ଭୁବନେଶ୍ୱର: ସେଣ୍ଟଜାଭିୟର ଇଣ୍ଟନ୍ୟାସ୍ନାଲ୍ ସ୍କୁଲ୍ ସମୁହର ୧୪ତମ ବାର୍ଷିକ କ୍ରୀଡ଼ା ମହୋତ୍ସବ ଡିସେମ୍ବର ୯ ତାରିଖ ଦିନ ଭୁବନେଶ୍ୱରର ରେଲ୍ୱେ ଷ୍ଟାଡ଼ିୟମ୍ ଠାରେ ମହାସମାରୋହରେ ଅନୁଷ୍ଠିତ ହୋଇଯାଇଅଛି।
ଏହି ଉତ୍ସବରେ ଅତିଥି ଭାବେ ଓଡ଼ିଶା ରାଜ୍ୟ ହାଉସିଂ ବୋର୍ଡ଼ର ପୁର୍ବତନ ଅଧ୍ୟକ୍ଷ ପ୍ରିୟଦର୍ଶୀ ମିଶ୍ର, ପୁର୍ବତନ ପୁଲିସ୍ ଅତିରିକ୍ତ ମହାନର୍ଦ୍ଦେଶକ ଅରୁଣ କୁମାର ଉପାଧ୍ୟାୟ, ଭୁବନେଶ୍ୱର ମଧ୍ୟର ବିଧାୟକ ଅନନ୍ତ ନାରାୟଣ ଜେନା, ଏମ୍.ବି.ସି. ଟିଭିର ଏଡ଼ିଟର୍ ଅଶୋକ ପଣ୍ଡା, ବିଦ୍ୟାଳୟ ପରିଚାଳନା କମିଟିର ଚେୟାରମ୍ୟାନ ଡ଼ଃ. ଆର୍ଯ୍ୟ କୁମାର ଜ୍ଞାନେନ୍ଦ୍ର, ବିଦ୍ୟାଳୟର ପରିଚାଳନା ନିର୍ଦ୍ଦେଶକ ଡ଼ଃ. ଶୁସାନ୍ତ ଦାସ ଅତିଥି ଭାବେ ଯୋଗଦେଇ ପ୍ରତିଯୋଗି ମାନଙ୍କୁ ଉତ୍ସାହିତ କରିଥିଲେ।
ଛାତ୍ର ଜୀବନରେ କ୍ରୀଡ଼ାର ଆବଶ୍ୟକତା ଉପରେ ଆଲୋକପାତ କରି ଶିକ୍ଷା, ସ୍ୱାସ୍ଥ୍ୟ ଓ କ୍ରିଡ଼ାର
ସାମଞ୍ଜସ୍ୟ ଉପରେ ଗୁରୁତ୍ୱ ଆରୋପ କରିଥିଲେ। ବିଦ୍ୟାଳୟର ଚେୟାର୍ମ୍ୟାନ୍ ଡଃ. ବି.ଏନ୍. ପଟ୍ଟନାୟକ, ଭାଇସ୍ ଚେୟାର୍ମ୍ୟାନ୍ ଡ଼ଃ. ନିବେଦିତା ପଚ୍ଚନାୟକ, ବିଦ୍ୟାଳୟର ମୁଖ୍ୟ ପରିଚାଳନା ନିର୍ଦ୍ଦେଶିକା ଡ଼ଃ. ଗାୟତ୍ରୀ ମିଶ୍ର ଉପସ୍ଥିତ ଥିଲେ।
କୁଶଳୀ ଛାତ୍ରଛାତ୍ରୀ ମାନଙ୍କ ଦ୍ୱାରା ଚିତାକର୍ଷକ ପିରାମିଡ଼, ଯୋଗ, ରଙ୍ଗାରଙ୍ଗ ଏରୋବିକ୍ସ୍, ସୁର୍ଯ୍ୟ ନମସ୍କାର, ଡ୍ରିଲ୍ ଆଦି ପ୍ରଦର୍ଶିନ କରାଯାଇଥିଲା। ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିବା କୃତି ପ୍ରତିଯୋଗମାନଙ୍କୁ ପ୍ରମାଣ ପତ୍ର ଓ ସ୍ମ୍ମୃତି ଫଳକ ପ୍ରଦାନ କରାଯାଇଥିଲା। ପଟିଆ ଶାଖାର ଅଧ୍ୟକ୍ଷା ଜୟଶ୍ରୀ ମହାପାତ୍ର, ସତ୍ୟନଗର ଶାଖାର ଅଧ୍ୟକ୍ଷା ଗୀତାଞ୍ଜଳୀ ପଣ୍ଡା, ସତ୍ୟବିହାର ଶାଖାର ଅଧ୍ୟକ୍ଷା ଶୁଭସ୍ମିତା ମହାନ୍ତି, ଗଙ୍ଗପଡ଼ା ଶାଖାର ଅଧ୍ୟକ୍ଷା ରାଜଲକ୍ଷ୍ମୀ ପ…ନାୟକ, ମଳିପଡ଼ା ଶାଖାର ଅଧ୍ୟକ୍ଷା ସୁଦିପ୍ତା ପଟ୍ଟନାୟକ ଏବଂ ଖେଳଶିକ୍ଷକ ଓ ଅନ୍ୟାନ୍ୟ ସମସ୍ତ ସହକାରୀ ଶିକ୍ଷକ, ଶିକ୍ଷୟତ୍ରୀମାନେ ଏହି ପ୍ରତିଯୋଗିତାକୁ ଅତି ଶୃଙ୍ଖଳିତ ଭାବରେ ସମ୍ପନ୍ନ କରିଥିଲେ।
ସମସ୍ତ ଶାଖାର ପ୍ରାୟ ୨୦୦୦ରୁ ଉର୍ଦ୍ଧ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ, କୃତି ପ୍ରତିଯୋଗି ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ। ଏହି କ୍ରିଡ଼ାପ୍ରତିଯୋଗିତାରେ ଛାତ୍ରଛାତ୍ରୀ ଓ ଅଭିଭାବକ ମାନେ ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରିବା ସହିତ ସ୧ିଳନୀଟିକୁ ସାଫଲ୍ୟ ମଣ୍ଡିତ କରିଥିଲେ।