ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲାରେ ବ୍ୟାପକ ଭାବେ ଧାନ ଉତ୍ପାଦନ ହେଉଥିବା ବେଳେ ପଡୋଶୀ ନବରଙ୍ଗପୁର ଓ କୋରାପୁଟ ଜିଲ୍ଲାରୁ ଧାନ ଉଠାଣ ପାଇଁ ଯୋଗାଣ ବିଭାଗ କଳାହାଣ୍ଡିର ମିଲର୍ସମାନଙ୍କୁ ଦାୟୀତ୍ୱ ଦେଉଥିବାର ସୁଯୋଗ ନେଇ ପରିବହନରେ ବ୍ୟାପକ ଅନିୟମିତତା କରୁଥିବା ଅଭିଯୋଗ ହେଉଛି। ଏସଂପର୍କରେ କଳାହାଣ୍ଡି ଜିଲ୍ଲା ଯୋଗାଣ ନିଗମ କାର୍ଯ୍ୟାଳୟ ପତ୍ର ସଂଖ୍ୟା ୧୦୬୦ ତା.୦୭.୦୪.୨୦୨୨ ଯୋଗେ ମିଳିଥିବା ତଥ୍ୟ ଅନୁସାରେ ଲଡୁଗାଁସ୍ଥିତ ଶ୍ରୀ କହ୍ନେୟା ଏଗ୍ରୋ ପ୍ରଡକ୍ଟସ (SKAP ) ତରଫରୁ କୋରାପୁଟରୁ ଧାନ ଉଠାଣ କରାଯାଇଥିବା କଗଜାତ ଦାଖଲ କରାଯାଇଥିବା ଜଣାପଡିଛି।
କୋକସରା ବ୍ଲକ ଉପାଧ୍ୟକ୍ଷଙ୍କ ଘନିଷ୍ଠ ସହଯୋଗୀ ଭାବେ ପରିଚିତ ନୀଲେଶ ଅଗ୍ରୱାଲଙ୍କ ସ୍ୱାକ୍ଷରିତ ପରିବହନ ସଂକ୍ରାନ୍ତୀୟ କାଗଜାତ ଯୋଗାଣ ନିଗମ ପଦାଧିକାରୀଙ୍କ ଦ୍ୱାରା ଯୋଗାଇ ଦିଆଯାଇଛି। ତଦନୁସାରେ CG 15A 3366 LPT1613/42 TATA ଟ୍ରକ, CG 05A 8195 LPT1613/42 TATA ଟ୍ରକ, CG 04A 6754 LPT1613/42 TATA ଟ୍ରକ, CG 04JC 2434 LPT1613/42 TATA ଟ୍ରକ, CG 04A 6574 LPT1613/42 TATA ଟ୍ରକ, CG 04JD 5265 LPT1613/42 TATA ଟ୍ରକରେ ପରିବହନ କ୍ଷମତା ଠାରୁ ଅଧିକ ପରିମାଣ ଓଜନର ଧାନ ପରିବହନ କରାଯାଇଥିବା ଅଭିଯୋଗ ହେଉଛି।
ପଡୋଶୀ ଛତିଶଗଡ ରାଜ୍ୟର ରାୟପୁରର ସେକେଣ୍ଡ ହେଣ୍ଡ ଟ୍ରକ ଗୁଡିକର ମାଲିକାନା ବଦଳ କରାଯାଇଥିବା ଜଣାପଡିଛି। ସେହିପରି କେତେକ ଭଡା ଗାଡିରେ ମଧ୍ୟ ଅଧିକ ପରିମାଣର ଧାନ ପରିବହନ କରାଯାଇଥିବା ଯୋଗାଣ ବିଭାଗ ତଥ୍ୟ ସୂଚନାରୁ ଜଣାପଡିଛି। ହୁଏତ ସେତିକି ପରିମାଣର ଧାନ ପରିବହନ ହୋଇନଥିବା ବେଳେ କେବଳ କାଗଜପତ୍ରରେ ସେତିକି ଦର୍ଶାଇ ଦିଆଯାଇଥିବା ସମୀକ୍ଷକମାନଙ୍କ ମଧ୍ୟରେ ସନ୍ଦେହ ପ୍ରକାଶ ପାଇବାରେ ଲାଗିଛି।
