ବାଲୁଗାଁ: ବାଲୁଗାଁ ଶାଖା ସ୍ତରୀୟ ଜୀବନ ବୀମା ଏଜେଣ୍ଟ ଲିଆଫି ମାନଙ୍କ ର ଏକ ସମାବେଶ ସ୍ଥାନୀୟ ଶ୍ରୀ ଶ୍ରୀ ଊମା ମହେଶ୍ୱର ଦେବ କଲ୍ୟାଣ ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି। ବାଲୁଗାଁ ଶାଖା ପରିଚାଳକ ଅନୟ କୁମାର ମହାନ୍ତି ଏହି କାର୍ଯ୍ୟକ୍ରମରେ ମୁଖ୍ୟଅତିଥି ରୂପେ ଯୋଗ ଦେଇଥିଲେ। ଭାରତୀୟ ଜୀବନ ବୀମା ଲିଆଫି ସଂଘ ଭୁବନେଶ୍ୱର ମଣ୍ଡଳ ସ୍ତରୀୟର ସମନ୍ଵୟ କମିଟି ଅଧ୍ୟକ୍ଷ ଦୀପକ କୁମାର ପଟ୍ଟନାୟକ, ସଭାପତି ବିଜୟ କୁମାର ସାହୁ, ଉପ ସଭାପତି ସୁଜିତ୍ କୁମାର ମହାନ୍ତି, ଯୁଗ୍ମ ସମ୍ପାଦକ ଜୟ ଶଙ୍କର ମାଲୁ ପ୍ରମୁଖ ଯୋଗଦେଇ ସାଂଗଠନିକ ଆଲୋଚନାରେ ଦିଗ୍ ଦର୍ଶନ ଦେଇଥିଲେ।
ବାଲୁଗାଁ ଶାଖାର ଉନ୍ନୟନ ଅଧିକାରୀ, ସି ଏଲ ଆଇ ବନ୍ଧୁମାନେ ଉପସ୍ଥିତ ରହିଥିଲେ। ବାଲୁଗାଁ ଶାଖା ଲିଆଫି ସଙ୍ଘର ସଭାପତି ତ୍ରିଲୋଚନ ସାହୁ, ସମ୍ପାଦକ ରତିକାନ୍ତ ସାହୁ, କୋଷାଧ୍ୟକ୍ଷ ଅକ୍ଷୟ କୁମାର ସାହୁ ପ୍ରମୁଖ କାର୍ଯ୍ୟକ୍ରମର ସାମଗ୍ରୀକ ପରିଚାଳନା କରିଥିଲେ।
ବାଲୁଗାଁ ଶାଖା ଲିଆଫି ସଙ୍ଘର ସମସ୍ତ ଜୀବନ ବୀମା ଏଜେଣ୍ଟ ଏହି ସମାବେଶ ଓ ବନ୍ଧୁ ମିଳନରେ ଯୋଗ ଦେଇଥିଲେ।