କନ୍ଦର୍ପ ବେହେରା
ରେଢାଖୋଲ: ବାପୁଜୀ ସରକାରୀ ଉଚ୍ଚ ବିଦ୍ୟାଳୟ, ଡଇଁଚାରେ ଜିଲ୍ଲା ଶିକ୍ଷା ବିଭାଗ ତରଫରୁ ଜିଲ୍ଲା ସ୍ତରୀୟ ରେଡ୍ କ୍ରସ୍ ଅଧ୍ୟୟନ ଓ ତାଲିମ୍ ଶିବିର ଉଦଘାଟନ ହୋଇ ଯାଇଛି। ଏହି ଶିବିରକୁ ଜିଲ୍ଲା ଶିକ୍ଷା ଅଧିକାରୀ ତଥା ରେଡ୍ କ୍ରସ୍ ସୋସାଇଟିର ଅଧ୍ୟକ୍ଷା ମୀନାରାଣୀ ମଣ୍ଡଳ ସଭାପତିତ୍ବ କରିଥିଲେ।
ଶିବିରରେ ନାକଟିଦେଉଳ ବ୍ଲକ୍ ଶିକ୍ଷା ଅଧିକାରୀ ବିଜୟ ପାତ୍ର, ଡିପିଇଓ ସୁଜାତା ପଟ୍ଟନାୟକ, ପୂର୍ବତନ ଶାରୀରିକ ଶିକ୍ଷା ପରିଦର୍ଶକ ଜଗବନ୍ଧୁ ବେହେରା, ବାପୁଜୀ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ କ୍ଷୀରୋଦ ଚନ୍ଦ୍ର ପଣ୍ଡା, କିସିଣ୍ଡା ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଅରୁଣ କୁମାର ପ୍ରଧାନ ପ୍ରମୁଖ ଯୋଗ ଦେଇ ଏହି କ୍ୟାମ୍ପର ଲକ୍ଷ୍ୟ ଓ ଉଦ୍ଦେଶ୍ୟ ସଂପର୍କରେ ଆଲୋଚନା କରିଥିଲେ।
ଏହି ଶିବିରର ପୋଗ୍ରାମ୍ ଅଫିସର ନରେନ୍ଦ୍ର କୁମାର ଦେହୁରୀ କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ ବିଶ୍ବାମିତ୍ର ଦୀପ୍ ଧନ୍ୟବାଦ ଅର୍ପଣ କରିଥିଲେ। ଏହି ଶିବିର ୩ ଦିନ ଧରି ଚାଲିବା ସହ ଶିବିରରେ ୫୦ ଟି ବିଦ୍ୟାଳୟର ୨୦୯ ଜଣ ଛାତ୍ର ଛାତ୍ରୀ ଯୋଗଦେଇଛନ୍ତି। ପ୍ରତି ଦିନ ବିଭିନ୍ନ ପ୍ରକାର ପ୍ରତିଯୋଗୀତା ହେବା ସହ ନୃତ୍ୟ, ସଂଗୀତ ପରିବେଷଣ କରିବେ ଛାତ୍ର ଛାତ୍ରୀମାନେ।
