ସୀତାରାମ ଅଗ୍ରୱାଲ
ବାଣପୁର: ‘ଏକତା ପରିଷଦ ଟ୍ରଷ୍ଟ’ ପକ୍ଷରୁ ଖୋର୍ଦ୍ଧା ଜିଲ୍ଲା ବାଣପୁର ଶାଳିଆ ଡ୍ୟାମ ଠାରେ ବିଶ୍ଵ ମାନବାଧିକାର ଦିବସ ପାଳିତ ହୋଇଯାଇଛି। ଏହି ଅବସରରେ ଆଦିବାସୀ ମାଆମାନଙ୍କ ସମ୍ମିଳନୀ ଆୟୋଜନ କରାଯାଇଥିଲା। ଆଦିବାସୀ ମହିଳା ଓ ଶିଶୁ ମାନଙ୍କ ଉପରେ ହେଉଥିବା ହିଂସାରୁ ସୁରକ୍ଷା ପାଇଁ ଆଲୋଚନା କରାଯାଇ ମହିଳା ଅଧିକାର ମାନାବାଧିକାର ଓ ଏହାର ସୁରକ୍ଷାପାଇଁ ସମ୍ବିଧାନକୁ କିପରି ଭାବେ ଘରେ ଘରେ ପହଞ୍ଚିବାର ବ୍ୟବସ୍ଥା କରାଯାଇପାରିବ, ସେ ସମ୍ପର୍କରେ ଚର୍ଚ୍ଚା କରାଯାଇ ଥିଲା।
ଗତ ନଭେମ୍ବର ମାସ ୨୫ ତାରିଖ ବିଶ୍ଵ ମହିଳା ହିଂସା ବିରୋଧୀ ଦିବସରୁ ଆରମ୍ଭ କରାଯାଇଥିବା ‘ମହିଳା ହିଂସା ବିରୋଧୀ ଜାଗରଣ’ ଅଭିଯାନ କୁ ଆଜି ମାନାବାଧିକାର ଦିବସରେ ସମାପନ କରାଗଲା, ଯାହା ମହିଳା ସୁରକ୍ଷା ଓ ମାନାବାଧିକାର ସୁରକ୍ଷା ଦିଗରେ ଆଦିବାସୀ ମାଆମାନଙ୍କ ଶକ୍ତି କୁ ମଜଭୁତ କରିବ।
ଏହି ସମ୍ମିଳନୀରେ ବରବରା ଅଞ୍ଚଳର ମହିଳା ସଭାପତି ସରସ୍ଵତୀ ପ୍ରଧାନ, ମଞ୍ଜୁଳା ପ୍ରଧାନ, ଗୀତମାୟୀ, ଟୁନି ଦାସ ମହିଳା ମାନଙ୍କ ସଂଗଠନ କୁ କିପରି ମଜବୁତ୍ କରିବା ସହ ମାନାବାଧିକାର ସୁରକ୍ଷା ଦିଗରେ ସଂଘର୍ଷ କରିବାକୁ ଆହ୍ବାନ ଦେଇଥିଲେ। ଉକ୍ତ କାର୍ଯ୍ୟକ୍ରମକୁ ‘ଏକତା ପରିଷଦ ଟ୍ରଷ୍ଟ’ ର ସନ୍ଧ୍ୟା ଦେବୀ ପରିଚାଳନା କରିଥିଲେ।
