କନ୍ଦର୍ପ ବେହେରା
ରେଢାଖୋଲ: ପତିତବାନ ୟୁଥ୍ କ୍ଲବ୍, ଡଇଁଚା ଆନୁକୁଲ୍ୟରେ ମକର ସଂକ୍ରାନ୍ତି ଉପଲକ୍ଷେ ଭଲିବଲ୍ ଟୁର୍ଣ୍ଣାମେଣ୍ଟ ଭୁବନେଶ୍ୱରୀ ମନ୍ଦିର ଠାରେ ଥିବା ପଡିଆରେ ଅନୁଷ୍ଠିତ ହୋଇଥଲା। ଏହି ଭଲିବଲ୍ ଟୁର୍ଣ୍ଣାମେଣ୍ଟରେ ଡଇଁଚା, ସାହେବୀ, ବାଟଗାଁ ଓ ଛତ୍ରପୁର ଭଲିବଲ୍ ଟିମ୍ ଭାଗ ନେଇଥିଲେ।
ଡଇଁଚା ଓ ସାହେବୀ ମଧ୍ୟରେ ଫାଇନାଲ୍ ଖେଳ ଅନୁଷ୍ଠିତ ହୋଇଥିଲା। ସାହେବୀ ଭଲିବଲ୍ ଟିମ୍ ୨-୦ ରେ ବିଜୟୀ ହୋଇଥିଲେ। ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ ଅବସରପ୍ରାପ୍ର ଖେଳ ଶିକ୍ଷକ ନରେନ୍ଦ୍ର କୁମାର ଦେହୁରୀ, ସମ୍ମାନୀତ ଅତିଥି ଭାବରେ ଲୋକନାଥ ସାହୁ, ଗଣନାଥ ପ୍ରଧାନ ଓ ବିଶୁ ମହାରଣା ଯୋଗଦେଇ ଚମ୍ପିଆନ୍ ସାହେବୀ ଦଳକୁ ଟ୍ରଫି ସହ ନଗଦ ଅର୍ଥ ପୁରସ୍କାର ପ୍ରଦାନ କରିଥିଲେ।
ରର୍ନସ୍ଅପ୍ ଡଇଁଚା ଭଲିବଲ୍ ଟିମ୍ କୁ ମଧ୍ୟ ଟ୍ରଫି ପ୍ରଦାନ କରାଯାଇଥିଲା। ଏହି ଖେଳକୁ ରେଫରି ଭାବରେ କରେନ୍ କୁମାର ପ୍ରଧାନ ଓ ଅରୁଣ କୁମାର ପ୍ରଧାନ ଖେଳ ପରିଚାଳନା କରିଥିଲେ। ବିଶୁ ମହାରଣା ଧନ୍ୟବାଦ ଅର୍ପଣ କରିଥିଲେ।