ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ପ୍ରେସ କ୍ଲବର କାର୍ଯ୍ୟକାରିଣୀ ବୈଠକ ନାକଟିଦେଉଳ ବ୍ଲକ ଅନ୍ତର୍ଗତ ଚମ୍ପାଳୀ ବନବିଭାଗ ନର୍ସରୀ ଠାରେ ରବିବାର ଦିନ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରେଢ଼ାଖୋଲ ଉପଖଣ୍ଡ ଅଞ୍ଚଳର ପ୍ରେସ କ୍ଲବର ସାମ୍ବାଦିକ ସଦସ୍ୟ ମାନେ ଯୋଗ ଦେଇ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ। ଏହି କାର୍ଯ୍ୟକାରିଣୀ ବୈଠକରେ ସଂଗଠନ କୁ ସୁଦୃଢ କରିବା ସହ ଆଗକୁ ସଂଗଠିତ ହୋଇ କାର୍ଯ୍ୟ କରିବାକୁ ଆହ୍ବାନ ଦେଇଥିଲେ।
ଏହି ପରିପ୍ରେକ୍ଷୀରେ ପ୍ରେସ କ୍ଲବ୍ ର ନୃତନ କାର୍ଯ୍ୟକର୍ତ୍ତା ଚୟନ କରାଯାଇଥିଲା। ଏଥିରେ ପ୍ରେସ କ୍ଲବ୍ ର ସଭାପତି ରମାକାନ୍ତ ମହାନନ୍ଦ, ଉପସଭାପତି ପ୍ରସନ୍ନ ପ୍ରଧାନ, ସମ୍ପାଦକ ତପନ କୁମାର ବିଶ୍ବାଳ, ସହ ସମ୍ପାଦକ ଶଙ୍କର ପୃଷ୍ଟି, କୋଷାଧ୍ୟକ୍ଷ ଯଶବନ୍ତ ନାରାୟଣ ସାହୁ ପ୍ରମୁଖ ଙ୍କୁ ମନୋନିତ କରାଯାଇଥିଲା।
ଏହି ବୈଠକରେ ବରିଷ୍ଟ ସାମ୍ବାଦିକ ରବିନ୍ଦ୍ର ପ୍ରଧାନ, ଜୟନ୍ତ ଖଡିରତ୍ନ, ରୋହିତ ଭୋଇ, ଶରତ ପ୍ରଧାନ, ସୁଶାନ୍ତ କୁମାର ନାଗ, ସୁଧୀର ସୁନା, କନ୍ଦର୍ପ ବେହେରା, ଅରୁଣ କୁମାର ପ୍ରଧାନ,ଅନିଲ ପୃଷ୍ଟି, ସରୋଜ ସାହୁ, ବିଦ୍ୟାଧର ମାଝୀ, ଲିଙ୍ଗରାଜ ପ୍ରଧାନ, ଗଜାନନ ଭେସରା, ମଦନ ବେହେରା ପ୍ରମୁଖ ସହ ନୂତନ ଭାବେ ରଶ୍ମି ରଞ୍ଜନ ଖଡ଼ିରତ୍ନ ଓ ସନ୍ତୋଷ ବଘାର ଯୋଗ ଦେଇଥିଲେ।