ରଞ୍ଜିତ ପଣ୍ଡା
କୁଜଙ୍ଗ: କୁଜଙ୍ଗ ବ୍ଲକ ଅନ୍ତର୍ଗତ ପାଟପୁର ପଂଚାୟତର ବାଲିପାରି ଠାରେ ମା ବୁଢ଼ୀ କେନ୍ଦୁଳାଇ ଯୁବ ପରିଷଦ ପକ୍ଷରୁ ୫୯ତମ ବାର୍ଷିକ କ୍ରୀଡା ପ୍ରତିଯୋଗିତା ଓ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ଜାନୁୟାରୀ ୨୬ରେ ଆୟୋଜିତ ଏହି ବାର୍ଷିକ କ୍ରୀଡା ପ୍ରତିଯୋଗିତାର ପୁରସ୍କାର ବିତରଣ ଉତ୍ସବ ଗତକାଲି ସନ୍ଧ୍ୟାରେ ଅନୁଷ୍ଠିତ ହୋଇଥିଲା । ପୂର୍ବତନ ପାଟପୁର ସରପଂଚ ସରୋଜ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଗଦେଇ ପାରାଦ୍ୱୀପ ବିଧାୟକ ସମ୍ବିତ ରାଉତରାୟ କ୍ରୀଡା ସହ ଗ୍ରାମର ସାଂସ୍କୃତି ଓ ଭାଇଚାରା ଉନ୍ନତି ପାଇଁ ଯୁବକ ମାନେ ବ୍ରତୀ ହେବାକୁ ଆହ୍ୱାନ କରିଥିଲେ। ମୁଖ୍ୟବକ୍ତାଭାବେ ସମାଜସେବୀ ତଥା ଯୁବବିଜେଡ଼ି ନେତା ଶୁଭ୍ରକାନ୍ତ ସାମନ୍ତରାୟ ସମସ୍ତ ଯୁବଶକ୍ତି କ୍ରୀଡ଼ା ସହିତ ସମାଜସେବାକୁ ମଧ୍ୟ ଆନ୍ତରିକତା ସହିତ ଆପଣେଇବାକୁ କହିଥିଲେ। ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟା ନମିତା ପରିଡା, ପୂର୍ବତନ ସରପଂଚ ବିଜୟ ଖଟେଇ ପ୍ରମୁଖ ଯୋଗଦେଇ ବକ୍ତବ୍ୟ ଦେଇଥିଲେ । ଏହି ଅବସରରେ ପୁଚି, ସାଇକେଲ୍ ରେସ୍, ଦୌଡିଡିଆଁ, ଦୌଡ, ଛଦ୍ମବେଶ, ଜିଲାପି ଡିଆଁ, ମ୍ୟୁଜିକ୍ ଚେୟାର ପ୍ରଭୃତି ପ୍ରତିଯୋଗିତାରେ କୃତୀତ୍ୱ ହାସଲ କରିଥିବା କୃତୀ ପ୍ରତିଭାଙ୍କୁ ମୁଖ୍ୟଅତିଥି ପୁରସ୍କୃତ କରିଥିଲେ। ଅୟସକାନ୍ତ ମହାପାତ୍ର, ମନମୋହନ ବିଶ୍ୱାଳ, ଅନୀଲ ସାମନ୍ତରାୟ, ସରୋଜ ବିଶ୍ୱାଳ, ରଶ୍ମିକାନ୍ତ ମହାପାତ୍ର, ଦିଲ୍ଲିପ ବସ୍ତିଆ ଓ ସୁଧିର ମହାପାତ୍ର ପ୍ରମୁଖଙ୍କ ସହ କ୍ଲବ୍ର ସମସ୍ତ ସଦସ୍ୟ କାର୍ଯ୍ୟକ୍ରମ ପରିଚାଳନା କରିଥିଲେ ।