କନ୍ଦର୍ପ ବେହେରା
ରେଢାଖୋଲ: ନାକ୍ଟିଦେଉଳ ଉଚ୍ଚ ମାଧ୍ୟମିକ ବିଦ୍ୟାଳୟରେ କୈଳାସ ସତ୍ୟାର୍ଥୀ ଚିଲ୍ଦ୍ରେନ୍ ଫାଉଣ୍ଡେସନ, ୟୁ.ଏସ୍ ଓ ବିଶ୍ଵ ଯୁବକେନ୍ଦ୍ର, ଅନୁଗୁଳ ଶାଖା ତରଫରୁ ଏକ ଶିଶୁ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ଅଧ୍ୟକ୍ଷ ଡଃ.ମନୋରଞ୍ଜନ ପ୍ରଧାନଙ୍କ ସଭାପତିତ୍ଵରେ ଅନୁଷ୍ଠିତ ସଭାରେ ପ୍ରକଳ୍ପ ସଂଯୋଜକ ଅଭୟ ଚରଣ ସ୍ବାଇଁ, ଜ୍ୟୋସ୍ମିତା ପ୍ରଧାନ, ପ୍ରାଧ୍ୟାପିକା ଡଃ.ସରସୀରାଣୀ ଗଡନାୟକ, ଅଧ୍ୟାପିକା ବିନୀତା ମୁର୍ମୁ, ଅଧ୍ୟାପକ ସରୋଜ ଭୁଏ ଅତିଥି ଭାବେ ଯୋଗଦେଇ ଆଜିର ସମାଜରେ ଚାଲିଥିବା ବାଲ୍ୟବିବାହ, ଶିଶୁ ଯୌନ ନିର୍ଯାତନା ଓ ଶିଶୁ ଚାଲାଣ ସଂପର୍କରେ ବକ୍ତାମାନେ ଆଲୋଚନା ମାଧ୍ୟମରେ ଛାତ୍ରଛାତ୍ରୀମାନଙ୍କୁ ସଚେତନତା କରିଥିଲେ।
ଏହି କର୍ମଶାଳାରେ କଳା ବିଭାଗର ୨୧୫ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ଛାତ୍ରୀ ସିକି ସ୍ବାଇଁ ସମସ୍ତଙ୍କୁ ଶପଥଗ୍ରହଣ କରାଇଥିଲେ। ଏହି କାର୍ଯ୍ୟକ୍ରମକୁ ଶିକ୍ଷା ବିଭାଗ ଅଧ୍ୟାପକ ଡଃ.ପ୍ରଶାନ୍ତ କୁମାର ଦାଶ ପରିଚାଳନା କରିଥିଲେ । ଶେଷରେ ହୁସେନ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।
