ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ସମସ୍ୟା ନେଇ ଏକାଧିକ ଗଣମାଧ୍ୟମରେ ପ୍ରକାଶ ପାଇଥିଲା। ଏହା ପରେ ଖୋର୍ଦ୍ଧା ସିଡ଼ିଏମଓ ଡ଼ା ଆର୍ତ୍ତବନ୍ଧୁ ନାୟକ ଆକ୍ଟିଭ ମୋଡ଼କୁ ଆସିଛନ୍ତି।
ଶ୍ରୀ ନାୟକ ଆଜି ବାଣପୁର ମେଡିକାଲ ପାଇଁ ଦୁଇ ଜଣ ନୂତନ ଡାକ୍ତରଙ୍କୁ ନିଯୁକ୍ତି ଦେଇଛନ୍ତି। ଡ଼ା ଆଶୁତୋଷ ବିଶୋଇ ଏବଂ ଡ଼ା ପ୍ରିତିଶ ଧଳ ମେଣ୍ଢାଶାଳ ସିଏଚସିରୁ ବାଣପୁର ସିଏଚସିକୁ ବଦଳି ହୋଇଛନ୍ତି। ବାଣପୁର ଡାକ୍ତରଖାନାରେ ଏକାଧିକ ସମସ୍ୟା ଥିବାବେଳେ ଡାକ୍ତର ନିଯୁକ୍ତି ପ୍ରମୁଖ ଦାବି ଥିଲା।
ତେବେ ଖୁବଶୀଘ୍ର ଉକ୍ତ ମେଡିକାଲକୁ ଖାଲି ପଡ଼ିଥିବା ବିଭିନ୍ନ ବିଭାଗର ବିଶେଷଜ୍ଞଙ୍କୁ ନିଯୁକ୍ତି ଦିଆଯିବ ବୋଲି ସିଡ଼ିଏମଓ କହିଛନ୍ତି।