ବାଲୁଗାଁ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅଞ୍ଚଳରୁ ଜଣେ ମହିଳାଙ୍କ ଗଳିତ ଶବ ଉଦ୍ଧାର ହୋଇଛି। ଏ ନେଇ ବାଲୁଗାଁ ପୋଲିସ ସୂଚନା ଦେଇଛି।
ସୂଚନା ମୁତାବକ ଆଜି ସକାଳେ ଲମ୍ବୋଦରପୁର ଓ ବାଙ୍କିଆପଲ୍ଲୀ ଗ୍ରାମ ମଝିରେ ଥିବା କଂସାରି ବ୍ରିଜ ନିକଟସ୍ଥ ଏକ ଖଜୁରୀ ଗଛ ମୂଳରେ ଉକ୍ତ ମହିଳାଙ୍କ ଗଳିତ ଶବ ପଡ଼ିଥିବା ଖବର ପାଇ ପୋଲିସ ଶବ ଜବତ କରିଛି। ତେବେ ମହିଳାଙ୍କ ଘର ଲମ୍ବୋଦରପୁର ଗ୍ରାମର ସ୍ବର୍ଗତ ରାଘବ ସିଂହଙ୍କ ଝିଅ ବାସନ୍ତି ସିଂହ ବୋଲି ଜଣାପଡିଥିବା ବେଳେ ସେ ବିକୃତ ମସ୍ତିଷ୍କର ହୋଇଥିବା ସୂଚନା ମିଳିଛି। ତାଙ୍କ ବୟସ ଆନୁମାନିକ ୪୫ ବର୍ଷ ହେବ।
ଶବଟି ଦୀର୍ଘ ଦିନରୁ ସେଠାରେ ପଡିରହିଥିବା ପ୍ରାଥମିକ ତଦନ୍ତରୁ ଜଣାପଡିଛି। ତେବେ ମହିଳାଙ୍କ ମୃତ୍ୟୁ ସନ୍ଦେହଘେରରେ ଥିବାବେଳେ ଏ ନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଦେଇଛି।
