କୃଷ୍ଣଚନ୍ଦ୍ର ସୁଆଁସିଆ
ଗଞ୍ଜାମ : ଗଞ୍ଜାମ ଜିଲ୍ଲାର ଧରାକୋଟ ବ୍ଳକର ମୁଣ୍ଡମରାଇର ସୋମନାଥ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ 27 ତମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ଆୟୋଜିତ ସଭାରେ ବିଦ୍ୟାଳୟର ଅଧ୍ୟକ୍ଷ ଶ୍ରୀ ଦିଗାମ୍ବର ବିଷୋୟୀ ଅଧ୍ଯକ୍ଷତା କରିବା ବେଳେ ଯୁକ୍ତଦୁଇ ପରିଷଦ ଉପସଚିବ ଡ.କୁଳମଣି ଓଝା ମୁଖ୍ୟ ଅତିଥି, ଧରାକୋଟ ବିଡିଓ ବିଭୁଧ ଗଡନାୟକ ମୁଖ୍ୟ ବକ୍ତା ଏବଂ ଧରାକୋଟ ତହସିଲଦାର କବିରାଜ ପ୍ରଧାନ, ଧରାକୋଟ ବ୍ଳକ ଅଧ୍ୟକ୍ଷା ରୀନା ଗୌଡ, ସମିତି ସଭ୍ୟା ସୁନିତା କୁମାରୀ ଗୌଡ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଉପସ୍ଥିତ ଛାତ୍ରଛାତ୍ରୀ ମାନେ ନିଜର ଚରିତ୍ର ଗଠନକୁ ଗୁରୁତ୍ବ ଦେଇ ସମାଜ, ଶିକ୍ଷାନୁଷ୍ଠାନର ସୁନାମକୁ ଦ୍ବିଗୁଣିତ କରିବା ଉପରେ ଅତିଥିଗଣ ଆଲୋକପାତ କରିଥିବା ସମୟରେ ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତାରେ ବିଜୟ ହୋଇଥିବା ଛାତ୍ରଛାତ୍ରୀଙ୍କୁ ଅତିଥି ମାନଙ୍କ ଉପସ୍ଥିତିରେ ପୁରସ୍କୃତ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକଶିକ୍ଷୟିତ୍ରୀଙ୍କ ସମେତ ବହୁ ଅଭିଭାବକ ସାମିଲ ହୋଇଥିଲେ।
