ସମୀକ୍ଷା ବ୍ୟୁରୋ
ହିଞ୍ଜିଳିକାଟୁ : ସିଏଏ ଏବଂ ଏନ୍ଆର୍ସିକୁ ସମର୍ଥନ କରି ହିଞ୍ଜିଳିକାଟୁର ସେବା ଫାଉଣ୍ଡେସନ ତରଫରୁ ସହରରେ ଏକ ବିଶାଳ ଜନଜାଗରଣ ଅଭିଯାନ ଅନୁଷ୍ଠିତ ହୋଇଛି । ଏଥିରେ ସଂଘର ପ୍ରତିଷ୍ଠାତା ରାକେଶ କୁମାର ରଥଙ୍କ ନେତୃତ୍ବରେ ଶୋଭାଯାତ୍ରା ସ୍ଥାନୀୟ ଜଗନ୍ନାଥ ମନ୍ଦିର ନିକଟରୁ ବାହାରି ସହର ପରିକ୍ରମା କରି ଜନସାଧାରଣଙ୍କୁ ସଚେତନ କରାଇଥିଲା । ଶୋଭାଯାତ୍ରାରେ ଡଃ.ପ୍ରଭାକର ସାହୁ, ହରପ୍ରସାଦ ସ୍ବାଇଁ, କୁମୁଦ ରଞ୍ଜନ ପାଢ଼ୀ, ଅନ୍ତର୍ଯ୍ୟାମୀ ପାତ୍ର, କରୁଣାକର ବାଡତ୍ୟା, କଳାକାର ପୃଷ୍ଟି, କୁଶ ମହାରଣା, ଆଲୋକ କୁମାର ନାୟକ, ରଞ୍ଜନ ସାହୁ, କୋରା ପ୍ରସାଦ, ଅରବିନ୍ଦ ପଣ୍ଡା, ଦେବାନନ୍ଦ ମହାପାତ୍ର, ମାଧବ ଗୌଡ, ପ୍ରିୟଦର୍ଶୀ ପଟ୍ଟନାୟକ, ଦ୍ବିତୀକୃଷ୍ଣ ସାବତ, ପ୍ରଭୁଦତ୍ତ ପାତ୍ର, ନୟନ ମଲ୍ଲିକ, ରାଧାଶ୍ୟାମ ସାହୁ, ଅଜିତ ନାୟକ, ଜାନକୀ ଦେବୀ, ଉର୍ମିଳା ପାତ୍ର, ଜୟନ୍ତୀ ପଣ୍ଡା ଆଦି ପ୍ରମୁଖ ବ୍ୟକ୍ତିବିଶେଷ ଯୋଗଦାନ କରିଥିଲେ । ଶୋଭାଯାତ୍ରା ସମୟରେ ଜନସାଧାରଣଙ୍କ ମନରେ ସିଏଏ ଏବଂ ଏନ୍ଆରସିକୁ ନେଇ ରହିଥିବା ଦ୍ବନ୍ଦକୁ ସମାଧାନ କରିବାର ପ୍ରୟାସ କରାଯାଇଥିଲା । ସହରର ବହୁ ସଚେତନ ଯୁବକ, ସ୍ବେଚ୍ଛାସେବୀ ଏବଂ ବୁଦ୍ଧିଜୀବୀ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଶୋଭାଯାତ୍ରା ପରେ ସ୍ଥାନୀୟ ତହସିଲଦାରଙ୍କ ନିକଟରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ସମର୍ଥନ ପତ୍ର ପ୍ରଦାନ କରିଥିଲେ ।
