ଭୁବନେଶ୍ବର: ଆଜି ଠାରୁ ଓଡିଶାର ପ୍ରିମିୟମ OTT ପ୍ଲାଟଫର୍ମ କଞ୍ଚା ଲଙ୍କା ବା Kanccha lannka ରେ ଓଡିଆ ଚଳଚିତ୍ର 2 ଚକୋଲେଟ୍ ଷ୍ଟ୍ରିମିଙ୍ଗ ଆରମ୍ଭ କରାଯାଇଅଛି । ଏହା ଏକ ନୂତନ ପଦକ୍ଷେପ ଯେଉଁଠି ବଡ ବଜେଟ୍ ର ପିଲ୍ମକୁ OTT ମାଧ୍ୟମରେ ସାରା ବିଶ୍ଵର ଦର୍ଶକମାନେ ଦେଖିପାରିବେ ।
ଓଡିଆ ଚଳଚ୍ଚିତ୍ର ଜଗତର ଅନେକ ସୁପରହିଟ୍ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିବା ସୁଶାନ୍ତ ମଣି 2 ଚକୋଲେଟ୍ ପରିକଳ୍ପନା ଓ ନିର୍ଦ୍ଦେଶନା ଦେଇଛନ୍ତି । ଚକଲେଟ୍ ଯେଉଁଭଳି ମିଠା ସେହିଭଳି କିଛି ମିଠା ମିଠା ସ୍ଵାଦକୁ ନେଇ ଏକ ପ୍ରେମ କାହାଣୀ ଜରିଆରେ ଭରପୁର ମନୋରଞ୍ଜନ ଦେବାପାଇଁ ଏହି ଚଳଚ୍ଚିତ୍ରରେ ଉଦ୍ୟମ କରାଯାଇଛି । ଦୁଇ ଜଣ ନବାଗତ କଳାକାର ଲୋହିତାକ୍ଷ ଏବଂ ସ୍ଵପ୍ନାଙ୍କ ସହିତ ଏହି ଚଳଚ୍ଚିତ୍ରରେ ଅଭିନୟ କରିଛନ୍ତି ନିତୁ ସିଂ ଏବଂ ମୁମ୍ବାଇର ପ୍ରତିଷ୍ଠିତ କଳାକାର ଚିତ୍ତ ତ୍ରିପାଠୀ ।
Kanccha lannka ଏକ ନୂଆ OTT ପ୍ଲାଟଫର୍ମ ଯେଉଁଠିରେ ଓଡିଆ ଦର୍ଶକମାନେ ତାଙ୍କ ମନମୁତାବକ ମନୋରଞ୍ଜନ କାର୍ଯ୍ୟକ୍ରମ ଦେଖୁଛନ୍ତି । ଏଥିରେ ବିଭିନ୍ନ କାହାଣୀ ଯଥା କ୍ରାଇମ, ଥ୍ରିଲର, ରୋମାଣ୍ଟିକ, କମେଡି ଇତ୍ୟାଦି ବିଭିନ୍ନ ନୂଆ ନୂଆ ଚଳଚ୍ଚିତ୍ର ଓ ୱେବସିରିଜ୍ ପ୍ରସାରଣ କରାଯାଉଅଛି । ଦର୍ଶକ ମାନେ ବିନା ବିଜ୍ଞାପନରେ ଏବଂ ଇଂରାଜୀ ସବଟାଇଟେଲ ସହିତ ଅଲଟ୍ରା HD କ୍ବାଲିଟିର କାର୍ଯ୍ୟକ୍ରମ ଦେଖିପାରିବେ । ସେଥିପାଇଁ ଦର୍ଶକମାନଙ୍କର ସୁବିଧା ହିସାବରେ ବାର୍ଷିକ ୩୪୯ଟଙ୍କା, ୬ ମାସ ପାଇଁ ୨୪୯ଟଙ୍କା ଏବଂ ତିନିମାସ ପାଇଁ ୧୪୯ଟଙ୍କା ଦେବାକୁ ପଡିବ ଏହି ଦେୟ ବିଭିନ୍ନ ଅନ୍ଲାଇନ୍ ପେମେଣ୍ଟ ମାଧ୍ୟମରେ କରାଯାଇ ପାରିବ
ଆଜି ଭୁବନେଶ୍ୱରର ଏକ ହୋଟେଲରେ ଚଳଚ୍ଚିତ୍ର 2 ଚକୋଲେଟ ର ପ୍ରମିୟର ସୋ ଅନୁଷ୍ଠିତ ହୋଇଥିଲା । ଏହି ଅବସରରେ Kanccha lannka ର ସହ ପ୍ରତିଷ୍ଠାତା ଏବଂ ଅଧ୍ୟକ୍ଷ ଶ୍ରୀ ଅକ୍ଷୟ କୁମାର ପରିଜା କହିଛନ୍ତି ଯେ, “ଆମର ପୂର୍ବ ପ୍ରତିଶୃତି ଅନୁସାରେ ଆମ Kanccha lannka ପ୍ଲାଟଫର୍ମରେ ଅନେକ ନୂଆ ଚଳଚ୍ଚିତ୍ର ଏବଂ ୱେବସିରିଜ୍ ଦେଇଅଛୁ 2 ଚକୋଲେଟ୍ ଭଳି ଚଳଚ୍ଚିତ୍ର ଆମ ଦର୍ଶକମାନଙ୍କୁ ଭରପୁର ମନୋରଞ୍ଜନ ଯୋଗାଇବ । ମୁଁ ଆଶା କରୁଛି ଯେ Kanccha lannka ଓଡିଆ ମନୋରଞ୍ଜନ କ୍ଷେତ୍ରରେ ଏକ ବୌପ୍ଳବିକ ପରିବର୍ତ୍ତନ ଆଣିବ ।”
ଏହି ଅବସରରେ ଚଳଚ୍ଚିତ୍ରର ନିର୍ଦ୍ଦେଶକ ଶୁଶାନ୍ତ ମଣି କହିଛନ୍ତି ଯେ 2 ଚକୋଲେଟ୍ ଦର୍ଶକମାନଙ୍କୁ ଭରପୁର ମନୋରଞ୍ଜନ ଦେବ ଏବଂ ଏହି ଚଳଚ୍ଚିତ୍ର ପ୍ରେମ କାହାଣୀର ସତେଜତା ଦର୍ଶକ ମାନଙ୍କ ମନକୁ ଛୁଇଁବ । ମୋର ଏହି ଚଳଚ୍ଚିତ୍ରକୁ ଦର୍ଶକ ମାନଙ୍କ ପାଖରେ ପହଞ୍ଚାଇ ଥିବାରୁ ମୁଁ OTT ପ୍ଲାଟଫର୍ମ Kanccha lannka କୁ ଧନ୍ୟବାଦ ଜଣାଉଛି ।