ସୀତାରାମ ଅଗ୍ରୱାଲ
ବାଣପୁର : ଛାତ୍ରଛାତ୍ରୀ ମାନଙ୍କୁ ଉଚିତ ମାର୍ଗଦର୍ଶନ ନିମନ୍ତେ ଶିକ୍ଷକ ମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ। ଛାତ୍ରଛାତ୍ରୀ ମାନେ ପାଠ୍ୟପୁସ୍ତକ ବ୍ୟତୀତ ସାମାଜିକ ଗଠନ ମୁଲକ ତତ୍ତ୍ୱ ବିଷୟରେ ଶିକ୍ଷା ଗ୍ରହଣ କରିବା ନିତାନ୍ତ ଆବଶ୍ୟକ।
ଏହି ପରିପ୍ରେକ୍ଷୀରେ ଖୋର୍ଦ୍ଧା ଶିକ୍ଷା ଅଧିକାରୀ ବିଶ୍ୱନାଥ ତରାଇଙ୍କ ନିର୍ଦ୍ଦେଶ ମୁତାବକ ବ୍ଲକ ଶିକ୍ଷା ଅଧିକାରୀ ସନାତନ ଜାଲି ବାଣପୁର ବ୍ଲକର ଗୋଦାବରୀଶ ହାଇସ୍କୁଲ ଏବଂ ନାଚୁଣୀ ହାଇସ୍କୁଲଠାରେ ସାମାଜିକ ବିଜ୍ଞାନ ଏବଂ ଲିଙ୍ଗଗତ ସମାନତା କୁ ନେଇ ଏକ ତିନିଦିନିଆ ପ୍ରଶିକ୍ଷଣ ଶିବିରର ଆୟୋଜନ କରାଯାଇଛି। ଯେଉଁଥିରେ କି 100 ଜଣ ଶିକ୍ଷକ ପ୍ରଶିକ୍ଷିତ ହେବେ।
ଉକ୍ତ ପ୍ରଶିକ୍ଷଣ ଶିବିରରେ ଶିକ୍ଷକ ମାନେ ମୁଖ୍ୟତଃ କିପରି ଛାତ୍ରଛାତ୍ରୀ ମାନେ ସେମାନଙ୍କର ଅଧିକାର, ସୁଯୋଗ ଏବଂ ନିଜର କର୍ତ୍ତବ୍ୟ ସୁଚାରୁ ରୂପେ ପ୍ରତିପାଦନ କରିପାରିବେ ଏହାରି ଉପରେ ପ୍ରଶିକ୍ଷିତ ହେବେ। ଯାହାକି ଆଗାମୀ ଦିନରେ ପିଲାମାନେ ଦେଶ ମାତୃକା ପ୍ରତି କର୍ତ୍ତବ୍ୟ, ସେମାନଙ୍କର ଅଧିକାର ଏବଂ ସରକାରୀ ସୁଯୋଗର ସଠିକ ଉପଯୋଗ କରିବେ।
ତତସହିତ ଲିଙ୍ଗଗତ ସମାନତା ଉପରେ ଛାତ୍ରଛାତ୍ରୀ ମାନଙ୍କର କୌଣସି ଦ୍ଵନ୍ଦ ଦୂର କରିବା ମଧ୍ୟ ଉକ୍ତ ପ୍ରଶିକ୍ଷଣ ଶିବିରର ମୁଖ୍ୟ ଉଦେଶ୍ୟ। ଯାହାକି ଛାତ୍ରଛାତ୍ରୀ ମାନେ ସ୍ତ୍ରୀ ଓ ପୁରୁଷ ମଧ୍ୟରେ ଭବିଷ୍ୟତ ବ୍ୟବସ୍ଥା ପାଇଁ ଉଚିତ ନ୍ୟାୟ, ଲାଭ ଓ କର୍ତ୍ତବ୍ୟକୁ ସମାନ ବଣ୍ଟନର ବ୍ୟବସ୍ଥା କରିପାରିବେ। ଏହା ଷଷ୍ଠରୁ ଦଶମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ଶିକ୍ଷା ଦିଆଯିବାର ବ୍ୟବସ୍ଥା କରାଯାଇଛି।
