ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୈଦ୍ୟନାଥ ପୁର ଥାନା ଅନ୍ତର୍ଗତ ସୁବାସ ନଗରର ଜ୍ୟୋତ୍ସ୍ନା ଶବର ନାମ୍ନୀ ଜନୈକା ନବବିବାହିତା ମହିଳା ବେକରେ ଲୁଗା ବାନ୍ଧି ଆତ୍ମହତ୍ୟା କରିଥିବା ଅବସ୍ଥାରେ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇଛନ୍ତି।
ଖବରରୁ ଜଣାପଡିଛି ଯେ, ଦିଗପହଣ୍ଡି ଥାନା ଅନ୍ତର୍ଗତ ଖାରିଆଗୁଡା ଗ୍ରାମର ମୁଳ ବାସିନ୍ଦା ଜ୍ୟୋତ୍ସ୍ନା ନିକଟସ୍ଥ ଆଙ୍କୁଲି କୁମ୍ଭାରପଲି ଅଞ୍ଚଳର ତୋଫାନ ସାହୁ ନାମକ ଜଣେ ଯୁବକକୁ ଏହି କିଛି ମାସ ପୂର୍ବରୁ ବାହା ହୋଇ ଭଡ଼ା ରହୁଥିଲେ। ସ୍ବାମୀ ଘରେ ନଥିବା ବେଳେ ଜ୍ୟୋତ୍ସ୍ନା କାହିଁକି ଏହି ଭଳି ନିଷ୍ପତ୍ତି ନେଇଛନ୍ତି, ତାହା ପ୍ରଶ୍ନବାଚୀ ସୃଷ୍ଟି କରିଛି। ବିଶ୍ଵସ୍ତ ସୁତ୍ରରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।