ରେଢ଼ାଖୋଲ (କନ୍ଦର୍ପ ବେହେରା): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୫ ତମ ଜନ୍ମ ଦିନ ଉପଲକ୍ଷେ ମୁଖ୍ୟମନ୍ତ୍ରୀଙ୍କ ଆହ୍ବାନ କ୍ରମେ କଦଳିଗଡ଼ ଗ୍ରାମ ପଞ୍ଚାୟତ ପରିସର ଏବଂ ଅର୍ଜୁନ ଡିଗ୍ରୀ କଲେଜ୍ ପରିସରରେ ରେଢ଼ାଖୋଲ ଉପଖଣ୍ଡ ପ୍ରଶାସନ ଏବଂ ଅର୍ଜୁନ ଡିଗ୍ରୀ କଲେଜ୍, କଦଳୀଗଡ଼ ମିଳିତ ଆନୁକୁଲ୍ୟରେ “ମାଁ ପାଇଁ ଗଛ ଟିଏ” କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।
ଏହି କାର୍ଯ୍ୟକ୍ରମରେ ରେଢ଼ାଖୋଲ ଉପଜିଲ୍ଲାପାଳ ରଶ୍ମି ରଞ୍ଜନ ମହାନ୍ତ, ଗୋଷ୍ଠୀ ଉନ୍ନୟନ ଅଧିକାରୀ ରାଜେନ୍ଦ୍ର ନାରାୟଣ ଜେନା, ତହସିଲଦାର, ଅର୍ଜୁନ ଡିଗ୍ରୀ କଲେଜ୍ ଅଧ୍ୟକ୍ଷ ଅଖିଳେନ୍ଦ୍ର ଶାସନୀ, ସରପଞ୍ଚ ସରୋଜ ସେଠି, ଜିଲ୍ଲା ପରିଷଦ ଶରତ ପ୍ରଧାନ ପ୍ରମୁଖ ଯୋଗଦେଇ ଅର୍ଜୁନ ଡିଗ୍ରୀ କଲେଜ୍ ର ଶତାଧିକ ଛାତ୍ର ଛାତ୍ରୀ ଙ୍କ ଗହଣ ରେ ୫୦୦ ରୁ ଉର୍ଦ୍ଧ୍ବ ବୃକ୍ଷ ରୋପଣ କର ଯାଇଥିଲା।
ଏହି ପରିପ୍ରେକ୍ଷୀରେ ଏକ ସଭା ଆୟୋଜନ କରା ଯାଇଥିଲା। ଉପଜିଲ୍ଲାପାଳ ରଶ୍ମି ରଞ୍ଜନ ମହାନ୍ତ ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ର ଛାତ୍ରୀ ମାନେ କେମିତି ପରିବେଶ ସୁରକ୍ଷା ପ୍ରତି ସଚେତନ ହେବେ ଏବଂ ନିଜର ଦାୟିତ୍ଵ ସମ୍ପାଦନ କରିବେ ସେଇ ବିଷୟରେ ଛାତ୍ର ଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ। ଆମନ୍ତ୍ରିତ ଅତିଥି ଗଣ ପରିବେଶ ପ୍ରତି ସମ୍ମାନ ଜଣାଇ ନିଜ ନିଜର ଅଭି ଭାଷଣ ରଖିଥିଲେ। ଠିକ ସେହି ପରି ରେଢ଼ାଖୋଲ ଉପଖଣ୍ଡରେ ବିଭିନ୍ନ ଶିକ୍ଷା ନୁଷ୍ଠାନ, ସରକାରୀ କାର୍ଯ୍ୟାଳୟ ଆଦି ମାନଙ୍କରେ ମଧ୍ୟ ବୃକ୍ଷ ରୋପଣ କରାଯାଇଥିଲା।
