ବାଲୁଗାଁ: ଉତ୍କଳ ବିଶ୍ୱବିଦ୍ୟାଳୟର ଆର୍ଥିକ ପ୍ରୋତ୍ସାହନରେ ବାଲୁଗାଁ ମହାବିଦ୍ୟାଳୟ ଜାତୀୟ ସେବା ଯୋଜନା ଆନୁକୂଲ୍ୟରେ ଅୟୋଜିତ ହୋଇଥିବା ସାତଦିନିଆ ପୂଜା ସ୍ୱତନ୍ତ୍ର ଶିବିରର ଉଦଯାପନ ଉତ୍ସବ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ଼କ୍ଟର ଲଷ୍ମୀଧର ସୁବୁଦ୍ଧିଙ୍କ ନିର୍ଦ୍ଦେଶନା ତଥା ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ଡ଼କ୍ଟର କୈଳାଶ ଚନ୍ଦ୍ର ମହାରଣା ଓ ଅଧ୍ୟାପିକା ରୀନା ରାଉତଙ୍କ ତତ୍ତ୍ୱାବଧାନରେ “ବୃକ୍ଷରୋପଣ ଓ ଚିଲିକା ସୁରକ୍ଷା” ପ୍ରସଙ୍ଗକୁ ନେଇ ଆୟୋଜିତ ହୋଇଛି ଶିବିର।
ଉକ୍ତ ଶିବିରର ବିଭିନ୍ନ ଦିବସରେ ଯୁକ୍ତ ଦୁଇ ଅଧ୍ୟକ୍ଷ ସୁବାସ ଚନ୍ଦ୍ର ଶ୍ରୀଚନ୍ଦନ, ଚିଲିକା ବନ୍ୟପ୍ରାଣୀ ବନଖଣ୍ଡ ଅଧିକାରୀ ଅମ୍ଳାନ ନାୟକ, ରେଞ୍ଜ ଅଫିସର ରଶ୍ମିତା ଜେନା,ଫରେଷ୍ଟର ନାରାୟଣ ଆଲତିଆ , ସମାଜସେବୀ ଶ୍ରୀ ସୋମ , ଅନନ୍ୟା ଷଡ଼ଙ୍ଗୀ, ତ୍ରିବିକ୍ରମ ପଣ୍ଡା, ରାଷ୍ଟ୍ରପତି ପୁରସ୍କାର ପ୍ରାପ୍ତ ସ୍ବେଛାସେବୀ ବିକ୍ରମ ବିଷୋୟୀ, ରାଜ୍ୟ ପୁରସ୍କାର ପ୍ରାପ୍ତ ସମାଜସେବୀ ବବୁଲ ରଣସିଂହ, ପୋଷ୍ୟଗ୍ରାମ ଶାନ୍ତି ନଗର ଓ ଗୋପବନ୍ଧୁ ନଗରର ଗ୍ରାମ୍ୟ କମିଟି ମୁଖ୍ୟ ଯୋଗଦେଇ ସ୍ବେଛାସେବୀମାନଙ୍କୁ ବ୍ୟକ୍ତିତ୍ୱ ବିକାଶ, ନେତୃତ୍ୱ ବିକାଶ, ବୃତ୍ତିଗତ ଜୀବନ ଓ ସମାଜ ସେବା ସମ୍ପର୍କରେ ପ୍ରେରଣାଦାୟୀ ବକ୍ତବ୍ୟ ପ୍ରଦାନ କରିଥିଲେ।
ଏହି ଅବସରରେ ସ୍ବେଛାସେବୀମାନେ ବୃକ୍ଷରୋପଣ,ବୃକ୍ଷ ଯତ୍ନ, ସ୍ୱଚ୍ଛତା, ବ୍ୟକ୍ତିତ୍ୱ ଓ ନେତୃତ୍ୱ ବିକାଶ ପ୍ରତିଯୋଗିତା, କିଶୋରୀ ପୋଷଣ, ରକ୍ତଦାନ, ଦୁଇଟି ପୋଷ୍ୟଗ୍ରାମରେ ସାମାଜିକ ଅର୍ଥନୈତିକ ସର୍ବେକ୍ଷଣ ଆଦି କାର୍ଯ୍ୟକ୍ରମ କରିବା ସହ ଶିଶୁମାନଙ୍କ ମଧ୍ୟରେ ସଂଗୀତ,ଚିତ୍ରକଳା,ନୃତ୍ୟ ଓ ଖେଳ ପ୍ରତିଯୋଗିତା କରି ଗ୍ରାମ୍ୟ କମିଟି ମୁଖ୍ୟଙ୍କୁ ଜରିଆରେ ସମସ୍ତଙ୍କୁ ପୁରସ୍କାର ବଣ୍ଟନ କରିଥିଲେ। ଅଧ୍ୟକ୍ଷ ଡ଼କ୍ଟର ଲଷ୍ମୀଧର ସୁବୁଦ୍ଧିଙ୍କ ସଭାପତିତ୍ୱରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ବିଭାଗର