ବାଣପୁର: ଚଳିତ ବର୍ଷ ସିବିଏସଇ ଦଶମ ଶ୍ରେଣୀର ପରୀକ୍ଷାର ଫଳ ମେ ୧୩ ତାରିଖରେ ପ୍ରକାଶ ପାଇଥିଲା। ଚଳିତ ବର୍ଷ ଏହି ପରୀକ୍ଷାରେ ବାଣପୁରର ସୁନାମଧନ୍ୟ ଇଂରାଜୀ ଶିକ୍ଷା ଅନୁଷ୍ଠାନ “ସେଣ୍ଟ ଜାଭିୟର ହାଇସ୍କୁଲ” ର ଛାତ୍ରଛାତ୍ରୀ ମାନେ ଅତ୍ୟନ୍ତ ପ୍ରଶଂସନୀୟ ପ୍ରଦର୍ଶନ କରିବା ସହ ସମଗ୍ର ବାଣପୁର ଏବଂ ଚିଲିକା ବ୍ଲକରେ ସର୍ବଶ୍ରେଷ୍ଠ ମାର୍କ ଆଣି ବିଦ୍ୟାଳୟ ପାଇଁ ଗୌରବ ଅର୍ଜନ କରିଛନ୍ତି। ଏହି ପରୀକ୍ଷାରେ ବିଦ୍ୟାଳୟର ଛାତ୍ର ଆୟୁଷ ସାମନ୍ତରାୟ ସର୍ବଶ୍ରେଷ୍ଠ ୯୭. ୨ ଶତକଡା ମାର୍କ ଆଣିଥିବା ବେଳେ ଆୟୁଷ ସୁବୁଦ୍ଧି ୯୦. ୮, କିର୍ତ୍ତୀ ସ୍ବୟଂସୁ ଲେଙ୍କା ୯୦, ତନ୍ମୟ କୁମାର ବାରିକ ୮୪. ୪, ଅଭିଜିତ ପ୍ରଧାନ ୮୩. ୪, ଶିବାଶିଷ ପ୍ରଧାନ ୮୩, ଆଦ୍ୟସା ଷଡଙ୍ଗୀ ୮୩. ୮, ସାୟନ୍ତନ ଷଡ଼ଙ୍ଗୀ ୮୩. ୬, ଶୁଭ୍ରାଂଶୁ ଶେଖର ନାୟକ ୮୧, ସରୋଜ କୁମାର ରଣା ୮୦ ପ୍ରତିଶତ ମାର୍କ ଆଣିଛନ୍ତି।
ବିଦ୍ୟାଳୟ ର ଅଧ୍ୟକ୍ଷ ଡ଼ ଶକ୍ତି ପ୍ରସାଦ ମହାନ୍ତି ସମସ୍ତ ଛାତ୍ରଛାତ୍ରୀଙ୍କ ମଙ୍ଗଳକାମନା କରିବା ସହ ଛାତ୍ରଛାତ୍ରୀ ମାନଙ୍କର ସଫଳତାର ଶ୍ରେୟ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ ସମସ୍ତ କର୍ମଚାରୀମାନଙ୍କୁ ପ୍ରଦାନ କରିଛନ୍ତି। ଏହା ସହ ଆଗକୁ ବିଦ୍ୟାଳୟର ଛାତ୍ର ଛାତ୍ରୀ ମାନେ କିପରି ଅଧିକରୁ ଅଧିକ ଶିକ୍ଷା କ୍ଷେତ୍ରରେ ବାଣପୁର ପାଇଁ ଗୌରବ ଆଣିପାରିବେ ଏହି ଦିଗରେ କାର୍ଯ୍ୟ କରିବା ପାଇଁ ବିଦ୍ୟାଳୟର ଅଧ୍ୟକ୍ଷ ପ୍ରତିଶୃତି ଦେଇଛନ୍ତି।