ବାଲୁଗାଁ: ମାଗଣା ଜଳାତଙ୍କ ପ୍ରତିଷେଧକ ଟୀକା ଦାନ କାର୍ଯ୍ୟକ୍ରମ

Published: Sep 28, 2022, 9:04 pm IST

ସୀତାରାମ ଅଗ୍ରୱାଲ
ବାଲୁଗାଁ: ଆଜି ସେପ୍ଟମ୍ବର ୨୮ ତାରିଖ ବିଶ୍ବ ଜଳାତଙ୍କ ଦିବସ ଉପଲକ୍ଷେ ବାଣପୁର ବାଲୁଗାଁ ରୋଟାରୀ କ୍ଳବ ଏବଂ ନାଚୁଣୀ ଓ ବାଲୁଗାଁ ପ୍ରାଣୀଧନ ବିକାଶ ବିଭାଗର ମିଳିତ ସହଯୋଗରେ ଉଭୟ ପ୍ରାଣୀ ଚିକିତ୍ସାଳୟରେ ପ୍ରାୟ ୧୦୦ କୁକୁରଙ୍କୁ ବିନାମୂଲ୍ୟରେ ଜଳାତଙ୍କ ପ୍ରତିଷେଧକ ଟୀକା ଦେବା ସହ କୁକୁର ମାଲିକ ମାନଙ୍କୁ ବିଭିନ୍ନ ପରାମର୍ଶ ଦିଆଯାଇଥିଲା। କ୍ଳବ ସଦସ୍ୟ ତଥା ଖୋର୍ଦ୍ଧା ଜିଲ୍ଲା ପ୍ରଣୀ ଚିକିତ୍ସା କେନ୍ଦ୍ରର ଚିକିତ୍ସକ ଡାକ୍ତର ଦେବେନ୍ଦ୍ର କୁମାର ସୋଲାଙ୍କି ଓ ବାଲୁଗାଁ କେନ୍ଦ୍ରର ଚିକିତ୍ସକ ଡାକ୍ତର ଦେବାଶିଷ ଦାଶ ଓ କ୍ଳବ ସଦସ୍ୟ ତଥା ବାଲୁଗାଁ କେନ୍ଦ୍ରର ସହକାରୀ ଚିକିତ୍ସକ ଡାକ୍ତର ସମାପିକା ମହାପାତ୍ର, ଖୋର୍ଦ୍ଧା ଜିଲ୍ଲା ପ୍ରାଣୀ ମଙ୍ଗଳ ଅଧିକାରୀ ଡାକ୍ତର ସଂଜୀବନି ପଟେଲ, କ୍ଳବ ସଭାପତି ରବିନାରାୟଣ ପାଲ, ସଂପାଦକ ସୂନୀଲ କୁମାର ପାତ୍ର ଓ ଆସନ୍ତା ବର୍ଷର ସଭାପତି ନନ୍ଦକିଶୋର ମିଶ୍ରଙ୍କ ସମେତ କ୍ଳବର ସଦସ୍ୟ ବିଜୟ କୁମାର ନନ୍ଦ, ଧୀରେନ୍ଦ୍ରନାଥ ପାତ୍ର, ରବିନାରାୟଣ ନାୟକ, ସଚ୍ଚିଦାନନ୍ଦ ସେଠୀ, ପଦ୍ମନାଭ ମାଝି, ହିମାଂଶୁ କୁମାର ପାତ୍ର, ରବୀନ୍ଦ୍ରନାଥ ପ୍ରଧାନ, ସୂର୍ଯ୍ଯନାରାୟଣ ସେନାପତି ପ୍ରମୂଖ ସହଯୋଗ କରିଥିଲେ।

ପ୍ରକାଶ ଥାଉକି ପ୍ରତି ବର୍ଷ କ୍ଳବ ପକ୍ଷରୁ ଏହି କାର୍ଯ୍ୟକ୍ରମ କରାଯାଇ ଆସୁଅଛି।

Related posts