ରେଢ଼ାଖୋଲ (କନ୍ଦର୍ପ ବେହେରା): ଖଳାଶୁଣୀ ବନ୍ୟପ୍ରାଣୀ ବନାଞ୍ଚଳ କିସିଣ୍ଡା ଠାରେ ବନାଗ୍ନୀ ସଚେତନତା ଓ ନିରାକରଣ ଉପରେ ଏକ ସଚେତନତା ସଭା ଅନୁଷ୍ଠିତ ହୋଇଯାଇଛି। କିସିଣ୍ଡାର ବନାଞ୍ଚଳ ଅଧିକାରୀ ମହେନ୍ଦ୍ର କୁମାର ସାହୁ ଙ୍କ ସଭାପତିତ୍ୱରେ ଅନୁଷ୍ଠିତ ସଚେତନତା ସଭାରେ ସମାଜ ସେବୀ ତଥା କବି ରଘୁନାଥ ପ୍ରଧାନ ମୁଖ୍ୟ ବକ୍ତା, କିସିଣ୍ଡା ମହାବିଦ୍ୟାଳୟର ଅଧ୍ୟକ୍ଷା ସୁଶ୍ରୀତା ଭୋଇ ମୁଖ୍ୟ ଅତିଥି, ସମ୍ମାନିତ ଅତିଥି ଭାବରେ କିସିଣ୍ଡା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଅରୁଣ କୁମାର ପ୍ରଧାନ, ନାକଟିଦେଉଳ ଅଗ୍ନିଶମ ବିଭାଗର ସହ କେନ୍ଦ୍ର ଅଧିକାରୀ ବିସିକେତନ ସାହୁ, କିସିଣ୍ଡା ଭାରପ୍ରାପ୍ତ ଥାନା ଅଧିକାରିଣୀ ଅଞ୍ଜଳୀ କୁମ୍ଭାର ଯୋଗ ଦେଇ ଜଙ୍ଗଲରେ କିପରି ନିଆଁ ଲାଗିବ ନାହିଁ, ଜଙ୍ଗଲର ଉପକାରିତା ଆଦି ସମ୍ପର୍କରେ ବକ୍ତବ୍ୟ ରଖି ଥିଲେ।
କିସିଣ୍ଡା ରେଞ୍ଜର ବନସଂରକ୍ଷଣ ସମିତିର ସଭ୍ୟ ସଭ୍ୟା, ଏସ ଏଚ ଜି ର ସଦସ୍ୟା, ଗ୍ରାମବାସୀ, କେନ୍ଦୁପତ୍ର ବନାଞ୍ଚଳର ବନପାଳ, ବନରକ୍ଷୀ ତଥା ବନକର୍ମଚାରି ଯୋଗ ଦେଇ ଥିଲେ। ବନାଞ୍ଚଳ ଅଧିକାରୀ ବନାଗ୍ନୀ ନିୟନ୍ତ୍ରଣ ପାଇଁ ନିଆଯାଉଥିବା ବିଭିନ୍ନ ପଦକ୍ଷେପ ଉପରେ ଆଲୋକପାତ କରିଵା ସହିତ ବନାଗ୍ନୀରେ ସଂଶ୍ଲିଷ୍ଟ ଥିବା ବ୍ୟକ୍ତି ଙ୍କ ଉପରେ କି ପ୍ରକାର ଆଇନ ସଙ୍ଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତା ଉପରେ ବିଷଦ ଆଲୋଚନା କରିଥିଲେ।ବନାଗ୍ନୀ ନିୟନ୍ତ୍ରଣ ପାଇଁ ଏକ ଶପଥ ପାଠ କରିଵା ସହିତ ଜଙ୍ଗଲ ନିଆଁକୁ ଆୟତ କରିବାକୁ ସମସ୍ତେ ଚେଷ୍ଟା କରିବେ ବୋଲି ଶୋଭାରେ ପ୍ରକାଶ କରିଥିଲେ। ସର୍ବ ଶେଷରେ ଶିବ ନାରାୟଣ ବିଲହାର ଧନ୍ୟବାଦ ଅର୍ପଣ କରିଥିଲେ।