ସ୍ୱାସ୍ଥ୍ୟ ଅଧିକାରୀ ଡା. ସରୋଜ ଷଡଙ୍ଗୀ, ପୌରପରିଷଦର କର୍ମଚାରୀ ପ୍ରମୁଖ ସହଯୋଗ କରିଥିଲେ।

ଜଗତସିଂହପୁର ପିଏମ ଆବାସ ଯୋଜନା ପ୍ରକଳ୍ପର ଉଦଘାଟନ
Share. Facebook Twitter LinkedIn Email WhatsApp Copy Link

Related Posts

ଜଙ୍ଗଲରୁ ଯୁବ ବ୍ୟବସାୟୀଙ୍କ ମୃତଦେହ ଉଦ୍ଧାର

November 17, 2026

ଚୋରୀ ମାମଲାରେ ୬ ଗିରଫ, ଚୋରି ସାମଗ୍ରୀ ଜବତ

November 17, 2026

ଗୋଦାବରୀଶ ମହାବିଦ୍ୟାଳୟରେ ପୁରୁଣା ବସ୍ତ୍ର ସଂଗ୍ରହ ଅଭିଯାନର ଶୁଭାରମ୍ଭ

November 16, 2026

ନେହେରୁ ସେବା ସଂଘରେ ଭଗବାନ ବିର୍ସାମୁଣ୍ଡାଙ୍କ ଜୟନ୍ତୀ ପାଳିତ

November 16, 2026
Latest News

କାଶ୍ମୀରରେ ଶେଷ ଲସ୍କର ଆତଙ୍କବାଦୀ ନିପାତ!: ସୁରକ୍ଷା ବାହିନୀକୁ ସଲାମ କଲେ ଅମିତ ଶାହ 

November 18, 2026

ଆସନ୍ତାକାଲିଠୁ ଭାରତ-ନ୍ୟୁଜିଲାଣ୍ଡ ପ୍ରଥମ ଟେଷ୍ଟ: ୯ ନୂଆ ଖେଳାଳିଙ୍କୁ ମିଳିବ ସୁଯୋଗ

November 18, 2026

‘କର୍ମଯୋଗୀ ସଂକଳ୍ପ’ର ଶୁଭାରମ୍ଭ କଲେ କ୍ୟାବିନେଟ୍ ସଚିବ

November 18, 2026

ଅମୃତ ଭାରତ ଷ୍ଟେସନ ଯୋଜନା: ମଞ୍ଚେଶ୍ୱର ରେଳ ଷ୍ଟେସନକୁ ମିଳିଲା ନୂତନ ରୂପ

November 18, 2026

ବାତ୍ୟା ‘ଅକୱାନ’ ପାଇଁ ୨୩ ତାରିଖ ପର୍ଯ୍ୟନ୍ତ ଖୋର୍ଦ୍ଧା ଜିଲ୍ଲା କର୍ମଚାରୀଙ୍କ ଛୁଟି ବାତିଲ

November 18, 2026
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2026 All rights resorved by S M Network | Designed by Ratna Technology.

Type above and press Enter to search. Press Esc to cancel.