ଭୁବନେଶ୍ବର: ଜୀ ସାର୍ଥକ ପୁଣି ଥରେ ନେଇ ଆସିଛି ପ୍ରତିଭା ପ୍ରଦର୍ଶନର ବଡ଼ ପ୍ଳାଟଫର୍ମ “ରଜ କୁଇନ୍ ୨୦୨୨- ଉତ୍ସବ ୧୦ ବର୍ଷର”। ଓଡ଼ିଶାର ସଂସ୍କୃତି ଓ ପରମ୍ପରାର ପର୍ବ ରଜକୁ ନେଇ ସୁପରହିଟ୍ ରିଆଲିଟି ସୋ’ “ରଜ କୁଇନ”ର ଅଡିସନ ଅପ୍ରେଲ ୩ ତାରିଖରୁ ରାଜ୍ୟର ବିଭିନ୍ନ ସହରରେ ଆରମ୍ଭ ହୋଇଯାଇଛି। ଓଡିଶା ଟେଲିଭିଜନ ଇତିହାସ ରେ ପ୍ରଥମ ରିୟଲିଟି ସୋ ଯାହା ଦୀର୍ଘ ୧୦ବର୍ଷ ଧରି ଚାଲିଆସିଛି ଓ ଦର୍ଶକମାନଙ୍କୁ ମନୋରଞ୍ଜନ ସହ ସର୍ବାଧିକ ପସନ୍ଦ ର ହୋଇ ଯାଇଛି। ଅଡିସନ୍ ରାଉଣ୍ଡରେ ତମନ୍ନା, ଦିବ୍ୟା, ସୂର୍ଯ୍ୟମୟୀ , ଶ୍ରୀତମ ଦାସ, ରାକେଶ, ରିଷି ଓ ହରିହରଙ୍କ ଭଳି ଓଲିଉଡର ସେଲିବ୍ରିଟି ମାନେ ଜଜ୍ ଭାବେ ଯୋଗ ଦେଇ ଶ୍ରେଷ୍ଠ ପ୍ରତିଯୋଗୀଙ୍କୁ ପରବର୍ତ୍ତୀ ଗାଲା ରାଉଣ୍ଡ ପାଇଁ ବାଛିବେ। ଏହି ସୋରେ ସାମିଲ ହେଉଥିବା ପ୍ରତିଯୋଗୀଙ୍କୁ ସବୁବେଳେ ମିଳିଥାଏ ସ୍ବତନ୍ତ୍ର ପରିଚୟ। ଏଥିରେ ସଫଳ ହେଉଥିବା ପ୍ରତିଯୋଗୀଙ୍କୁ ଗ୍ଲାମର ଇଣ୍ଡଷ୍ଟ୍ରିରେ ସୁଯୋଗ ମିଳିଥାଏ।
ଜୀ ସାର୍ଥକର ଚ୍ୟାନେଲ ମୁଖ୍ୟ ପ୍ରତୀକ ସିଲ୍ ଏହି କାର୍ଯ୍ୟକ୍ରମର ପ୍ରସାରଣ ପରିପ୍ରେକ୍ଷୀରେ କହିଛନ୍ତି ଯେ, ଜୀ ସାର୍ଥକ ତାର ଅଗଣିତ ଦର୍ଶକମାନଙ୍କ ପାଇଁ ସଦା ସର୍ବଦା ମନୋରଂଜନ ଭରା କାର୍ଯ୍ୟକ୍ରମ ପ୍ରସ୍ତୁତ କରି ଆସିଛି ଏବଂ ଏହି ପ୍ରୟାସକୁ ଜାରି ରଖି “ରଜ କୁଇନ ୨୦୨୨- ଉତ୍ସବ ୧୦ ବର୍ଷର” ପ୍ରସାରଣ କରିବାକୁ ଯାଉଛି। ଆଉ ଆଶା କରୁଛି ଯେ, ଏହି କାର୍ଯ୍ୟକ୍ରମ ଦର୍ଶକ ମାନଙ୍କ ମନକୁ ନିଶ୍ଚୟ ଛୁଇଁବ। ତେଣୁ ଅଡିସନରେ ଭାଗ ନିଅନ୍ତୁ ଓ ନିଜର ପ୍ରତିଭା ପ୍ରଦର୍ଶନ କରି ସ୍ଵତନ୍ତ୍ର ପରିଚୟ ସୃଷ୍ଟି କରନ୍ତୁ।
ମହାମାରୀ କୋରୋନା କଟକଣା କମିଲା ପରେ ନୂଆ ସମ୍ଭାବନାର ଆଶା ନେଇ ଜୀ ସାର୍ଥକ ଆରମ୍ଭ କରିଛି ଓଡିଶାର ସବୁଠାରୁ ଲୋକପ୍ରିୟ କାର୍ଯ୍ୟକ୍ରମ “ରଜ କୁଇନ ୨୦୨୨- ଉତ୍ସବ ୧୦ ବର୍ଷର”। ଅଡିସନ ରାଉଣ୍ଡରେ ପ୍ରତିଯୋଗୀଙ୍କ ପ୍ରତିଭା, ଦୂରଦୃଷ୍ଟି ଓ ସ୍ମାର୍ଟନେସ୍ ଉପରେ ଗୁରୁତ୍ବ ଦିଆଯାଇଥାଏ। ଅଡିସନ ପାଇଁ ପ୍ରତିଯୋଗୀଙ୍କ ବୟସ ସୀମା ରହିଛି ୫ରୁ ୨୫ ବର୍ଷ । ରଜ କୁଇନର ଅଡିସନରେ ଭାଗନେବା ପାଇଁ ଆଗେଇ ଆସନ୍ତୁ, ଲୁଚି ରହିଥିବା ନିଜ ପ୍ରତିଭା ଦେଖାନ୍ତୁ , ଆଉ ପିନ୍ଧନ୍ତୁ ରଜ କୁଇନ୍-୨୦୨୨ର ମୁକୁଟ। ଅଡିସନ୍ ରାଉଣ୍ଡର ପ୍ରସାରଣ ୧୮ ଏପ୍ରିଲରୁ ଆରମ୍ଭ ହେବ ପ୍ରତି ସୋମବାରରୁ ଶନିବାର ସନ୍ଧ୍ୟା ୫ଟାରେ।
ଚଳିତ ବର୍ଷ ରଜକୁଇନ୍ ର ଅଡିସନ୍ କେନ୍ଦ୍ରାପଡ଼ା ଓ ପୁରୀ ଏପ୍ରିଲ ୧୬,କଟକ ଓ ଜଗତସିଂହପୁର ଏପ୍ରିଲ ୧୭, ଭୁବନେଶ୍ୱର ଓ ବ୍ରହ୍ମପୁର ଏପ୍ରିଲ ୨୪, କେନ୍ଦୁଝର ଓ ସମ୍ବଲପୁର ଏପ୍ରିଲ ୩୦ ଏବଂ ଅନୁଗୁଳ ଓ ରାଉରକେଲା ମେ ୧ ତାରିଖ ରେ ଅନୁଷ୍ଠିତ ହେବ ବୋଲି ଜୀସାର୍ଥକ ପକ୍ଷରୁ କୁହାଯାଇଛି।
