ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁରର ଅଧିଷ୍ଠାତ୍ରୀ ଦେବୀ ମା’ ଭଗବତୀଙ୍କ ଗୁଣଗାଥା ଉପରେ ଆଧାରିତ “ଦୁଃଖ ନାଶିନୀ ମା’ ଭଗବତୀ” ନାମକ ଏକ ସୁନ୍ଦର ଭଜନ ମୁକ୍ତି ଲାଭ କରିଛି। ଯାହାକି ଏସକେଜେ ପ୍ରଡସ୍କନ ୟୁଟୁବ ଚ୍ୟାନେଲ ମଧ୍ୟମରେ ପ୍ରସାରିତ ହୋଇଛି।
ବୋରିଗାଁ ଗ୍ରାମର ରାଜା ଜେନାଙ୍କ ପ୍ରଯୋଜନାରେ ଏହି ଭଜନଟି ପ୍ରସ୍ତୁତ ହୋଇଛି। ସୋରଡ଼ା ମାଟିର ସୁପରିଚିତ କଣ୍ଠଶିଳ୍ପୀ ପିତାମ୍ବର ଗୌଡ଼ ଏହି ଭଜନରେ କଣ୍ଠ ଦାନ କରିଛନ୍ତି। କିରଣ ମୁଳି ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ଗୀତିକାର ଗଙ୍ଗାଧର ଦଳାଇ ଓ ସସ୍ମିତା ସାହୁ ଭଜନ ଲେଖିଛନ୍ତି ଏବଂ ମନୋଜ ଗୌଡ଼ ଏହାକୁ ସମ୍ପାଦନ କରିଛନ୍ତି।
ଏହି ଭଜନଟି ମୁକ୍ତିଲାଭ ହେଲା ପରେ ଏସକେଜେ ପ୍ରଡ଼କ୍ସନର ଟିମ୍ କହିଛି ଯେ, ମହାମାରୀ କରୋନା ସମସ୍ତଙ୍କ ସୁଖ ଓ ଜୀବିକା ହରାଇ ନେଲେ ମଧ୍ୟ ମା’ ଙ୍କ କୃପାରୁ ଭଜନଟି ପ୍ରସାରିତ ହୋଇପାରିଛି। ମା’ ଭଗବତୀଙ୍କ ସୁନ୍ଦର ଭଜନଟି ଶ୍ରୋତାମାନଙ୍କ ହୃଦୟକୁ ଛୁଇଁବ ବୋଲି ଆଶା କରୁଛୁ। ଏହି ବର୍ଷ ଭଳି ପ୍ରତି ବର୍ଷରେ ମା’ ଙ୍କର ଗୋଟିଏ ସୁନ୍ଦର ଭଜନ ଆପଣ ମାନଙ୍କ ସମ୍ମୁଖରେ ପ୍ରସାରିତ କରିବୁ। ତେଣୁ ଭଜନଟିକୁ ଶୁଣି ମା’ ଙ୍କର କୃପା ଲାଭ କରନ୍ତୁ ବୋଲି ଏସକେଜେ ପ୍ରଡ଼କ୍ସନର ଟିମ୍ କହିଛି।
ନିମ୍ନରେ ଥିବା ଲିଙ୍କଟିକୁ କ୍ଲିକ କରି ମା’ ଙ୍କ ଭଜନଟିକୁ ଶୁଣିପାରିବେ-