ସମୀକ୍ଷା ବ୍ୟୁରୋ
ବାଣପୁର-ଆଜି ବାଣପୁରଠାରେ ଏବିଭିପି ତରଫରୁ ମିଶନ ସାହାସୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଛାତ୍ରୀମାନଙ୍କୁ ସାହାସୀ ତଥା ଆତ୍ମରକ୍ଷା ଉଦ୍ଦେଶ୍ୟରେ ଏବିଭିପି ପକ୍ଷରୁ ଏହି ଅଭିନବ ପ୍ରୟାସ ଆରମ୍ଭ କରାଯାଇଛି । ଏବିଭିପିର ମିଶନ ସାହସୀ କାର୍ଯ୍ୟକ୍ରମ ନିର୍ଭର ନାଇଁ ନିର୍ଭୟ। ଅକ୍ଷମ ନାଇଁ ସକ୍ଷମ। ଆଜିର ଭାରତୀୟ ନାରୀ ସବୁକ୍ଷେତ୍ରରେ ପୁରୁଷ ସହ ତାଳ ମେଳାଇ ଅବା ପୁରୁଷକୁ ପଛରେ ପକାଇ ଆଗକୁ ବଢୁଛି। ଏହି ଚିନ୍ତାଧାରାକୁ ସମଗ୍ର ଭାରତର କୋଣ ଅନୁକୋଣରେ ଥିବା ଛାତ୍ରୀ ତଥା ଭଉଣୀମାନଙ୍କ ନିକଟରେ ପହଞ୍ଚାଇବା ପାଇଁ ଗତବର୍ଷ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ତରଫରୁ ସମଗ୍ର ଭାରତବର୍ଷରେ ଆୟୋଜିତ କରାଯାଇଥିଲା। ସେହିପରି ଗତବର୍ଷ ଅନୁରୂପ ଭାବେ ବାଣପୁରରେ ମଧ୍ୟ ଏବିଭିପି ଦ୍ୱାରା ମିଶନ ସାହସୀ କାର୍ଯ୍ୟକ୍ରମ କରାଯାଇଥିଲା ଯାହା ଭାରତରେ ଦ୍ଵିତୀୟ ତଥା ଓଡିଶାରେ ପ୍ରଥମ ମିଶନ ସାହସୀ କାର୍ଯ୍ୟକ୍ରମ ଥିଲା। ଚଳିତ ବର୍ଷ ଏବିଭିପି ବାଣପୁର-ବାଲୁଗାଁ ନଗର ଶାଖା ତରଫରୁ ପୁଣିଥରେ ଏହି ଯୁଗାନ୍ତକାରୀ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ବାଣପୁରର ପ୍ରତାପ ଗ୍ରାମ ସ୍ଥିତ ଶାଳିଆ ବିଦ୍ୟା ନିକେତନରୁ ହୋଇଛି।
ଆଜି ସକାଳେ ଅନୁଷ୍ଠାନର ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ସାହୁ ଉକ୍ତ କାର୍ଯ୍ୟକ୍ରମକୁ ଉଦଘାଟନ କରିଥିଲେ ଓ ଶିକ୍ଷୟିତ୍ରୀ ଶ୍ରୀମତୀ ମମତା ବେଦମତା ଛାତ୍ରୀମାନଙ୍କୁ ମିଶନ ସାହସୀ କାର୍ଯ୍ୟକ୍ରମ ବିଷୟରେ ଉଦ୍ବୋଧନ ଦେଇଥିଲେ। ପାଖାପାଖି ୧୪୦ଜଣ ଛାତ୍ରୀଙ୍କୁ ବିଦ୍ୟାର୍ଥୀ ପରିଷଦର ବରିଷ୍ଠ କାର୍ଯ୍ୟକର୍ତ୍ତା ତଥା ଜିଲ୍ଲାସ୍ତରୀୟ ପ୍ରଶିକ୍ଷିକା ଅବା ମାଷ୍ଟର ଟ୍ରେନର ସୁଶ୍ରୀ ଲିଙ୍କି ବରାଳ ଓ ସୁଶ୍ରୀ ଅର୍ଚନା ବେହେରା ବିଭିନ୍ନ ପ୍ରକାର ଆତ୍ମରକ୍ଷା କୌଶଳ ପ୍ରଦାନ କରିଥିଲେ। ଛାତ୍ରୀମାନେ ଆଜିର ସମାଜରେ କାହାକୁ ଭୟ ନକରି କିପରି ସବୁ ପରିସ୍ଥିତିରେ ନିଜକୁ ଅନ୍ୟ ଶତ୍ରୁଠୁ ରକ୍ଷା କରିପାରିବେ ଓ ଆଗକୁ ବଢିବେ ଏପରି ବିଭିନ୍ନ ତାଲିମ ପ୍ରଶିକ୍ଷିକାମାନେ ଦେଇଥିଲେ। ଏହି ସମ୍ପୂର୍ଣ୍ଣ କାର୍ଯ୍ୟକ୍ରମକୁ ଏବିଭିପି ଖୋର୍ଦ୍ଧା ଜିଲ୍ଲା ଛାତ୍ରୀପ୍ରମୁଖ ସୁଶ୍ରୀ ସଂଗୀତା ସ୍ୱାଇଁ ପରିଚାଳନା କରିଥିଲେ ଓ ପ୍ରତି ସପ୍ତାହରେ ଆଗାମୀ ଦିନରେ ବାଣପୁର-ବାଲୁଗାଁ ନଗର ର ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟରେ ମିଶନ ସାହସୀ କାର୍ଯ୍ୟକ୍ରମ ହେବ ବୋଲି ସୂଚନା ଦେଇଥିଲେ।
ପରିଶେଷରେ ନଗର ସମ୍ପାଦକ ବିକାଶ ସେଠି ଛାତ୍ରୀମାନଙ୍କୁ ପରିଷଦର ଆଦର୍ଶ ଓ ଲକ୍ଷ୍ୟ ବୁଝାଇଥିଲେ ଓ ପ୍ରଶିକ୍ଷିକା ମାନକୁ ଉପଢୌକନ ଦେଇ ସମ୍ମାନିତ କରିଥିଲେ । ସଂଘର ବରିଷ୍ଠ କାର୍ଯ୍ୟକର୍ତ୍ତା ସୁଧୀର କୁମାର ପାତ୍ର ପ୍ରଧାନ ଶିକ୍ଷକଙ୍କୁ ଉପଢୌକନ ଦେଇ ପରିଷଦ ତରଫରୁ ସମ୍ମାନିତ କରିଥିଲେ। ଏହି କାର୍ଯ୍ୟକ୍ରମଟିକୁ ଏବିଭିପି ଓଡ଼ିଶା ରାଜ୍ୟ ଏସ୍ଏଫ୍ଡିର ଯୁଗ୍ମ ସଂଯୋଜକ ସୀତାରାମ ଅଗ୍ରଓ୍ବାଲ ସଂଯୋଜନା କରିଥିଲେ। ଉକ୍ତ କାର୍ଯ୍ୟକ୍ରମକୁ ନେଇ ଛାତ୍ରୀମାନେ ବହୁ ଉତ୍ସାହିତ ଥିବା ପରିଲକ୍ଷିତ କରାଯାଇଛି।
