ରେଢ଼ାଖୋଲ (କନ୍ଦର୍ପ ବେହେରା): ଚଳିତ ବର୍ଷ ରଥଯାତ୍ରା ପାଇଁ ଏକ ପ୍ରସ୍ତୁତି ବୈଠକ ରେଢ଼ାଖୋଲ ଉପଜିଲ୍ଲାପାଳ ରଶ୍ମି ରଞ୍ଜନ ମହନ୍ତଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରେଢ଼ାଖୋଲରେ ହେବାକୁ ଥିବା ଚଳିତ ବର୍ଷ ରଥଯାତ୍ରା କିପରି ସୁରୁଖୁରୁରେ ହେବା ସହିତ ମନ୍ଦିର ର ସାଜସଜ୍ଜା, ବିଗ୍ରହଙ୍କ ଗଜାନନ ବେଶର ସାଜସଜ୍ଜା, ରଥଯାତ୍ରା ହେଉଥିବା କଦମ୍ବ ପଡ଼ିଆର ସଫାସୁତୁରା, ରଥ ନିର୍ମାଣ କାର୍ଯ୍ୟ ଓ ରଥ ନିର୍ମାଣ ପାଇଁ ଦରକାର ପଡ଼ୁଥିବା ରଥକାଠ, ଠାକୁରଙ୍କ ପହଣ୍ଡି, ରଥଟଣା,ମିନାବଜାର , ଭକ୍ତ ମାନେ କିଭଳି ଭଗବାନ ଙ୍କୁ ସୁରୁଖୁରୁରେ ଦର୍ଶନ କରି ପାରିବେ ଇତ୍ୟାଦି ସମସ୍ତ କାର୍ଯ୍ୟ ଓ ବ୍ୟବସ୍ଥା ଉପରେ ଆଲୋଚନା କରାଯାଇଥିଲା।
ଚଳିତ ବର୍ଷ ରଥଯାତ୍ରା ରେ ଠାକୁର ଙ୍କ ପହଣ୍ଡି ସମୟରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ଘଣ୍ଟବାଜା, ନାମ କିର୍ତ୍ତନ, ଢୋଲ ଲିସାଣ , ଦୁଲଦୁଲି ବାଜା ସହ ପହଣ୍ଡି ଓ ରଥଟଣା କରିବାର ନିଷ୍ପତି ନିଆଯାଇଛି। ତା ସହିତ ରଥଯାତ୍ରା ସମୟରେ ୨ ଦିନ ବିଦେଶୀ ମଦ ଓ ଦେଶି ମଦ ଭାଟି ବନ୍ଦ ରଖାଯିବା ସହିତ ବେଆଇନ ଭାବେ ମଦ ବିକ୍ରି କରୁଥିବା ବ୍ୟକ୍ତିଙ୍କ ଉପରେ ପୋଲିସ ଓ ଅବକାରୀ ବିଭାଗ ପକ୍ଷରୁ କଡା ନଜର ରଖାଯିବାକୁ ଦାୟିତ୍ଵ ଦିଆଯାଇଥିବା ସହ ରଥଯାତ୍ରା ପୂର୍ବରୁ ଜଗନ୍ନାଥ ମନ୍ଦିର, ଠାରୁ କଦମ୍ବ ପଡିଆ ମାଉସି ଗୁଡ଼ି ମନ୍ଦିର ପର୍ଯ୍ୟନ୍ତ ସଫାସୁତୁରା ଦାୟିତ୍ଵ ରେଢ଼ାଖୋଲ ଏନ୍ ଏ ସି କୁ ଓ ପହଣ୍ଡି ସମୟରେ ଖରାକୁ ଦେଖି ବଡ଼ଦାଣ୍ଡରେ ପାଣି ସ୍ପ୍ରେ ସହିତ କୌଣସି ଅଗ୍ନିକାଣ୍ଡ ଜନିତ ଘଟଣା ଆଡେଇବାକୁ ଅଗ୍ନିଶମ ବିଭାଗ କୁ ଦାୟିତ୍ବ ଦିଆଯାଇଛି।
ଏହି ବୈଠକରେ ରେଢ଼ାଖୋଲ ଏନ୍ ଏ ସି ଅଧ୍ୟକ୍ଷ ଶିବରାମ ସାହୁ, ବ୍ଲକ୍ ଅଧ୍ୟକ୍ଷ ପ୍ରଦିପ ପ୍ରଧାନ, ବରିଷ୍ଠ ଆଇନଜୀବି ଶିବପ୍ରସାଦ ପ୍ରଧାନ, ଅନାଦି ସାହୁ, ଦେବତୋର ବୋର୍ଡ କମିଟି , ବ୍ରହ୍ମ ସମାଜ, ଜଗନ୍ନାଥ କମିଟି ସଦସ୍ୟ, ସମସ୍ତ ଗଣମାଧ୍ୟମ ସମେତ, ଫରେଷ୍ଟ ବିଭାଗ, ଅଗ୍ନିଶମ ବିଭାଗ ଓ ପୋଲିସ ବିଭାଗ ର ଅଧିକାରୀ ସମେତ ସମସ୍ତ ପ୍ରଶାସନିକ ଅଧିକାରୀ ମାନେ ଉପସ୍ଥିତ ଥିଲେ।