ଉପ ଶାସନ ସଚିବ ତଥା ଜାତୀୟ ସେବା ଯୋଜନାର ରାଜ୍ୟ ସର୍ବଦ୍ରଷ୍ଟା ଅଧିକାରୀ ଡ଼କ୍ଟର ରମେଶ ଚନ୍ଦ୍ର ବେହେରା ଓ ମୁଖ୍ୟ ବକ୍ତା ଭାବେ ଖୋର୍ଦ୍ଧା ଜିଲ୍ଲା ଜାତୀୟ ସେବା ଯୋଜନା ଅତିରିକ୍ତ କାର୍ଯ୍ୟକ୍ରମ ଅଧିକାରୀ ଅଧ୍ୟାପକ ପଞ୍ଚାନନ ମଙ୍ଗରାଜ ଯୋଗଦେଇ ଗୋଷ୍ଠୀସେବା ତଥା ସମାଜସେବା ଦ୍ୱାରା ଶିକ୍ଷାର୍ଥୀମାନଙ୍କର ନେତୃତ୍ୱ ଓ ଶୈକ୍ଷିକ ଉତ୍କର୍ଷତାର ବିଭିନ୍ନ ଦୃଷ୍ଟାନ୍ତ ପ୍ରଦାନ କରିଥିଲେ।
ଓଡ଼ିଶାରେ ଜାତୀୟ ସେବା ଯୋଜନା କାର୍ଯ୍ୟକ୍ରମକୁ ବ୍ୟାପକ କରିଥିବା ମୁଖ୍ୟ ଅତିଥି ଡ଼କ୍ଟର ରମେଶ ବେହେରାଙ୍କୁ ଅଧ୍ୟକ୍ଷ ଚିଲିକା ସେବା ସମ୍ମାନ ପ୍ରଦାନ କରି ସମ୍ବର୍ଦ୍ଧିତ କରିଥିଲେ।ଏଥିସହ ଏନଏସଏସ ରେ ଡ଼କ୍ଟର ଲଷ୍ମୀଧର ସୁବୁଦ୍ଧିଙ୍କ ପ୍ରତିବଦ୍ଧତା ପାଇଁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା। ଜାତୀୟ ସେବା ଯୋଜନାରେ ଉତ୍କର୍ଷତା ହାସଲ କରିଥିବା ଅଧ୍ୟାପକ ଅକ୍ଷୟ ମିଶ୍ର,ବିକ୍ରମ ବିଷୋୟୀ, ଯୁବ ରେଡକ୍ରସ ଅଧିକାରୀ ମନସ୍ୱିନୀ ପଟ୍ଟନାୟକ ପ୍ରମୁଖ ବକ୍ତବ୍ୟ ପ୍ରଦାନ କରିଥିଲେ।
କାର୍ଯ୍ୟକ୍ରମ ଅଧିକାରୀ ଡ଼କ୍ଟର କୈଳାଶ ଚନ୍ଦ୍ର ମହାରଣା ଅତିଥି ପରିଚୟ ଓ ସ୍ୱାଗତ ଭାଷଣ ଦେଇଥିବା ବେଳେ ଅଧ୍ୟାପିକା ରୀନା ରାଉତ ଶିବିର ବିବରଣୀ ଉପସ୍ଥାପନା କରିଥିଲେ। ଏହି ଅବସରରେ ଶିବିରରେ ନେତୃତ୍ୱ ନେଇଥିବା ବିଜୟ ଲଷ୍ମୀ ପଣ୍ଡା, ସୃତି ସେନାପତି,ଜସ୍ମିନ ବେଗମ,ବାବୁ ପ୍ରଧାନ,ଜଗନ୍ନାଥ ମଣ୍ଡଳ,ସୁମିତ୍ରା ସାମଲ,ପ୍ରଜ୍ଞା ଗଜେନ୍ଦ୍ର, ପୁଣ୍ୟଶ୍ଳୋକ ଦେବାଶିଷ ଓ ରକ୍ତଦାତା ମାନଙ୍କୁ ମୁଖ୍ୟ ଅତିଥି ସମ୍ମାନିତ କରିଥିଲେ। ସ୍ବେଛାସେବୀ ବିଜୟଲଷ୍ମୀ ପଣ୍ଡା ମଞ୍ଚ ସଂଚାଳନ କରିଥିବା ବେଳେ ଜସ୍ମିନ ବେଗମ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ଡ଼କ୍ଟର ମୋନାଲିସା ମାନସିଂହ, ଅଧ୍ୟାପିକା ସ୍ଵାତୀ ସ୍ଵାଗତିକା ସାହୁ, ଅଧ୍ୟାପକ ହିମାଂଶୁ କୁମାର ଦାଶ, ବିଶ୍ବଜିତ ଦାସ ପ୍ରମୁଖ ସହଯୋଗ କରିଥିଲେ।