ଦଶକୋଟି ଟଙ୍କା ଖର୍ଚ୍ଚ କରି ବ୍ୟବସାୟ କରୁଥିବା ଏବଂ ଖର୍ଚ୍ଚ କରି ଯାହା ଚାହିଁଲେ ତାହା କରି ଦେଖାଇପାରୁଥିବା ବିଷୟ କଥା କଥାକେ ପ୍ରକାଶ କରୁଥିବା ନୀଲେଶ ଅଗ୍ରୱାଲ ଏଭଳି ଭାବେ କମ ମୂଲ୍ୟର ସେକେଣ୍ଡ ହେଣ୍ଡ ଗାଡି ମାଧ୍ୟମରେ କ୍ଷମତା ଠାରୁ ଅଧିକ ପରିମାଣ ଓଜନ ପରିବହନ କରୁଥିବା ବିଷୟ ନିଶ୍ଚିତ ଭାବେ ସମଗ୍ର ବ୍ୟବସ୍ଥା ଉପରେ ବୁଦ୍ଧିଜୀବି ମହଲରେ ସନ୍ଦେହ ସୃଷ୍ଟି କରୁଛି।
କୋକସରା ବ୍ଲକ ଉପାଧ୍ୟକ୍ଷଙ୍କ ଘନିଷ୍ଠ ହୋଇଥିବା କାରଣରୁ ସବୁପ୍ରକାର କଳାକାରନାମାକୁ ଚପାଇ ଦିଆଯାଇପାରିବ ବୋଲି ଆଶା କରି ହୁଏତ ନୀଲେଶ ଏଭଲି କାରବାର କରୁଥିବା ମଧ୍ୟ ସାଧାରଣରେ ଆଲୋଚନା ହେଉଛି। ଏପରିକି ଭଡା ଗାଡିଗୁଡିକୁ ମଧ୍ୟ ଚାପ ପକାଇ ଅଧିକ ପରିମାଣ ଓଜନର ପରିବହନ କରିବାକୁ ବାଧ୍ୟ କରୁଥିବା ଆଲୋଚନା ହେଉଛି।
ଯଦିଓ ସଠିକ ପରିମାଣର ଓଜନ ପରିବହନ ହେଉଥାଏ ତାହାହେଲେ କାଗଜାତରେ ହେରାଫେରୀ କରାଯାଉଥିବା ବୁଦ୍ଧିଜୀବି ମହଲରେ ଆଶଙ୍କା ପ୍ରକାଶ ପାଇବାରେ ଲାଗିଛି। ରାସ୍ତାରେ ଅନେକ ଦୁର୍ଘଟଣା ହେଉଥିବା ବେଳେ ପରିବହନ ବିଭାଗ କ୍ଷମତା ଠାରୁ ଅଧିକ ପରିମାଣ ଓଜନ ପରିବହନ ସଂପର୍କରେ ବିଭାଗ ତରଫରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବା ବେଳେ ହୁଏତ ପ୍ରଭାବଶାଳୀ ଚାପ ଯୋଗୁଁ ନୀରବ ଦ୍ରଷ୍ଟା ସାଜୁଥିବା ମଧ୍ୟ ଆଲୋଚନା ହେଉଛି।
ଅନିୟମିତତା କରିଥିବା ସଂପୃକ୍ତ ନୀଲେଶଙ୍କ ସହ ପାରିବାରିକ ସଂପର୍କ ବିଷୟରେ ନୀରବ ରହିଥିବା ବେଳେ ଉପାଧ୍ୟକ୍ଷଙ୍କୁ ଢାଲ ସଦୃଶ୍ୟ ବ୍ୟବହାର କରି ନୀଲେଶ ଏଭଲି ଅନିୟମିତତା କରୁଥିବା ସନ୍ଦେହ ପ୍ରକାଶ ପାଉଥିବା ଘଟଣାକୁ କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ ଅସ୍ୱୀକାର କରିଥିବା ଜଣାପଡିଛି।