ସମୀକ୍ଷା ବ୍ୟୁରୋ
ବାଣପୁର: ବାଣପୁରର ସେଣ୍ଟ ଜାଭିୟର ହାଇସ୍କୁଲର ଦଶମ ବାର୍ଷିକ ଉତ୍ସବ ପାଳିତ ହୋଇଯାଇଛି। ମୁଖ୍ୟ ଅତିଥି ଭାବେ ଚିଲିକାର ପୂର୍ବତନ ବିଧାୟକ ରଘୁନାଥ ସାହୁ, ମୁଖ୍ୟ ବକ୍ତା ଭାବେ ଗର୍ଗ ଜ୍ୟୋତିଷର ସଭାପତି ପଣ୍ଡିତ ଶ୍ରୀପତି ଆଚାର୍ଯ୍ୟ ଏବଂ ବାଣପୁର ବ୍ଲକର ବିଇଓ ସନାତନ ଜାଲ୍ଲି ପ୍ରମୁଖ ଯୋଗ ଦେଇଥିଲେ। ଅତିଥିମାନେ ଦ୍ଵୀପ ପ୍ରଜ୍ଵଳନ କରିବା ପରେ ସଭା କାର୍ଯ୍ୟ ଆରମ୍ଭ କରାଯାଇଥିଲା।
ଶିକ୍ଷକମାନଙ୍କ ଦ୍ଵାରା ସ୍ଵାଗତ ସଙ୍ଗୀତ ଗାନ କରାଯାଇଥିଲା। ବିଦ୍ୟାଳୟର ନିର୍ଦ୍ଦେଶକ ସ୍ଵାଗତ ଭାଷଣ ଦେଇଥିବାବେଳେ ବାର୍ଷିକ ବିବରଣୀ ପାଠ କରିଥିଲେ ବିଦ୍ୟାଳୟର ଅଧ୍ୟକ୍ଷ। ଶେଷରେ ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମର ଅୟୋଜନ କରାଯାଇଥିଲା। ଏହି ଅବସରରେ ବାଣପୁରରେ ମାଟ୍ରିକ ପରୀକ୍ଷାରେ ସର୍ବୋଚ୍ଚ ମାର୍କ ରଖିଥିବା ଦୁଇ ଛାତ୍ରଙ୍କୁ ସମ୍ମାନିତ କରାଯାଇଥିଲା। ଦୁଇ ଛାତ୍ରଙ୍କ ମଧ୍ୟରେ ଜଣେ ସରସ୍ଵତୀ ଶିଶୁ ବିଦ୍ୟାମନ୍ଦିରର ଛାତ୍ର ଥିବାବେଳେ ଅନ୍ୟଜଣେ ଜାଭିୟର ହାଇସ୍କୁଲର ଛାତ୍ର। ସେହିପରି ଏହି ଉତ୍ସବରେ ଜୀବନବ୍ୟାପୀ ସେବା ପାଇଁ ଡାକ୍ତର ଏସ ଏନ ପାତ୍ର ଏବଂ ଖେଳ ପ୍ରଶିକ୍ଷକ ବୈରାଗୀ ଚରଣ ବଳଙ୍କୁ ସମ୍ମାନିତ କରଯାଇଥିଲା।
