ଥାନା ମଧ୍ୟରେ ଜଣେ ଯୁବକଙ୍କୁ ଚାପୁଡା ମାରିବା ଅଭିଯୋଗରେ ତ୍ରିପୁରା କଂଗ୍ରେସ ମୁଖ୍ୟ ପ୍ରଦ୍ୟୋତ ଦେବ ବର୍ମନଙ୍କ ବିରୋଧରେ ମାମଲା ରୁଜୁ କରାଯାଇଛି। ପୂର୍ବ ତ୍ରିପୁରାର ସାଂସଦ ପ୍ରାର୍ଥୀ ତଥା ପ୍ରଦ୍ୟୋତଙ୍କ ଭଉଣୀ ପ୍ରଜ୍ଞା ଦେବ ବର୍ମନଙ୍କ ରାଲି ଉପରେ ଆକ୍ରମଣ ଘଟଣାରେ ଉକ୍ତ ଯୁବକଙ୍କୁ ଗିରଫ କରାଯାଇଥିଲା। ଯୁବକ ଜଣଙ୍କୁ କଂଗ୍ରେସ ମୁଖ୍ୟ ଥାନା ମଧ୍ୟରେ ଚାପୁଡା ମାରୁଥିବାର ଦୃଶ୍ୟ ସିସିଟିଭିରେ କଏଦ ହୋଇ ରହିଛି। ଏହି ଘଟଣା ନେଇ ତ୍ରିପୁରା ପୋଲିସ୍ ପକ୍ଷରୁ ଏକ ମାମଲା ରୁଜୁ କରାଯାଇଛି। ସୂଚନାଯୋଗ୍ୟ ଯେ, ଆଇନ ଶୃଙ୍ଖଳା ପରସ୍ଥିତି କାରଣରୁ ତ୍ରିପୁରାରେ ନିର୍ବାଚନ ୧୮ରୁ ୨୩ ତାରିଖକୁ ଘୁଞ୍ଚାଇ ଦିଆଯାଇଛି। ଏହି ଘଟଣାକୁ ନେଇ ଉଭୟ ରାଜନୈତିକ ଦଳ ପରସ୍ପରକୁ ଦୋଷାରୋପ କରୁଥିବା ବେଳେ ଏହା କଂଗ୍ରେସ ଏବଂ ସିପିଏମ୍ର ଚାଲ୍ ବୋଲି ବିଜେପି ନେତା ତଥା ଆଇନ ମନ୍ତ୍ରୀ ରତନ ଲାଲ ନାଥ କହିଛନ୍ତି।